Military Coup Myanmar

ရန်ကုန်ရှိ မြို့နယ်အချို့မှာယခုရက်ပိုင်းအတွင်း စစ်​ကောင်စီတပ်က လူငယ်များကို အ​ကြောင်းမျိုးစုံပြဖမ်းဆီး မှုများပိုလုပ်လာ​နေတယ်။။ဖြစ်စဉ်တချို့မှာ စစ်​ကောင်စီတပ်၊ရဲ နှင့် စစ်​ကောင်စီအုပ်ချုပ်​ရေးမှူး အဖွဲ့များက ဖမ်းဆီးပြီးငွေညှစ်သလို ၊ ဖမ်းဆီး​ခေါ်​ဆောင်သွားခြင်းလည်းရှိနေတယ်။ပြီးခဲ့သည့် ရက်ပိုင်းကလဲ ရွှေပေါက်ကံမြို့နယ်ရှိ လက်ဖက်ရည်ဆိုင်တစ်ဆိုင်ရှိ စားပွဲထိုးဝန်ထမ်း လူငယ်လေးများအား စစ်တပ်က ဖမ်းဆီးစစ်ဆေးမည်...

ကချင်ပြည်နယ်မြစ်ကြီးနားမြို့မြောက်ဘက်ရှိ အင်ဂျန်းယန်မြို့နယ်က စစ်ကောင်စီတပ်စခန်း နှင့် ရဲစခန်း စုစုပေါင်းစခန်း၄ခုကိုစစ်ကောင်စီကပြန်လည်ရုတ်သိမ်းသွားတယ်။ထိုနေရာမှာတိုက်ပွဲဖြစ်ပွားခြင်းမရှိပဲတပ်ရုတ်လိုက်တာကြောင့် စစ်အင်အားနည်းတဲ့ ဒေသတွေက တပ်တွေ ရုတ်သိမ်းလိုက်ပြီး အင်အားစုစည်းလိုက်တဲ့ သဘောပဲ။တဖက်ကတွေးရင်တော့ အင်ဂျန်းယန်မြို့နယ်ကို သွေးမစွန်းဘဲရလိုက်တာပေါ့။ ရခိုင်ပြည်နယ်ပေါက်တောမြို့မှာလဲစစ်တပ်ဖမ်းဆီးပြီးလူသားဒိုင်းလုပ်ထားတဲ့ဒေသခံ၁၀၀ကျော်ကိုအေအေတပ်မတော်ကကယ်ထုတ်လိုက်နိုင်တယ်။ပေါက်တောမြို့မှာပြီးခဲ့တဲ့အပတ်ထဲကတိုက်ပွဲတွေပြင်းထန်စွာဖြစ်ပွားနေတယ်။စစ်တပ်ကိုမြို့ကိုလက်မလွတ်ရရေးအတွက်ကြည်းရေလေတပ်တွေပူးပေါင်းကာအသည်းအသန်ခုခံနေပြီးမြို့နေလူထုတွေကိုပါလူသားဒိုင်းလုပ်ထားတာပါ။ဒါကိုအေအေကစွန့်စွန့်စားစားဝင်ရောက်တိုက်ခိုက်ကယ်ထုတ်နေရတယ်။လက်ရှိအချိန်ထိမြို့ထဲမှာဒေသခံတွေကျန်နေသေးတယ်လို့သိရတယ်။

စစ်ကိုင်းတိုင်းကောလင်းမြို့ကိုNUGကသိမ်းပိုက်လိုက်ပီးနောက်ကောလင်းမြို့စီးပွားရေးဘဏ်ကငွေတွေကိုစာရင်းဇယားနဲ့တကွထိန်းသိမ်းထားကြောင်းကြေငြာလိုက်တယ်။ထိုသတင်းကြောင့်စစ်ကောင်စီဗဟိုဘဏ်နဲ့ပုဂ္ဂလိကဘဏ်တွေအလန့်တကြားဖြစ်ကုန်တယ်။တော်လှန်ရေးအားကောင်းတဲ့ဒေသတွေကတချို့ဘဏ်တွေဆိုဘဏ်ဝန်ထမ်းတွေကိုနှစ်လစာကြိုတင်ထုတ်ပေးပြီးပိတ်သိမ်းနေကြတယ်။ရှမ်းပြည်နယ်မြောက်ပိုင်းကပုဂ္ဂလိကဘဏ်ခွဲတွေလဲပိတ်ထားရတယ်။စစ်ကောင်စီကတော့တချို့မြို့တွေကငွေတွေကိုရွှေ့ပြောင်းနေတယ်လို့သတင်းတွေထွက်နေတယ်။လက်ရှိအချိန်မှာမြို့သိမ်းတိုက်ပွဲတွေများလာပြီးဘဏ်တွေပိတ်မယ့်သတင်းတွေထွက်လာတာကြောင့်ပြည်သူတွေကဘဏ်ထဲကငွေတွေထုတ်ယူမှုများလာတယ်။ရန်ကုန်ကတချို့ဘဏ်တွေဆိုရင်လိုသလောက်ထုတ်လို့ရပါတယ်လို့အာမခံထားတဲ့စပယ်ရှယ်အကောင့်တွေတောင်ငွေလိုသလောက်မထုတ်ပေးနိုင်တော့ဘူး။ATMတွေမှာလဲအရင်လိုပြန်တန်းစီနေရပြီ။ထိုဂယက်ကြောင့်ရွှေ‌ဈေးနဲ့ဒေါ်လာဈေးတွေမြင့်တက်လာတယ်။ရွှေတကျပ်သား၃၈သိန်းနဲ့တဒေါ်လာ၃၈၀၀ကျပ်ကိုပြန်ရောက်လာပြီ။စစ်ပွဲရဲ့ဂယက်ဟာစီးပွားရေးကိုစတင်အကျိုးသက်ရောက်မှုရှိလာပြီ။

ရခိုင်ပြည်နယ်တောင်ပိုင်း သံတွဲမြို့နယ်တွင် စစ်ကောင်စီက သုံးရက်အတွင်း လူ ၅၀ ကျော်ကို ဖမ်းဆီးသွားကြောင်း ဒေသခံများထံမှ သိရသည်။ နိုဝင်ဘာ ၁၃ တွင် ၅ ဦး၊ နိုဝင်ဘာ ၁၄ တွင် ၉ ဦး၊ နိုဝင်ဘာ...

ကရင်နီပြည်နယ်လွိုင်ကော်မြို့ကကုလသမဂ္ဂဝန်ထမ်းတွေနဲ့အန်ဂျီအိုဝန်ထမ်းတွေရှမ်းပြည်နယ်ဘက်ကိုထွက်ခွာခွင့်ရသွားတယ်။ဒါပေမယ့်မြို့ထဲမှာအရပ်သားအများအပြားပိတ်မိနေဆဲပဲ။လွိုင်ကော်တက္ကသိုလ်ထဲမှာစစ်တပ်ရဲ့လူသားဒိုင်းအဖြစ်အသုံးချခံထားရတဲ့ဝန်ထမ်းတွေနဲ့ကျောင်းသားတွေကိုတော့တော်လှန်ရေးအဖွဲ့တွေကယ်ထုတ်လိုက်နိုင်တယ်။ဒါကိုစစ်ကောင်စီကထိုဝန်ထမ်းတွေကိုတော်လှန်ရေးအဖွဲ့တွေကမတရားဖမ်းဆီးသွားပါတယ်ဆိုပြီးအသံလွှင့်သေးတယ်။သူတို့ဘာတွေပြောနေပါစေအမှန်တရားကိုလူတိုင်းသိနေတာပဲ။အခုဆိုစစ်ကောင်စီတပ်တွေနှစ်ရှည်လများတပ်စွဲအထိုင်ချထားတဲ့လွိုင်ကော်တက္ကသိုလ်ကိုကရင်နီတပ်ပေါင်းစုအဖွဲ့တွေထိန်းချုပ်ထားနိုင်ပြီးလွိုင်ကော်မြို့ပတ်ပတ်လည်ကိုလဲဝိုင်းထားနိုင်ပြီ။မြို့လယ်ကနေရာကွက်ကွက်လေးကိုသားစစ်သူပုန်တွေထိန်းချုပ်ထားနိုင်တော့တယ်။ ရခိုင်ပြည်နယ်မှာလဲအေအေကဆက်တိုက်ဆိုသလိုထိုးစစ်ဆင်နေတယ်။တချို့ရဲ့စခန်းတွေဆိုရင်သေနတ်သံကြားတာနဲ့လက်နက်ချကုန်တော့တာပဲ။ဒါ့ကြောင့်စစ်ကောင်စီဟာစခန်းအသေးတွေကသူတို့လူတွေကိုစွန့်ခွာခိုင်းပြီးစခန်းအကြီးတွေမှာပူးပေါင်းခိုင်းထားတာကြောင့်အေအေဟာစစ်မတိုက်လိုက်ရပဲရခိုင်ပြည်နယ်ကစခန်း၄၀လောက်ကိုရရှိလိုက်တယ်။ဒါပေမယ့်စစ်ကောင်စီဟာရခိုင်ပြည်နယ်မှာတိုက်ပွဲတွေပြန်စတဲ့နေ့ကစပြီးကုန်လမ်းကြောင်းတွေကိုပိတ်ဆို့ထားလိုက်ပါပြီ။ပြည်မကဝင်တဲ့လမ်းကြောင်းတွေအကုန်ပိတ်ဆို့ထားတဲ့အပြင်ပြည်နယ်ထဲမှာတမြို့နဲ့တမြို့ကိုတောင်ကူးလူးသွားလာလို့မရတော့ပါဘူး။ဒါကြောင့်ရခိုင်ပြည်နယ်ထဲမှာကုန် ဈေးနှုန်းတွေမြင့်တက်လာပြီးပြည်သူတွေဒုက္ခရောက်နေကြပြီ။ဒီအခြေအနေကိုအေအေကဘယ်လိုဖြေရှင်းမလဲဆိုတာစိတ်ဝင်စားစရာပဲ။

မန္တလေးတိုင်း၊ မတ္တရာမြို့နယ်၊ ပတ်လည်အင်းကျေးရွာစစ်ကောင်စီဂိတ်စခန်း တိုက်ခိုက်ခံရပြီးနောက် စစ်ကူလာသည့်ယာဉ်က လက်ဖက်ရည်ဆိုင်တစ်ဆိုင်ကို အကြောင်းမဲ့ဝင်ရောက်ပစ်ခတ်ရာ ပြည်သူ ၁၁ ဦးသေဆုံးသွားတယ်။ မန္တလေးမြောက်ဘက်မတ္တရာမြို့နယ်ထဲစိမ့်ဝင်နေတဲ့တော်လှန်ရေးအဖွဲ့တွေဟာ မိုးကုတ်-မန္တလေးလမ်းပေါ်ရှိ စစ်ကောင်စီဂိတ်စခန်းအားဝင်ရောက်တိုက်ခိုက်ခဲ့ကြတယ်။တိုက်ပွဲဖြစ်ပွားနေချိန်အနီးရှိလေကြောင်းကာကွယ်ရေးတပ်မှ စစ်ကားတစ်စီးထွက်လာပြီး အောင်ကံသာကျေးရွာရှိ လက်ဖက်ရည်ဆိုင်တစ်ဆိုင်အား ဝင်ရောက်ပစ်ခတ်ခဲ့တယ်။ထိုသို့ပစ်ခတ်မှုကြောင့် ပြည်သူ ၁၁ဦး သေဆုံးခဲ့ခြင်းဖြစ်တယ်။...

ချင်းပြည်နယ်ဘက်မှာလဲ မြန်မာ - အိန္ဒိယနယ်စပ်ရှိ ရိဒ်ခေါဒါရ်မြို့ကို CNA ဦးဆောင်သည့် ပူးပေါင်းတပ် သိမ်းပိုက်လိုက်ပြီး မြို့ကို ထိန်းချုပ်ထားနိုင်ပြီ။လက်ရှိမြို့ပေါ်မှာတော့ စစ်သူပုန်တွေတစ်ယောက်မှ မရှိတော့ဘူး။ မြို့ထဲမှာ ရှိတဲ့ စခန်းနှစ်ခုလုံးကို သိမ်းထားတယ်။ဒါ့ကြောင့် မြန်မာ - အိန္ဒိယနယ်စပ်အမှတ်(၂)ကုန်သွယ်ရေးလမ်းကြောင်းကိုတော်လှန်ရေးအဖွဲ့တွေစိုးမိုးနိုင်ပြီပေါ့။...

မြောက်ပိုင်းသုံးဖွဲ့၏ စစ်ဆင်ရေး ၁၀၂၇ သည် ယခုအခါ ၁၀ ရက်ကျော်ခဲ့ပြီ ဖြစ်၏။ တိုက်ပွဲအရှိန်သည် သိသိသာသာ ကျမသွားသေးပေ။ စစ်ဆင်ရေးစပြီး တပတ်ခန့်ကြာသည်အထိ စစ်ကောင်စီတပ်မှ ပြန်လည်ထိုးစစ်ဆင်မှု စတင်နိုင်ခြင်း မရှိသေးပေ။ ယခုမှ စစ်ကောင်စီခေါင်းဆောင် မင်းအောင်လှိုင်က...

ရန်ကုန်ကကိုယ်တွေရဲ့ဇာတိမြို့နယ်တစ်ခုမှာဒီရက်ပိုင်းဗုံးတွေဆက်တိုက်ဆိုသလိုပေါက်နေတယ်။တနိုင်ငံလုံးမှာစစ်ကောင်စီကိုတော်လှန်နေကြချိန်မြို့ပြပေါက်ကျားတွေလဲအငြိမ်မနေပဲရန်ကုန်ကမြို့နယ်တွေမှာစစ်သူပုန်တွေတပ်စွဲထားတဲ့အုပ်ချုပ်ရေးမှုးရုံးတွေ၊တရားရုံးတွေ၊မီတာရုံးတွေကိုပစ်မှတ်ထားဖောက်ခွဲတိုက်ခိုက်နေတာပါ။အောင်မြင်စွာဖောက်ခွဲတိုက်ခိုက်နိုင်ခဲ့တဲ့မြို့ပြပျောက်ကျားတွေကိုမမိတာကြောင့်စစ်သူပုန်တွေဟာအများပြည်သူကိုရှက်ရမ်းရမ်းကာလမ်းပေါ်မှာသွားလာနေတဲ့ဆိုင်ကယ်တွေကိုအကြောင်းမဲ့ဆက်တိုက်ဆိုသလိုဖမ်းဆီးနေတယ်။အရင်လိုလမ်းမကြီးတွေပေါ်မှာသွားလာနေတဲ့ဆိုင်ကယ်တွေကိုသာဖမ်းဆီးတာမဟုတ်ပဲရပ်ကွက်တွေထဲထိပါဝင်ရောက်ဖမ်းဆီးနေတယ်။အဲ့ဒီတော့အများပြည်သူတွေနဲ့ဆိုင်ကယ်နဲ့အသက်မွေးဝမ်းကျောင်းရှာတဲ့သူတွေအကုန်ဒုက္ခရောက်ကုန်တယ်။ ဒါ့အပြင်ဒီရက်ထဲပိုဆိုးတာကရန်ကုန်မှာစက်သုံးဆီတွေပြတ်လပ်နေတယ်။နိုဝင်ဘာ၁၀ရက်နေ့လောက်ကစပြီးအဓိကအားဖြင့်ဓာတ်ဆီပြတ်လပ်နေတာဒီနေ့နဲ့ဆို၇ရက်လောက်ရှိနေပြီ။ဆီဆိုင်အတော်များများမှာဆီမရတော့လို့ရနိုင်တဲ့ဆိုင်တွေမှာကားတွေတိုးကြိတ်တန်းစီနေရတယ်။ဆိုင်ကယ်တွေဆိုရင်လမ်းဘေးဆိုင်လေးတွေမှာတောင်ထည့်လို့မရနိုင်တော့ဘူး။ရတဲ့ဆိုင်တွေမှာလဲတစ်လီတာလေးထောင်ကျပ်လောက်ပေးဝယ်နေရတယ်။အရင်ကဒီလိုစက်သုံးဆီပြတ်ရင်အများဆုံးသုံးလေးရက်လောက်သာကြာတတ်ပြီးအခုတော့တပတ်လောက်ရှိတဲ့အထိအဆင်မပြေသေးဘူး။နောက်ပိုင်းဆိုရင်စက်သုံးဆီပြတ်လပ်မှုဟာတဖြည်းဖြည်းနဲ့အခြေအနေပိုဆိုးလာလိမ့်မယ်။

ရခိုင်ပြည်နယ်မှာလဲအေအေကဒီနေ့စစ်မျက်နှာထပ်ဖွင့်လိုက်ပါပြီ။ဒီနေ့မနက်မှာပဲချင်း-ရခိုင်နယ်စပ် ပလက်၀မြို့နယ်ရှိ စစ်ကောင်စီ အခိုင်အမာနေရယူထားသော တရွန်အိုင်ဗျူဟာ နှင့် နှုံးဘူးဗျူဟာ အထိုင်ချ ဗျူဟာတပ်စခန်း နှစ်ခုအား ၁၀၂၇ စစ်ဆင်ရေး၏ အစိတ်အပိုင်းအဖြစ် ရက္ခိုင့်တပ်တော်(AA)မှ ထိုးစစ်ဆင်တိုက်ခိုက်လျက်ရှိတယ်။ရခိုင်ပြည်နယ်ထဲမှာလဲ ရသေ့တောင်၊ မောင်တောနှင့် မင်းပြားမြို့နယ်ရှိ နေရာ(၅)ခုတွင်တိုက်ပွဲများဖြစ်ပွားနေပြီးရသေ့တောင်မြို့နယ်ရှိဒုံးပိုက်နယ်ခြားစောင့်တပ်စခန်းနှင့်ချိန်ခါလီနယ်ခြားစောင့်တပ်စခန်းအားသိမ်းပိုက်နိုင်ခဲ့တယ်။ဒီနေ့တိုက်ပွဲတွေအတွင်းမှာပဲစစ်ကောင်စီဘက်ကလက်နက်ချအလင်းဝင်သူတွေအများအပြားရှိနေတယ်လို့သိရတယ်။လက်နက်မချပဲစခန်းကိုလက်လွတ်ထွက်ပြေးသွားတဲ့စစ်ကောင်စီတပ်ဖွဲ့တွေလဲရှိနေတယ်။ရခိုင်ပြည်နယ်မှာတိုက်ပွဲတွေပြန်ဖြစ်လာတော့မှာသိနေပေမယ့်အခုလောက်ထိမြန်လိမ့်မယ်လို့တော့ထင်မထားဘူး။စစ်ကောင်စီဘက်ကတော့တကျော့ပြန်ဖြစ်လာမယ့်တိုက်ပွဲတွေအတွက်ရခိုင်ပြည်နယ်ထဲမှာသေချာပြင်ဆင်ထားတာကိုတွေ့ရတယ်။ မြန်မာပြည်အောက်ပိုင်းမွန်ပြည်နယ်ဘက်မှာလဲကျိုက်မရောမြို့နယ်၊ချောင်းနှစ်ခွသို့စစ်ကြောင်းထိုးလာသော စစ်ကောင်စီ၏တပ်မ(၂၂)လက်အောက်ခံအင်အား၅၀ဦးပါစစ်ကြောင်းမှ၂၃ဦးပြည်သူ့တော်လှန်ရေးအဖွဲ့များထံ...