အာဏာသိမ်း ဒိုင်ယာရီ

အောင်ပင်လယ်မှာအောင်ပွဲရခဲ့တယ်။ အောင်ပင်လယ်ဆိုတာရန်ကုန်က လှိုင်သာယာလိုမန္တလေးအရှေ့ဘက်ဆင်ခြေဖုံးမြို့နယ်လေးတစ်ခုပါ။ ဒီတော်လှန်ရေးမှာနေ့စဥ်တက်ကြွစွာပါဝင်လှုပ်ရှားနေတဲ့နေရာတစ်ခုပေါ့။ ဒါကြောင့်စစ်သူပုန်တွေဟာ အောင်ပင်လယ်ကိုအငြိုးကြီးစွာဖြိုခွင်းဖို့ကြိုးစားခဲ့တယ်။ ဒီနေ့နေ့ခင်းလောက်မှာစစ်သူပုန်တွေဟာအောင်ပင်လယ်လမ်းမတွေပေါ်က အတားအဆီးတွေကိုဖျက် ဆီးဖို့စလုပ်တယ်။ မြို့နေလူထုကလက်မခံတော့ထိတွေ့မှုတွေဖြစ်ပွားလာတယ်။ ရရာလက်နက်စွဲ ကိုင်ပီးညီညီညာညာတွန်းလှန်ကြတဲ့အတွက်တိုက်ပွဲပုံစံဖြစ်လာခဲ့တယ်။ တစ်နေ့လုံးနှစ်ဖက်ထိတွေ့မှု တွေဖြစ်ပွားခဲ့ပြီးညနေပိုင်းမှာစစ်သူပုန်တွေပြန်ဆုတ်ခွာရတယ်။ တိုက်ပွဲဟာမပြီးဆုံးသေးပဲညပိုင်းမှာစစ်သူပုန်တွေဟာအင်အားအလုံးအရင်းနဲ့ထပ်ရောက်လာတယ်။ မြို့ခံတွေကလည်း ပတ်ဝန်းကျင်ကိုအမှောင်ချပြီးနယ်မြေကျွမ်းကျင်မှုကို အသာစီးယူကာပြန်လည် ခုခံကြတယ်။ စစ်သူပုန်တွေဟာ...

Federal Army!! ဒီကာလမှာဒီအသုံးအနှုန်းကိုလူပြောများနေကြတယ်။ ဟုတ်ပါတယ်..အကြမ်းဖက်စစ်ကောင်စီကိုစစ်ရေးနည်းလမ်းနဲ့ဖြုတ်ချမှရမယ့်အခြေအနေမှာ ပြည်သူလူထုနဲ့အနီးစပ်ဆုံးကတိုင်းရင်းသားလက်နက်ကိုင်တွေနဲ့ဖွဲ့စည်းထားတဲ့ Federal Army ပါ။ CRPH ကလဲဒါကိုသိလို့အမြန်ဆုံးအကောင်အထည်ပေါ်လာအောင်ကြိုးစားနေပါတယ်။ သတင်းထုတ်ပြန်ချက်တွေအရလုပ်ငန်းစဥ်တွေရဲ့၈၀ ရာခိုင်နှုန်းအောင်မြင်နေပြီလို့သိရတယ်။ တိုင်းရင်းသားလက်ကိုင်ပေါင်းစုံကိုအချိန်တိုတိုအတွင်းစည်းရုံးစုစည်းနိုင်ဖို့ဆိုတာတကယ်တော့မလွယ်ပါဘူး။ ဒါပေမယ့် အဲ့ဒါအတွက်အချိန်ယူနေလို့လဲမရပြန်ဘူး။ မြေပြင်ကလူထုဟာပွဲပန်းစပြုလာနေပြီ။ နောက်တချက်က US လေယာဥ်တင်သဘော်အုပ်စုဟာမြန်မာပြည်နားရောက်နေပါပြီ။ သူတို့လုပ်မယ့်စစ်ရေးလေ့ကျင့်မှုကာလအတွင်းမှာ...

နိုင်ငံတကာရေးရာမှာတော့တိုးတက်မှုတွေရှိလာပါပြီ။ R2P စောင့်ကြည့်ရေးအဖွဲ့ကသူတို့ရဲ့အဆင့်သတ်မှတ်ချက်မှာတခြားနိုင်ငံတွေကျော်ပြီးမြန်မာကိုအဆင့် ၁ နေရာတင်လိုက်ပါတယ်။ အမေရိကန်လေယာဥ်တင်သင်္ဘောအုပ်စုတစ်ခုဟာမြန်မာပြည်ဘက်ကိုရွှေ့လျားလာနေပါပြီ။ အမေရိကန်နဲ့အတူသူတို့ရဲ့မဟာမိတ်အဖွဲ့ဖြစ်တဲ့ QUAD အဖွဲ့ဟာလေးနိုင်ငံပေါင်းစစ်ရေလေ့ကျင့်မှုကိုဘဂ်လားပယ်လယ်အော်မှာလုပ်ဖို့ရှိတယ်လို့ သတင်းဌာနတွေကဆိုပါတယ်။ တခြားရည်ရွယ်ချက်တွေလဲရှိကောင်းရှိနိုင်တယ်ပေါ့။ ပြည်တွင်းမှာတော့စစ်တပ်ရဲ့ပစ်ခတ်မှုတွေကြောင့် ရှမ်းပြည်နယ်၊အောင်ပန်းမြို့မှာတနေ့ထဲအနည်းဆုံး၇ဦးခန့်ကျဆုံးခဲ့ပါတယ်။ အောင်ပန်းလိုအေးချမ်းတဲ့မြို့သေးသေးလေးကိုအဲ့လောက်ထိအင်အားသုံးဖြိုခွင်းတာဘယ်လိုမှလက်ခံနိုင်စရာမရှိပါဘူး။

ဒီနေ့မှာလည်း စစ်သူပုန်တွေဟာ ရန်ကုန်တစ် မြို့လုံးမှာပိတ်ဆို့ထားတဲ့အတားအဆီးတွေကိုဖယ်ရှားဖို့ အသည်းအသန်ကြိုးစားနေတာကို တွေ့ရပါတယ်။ ဆန္ဒပြပွဲတွေကိုလည်းဖြိုခွင်းနေပေမယ့်လူငယ်တွေကခုခံနေကြလို့အခက်တွေ့နေပုံရပါတယ်။ လူငယ်တွေရဲ့ဆန္ဒပြပုံစံဟာနောက်တစ်ဆင့်တက်လာပေမယ့် စစ်သူပုန်တွေရဲ့အင်အားအလွန်အကျွံသုံးအကြမ်းဖက်မှုတွေကြောင့်ရေရှည်တောင့်ခံနိုင်ဖို့သိပ်မလွယ်ကူပါ။ ဒီအချိန်ဟာလူငယ်လူကြီးမရွေးညီညီညာညာတော်လှန်ခုခံရမယ့်အချိန်ရောက်နေပါပြီ။ တချို့လူကြီးတွေကတော့ခြိမ်းခြောက်မှုမျိုးစုံကြောင့်နောက်တွန့်နေတာကိုတွေ့ရပါတယ်။ နိုင်ငံတဝန်းမှာတော့ဆန္ဒပြပွဲတွေဟာဆက်လက်အားကောင်းနေဆဲပါ။

မြန်မာပြည်ရဲ့အဓိကမြို့ကြီးတွေဖြစ်တဲ့ ရန်ကုန်နဲ့မန္တလေးကလမ်းမကြီးတွေဟာစစ်မြေပြင်နီးနီးဖြစ်နေပါပြီ။ စစ်ကောင်စီရဲ့အကြမ်းဖက်မှုတွေကိုတားဆီးဖို့အတွက်၊ သပိတ်စစ်​ကြောင်းတွေရဲ့လုံခြုံရေးအတွက် ပြည်သူလူထုဟာလမ်းမကြီးတွေကအစ လမ်းသွယ်လေးတွေပါမချန်ရရာပစ္စည်းတွေနဲ့တားဆီးပိတ်ဆို့နေရပါတယ်။ စစ်သူပုန်အဖွဲ့ဟာလည်းနေရာအနှံမှာထိုအတားအဆီးတွေကိုဖျက်ဆီးဖို့ကြိုးစားကြပါတယ်။ လူထုနဲ့ထိပ်တိုက်တွေ့ရင်ပစ်ခတ်ဖြိုခွင်းပါတယ်။ လူထုကလဲအတားအဆီးတွေကိုခံပြီးရရာလက်နက်နဲ့ပြန်ခုခံကြပါတယ်။ လှိုင်သာယာအဝင်ဘုရင့်နောင်လမ်းဆုံမှာဆို တနေကုန်နီးပါးတိုက်ခိုက်ခံနေရတာပါ။ တမြို့လုံးလဲ မီးခိုးလုံးတွေ၊ ယမ်းနံတွေ၊ ညှော်နံတွေဖုန်းလွှမ်းနေပါပြီ။ တချို့နေရာတွေမှာဆို စစ်သူပုန်တွေဟာအတားအဆီးတွေကိုဖယ်ခိုင်းဖို့အတွက်လမ်းသွားလမ်းလာယောက်ျားလေးတွေကိုအတင်းအဓ္ဓမပေါ်တာဆွဲခိုင်းစေမှုတွေရှိလာပါတယ်။ အတားအဆီးတွေမဖယ်ပေးရင်ရပ်ကွက်ကိုပါမြေလှန်ပစ်ခတ်မယ်ဆိုပြီးခြိမ်းခြောက်လာနေပါပြီ။ ဒီပုံစံတိုင်းဆက်ဖြစ်နေမယ်ဆိုရင်ပြည်သူလူထုဟာကိုယ့်အိမ်ထဲမှာနေတာတောင်မလုံခြုံတဲ့ဘဝရောက်ရှိနေပါတယ်။ ဒါပေမယ့်လဲတဖက်ကပြန်ကြည့်မယ်ဆိုရင်...

ဒီနေ့တော့လေငြိမ်နေတယ်။ Mobile Internet တွေဖြတ်ထားလို့လား။ ဒါမှမဟုတ် မုန်တိုင်းမလာခင် လေငြိမ်ခြင်းမျိုးလား။ လူမှုကွန်ယက်တွေမှာတော့သတင်းတွေသိသိသာသာကျဲသွားတယ်။ ပြည်တွင်းအခြေစိုက်သတင်းဌာနတွေ အကုန်ပိတ်ခံရတယ်လေ။ ပုဂ္ဂလိက သတင်းစာတွေလဲမထွက်  နိုင်တော့ဘူး။ နောက်ဆုံးကျန်တဲ့ Print Media ဖြစ်တဲ့ စံတော်ချိန်သတင်းစာတောင်  မနက်ဖြန်ကစနားပြီတဲ့။ နိုင်ငံတကာသတင်းတွေမှာတော့...

အာဏာသိမ်းပြီးနောက်တစ်နိုင်ငံလုံးမှာအကျအဆုံးအများဆုံးနေ့အဖြစ် မနေ့ကမှတ်တမ်းဝင်သွားခဲ့ ပါတယ်။ စုစုပေါင်း ၆၀ ဦးထပ်မနည်းကျဆုံးခဲ့တယ်။ လှိုင်သာယာက တော့အများဆုံးပေါ့။ သို့ပေမယ့်လည်း အာဏာသိမ်းစစ်ကောင်စီဟာအကြမ်းဖက်မှုတွေ ဆက်လက်ကျူးလွန်ဖို့ဒီနေ့မှာမိုဘိုင်း အင်တာနက်လိုင်းတွေကိုဖြတ်တောက်လာခဲ့ပါတယ်။ မြေပြင်ကသတင်းတွေကိုအမှောင်ချဖို့အတွက်ပါ။ မြို့ကြီးတွေမှာ တခြား wifi network တွေရှိလို့ပြသာနာသိပ်မရှိပေမယ့် နယ်မြို့လေးတွေက မိုဘိုင်းအင်တာနက်လိုင်းကိုပဲအားကိုးနေရတာပါ။...

မနေ့ကမန္တလေးကိုအကြီးအကျယ်ဖြိုခွင်းပြီးနောက်တော့ ဒီနေ့ရန်ကုန်မှာသွေးချောင်းထပ်စီးခဲ့ပါတယ်။ ရန်ကုန်တိုင်း၊ လှိုင်သာယာမြို့နယ်မှာပါ။ လှိုင်သာယာဟာလူဦးရေများပြီးမြို့ကွက်ကကြီးမားကျယ် ပြန့်တော့စစ်ခွေးတွေဟာလှိုင်သာယာသပိတ်ကိုဖြိုခွဲဖို့ရက်ပေါင်းများစွာအချိန်ယူခဲ့ရပါတယ်။ ဒီနေ့မှာတော့ အောင်ဇေယျကြိုးတံတားဘက်ကနေ အင်အားအလုံးအရင်းနဲ့စတင်ဖြိုခွဲပါတော့တယ်။ ဒါပေမဲ့သပိတ်ဟာတော်တော်နဲ့ပြိုကွဲမသွားခဲ့ပါဘူး။ အထိခိုက်အကျဆုံးတွေတော့ရှိခဲ့ပါတယ်။ တစ်ချိန် တည်းမှာပဲ လှိုင်သာယာနဲ့ထိစပ်နေတဲ့ အင်းစိန်၊ ရွှေပြည်သာစတဲ့မြို့နယ်တွေက သပိတ်စစ်ကြောင်း တွေထွက်လာခဲ့ပါတယ်။ လှိုင်သာယာကို စစ်တပ်ကစစ်ကူတွေမရောက်အောင်လမ်းတွေပိတ်ပေးကြတယ်။...

ဒီနေ့ မန္တလေးကို အဖိခံရဆုံးဖြစ်နေတယ်။ မန္တလေးမှာ လူအသေအပျောက်များတယ်။ မန္တလေးအပြင် “ပြည်” မြို့ကိုပါဖိတယ်။ လူအသေများတယ်။ ပြည်က ကောင်လေးတစ်ယောက်ဆို မေးစေ့ပွင့်ထွက်သွား တယ်။ မန္တလေးမှာ ဗိုက်ကြီးသည်တစ်ယောက်သေသွားတယ်။ သူတို့တင်မဟုတ်ဘူး။ အခြားသေဆုံးသူ တွေအများကြီးပဲ။ ဒီစာရေးတဲ့အချိန်အထိ သေဆုံးသူအရေအတွက်အတိအကျမသိရသေးဘူး။...

ဟိုနေ့ကစမ်းချောင်းကိုစစ်သူပုန်တွေပိတ်ဆို့တဲ့ညမှာ ရန်ကုန်တစ်မြို့လုံးကလူတွေ လမ်းပေါ်ထွက်ပြီး စမ်းချောင်းကိုဝန်းရံခဲ့ကြတယ်။ အဲ့ဒီကိစ္စပြီတဲ့နောက်ကျွန်တော်တို့တစ် တွေအမြတ်ထွက်လာတာက တစ် နိုင်ငံလုံးမှာညသပိတ်တွေပေါ်လာတာပဲ။ ဒီနေ့ညမှာလည်းတစ်မြို့လုံးနီးပါးညသပိတ်တွေဆင်နွဲကြတယ်။ တစ်နိုင်ငံလုံးကတခြားမြို့တွေပါအပါအဝင်ပေါ့။ နေ့ဘက်မှာလဲ ဆန္ဒပြပွဲတွေနေရာအနှံဖြစ်ပွားနေဆဲပါပဲ။