Military Coup Myanmar

အကြမ်းဖက်စစ်ခေါင်းဆောင်မင်းအောင်လှိုင်ဟာ တရုတ်နိုင်ငံကူမင်းမြို့ကိုမဲခေါင်မြစ်ဝှမ်းနိုင်ငံများ အစည်းအဝေးတက်ဖို့ထွက်ခွာသွားပါပြီ။အာဆီယံထိပ်သီးအစည်းအဝေးတွေကိုတောင် တက်ရောက်ခွင့်မရခဲ့တဲ့မင်းအောင်လှိုင်ကိုတရုတ်က သူ့နိုင်ငံမှာအိမ်ရှင်အဖြစ်ပြုလုပ်​တဲ့ပွဲကို တက်ရောက်ခွင့်ပြုပြီးလူရာစသွင်းလာပါတယ်။မင်းအောင်လှိုင်အတွက်တော့ ဒေသတွင်းမှာပထမဆုံးတက်ရောက်ခွင့်ရတဲ့ ပွဲတစ်ခုဖြစ်လာတယ်။ဒါပေမယ့်ဒီပွဲကိုနိုင်ငံတော်အဆင့်အဖြစ် ဖိတ်ကြားတာမဟုတ်ဘူးလို့တရုတ်ကအကြောင်းပြန်ထားကြောင့် NUGကပြောပါတယ်။ဘာပဲဖြစ်ဖြစ်စစ်ခေါင်းဆောင်မင်းအောင်လှိုင် လူရာဝင်လာတာဟာတော်လှန်ရေး​အတွက် သိပ်တော့မကောင်းပါဘူး။ဒီလိုတွေဆက်ဖြစ်လာရင် စစ်ကောင်စီဟာနိုင်ငံရေးအရတရားဝင်မှုတွေ တဖြည်းဖြည်းနဲ့ရရှိသွားမှာဖြစ်ပါတယ်။

စစ်ကိုင်းတိုင်းအထက်ပိုင်း တော်လှန်ရေးတပ်ဖွဲ့တွေသိမ်းပိုက်ထားတဲ့ ပင်လည်ဘူးမြို့အနီးကအင်းတော်မြို့မှာ မြို့သိမ်းတိုက်ပွဲတွေပြန်လည်ဖြစ်ပွားနေပါတယ်။အင်းတော်မြို့မှာ ပြီးခဲ့တဲ့လတစ်လုံးတိုက်ပွဲတွေငြိမ်သက်နေရာက အခုပြန်လည်ပြင်းထန်လာတာပါ။စစ်အုပ်စုဟာ ထိုမြို့ကနောက်ဆုံးခံစစ်စခန်းဖြစ်တဲ့ ဂျပန်လှိုင်ဂူကနေပြီးဆက်လက်ခုခံနေပါတယ်။အရင်ကထိုစခန်းထဲမှာ ပြည်သူ၃၀၀ကျော်ကိုဓားစာခံအဖြစ်ဖမ်းဆီးထားပြီး အခုတော့အတော်များများ ထွက်ပြေးလွတ်မြောက်ကုန်ပြီလို့သိရတယ်။ထိုစခန်းကိုရရင် အင်းတော်မြို့ကိုရမှာဖြစ်ပါတယ်။ ပြင်ဦးလွင်နဲ့နောင်ချိုအစပ်မှာလဲ စစ်ကောင်စီကသွေးတိုးစမ်းပြီးTLNAကိုထိုးစစ်တွေပြန်စနေပါတယ်။တောင်ခမ်းဒေသကိုလဲ အင်အားအများအပြားဖြည့်တင်းထားတယ်။ထိုဒေသမှာတော့စစ်ကောင်စီကတန်ပြန်ထိုးစစ်တွေ လုပ်လာနိုင်တဲ့အခြေအနေတွေရှိနေတယ်။  

မြေပြန့်ဒေသမှာစစ်ကောင်စီကိုထိုးစစ်တွေစတင်ဖို့အသံတွေကျယ်လောင်လာနေစဥ်မှာပဲစစ်ကိုင်းတိုင်းဘုတလင်မြို့နယ်မှာတော့ပြီးခဲ့တဲ့လကပြည်သူတွေကိုရက်ရက်စက်စက်သတ်ဖြတ်သွားတဲ့စစ်သူပုန်တွေဟာအင်အားတိုးပြီးရွာတွေကိုစစ်ကြောင်းပြန်ထိုးနေပါတယ်။ထိုစစ်ကြောင်းဟာဘုတလင်မြို့နယ်ထဲကရွာတွေကိုပြီးခဲ့တဲ့လကထင်တိုင်းကြဲသတ်ဖြတ်မီးရှု့သောင်းကျန်းခဲ့အပြီးမှာမုံရွာကနေလေကြောင်းမှအင်အားတိုးပြီးထပ်မံစစ်ကြောင်းထိုးလာတာဖြစ်ပါတယ်။ဒါကြောင့်ထိုဒေသကပြည်သူသောင်းကျော်နေရပ်မပြန်ရသေးပဲဘေးလွတ်ရာကိုထွက်ပြေးနေရတယ်။ထိုစစ်ကြောင်းဟာဒေသခံပြည်သူ၅၀ကျော်ကိုဓားစာခံအဖြစ်ဖမ်းဆီးထားပြီးလူသားဒိုင်းလုပ်ထားတာကြောင့်တော်လှန်ရေးအဖွဲ့တွေအနေနဲ့တားဆီးတိုက်ခိုက်ဖို့ခက်ခဲနေပါတယ်။ စစ်​ကိုင်းတိုင်းမှာအခုချိန်ထိတော်လှန်ရေးအင်အားစုတွေပြန့်ကြဲနေပြီးNUGလက်အောက်မဝင်သေးတဲ့အဖွဲ့တွေအများအပြားကျန်နေသေးတယ်။ထိုအဖွဲ့တွေကိုမစုစည်းနိုင်သ၍စစ်ကိုင်းတိုင်းဟာစစ်သူပုန်တွေလုပ်သမျှခံနေရဦးမှာပဲ။

မဇ္ဈိမ။ ။မကွေးတိုင်း၊ မြိုင်မြို့နယ်၊ မန်ကျည်းလေးပင်ကျေးရွာအနီးရှိ စစ်ရှောင်စခန်းကို စစ်ကောင်စီတပ် က Mi 35 ရဟတ်ယာဉ်ဖြင့်ပစ်ခတ်တိုက်ခိုက်ခဲ့၍ အရပ်သားငါးဦးနှင့်ကာကွယ်ရေးတပ်ဖွဲ့ဝင်နှစ်ဦး ထိခိုက် ဒဏ်ရာရရှိခဲ့ကြောင်း မြိုင်မြို့နယ်ပြည်သူ့ကာကွယ်ရေးတပ်ဖွဲ့ထံမှ သိရသည်။ ယနေ့(နိုဝင်ဘာလ ၂ ရက်)နံနက် ၉ နာရီဝန်းကျင်တွင်...

စစ်ကိုင်းတိုင်း၊ ကန့်ဘလူမြို့နယ်တွင် ပြီးခဲ့သည့်ရက်ပိုင်းအတွင်း ရွာများကို  လိုက်လံမီးရှို့နေသည့် စစ်ကောင်စီစစ်ကြောင်းက ဒေသခံ ၃၇ ဦးကို ဖမ်းထားပြီး  ယနေ့  (နိုဝင်ဘာ ၁) တွင်လည်း  ကျေးရွာတစ်ရွာကို မီးရှို့နေကြောင်း ဒေသခံများထံက သိရသည်။ ထိုလက်နက်ကိုင် အင်အား...

မြန်မာနိုင်ငံအတွင်း လူ ၄ ယောက်မှာ ၁ ယောက်နှုန်းနဲ့ စုစုပေါင်းလူဦးရေ ၁၃ ဒသမ ၃ သန်းဟာ စားနပ်ရိက္ခာအခက်အခဲ ကြုံနေကြရပြီး အဲဒီထဲကမှ လူဦးရေ ၂ ဒသမ ၇ သန်းဟာ စားနပ်ရိက္ခာအခက်အခဲ...

သုံးသပ်ချက်များး   တရုတ်ရဲ့ဖိအားကို ဘယ်လိုကျော်လွားကြမလဲ   တရုတ်ရဲ့ ဖိအားဟာ အခု အစပျိုးလာရုံပဲရှိနေအုံးမယ်လို့ EROs တွေ သဘောပေါက်နေတဲ့ပုံ ဖြစ်ပါလိမ့် မယ်။နောက်ထပ်လာနိုင်ချေတွေ အများကြီး ရှိအုံးမယ်လို့ သုံးသပ်ထားပုံ ရပါတယ်။ရင်ဆိုင်ဖို့လည်း ပြင်ဆင်နေပြီ ထင်ရပါတယ်။တရုတ်...

BPLAအဖွဲ့အညာဒေသမှာ အခြေချမယ့်ကိစ္စတော်လှန်ရေးအင်အားစုတွေကြား နှစ်ဖွဲ့ကွဲနေပါတယ်။BPLAဟာNUGလက်အောက်မဝင်ပဲ သီးခြားရပ်တည်သွားမယ်လို့ ပြောထားတာနဲ့ပက်သတ်ပြီးပြသာနာဖြစ်နေတယ်။ဗမာပြည်မမှာNUGကလွဲပြီး အခြားတော်လှန်ရေးအင်အားစုတွေမရှိသင့်ဘူးဆိုတဲ့တစ်ဖွဲ့နဲ့၊ဘယ်သူလာလာဘုံရန်သူဖြစ်တဲ့စစ်ကောင်စီကို တိုက်ဖို့အရေးကြီးတယ်ဆိုတဲ့တဖွဲ့ သဘောထားကွဲလွဲနေတယ်။ဒီကိစ္စနဲ့ပက်သတ်ပြီးNUGဘက်ကတော့ ဘာမှမှတ်ချက်မပေးသေးပါဘူး။NUGကာကွယ်ရေးဝန်ကြီးနဲ့​BPLAခေါင်းဆောင်တို့ နှစ်ဦးကြားရင်းနှီးတဲ့ဆက်ဆံရေးတစ်ခုရှိတယ်လို့လဲသိရတယ်။လက်ရှိအခြေအနေမှာတော့ ဖက်စစ်စစ်တပ်အနားမရရေးသာ အဓိကဖြစ်တယ်လို့ယူဆမိတယ်။

ရှမ်းမြောက်မှာတိုက်ပွဲဝင်နေတဲ့ဗမာတော်လှန်ရေးအင်အားစုတစ်ခုဖြစ်တဲ့BPLAတပ်ဖွဲ့ဟာမြန်မာပြည်မထဲပြန်ဝင်လာတော့မယ်လို့ကြေညာလိုက်ပါတယ်။ထိုတပ်ဖွဲ့ဟာကဗျာဆရာမောင်ဆောင်းခဦးဆောင်ပြီးအင်အားထောင်ချီရှိတယ်။ရှမ်းမြောက်ကတိုက်ပွဲတွေမှာMNDAAအောက်ကနေပြီးပါဝင်တိုက်ခိုက်ခဲ့ပြီးစစ်ရေးအတွေ့အကြုံအများအပြားရရှိခဲ့တယ်။အခုMNDAAကထိုးစစ်တွေရပ်နားထားတဲ့အတွက်ပြည်မကိုပြန်ဆင်းလာတာပါ။ BPLAတပ်ဖွဲ့ရဲ့အင်အားနဲ့စစ်ရေးအတွေ့အကြုံတွေအရစစ်ကိုင်းအပါအဝင်ပြည်မကတော်လှန်ရေးတပ်ဖွဲ့တွေကိုအထောက်အကူတစ်ခုတော့ဖြစ်စေမှာပါ။လက်ရှိရှမ်းမြောက်မှာတိုက်ပွဲတွေရပ်ထားနေရချိန်စစ်ကောင်စီကိုအနားမပေးဖို့ပြည်မအညာဒေသမှာစစ်ရေးလှုပ်ရှားမှုတွေရှိဖို့လိုလာနေချိန်နဲ့ကွက်တိပါပဲ။

နယ်စပ်ဂိတ်တွေပိတ်ဆို့ခံထားရတာကြောင့်ရှမ်းမြောက်ကတော်လှန်ရေးအဖွဲ့တွေထိန်းချုပ်ထားတဲ့​မြို့အများစုမှာကုန်ပစ္စည်းတွေစတင်ပြတ်လတ်လာပါပြီ။အဓိကကုန်စည်တွေဖြစ်တဲ့လူသုံးကုန်၊စားသောက်ကုန်၊ဆေးဝါးတွေကအစပြတ်လတ်လာတာပါ။အဆိုးရွားဆုံးကတော့စက်သုံးဆီပါပဲ။စက်သုံးဆီပြတ်လတ်မှုကြောင့်လုပ်ငန်းတွေအတော်များများလဲရပ်ဆိုင်းကုန်တယ်။ ထိုဒေသတွေကိုမြောက်ဘက်မှာတရုတ်နှင့်တောင်ဘက်မှာစစ်ကောင်စီတို့ကနှစ်ဘက်ညှပ်ပြီးပိတ်ဆို့ထားတယ်။အရှေ့ဘက်ကဝဒေသနဲ့ကုန်သွယ်မှုကိုလဲတရုတ်ကတင်းကျပ်စွာတား​မြစ်ထားတာကြောင့်ကုန်သွယ်မှုလမ်းကြောင်းတွေအကုန်ပိတ်နေတာပါ။ ထိုကိစ္စကိုဖြေရှင်းဖို့တော်လှန်ရေးအင်အားစုတွေအနေနဲ့အမြန်ဆုံးနည်းလမ်းရှာသင့်တယ်။ပြည်သူတွေကတော့တတ်နိုင်သလောက်တောင့်ခံရမှာပဲ။မဟုတ်ရင်စစ်ကောင်စီနဲ့တရုတ်ကိုဒူးထောက်ရလိမ့်မယ်။