အာဏာသိမ်း ဒိုင်ယာရီ

မြိုင်နယ် အနောက်တောင်ပိုင်း ရေနံမှော်တွေထဲက PDF မင်္ဂလာဆောင်ကို စစ်အုပ်စုက ဂျက်ဖိုက်တာနဲ့ပေါင် ၅၀၀ ဗုံးကြဲချတိုက်ခိုက်ခဲ့လို့ ထိခိုက်သေဆုံး‌မှုများပြားပြီး ပြည်သူတွေရွှေ့ပြောင်းထွက်ပြေးနေရပါတယ်။ မင်္ဂလာ​ဆောင်ကိုလာရောက်သူ ၁၀ဦးကျော် သေဆုံးပြီး ၂၀ ကျော်ဒဏ်ရာရသွားတယ်။ စစ်အုပ်စုက ပထမအကြိမ် ဗုံးကြဲတိုက်ခိုက်ပြီးနောက် ဒုတိယအကြိမ် ...

ချင်းတော်လှန်ရေးအင်အားစု နှစ်ခုဖြစ်သည့်ချင်းပြည်(Chinland)ကောင်စီ နှင့် ကြားကာလချင်းအမျိုးသားအတိုင်ပင်ခံကောင်စီ (ICNCC) တို့အကြား ကောင်စီနှစ်ခုကို ပေါင်းစည်းပြီး ချင်းအမျိုးသားကောင်စီဟုခေါ်တွင်ရန် သဘောတူညီကြောင်း ပူးတွဲထုတ်ပြန်လာပါတယ်။ ချင်းပြည်အတွင်းရှိ ပြည်သူများအတွက် ကောင်စီနှစ်ရပ်ရှိနေခြင်းကို မဖြစ်သင့်ကြောင်းနှစ်ဖက် လက်ခံယုံကြည်ပြီး ယခုကဲ့သို့ ကောင်စီသစ်တစ်ရပ်အဖြစ်ပေါင်းစည်းရန် သဘောတူခဲ့ကြတယ်။ ချင်းအမျိုးသားကောင်စီ...

မကွေးတိုင်း မြိုင်မြို့နယ်နဲ့ ပေါက်မြို့နယ်အစပ်က PDF တွေသိမ်းပိုက်ထားတဲ့ ရေ​နံမှောင်တွေကို စစ်အုပ်စုက နေ့စဥ်နီးပါးဗုံး ကြဲတိုက်ခိုက်နေပါတယ်။ ပြီးခဲ့တဲ့ ရက်ပိုင်းအတွင်းက မြိုင်နယ်အနောက်ပိုင်း ရေနံမှော်တွေမှာ တော်လှန်ရေးတပ်ဖွဲ့တွေက ရေနံတူးဖော်‌တာတွေ၊ ကေတီဗီနဲ့ အနှိပ်ခန်းဖွင့်လှစ်တာတွေ ရှိထားတယ် အကြောင်းအချက်တွေပါဝင်တဲ့ သတင်းဆောင်းပါးတစ်ခုကို...

တရုတ်ရေနက်ဆိပ်ကမ်းနဲ့ သဘာဝဓာတ်ငွေ့ပိုက်လိုင်းအစပြုရာကျောက်ဖြူမြို့ကို အေအေတပ်တော်ကစတင်တိုက်ခိုက်နေပြီဖြစ်ပါတယ်။ကျောက်ဖြူမြို့မှာစစ်ကောင်စီရဲ့ ဓညဝတီရေတပ်စခန်းဌာနချုပ်လဲ တည်ရှိနေပါတယ်။တရုတ်ရဲ့ရင်းနှီးမြုပ်နှံမှုတွေရှိနေတာကြောင့် အေအေကတိုက်ခိုက်မှာမဟုတ်ဘူးလို့ ထင်ရပေမယ့် အခုထိုးစစ်စတင်လာတာပါ။ပြီးခဲ့တဲ့အပတ်ကလဲ အေအေကမြို့တော်စစ်တွေကို စတင်တိုက်ခိုက်ခဲ့ပါသေးတယ်။ဒါ့ကြောင့်ရခိုင်ပြည်နယ်မှာ တိုက်ပွဲမဖြစ်တဲ့မြို့မရှိတော့ပါဘူး။ကျောက်ဖြူနဲ့စစ်တွေကိုလဲ ဘယ်လိုဗျူဟာတွေသုံးပြီးအေအေက သိမ်းပိုက်နိုင်မလဲဆိုတာ စိတ်ဝင်စားစရာပဲ။

အဓ္ဓမစစ်မှုထမ်းဥပဒေအရဆင့်ခေါ်ခြင်းခံရတဲ့သူ ထွက်ပြေးနေရင်ကျန်တဲ့မိသားစုထဲက တစ်ယောက်စစ်မှုထမ်းရမယ်လို့ဆိုပါလာပါတယ်။ဒါမှမဟုတ်မိသားစုကို အရေးယူပါမယ်တဲ့။ပြည်ပမှာရှိနေတဲ့သူတွေကိုပါ ဆင့်ခေါ်မှာပါ။ဘယ်လိုမှပြေးလို့မလွတ်နိုင်အောင် အကွက်ကျကျစစ်ကောင်စီက စီမံနေပါတယ်။အခုလောလောဆယ်တော့ပြည်တွင်းကလူငယ်တွေလွတ်ရာ​ကျွတ်ရာ ရှောင်တိမ်းလို့ရနေဆဲပဲ။ ပြည်ပထွက်သွားပြီးအလုပ်လုပ်နေတဲ့လူငယ်တွေလဲ ပြည်တွင်းကိုအလည်ပြန်လာလို့မရတော့ပါဘူး။ပြန်လာရင် ပြန်ထွက်ခွင့်မပေးတော့ပါဘူး။ဒါ့ကြောင့်သူတို့တွေအတွက် မိသားစုနဲ့ပြန်စုံဖို့အခွင့်အရေးမရှိတော့ဘူးပေါ့။ကြားရတာတွေကတော့ စိတ်ဆင်းရဲစရာတွေချည်းပါပဲ။    

NUGရဲ့လက်အောက်ခံတပ်ရင်းတွေ ခွဲထွက်နေတာ၄ခုလောက်ရှိနေပါပြီ။ကရင်ပြည်နယ်မှာတစ်ခု၊ ရှမ်းတောင်မှာတစ်ခုနဲ့ အညာဒေသမှာနှစ်ခုပါ။ခွဲထွက်ရတဲ့အဓိကအကြောင်းရင်းတွေက လက်နက်လုံလောက်စွာတပ်ဆင်မပေးနိုင်ခြင်းနဲ့ ၊တပ်တွေရွေ့ပြောင်းမှုတွေမလုပ်ချင်ကြလို့ဟုသိရတယ်။တနိုင်ငံလုံးကလက်အောက်ခံတပ်ရင်းတွေကို NUGဟာအခုချိန်ထိလက်နက်လုံလောက်စွာ တပ်ဆင်ပေးနိုင်ခြင်းမရှိသေးပါဘူး။တပ်ရင်းပေါင်းနှစ်ရာကျော်ရှိနေတဲ့အတွက် အခက်အခဲဖြစ်နေဆဲပဲ။ဒါ့ကြောင့်အချို့တပ်ရင်းတွေ ခွဲထွက်ကုန်ကြတယ်။ဒါ့အပြင်အခုချိန်မှာ တိုင်းရင်းသားဒေသတွေကတပ်ရင်းတွေကို ပြည်မဒေသတွေကိုရွှေ့နေတယ်လို့သိရတယ်။ဒီအချိန်မှာမလိုက်ချင်တဲ့ တပ်ရင်းတစ်ချို့က တိုင်းရင်းသားလက်နက်ကိုင်တချို့နဲ့ ဆက်လက်တွဲချင်တာကြောင့်NUGနဲ့လမ်းခွဲကြတယ်။ ဘယ်လိုအကြောင်းပြချက်နဲ့ပဲဖြစ်ပါစေ NUGကခွဲထွက်သွားတဲ့တပ်တွေ ဒီထပ်များလာရင်တော့သိပ်မကောင်းပါဘူး။ပြည်မဒေသတော်လှန်ရေးကို အနည်းနဲ့အများထိခိုက်စေမှာပါ။  

နိုင်ငံတကာအဖွဲ့အစည်းတစ်ခုရဲ့ထုတ်ပြန်ချက်အရ မြန်မာနိုင်ငံဟာအာရှမှာတတိယ အဆင်းရဲဆုံးနိုင်ငံဖြစ်သွားပါပြီ။အပေါ်မှာနီပေါနဲ့အာဖဂန်နစ္စတန် နှစ်နိုင်ငံသာကျန်ပါတော့တယ်။အရှေ့တောင်အာရှမှာတော့အဆင်းရဲဆုံးနဲ့ ဒုက္ခသည်အများဆုံးနိုင်ငံတစ်ခုပေါ့။အရင်တုန်းက ကိုယ့်နောက်မှာရှိခဲ့တဲ့လာအိုနဲ့ကန်ဘောဒီးယားအပြင် အခုလောလောလတ်လတ်အရှေ့တီမောနိုင်ငံကပါ ကိုယ်တွေထက်ချမ်းသာနေပါပြီ။အာရှမှာဖွံ့ဖြိုးတိုးတက်ဖို့အလားအလာအရှိဆုံးနိုင်ငံကနေ အခုလိုအဆင့်ရောက်သွားတာမင်းအောင်လှိုင်ရဲ့ကျေးဇူးတွေပေါ့။နောက်တစ်နှစ်လောက်နေရင်လဲ နီပေါကကျော်တက်သွားဦးမှာပါ။မြန်မာပြည်ကတော့လက်ရှိအ​ခြေအနေကနေ ရုန်းထွက်နိုင်ဖို့အနည်းဆုံးနောက်သုံးနှစ်လောက်အထိ လမ်းမမြင်ပါဘူး။ဆီးရီးယားလိုပြည်တွင်းစစ် ဆယ်နှစ်လောက်ကြာအောင်မဖြစ်ဖို့ဆုတောင်းရမှာပဲ။        

ကချင်ပြည်နယ်၊ ဗန်းမော်မြို့ စစ်ဆင်ရေးကွပ်ကဲမှုဌာနချုပ်(စကခ-၂၁) အနီးရှိ တပ်ရင်းတစ်ခုကို ကချင်လွတ်လပ်ရေးတပ်မတော်(KIA)ပူးပေါင်းတပ်က ထပ်မံတိုက်ခိုက် သိမ်းပိုက်နိုင်ခဲ့ပါတယ်။ တိုက်ပွဲအတွင်း စစ်ကောင်စီဘက်မှ ဖမ်းမိခဲ့သည့် စစ်သုံ့ပန်း ၇၀ကျော်ရှိတယ်လို့ သိရတယ်။ ထိုတပ်ရင်းကိုဘသိမ်းပိုက်ပြီးနောက် ဆုတ်ခွာလမ်းကြောင်းတွေကိုပါ ပိတ်ဆို့လိုက်နိုင်တာကြောင့် အခုလိုအရေအတွက်များများ ဖမ်းမိခဲ့ခြင်းဖြစ်တယ်။ ဗန်းမော်လေဆိပ်ကိုလဲ...

တော်လှန်အနုပညာရှင်သရုပ်ဆောင်တစ်ယောက်ဖြစ်တဲ့ပိုင်ဖြိုးသုရဲ့ အကယ်ဒမီရုပ်ထုကိုကံစမ်းမဲဖောက်ပေးပြီးအလှူခံခဲ့ရမှာ ဒေါ်လာသုံးသိန်းနီးပါးရရှိခဲ့ပါတယ်။ထိုကမ်ပိန်းကိုစစ်ကောင်စီရဲ့ အကယ်ဒမီပေးပွဲနဲ့အပြိုင်ပြုလုပ်ခဲ့ခြင်းဖြစ်တယ်။လှူရမယ့်ငွေပမာဏကို တိတိကျကျသတ်မှတ်မထားတာကြောင့် ပြည်သူအတော်များများလှူဖြစ်မှာပါ။စစ်ကောင်စီဆင်ဆာအောက်ကမြန်မာကားတွေကိုတော့ မကြည့်ဖြစ်တာကြာပီမို့ ဘယ်သူတွေအကယ်ဒမီရမှန်း​လဲမသိတော့ပါဘူး။ရရှိတဲ့အလှူငွေတွေအားလုံးကို စစ်ဘေးရှောင်ပြည်သူတွေအတွက်လှူဒါန်းသွားမယ်လို့သိရတယ်။  

စစ်ကောင်စီနဲ့TLNAတို့​​​တွေ့ဆုံမှုဟာ ဘာသဘောတူညီချက်မှမရပဲပြီးဆုံးသွားတယ်။တရုတ်ရဲ့အတင်းအကြပ်ဖိအားပေးမှုကြောင့် ဖြစ်ပေါ်လာတဲ့ ေတွ့ဆုံပွဲဟာအောင်မြင်မှာမဟုတ်ပါဘူး။စစ်ကောင်စီကလဲလေကြောင်းတိုက်ခိုက်မှုတွေဆက်တိုက်ပြုလုပ်နေတယ်လေ။ TLNAဘက်ကနှစ်ဖက်တပ်တွေရောက်တဲ့နေရာမှာ အပစ်ရပ်ရန်၊လေကြောင်းတိုက်ခိုက်မှုတွေရပ်ရန်၊စစ်ကောင်စီက ပိတ်ထားတဲ့ကုန်သွယ်ရေးလမ်းကြောင်းတွေ ဖွင့်ပေးရန်စတဲ့အချက်သုံးချက်တောင်းဆိုခဲ့တယ်လို့သိရတယ်။စစ်ကောင်စီဘက်ကတောင်းဆိုချက်တွေကိုတော့ မသိရပါဘူး။ဆွေးနွေးပွဲမအောင်မြင်တာကြောင့် စစ်ကောင်စီကလေကြောင်းခြိမ်းခြောက်ပိုမိုများလာနိုင်ခြေရှိပါတယ်။သူတို့အားသာတာလေကြောင်းတစ်ခုပဲရှိတယ်လေ။