Military Coup Myanmar

စစ်ကောင်စီဟာ သင်္ကြန်တွင်းလဲမရှောင် အညာဒေသအနှံအပြားကို ဗုံးကြဲတိုက်ခိုက်နေပါတယ်။ စစ်ကိုင်းတိုင်း ဒီပဲယင်းမြို့နယ်ထဲက ကြက်ခတ်ကျေးရွာဘုန်းကြီးကျောင်းမှာ အခါတွင်းကာလ တရားပွဲလုပ်နေချိန် ဗုံးကြဲချခဲ့လို့ ကိုရင်သုံးပါး အပါအဝင် ငါးဦး သေဆုံးပြီး ဒဏ်ရာရသူတချို့ရှိခဲ့တယ်။ အလားတူပဲ စစ်ကိုင်းတိုင်းထဲက ကောလင်း၊ ဝန်းသို၊ ကနီ၊...

၂၀၂၅ခုနှစ်ရဲ့သင်္ကြန်ချိန်ခါ ကျရောက်လို့လာပြန်ပါပြီ။သင်္ကြန်မတိုင်ခင်ထဲကရွာနေတဲ့ မိုးဟာ ဒီနေ့သင်္ကြန်အကြိုနေ့ထိ ရွာသွန်းနေဆဲပဲ။မတ်လ၂၈ရက်နေ့က လှုပ်ခတ်ခဲ့တဲ့စစ်ကိုင်းငလျင်ကြီးကြောင့် ဒီနှစ်သင်္ကြန်မှာတော့ မြို့တိုင်းမှာမဏ္ဠပ်တွေ ဆောက်လုပ်ခဲ့ခြင်းမရှိပါဘူး။လူတိုင်းနီးပါး အပူမိနေချိန်မှာ လူစိတ်ရှိတဲ့သူတိုင်း သင်္ကြန်ပျော်ဖို့စိတ်မဝင်စားတော့ပါဘူး။ဒီနှစ်ကစပြီး မြန်မာ့ရိုးရာသင်္ကြန်ပွဲတော်ဟာ ယူနက်စကိုဒြပ်မဲ့ယဥ်ကျေးမှုစာရင်းထဲ ဝင်ခဲ့တယ်။ဒါပေမယ့်မြန်မာတွေကတော့ သင်္ကြန်အရသာကို အပြည့်အဝမခံစားရတော့တာ ၂၀၂၀ခုနှစ်ကတည်းကပါ။အရင်တုန်းကစိတိလွတ်ကိုယ်လွတ် ပျော်ရွင်ခဲ့ရတဲ့အချိန်တွေကို ပြန်လည်တမ်းတမိတယ်။ဘယ်အချိန်မှ...

လားရှိုးမြို့မှာMNDAAက ဆုတ်ခွာပြီးစစ်ကောင်စီက ပြန်ထိန်းချုပ်မယ့်သတင်းကြောင့် မြို့ခံတွေစိုးရိမ်နေကြတယ်။စစ်ကောင်စီအုပ်ချုပ်ရေး ပြန်အသက်ဝင်လာရင်MNDAAနဲ့ ပူးပေါင်းအလုပ်လုပ်ခဲ့တဲ့ မြိုခံအများအပြား ဖမ်းဆီးခံရမှာပါ။ဒါ့အပြင်စစ်မှုထမ်းဖို့စု​ဆောင်းခံရမှာကိုလဲ စိုးရိမ်နေကြတယ်။ဒါပေမယ့်MNDAAလက်အောက်မှာ အလုပ်လုပ်ခဲ့တဲ့မြို့ခံအတော်များများကတော့ MNDAAနဲ့လိုက်သွားဖို့ အစီအ စဥ်မရှိကြပါဘူး။စစ်ကောင်စီဝင်လာရင်တော့ သူတို့ဟာမြို့ကို စွန့်ခွာကြရမှာပါ။လောလောဆယ်မှာတော့ လားရှိုးပြည်သူ့ဆေးရုံကြီးက ဆေးပစ္စည်းတွေကို MNDAAကသူတို့ထိန်းချုပ်ထားတဲ့ သိန္ဒီမြို့ဘက်ကိုရွေ့ပြောင်းနေတယ်။ဆေးရုံကြီးကိုလဲ ပိတ်လိုက်ပြီ။လားရှိုးမြို့ရဲ့အနာဂတ်ဟာ...

ငလျင်ဘေးကူညီကယ်ဆယ်ရေးဆောင်ရွက်နေတဲ့ မည်သည့်အဖွဲ့အစည်းမဆို ခွင့်ပြုချက်တင်ရမှာဖြစ်ပြီးသူတို့နဲ့ပူးပေါင်းလုပ်ဆောင်ရမယ်လို့ စစ်ကောင်စီက အမိန့်ထုတ်လိုက်ပါတယ်။ဒါဟာကူညီကယ်ဆယ်ရေးလုပ်ငန်းတွေကို ကန့်သတ်လိုက်တဲ့သဘောပါပဲ။ငလျင်ဘေးသင့်ပြည်သူတွေကို ဘာမှမလုပ်ပေးနိုင်တဲ့အပြင် ကူညီနေသူတွေကိုပါ အခုလိုကန့်သတ်လိုက်တာဟာ အတော်တရားလွန်ပါတယ်။ဒါ့အပြင်ပြည်ပကသတင်းထောက်တွေဝင်ရောက် သတင်းယူမှာစိုးလို့အလည်အပတ်ဗီဇာထုတ်ပေးမှုတွေကိုပါ ရပ်ဆိုင်းလိုက်တယ်။ပီးခဲ့တဲ့ရက်တွေက ဆိုရှယ်မီဒီယာတွေပေါ်မှာ အုတ်ပုံလေးတစ်ခုကို စစ်သား၁၀ယောက်ခန့်စိတ်မပါလက်မပါရှင်းနေတဲ့ဗီဒီယိုဖိုင်တွေ နိုင်ငံတကာအထိပြန့်နှံသွားပြီးနောက်ပိုင်းမှာ ဗီဇာတွေကိုပါကန့်သတ်လိုက်တာပါ။စစ်ကိုင်းငလျင်သတင်းတွေကို နိုင်ငံတကာက ကျယ်ကျယ်ပြန့်ပြန့်သိဖို့သတင်းထောက်တွေရဲ့ ကဏ္ဏဟာအရေးပါပါတယ်။သတင်းတွေသိမှာသာ...

အင်းတော်မြို့သိမ်းတိုက်ပွဲမှာ ဆုတ်ခွာထွက်ပြေးသွားတဲ့တပ်မ၇၇တပ်မမှုးနဲ့ အင်အား၁၃၀ခန့်ကို တော်လှန်ရေးတပ်ဖွဲ့တွေကကသာ မြို့နားမှာအရှင်ဖမ်းဆီးရမိပါတယ်။တပ်မ၇၇ဆိုတာ စစ်ကောင်စီရဲ့နာမည်အကြီးဆုံးတပ်မဖြစ်တယ်။အင်းတော်တိုက်ပွဲမှာ EAOတပ်တွေမပါပဲ NUGPDFစုပေါင်းအဖွဲ့တွေသာ ပူးပေါင်းတိုက်ခိုက်ခဲ့တာကြောင့် ထိုတပ်မမှုးဟာNUGက ပထမဆုံးဖမ်းဆီးရမိတဲ့တပ်မမှုးပါ။ မြို့ကိုလက်လွတ်ရပီးနောက် စစ်ကောင်စီဟာအင်းတော်မြို့အနီး ဝန်းသိုမြို့အနားကရွာတွေကို တိုက်ပွဲမရှိပဲ လေကြောင်းကဗုံးကြဲခဲ့လို့ ဒေသခံပြည်သူနှစ်ဆယ်ဦးခန့် သေဆုံးခဲ့ပါတယ်။ငလျင်ဘေးကာလအတွင်းနှစ်ဖက်စလုံးက အပစ်ရပ်ထားမယ်လို့ကြေညာထားပေမယ့် စစ်ကောင်စီဟာစစ်ရေးနဲ့အရပ်သားပစ်မှတ်တွေကို...

အင်းတော်မြို့ကိုသိမ်းပိုက်နိုင်ပြီး နောက်တစ်ရက်မှာပဲ ချင်းပြည်နယ်ကဖလမ်းမြို့ကို ထပ်မံသိမ်းပိုက်နိုင်ခဲ့ပါတယ်။ဖလမ်းမြို့ကိုလဲ လေးလကြာအောင် တိုက်ခိုက်ခဲ့ရတယ်။လေးလအတွင်းမှာ ချင်းတော်လှန်ရေးတပ်ဖွဲ့တွေဘက်က ကိုးဆယ်ကျော်ကျဆုံးခဲ့ရတယ်။ထိုမြို့ကိုရရှိလိုက်တာကြောင့် ချင်းပြည်နယ်မှာဟားခါး၊ထန်တလန်နဲ့တီးတိန်မြို့တွေကိုသာ စစ်ကောင်စီက ထိန်းချုပ်ထားနိုင်တော့ပြီး ချင်းပြည်နယ်တစ်ခုလုံးရဲ့၈၅ရာခိုင်နှုန်းအထိ ချင်းတော်လှန်ရေးတပ်ဖွဲ့တွေ ထိန်းချုပ်ထားနိုင်နေပါပြီ။ဆက်လက်ပြီး တီးတိန်မြို့ကို တိုက်ခိုက်သိမ်းပိုက်သွားမယ်လို့ ကြေညာထားတယ်။ချင်းတော်လှန်ရေးအင်အားစုတွေသာ နှစ်ဖွဲ့ကွဲမနေရင် ဒီထက်ပိုပြီးအောင်မြင်နိုင်ပါတယ်။

ကချင်ပြည်နယ်နဲ့စစ်ကိုင်းတိုင်းအစပ်က အင်းတော်မြို့ကို တော်လှန်ရေးတပ်ဖွဲ့တွေ အပြီးသတ်သိမ်းယူလိုက်နိုင်ပါပြီ။ထိုမြို့ကိုထိန်းချုပ်ထားပေမယ့်​ စစ်သူပုန်တွေဟာ မြို့ပြင်ကဒုတိယကမ္ဘာစစ်လက်ကျန် ဂျပန်လှိုင်ဂူမှာဆက်လက်ခုခံနေတဲ့အတွက် ၇လ ကျော်တိုက်ခိုက်ခဲ့ရတယ်။မန္တလေးမြစ်ကြီးနား ကားမလမ်းပေါ်မှာတည်ရှိနေတဲ့ အင်းတော်မြို့ကိုရလိုက်တဲ့အတွက် ကချင်ပြည်နယ်ထဲကိုကုန်းလမ်းကနေ ထောက်ပံပို့ဆောင်ရေးလုပ်ဖို့ စစ်ကောင်စီအနေနဲ့ခက်ခဲသွားမှာပါ။ဆက်လက်ပြီး ထီးချိုင့်မြို့ကိုသိမ်းပိုက်နိုင်ရင်တော့ ရှမ်းမြောက်နဲ့စစ်ကိုင်းတိုင်းအတွက် ဆက်သွယ်ရေးလမ်းကြောင်းပွင့်သွားမှာပါ။

ငလျင်ဘေးဒဏ်ခံနေရတဲ့ မန္တလေးနဲ့စစ်ကိုင်းမြို့မှာ အချိန်အခါမဟုတ်မိုးသည်းထန်စွာရွာသွန်းနေတာကြောင့် လမ်းဘေးမှာဖြစ်သလိုနေထိုင်နေရတဲ့ ပြည်သူတွေ အတိဒုက္ခရော​က်နေကြတယ်။အခုချိန်ထိစစ်ကောင်စီ ကယ်ဆယ်ရေးစခန်းဆိုပြီး ဆောက်ပေးတာ​မျိုးမတွေ့ရသေးပါဘူး။နိုင်ငံတကာက လာရောက်ကူညီပေးတဲ့ကယ်ဆယ်ရေးစခန်းတချို့နဲ့ ပြည်သူအချင်းချင်းသာကူညီနေကြရတယ်။နိုင်ငံတကာကရတဲ့အလှူငွေဆိုတာကလဲ တခြားနိုင်ငံတွေရခဲ့တဲ့အလှူငွေနဲ့ယှဉ်ရင် ဆယ်ပုံတစ်ပုံတောင်မရှိပါဘူး။အခုချိန်ထိ ဒေါ်လာသန်း၁၃၀ခန့်သာ ရပါသေးတယ်။ထိုငွေတွေထဲက တဝက်လောက်က ကုလသမဂ္ဂနဲ့INGO တွေကတဆင့်လှုဒါန်းကြတာဖြစ်တယ်။စစ်ကောင်စီကို တိုက်ရိုက်လှူရင်ပြည်သူတွေလက်ထဲရောက်မှာမဟုတ်တာကို နိုင်ငံတကာကလဲသိနေကြပြီလေ။အကူအညီတွေလိုသလောက်မရတာကြောင့် စစ်ကောင်စီလက်အောက်က...

တကယ်တော့လားရှိုးမြို့က MNDAAဆုတ်ခွာပေးရတာ တရုတ်ရဲ့ကြီးမားတဲ့ ဖိအားတွေကြောင့်ပါ။အခုလိုဆုတ်ခွာမပေးရင် တရုတ်ကMNDAAကိုအဖက်ဖက်က ပြန်လည်ပိတ်ဆိို့မှာဖြစ်ပြီး စစ်ကောင်စီကလဲမြို့ကို လေကြောင်းကဗုံးကြဲဖျက်စီးပါလိမ့်မယ်။အခုလိုမြန်မာပြည်ထဲက မြို့ကြီးတစ်မြို့ကို ဘယ်သူအုပ်ချုပ်ပါဆိုပြီးကြားဝင်စွက်ဖက်နေတာဟာ မြန်မာပြည်ရဲ့အချုပ်အခြာအာဏာကို ပေါ်ပေါ်ထင်ထင်ထိပါးနေတာပါပဲ။ လားရှိုးမြို့ကိစ္စမှာMNDAAရော စစ်ကောင်စီပါနှစ်ဖက်လုံး အမြတ်မထွက်ပါဘူး။အသက်သွေးချွေးမြောက်မြားစွာရင်းပြီး တိုက်ခိုက်ခဲ့ပြီးမှစွန့်လွတ်လိုက်ရတဲ့အတွက်MNDAAအတွက် အမြတ်မထွက်သလိုလားရှိုးမြို့ပေါ် ကွက်ကွက်လေးကိုပဲ တရုတ်ရဲ့အကူအညီနဲ့ထိန်းချုပ်ခွင့်ရခြင်းဟာ နိုင်ငံရေးနဲ့စစ်ရေးအရဆိုရင်...

လားရှိုးမြို့ကိုMNDAAက ဆုတ်ခွာပြီးစစ်ကောင်စီ ပြန်ဝင်လာမယ့် သတင်းကအတည်ဖြစ်သွားပါပြီ။ဒီလ၂၁ရက်နေ့နောက်ဆုံးထားပြီး ဆုတ်ခွာမှာဖြစ်တယ်။MNDAAဟာ မြို့ပေါ်ကဆုတ်ခွာမှာဖြစ်ပေမယ့် မြို့ပတ်ပတ်လည်မှာ ဆက်လက်တပ်စွဲထားမှာဖြစ်တယ်။စစ်ကောင်စီဘက်က သေနတ်တစ်ချက်ပေါက်တာနဲ့ မြို့ထဲပြန်ဝင်လာမယ်လို့သိရတယ်။မြို့ပေါ်မှာလဲ MNDAAဆက်ဆံရေးရုံးတစ်ခု ဖွင့်ထားမယ်လို့ဆိုတယ်။မြို့ကိုဘယ်လိုအုပ်ချုပ်သွားမလဲဆိုတာကိုတော့ ရှင်းရှင်းလင်းလင်းမသိရသေးပါဘူး။ဘယ်လိုပဲဖြစ်ဖြစ် လားရှိုးမြို့ကိုပြန်ပေးလိုက်ရတဲ့အတွက် တော်လှန်ရေးကို သက်ရောက်မှုတွေ ရှိလာတော့မှာပါ။