အာဏာသိမ်း ဒိုင်ယာရီ

မြဝတီမြို့ကစစ်ကူပေးဖို့ ချီတက်လာတဲ့စစ်တပ်စစ်ကြောင်းဟာ ခန့်မှန်းထားသလိုပဲ ကော့ကရိတ်မြို့ကို မကျော်နိုင်သေးပဲဒေါနတောင်ခြေမှာတင် ရှေ့မဆက်နိုင်ပဲဖြစ်နေတယ်။ တော်လှန်ရေးပူးပေါင်းအဖွဲ့တွေက မြေပြန့်လွင်ပြင်ဒေသဖြစ်တဲ့ ကော့ကရိတ်မြို့ကဆုတ်ခွာပေးလိုက်ပြီး ဒေါနတောင်ခြေကနေ ပိတ်ဆို့တိုက်ခိုက်နေတာကြောင့် အဆိုပါစစ်ကြောင်းဟာ အကျအဆုံးများစွာနဲ့ ရင်ဆိုင်နေရတယ်။ ထိုနေရာမှာ ရပ်တန့်နေတာ တပတ်ခန့်ရှိနေပြီဖြစ်ပြီး ဒီရက်ပိုင်းတိုက်ပွဲတွေမှာ စစ်သူပုန်တစ်ရာကျော်ခန့် ထိခိုက်သေဆုံးမှုရှိတယ်လို့...

မြန်မာလူမျိုးတို့ရဲ့ မဟာသင်္ကြန်ကာလကြီးကတော့ ပြီးဆုံးခဲ့ပါပြီ။ ဒီနှစ်ကတော့ တော်လှန်သင်္ကြန်အဖြစ် သပိတ်မမှောက်နိုင်ကြတော့ပါဘူး။ စစ်ကောင်စီထိန်းချုပ်ထားတဲ့ မြို့ကြီးတွေအားလုံးမှာ လူတွေအများအပြားသင်္ကြန်ပွဲကို ဆင်နွှဲခဲ့ကြတယ်။ ရန်ကုန်မှာဆိုရင် မြို့တော်ခန်းမပတ်ဝန်းကျင်နဲ့ ပြည်သူ့ရင်ပြင်မှာ၊ မန္တလေးမှာဆိုရင်တော့ ကျုံးဘေးနဲ့မင်္ဂလာမန္တလေးဘက်မှာ ခြိမ့်ခြိမ့်သဲသဲပါပဲ။ မန္တလေးမှာဆိုရင် အကျနေ့မနက်က ကျုံးဘေးမှာဗုံးပေါက်ပြီး ပြည်သူတချို့ထိခိုက်မှုတွေရှိခဲ့တယ်။...

သင်္ကြန်ကာလအတွင်းမှာလဲ နိုင်ငံတဝန်း စစ်ကောင်စီလက်အောက်ခံတပ်‌တွေ ဆက်တိုက်ဆိုသလို လက်နက်ချနေပါတယ်။ ဒီရက်ပိုင်းတနင်္သာရီတိုင်း၊ ထားဝယ်မြို့က တပ်ရင်းတစ်ခုလုံး KNUထံ လက်နက်ချခဲ့ တယ်လို့သိရတယ်။ အင်အား၁၀၀ကျော်ခန့်ရှိပြီး လက်နက်ချသွားတဲ့ တပ်ဖွဲ့ဝင်တွေရဲ့ မိသားစုတွေကို စစ်ကောင်စီကဖမ်းဆီးထားတယ်။ ထိုတပ်ရင်းဟာ တိုက်ပွဲတွေသိပ်ဖြစ်လေ့မရှိတဲ့ တနင်္သာရီတိုင်းမှာ ပထမဆုံးလက်နက်ချတဲ့တပ်ရင်းဖြစ်လာတယ်။...

မနေ့ညက စစ်တပ်ရဲ့တပ်မြို့ဖြစ်တဲ့ မန္တလေးတိုင်း၊ ပြင်ဦးလွင်မြို့ကို ရှော့တိုက်ဒုံးတွေနဲ့ တော်လှန်ရေးအဖွဲ့တွေက တိုက်ခိုက်ခဲ့တယ်။ စစ်တက္ကသိုလ်တွေ တည်ရှိရာနေရာတွေကို အဓိကဦးတည်ပြီး ရှော့တိုက်ဒုံး၃၀ကျော်နဲ့ တိုက်ခိုက်ခဲ့တာပါ။ အကြမ်းဖက်စစ်ခေါင်းဆောင် မင်းအောင်လှိုင်ဟာ သင်္ကြန်ပွဲဆင်နွဲဖို့ပြင်ဦးလွင်ကို‌ ရောက်ရှိနေတယ်လို့ သတင်းရထားတာလဲ ပါတာပေါ့။ ဒါပေမယ့်မင်းအောင်လှိုင်ဟာ မနေ့ကမနက်ကတည်းက...

မြဝတီမြို့ဆီ ချီတက်လာနေတဲ့ စစ်ကောင်စီစစ်‌ကြောင်းဟာ လက်နက်ကြီးတွေ၊ လေကြောင်းပစ်ကူတွေ အလွန်အကျွံသုံးပြီး တက်လာတဲ့အတွက် တော်လှန်ရေးပူး‌ပေါင်းအဖွဲ့တွေ အနေနဲ့ကော့ကရိတ်မြို့ အရှေ့ဘက်အထိဆုတ်ခွာပေးလိုက်ရတယ်။ ထိုစစ်ကြောင်းရောက်မလာခင်က တော်လှန်ရေးအဖွဲ့တွေဟာ ကော့ကရိတ်မြို့ရဲ့ ၇၀ ရာခိုင်နှုန်းခန့်ကို ထိန်းချုပ်ထားနိုင်ခဲ့တာပါ။ ထိုသို့ထိန်းချုပ်နိုင်ဖို့‌ လေးလကျော်ကြာ အချိန်ယူတိုက်ခိုက်ခဲ့ရတယ်။ အခုတော့လက်နက်အင်အား...

မြဝတီကို စစ်ကူလွတ်လိုက်တဲ့စစ်ကြောင်းကို ဒုတိယစစ်‌ခေါင်းဆောင်စိုးဝင်း ကိုယ်တိုင်ကွပ်ကဲနေတယ် လို့သိရတယ်။ ဖြစ်ချင်တော့စိုးဝင်းရောက်ရှိနေတဲ့ မွန်ပြည်နယ်မော်လမြိုင်မြို့က အရှေ့တောင်တိုင်း စစ်ဌာနချုပ်ကို တော်လှန်ရေးအဖွဲ့‌တွေက ဧပြီလ၉ရက်နေ့မှာ ကာမီကာဇိုင်းဒရုန်းတွေနဲ့ တိုက်ခိုက် ခဲ့တာကြောင့် စစ်ကောင်စီတပ်ဖွဲ့ဝင်တွေ ၃၀ ကျော်ထိခိုက်သေဆုံးမှုရှိခဲ့တယ်။ စိုးဝင်းနှင့် အပေါင်းအပါတွေ အစည်းအဝေးလုပ်နေသည့်...

မြဝတီမြို့ကမြို့စောင့်တပ်ဖြစ်တဲ့ ခလရ ၂၇၅ ကို ဒီနေ့မနက်လေးနာရီခွဲခန့်မှာ အပြီးသတ် သိမ်းပိုက်နိုင် ခဲ့ပြီး လက်နက်ခဲယမ်းအမြောက်အများ သိမ်းဆည်းရမိတယ်လို့ KNUက သတင်းထုတ်ပြန် လိုက်ပါတယ်။ ထိုတပ်စခန်းကိုသိမ်းပိုက်နိုင်ဖို့ KNUနဲ့ပူးပေါင်းအဖွဲ့တွေဟာ ဧပြီလ ၉ ရက်နေ့ကတည်းက စတင်ထိုးစစ်ဆင် ခဲ့တာပါ။...

ကရင်ပြည်နယ်၊မြဝတီမြို့ရဲ့အခြေအနေကတော့စိတ်ဝင်စားစရာကောင်းနေပါပြီ။ စစ်ကောင်စီဟာ ဒီနှစ်ထဲမှာပဲ တနိုင်ငံလုံးမှာ နယ်စပ်ကုန်သွယ်ရေးအချက်ချာမြို့‌တွေ တစ်ခုပြီးတစ်ခု လက်လွတ်နေရတယ်။ ပထမဆုံးရှမ်းမြောက်မှာ တရုတ်နဲ့ကုန်သွယ်တဲ့ မူဆယ်နဲ့ချင်းရွှေဟော်မြို့တွေ၊ ချင်းပြည်နယ်အိန္ဒိယနယ်စပ်ကရိခေါဒါမြို့၊ ပြီးတော့ကချင်ပြည်နယ်မှာလွယ်ဂျယ်မြို့၊ အခုမြဝတီမြို့တို့ ဖြစ်တယ်။ တော်လှန်ရေးအဖွဲ့တွေ အရင်ကရရှိခဲ့တဲ့နယ်စပ်ကုန်သွယ်ရေးမြို့‌တွေကို သက်ဆိုင်ရာ တော်လှန်ရေးအဖွဲ့တွေရဲ့ပါးနပ်မှုကြောင့် မပျက်မစီးပဲအကောင်းအတိုင်းနီးပါးရရှိခဲ့တယ်။ စစ်ကောင်စီဟာ...

မြဝတီမြို့အနီးမှာရှိတဲ့ စစ်ကောင်စီရဲ့ နောက်ဆုံးလက်ကျန်မြို့စောင့်တပ်ဖြစ်တဲ့ ခလရ-၂၇၅ကို KNUကဒီနေ့မှာ စတင်တိုက်ခိုက်နေပြီး စစ်ကောင်စီကလေယာဉ်တွေနဲ့ အဆက်မပြတ် ဗုံးကြဲတိုက်ခိုက်ခုခံနေတယ်။ ဗုံးကြဲမှုကြောင့် မြဝတီမြို့ပေါ်က ရပ်ကွက်တွေကနေအိမ်တွေနဲ့ အဝေးပြေးကားဝင်းက အ‌ဆောက်အအုံတွေ မီးလောင်ပျက်စီးကုန်တယ်။ စစ်တပ်နဲ့KNUပူးပေါင်းတပ်တွေကြား တိုက်ပွဲတွေပြင်းထန်နေချိန်မှာပဲ စစ်ကောင်စီနဲ့ အရင်က မဟာမိတ်ဖြစ်ခဲ့တဲ့...

မြဝတီမြို့တဖက်ခြမ်းထိုင်းနိုင်မဲ‌ဆောက်မြို့‌လေယာဉ်ကွင်းမှာသုံးရက်ဆက်တိုက်အထူးလေယာဉ်တွေဆင်းသက်ခွင့်‌ပေးဖို့တောင်းဆိုခဲ့ပေမယ့်လဲမနေ့ညကလေယာဉ်တစ်စီးဆင်းသက်အပြီးမှာတော့နောက်ရက်‌ေတွေအတွက်လေယာဉ်ခရီးစဉ်တွေကစစ်ကောင်စီအကြောင်းပြချက်မရှိဖျက်သိမ်းခဲ့ပါတယ်။ထိုလေယာဉ်တွေဟာလက်နက်ချခဲ့တဲ့စစ်ကောင်စီတပ်သားတွေကိုလာရောက်ခေါ်ယူတာဆိုပေမယ့်ခေါ်မသွားနိုင်ခဲ့ဘူး။လက်က်နက်ချစစ်သားတွေကိုထိန်းသိမ်းထားတဲ့KNUကထုတ်မပေးခဲ့ဘူး။KNUကထုတ်မပေးခဲ့ဘူးဆိုတာထပ်လက်နက်ချခဲ့သူတွေကိုယ်တိုင်ကစစ်ကောင်စီလက်ထဲပြန်မသွားချင်ကြတော့ဘူးလို့သိရတယ်။လက်နက်ချစစ်သားတွေထဲမှာရှမ်းမြောက်လောက်ကိုင်မှာလက်နက်ချသူတွေပါဝင်နေတယ်လို့သိရတယ်။သူတို့ကတော့နှစ်ထပ်ကွမ်းလက်နက်ချသူတွေပေါ့။သူတို့ဘက်ကကြည့်မယ်ဆိုရင်လဲစစ်မတိုက်ချင်လို့လက်နက်ချပါတယ်ဆိုစစ်ကောင်စီလက်ထဲပြန်ရောက်သွားလိုက်၊ရှေ့တန်းပြန်ရောက်လာလိုက်၊ရှေ့တန်းမှာလက်နက်ချလိုက်နဲ့လည်နေတယ်။သူတို့အနေနဲ့လဲစစ်ကောင်စီလက်ထဲပြန်သွားချင်ကြမှာမဟုတ်တော့ဘူး။ KNUဘက်ကတော့စစ်သုံ့ပန်းတွေရဲ့ဆန္ဒမပါပဲစစ်ကောင်စီထံပြန်မလွှဲပေးဘူးလို့ပြောထားတယ်။ထိုစစ်သုံ့ပန်း၆၀၀ကျော်ကိုလဲလုံခြုံတဲ့‌နေရာမှာထိန်းသိမ်းထားတယ်လို့ဆိုတယ်။ဒီနေရာမှာထိုင်းအစိုးရကKNUကိုတစုံတရာဖိအားပေးပေမယ့်KNUကလက်မခံခဲ့ဘူးလို့သိရတယ်။စစ်ကောင်စီအတွက်တော့ထိုင်းနယ်စပ်စစ်မျက်နှာမှာအကြီးအကျယ်အရှက်ရစေတဲ့ပွဲတစ်ခုပါပဲ။