အာဏာသိမ်း ဒိုင်ယာရီ

စစ်ကောင်စီဟာကျပ်နှစ်သောင်းတန်တွေဒီလကုန်မှာထုတ်ဝေတော့မယ်လို့ဆိုင်းမဆင့်ဗုံမဆင့်ကြေငြာလိုက်တယ်။မင်းအောင်လှိုင်တည်ထားတဲ့ဘုရားနဲ့သူမွေးထားတဲ့ဆင်ဖြူတော်တစ်နှစ်ပြည့်အထိမ်းအမှတ်လို့အကြောင်းပြချက်ပေးတယ်။ဘာလိုပဲအကြောင်းပြချက်ပေးပါစေထိုကြေငြာမှုကြောင့်ပြည်တွင်းစီးပွားရေးတစ်ခုလုံးရှော့ရသွားတယ်။ရွှေ၊ဒေါ်လာ၊အိမ်ခြံမြေ၊ကားဈေးကွက်တွေအားလုံးသတင်းထွက်ထွက်ချင်းအရောင်းပိတ်လိုက်ကြပြီ။ဈေးတွေထိုးတက်တော့မယ်လေ။အခုလိုမြန်မာကျပ်ငွေhyper inflationဖြစ်နေချိန်မှာနှစ်သောင်းတန်ထုတ်ဝေလိုက်တာအတွက်စစ်ကောင်စီဟာမိုက်မဲလွန်းတယ်လို့ပြောရမယ်။တကယ်ကအဖက်ဖက်ပိတ်ဆို့မှုတွေကြောင့်စစ်ကောင်စီဟာရွှေးချယ်စရာမရှိတော့ပဲကြုံတွေ့နေရတဲ့ဘဏ္ဏာရေးအကျပ်အတည်းကိုဖြေရှင်းဖို့အခုလိုရူးမိုက်စွာလုပ်‌ဆောင်လိုက်တာဖြစ်တယ်။နှစ်သောင်းတန်ရဲ့အကျိုးဆက်တွေဟာဒီတရက်နှစ်ရက်အတွင်းသိသာထင်ရှားစွာပေါ်ထွက်လာလိမ့်မယ်။  

တနေ့ကကရင်ပြည်နယ်လက်ခတ်တောင်တိုက်ပွဲမှာ ဆုတ်မိန့်မရဘဲ တပ်ဆုတ်ခဲ့တဲ့အကြမ်းဖက်စစ်တပ်က တပ်ရင်းမှူးနဲ့ဒုတပ်ရင်းမှူးကိုအာဏာဖီဆန်မှုနဲ့ထောင်ချထားတယ်လို့သိရတယ်။သူတို့တွေဟာလက်အောက်ကတပ်သားတွေပစ်ထားခဲ့ပြီးကိုယ်လွတ်ရုံးပြေးလာခဲ့တာပါ။ဒါ့အပြင်လက်ခတ်တောင်၌ တပ်စွဲထားခဲ့တဲ့ စစ်ကောင်စီတပ်ဟာဒေသတွင်းရှိကျေးရွာများကိုလက်နက်ကြီးဖြင့်ပစ်ခတ်ရန်ပစ်မှတ်ချိန်ထားတာကိုသက်သေနှင့်တကွတွေ့ရှိရတယ်။စစ်သူပုန်တွေဟာအရပ်သားရွာတွေကိုအချိန်မရွေးလက်နက်ကြီးနဲ့ပစ်ခတ်ဖို့ကြံရွယ်ထားတာပဲ။ပြောမပြနိုင်လောက်အောင်ယုတ်မာရိုင်းစိုင်းတဲ့အကောင်တွေပဲ။တခြားသူတို့တပ်စွဲထားတဲ့စခန်းတွေမှာလဲလက်နက်ကြီးတွေနဲ့ရွာတွေကိုချိန်ရွယ်ထားမှာကျိန်းသေတယ်။ မြဝတီမြို့မှာတော့မြို့တွင်း၊ မြို့ပြင်မှာ စစ်ကောင်စီတပ်ရဲ့ စစ်ဆေးရေးဂိတ်တွေ ပိုများလာပြီး မြို့မရဲစခန်း ပတ်ပတ်လည်က ဝင်ပေါက်တွေကို လုံးဝ ပိတ်ချထားတဲ့အပြင် လုံခြုံရေးတွေ ပိုမိုတိုးမြှင့် ချထားတယ်။ မြို့တွင်းမှာတော့...

မြန်မာရုပ်ရှင်ဇာတ်လမ်းတွဲတွေရိုက်ကူးမယ်ဆိုရင်ဆင်ဆာတင်ရတော့မယ်လို့စစ်ကောင်စီလက်အောက်ခံရုပ်ရှင်အစည်းအရုံးကထုတ်ပြန်လိုက်ပါတယ်။မြန်မာ့ရုပ်ရှင်လောကမှာဆင်ဆာစနစ်ကိုဖျက်သိမ်းထားတာဆယ်စုနှစ်တစ်ခုလောက်ရှိနေပါပြီ။အာဏာသိမ်းပြီးနောက်စစ်ကောင်စီဟာဆင်တာစနစ်ကိုပြန်လည်အသက်သွင်းခဲ့တယ်။အစကတော့ရုပ်ရှင်ကားကြီးတွေသာဆင်ဆာတင်ရပေမယ့်အခုဆိုရင်ဇာတ်လမ်းတွဲတွေပါလာပြီပေါ့။ဇာတ်လမ်းတွဲစထွက်လာကတည်းကဆင်ဆာတင်ရခြင်းမရှိခဲ့ဘူး။အခုစစ်ကောင်စီလက်အောက်ရောက်မှဆင်ဆာတင်ရတော့မယ်လေ။အာဏာသိမ်းပြီးကတည်းကပြည်သူတွေသပိတ်မှောက်ထားတာကြောင်းနလန်မထူနိုင်တဲ့ရုပ်ရှင်လောကဟာအခုတော့ပိုပြီးဆိုးရွားလာဖို့ပဲရှိမယ်။

ကရင်ပြည်နယ်မြဝတီမြို့အနီးကလက်ခတ်တောင်ပေါ်မှာတပ်စွဲထားတဲ့စစ်ကောင်စီတပ်တွေကိုတော်လှန်ရေးတပ်ဖွဲ့တွေကနှစ်ရက်တိုင်တိုင်တိုက်ခိုက်ပြီးတောင်ကြောတစ်ခုလုံးကိုသိမ်းယူလိုက်ပါတယ်။လက်ခတ်တောင်စခန်းဟာစစ်ရေးအရဗျူဟာအချက်အချာအကျဆုံးနေရာတစ်ခုပါ။စစ်ကောင်စီတပ်တွေအင်အားအလုံးအရင်းနဲ့ လက်နက်ကြီး၊ လက်နက်ငယ်နဲ့ လက်ခတ်တောင်ပေါ်မှာတပ်စွဲထားကြပြီး မြဝတီမြို့နဲ့၇မိုင်ပဲဝေးတာမို့ခံစစ်စည်းအဖြစ်သတ်မှတ်ထားကြတယ်လို့သိရတယ်။တိုက်ပွဲမှာတော်လှန်ရေးတပ်ဖွဲ့တွေကနေ လက်နက်အမြောက်အများရရှိခဲ့ကြတယ်။ စခန်းသိမ်းတဲ့အချိန် စစ်သားတွေက တောင်ပေါ်ကနေလေထီးခုန်သလိုကြောက်အားလန့်အားနဲ့ခုန်ချထွက်ပြေးတယ်။အာဏာသိမ်းခါစကဘယ်ကောင်သေရဲလဲဆိုတဲ့ကောင်တွေခုတော့ခွေးပြေး၊ဝက်ပြေးပြေးနေရတယ်။ပိုပြီးထူးခြားတာကတိုက်ပွဲဖြစ်ချိန်မှာတောင်ပေါ်က တပ်ရင်းမှူးနဲ့ ဒုတပ်ရင်းမှူး က အသေမခံနိုင်လို့ ကြောက်လန့်ပြီး ထွက်ပြေးကြတယ်။ စစ်တပ်က အရာရှိပိုင်းတွေ ထွက်ပြေးလည်းပြေးချင်စရာပါပဲ၊ စစ်တိုက်ရတာ ပြည်သူရဲ့အားပေးထောက်ခံမှုလည်းမရ၊စားနပ်ရိက္ခာကလည်းမလုံလောက်ဘူး၊လူအင်အားက‌လည်းအတော်နည်းနေတယ်၊ဒါကိုအတင်းဖိအားပေးတော့ထွက်ပြေးတာပေါ့။‌အခုနောက်ပိုင်းတိုင်းရင်းသားဒေသတွေကရင်ဆိုင်တိုက်ပွဲတွေမှာစစ်သူပုန်တွေအပြင်းအထန်မခုခံတော့ပဲထွက်ပြေးမှုတွေပိုများလာတာသတိထားမိတယ်။

ဒီနေ့ဟာအာဇာနည်နေ့ပါ။စစ်အုပ်ဟာအာဇာနည်နေ့အခမ်းအနားကိုလုံခြုံ‌ရေးတင်းကျပ်စွာနဲ့ရန်ကုန်မြို့မှာကျင်းပတယ်။ဒေါ်အောင်ဆန်းစုကြည်ကတော့ထိုအခမ်းအနားကိုတက်ရောက်ခွင့်မရပါဘူး။ဒီ‌နေ့ရန်ကု်နမှာစစ်အုပ်စုကလမ်းအတော်များများပိတ်ထားတာကြောင့်ပြည်သူတွေဒုက္ခရောက်တာပဲအဖတ်တင်တယ်။‌ တော်လှန်ရေးအဖွဲ့တွေရဲ့စိုးမိုးနယ်မြေတွေမှာတော့အာဇာနည်နေ့အခမ်းအနားကိုသူ့နည်းသူ့ဟန်နဲ့အသီးသီးကျင်းပကြတယ်။ဒီဇူလိုင်လထဲမှာပဲမနှစ်ကကိုဂျင်မီနဲ့ကိုဇေယျာသော်တို့မတရားသေဒဏ်အပေးခံခဲ့ရတယ်။သူတို့ချည်းပဲတော့မဟုတ်ပါဘူး။ဒီကာလကြီးမှာအာဇာနည်တွေရင်နာနာနဲ့ပေါ်ထွက်ခဲ့ကြတယ်။သူတို့တွေစတေးခဲ့တာတွေအချည်းနှီးမဖြစ်ဖို့ဒီတော်လှန်ရေးကြီးအောင်မြင်အောင်ဝိုင်းဝန်းကြိုးစားရမယ်။

အကြမ်းဖက်စစ်ခေါင်း‌ဆောင်တွေနေထိုင်တဲ့နေပြည်တော်ကိုလုံခြုံရေးသိသိသာသာတိုးမြှင့်လိုက်တယ်။NUGရဲ့လမ်းအားလုံးနေပြည်တော်သို့စီမံချက်ထွက်ပေါ်လာပြီးနောက်လုံခြုံရေးအင်အားတွေတိုးမြှင့်ချထားလိုက်တာဖြစ်တယ်။နေပြည်တော်အဝင်လမ်းအားလုံးကိုလုံခြုံရေးတင်းကျပ်ထားပြီးတချို့လမ်းတွေကိုဖျက်စီးခိုင်းထားတယ်လို့အတွင်းသတင်းတွေအရသိရတယ်။နေပြည်တော်နဲ့အနီးဆုံးဖြစ်တဲ့ကရင်နီပြည်နယ်ထဲမှာတိုက်ပွဲတွေပြင်းထန်နေတာလဲပါမှာပေါ့။အကြမ်းဖက်စစ်ခေါင်း‌ဆောင်တွေဟာနေပြည်တော်ကိုခံစစ်စပြင်နေပြီဆိုပါ‌တော့။ ဒါ့အပြင်စစ်ကောင်စီဟာအင်အားမလုံလောက်မှုကြောင့်မြို့ကြီးတွေမှာလုံခြုံရေးယူထားတဲ့တပ်တွေကိုထုတ်နုတ်ပြီးစစ်မြေပြင်တွေကိုပို့‌ဆောင်နေတယ်။အလစ်တိုက်ခိုက်ခံရမှာကိုစိုးရိမ်တာကြောင့်အဝေးပြေးလမ်းတွေပေါ်ကစစ်‌ဆးရေးဂိတ်တွေကိုလဲလျော့ချလိုက်တယ်။မြို့‌ပေါ်မှာတော့စစ်မှုထမ်းဟောင်းတွေ၊အခပေးစစ်သားတွေနဲ့အိုနာကျိုးကန်းတွေသာကျန်တော့တယ်။မြို့ပြပျောက်ကျားတွေအားနည်းသွားတဲ့အတွက်ဒီအခွင့်အရေးကိုတော်လှန်ရေးအဖွဲ့တွေအသုံးချနိုင်မယ်မထင်ဘူး။

မြန်မာပြည်မြောက်ပိုင်းကEAOအဖွဲ့တွေနဲ့စစ်ကောင်စီတပ်တွေဒီလထဲမှာတိုက်ပွဲတွေပြန်လည်ဖြစ်ပွားနေတယ်။ဇွန်လဆန်းကတရုတ်ရဲ့ကြားဝင်ပေးမှုအရတွေ့ဆုံခဲ့ရတဲ့စစ်ကောင်စီနဲ့မြောက်ပိုင်းလက်နက်ကိုင်သုံးဖွဲ့တို့ရဲ့‌ဆွေးနွေးပွဲပျက်သွားပြီးနောက်စစ်ကောင်စီရဲ့ထိုးစစ်တွေထိုဒေသမှာပြန်လည်စတင်လာတာတွေ့ရတယ်။တိုက်ပွဲတွေဟာTLNAနယ်မြေမှာရောMDAAနယ်မြေတွေမှာပါကြိုကြားကြိုကြားဖြစ်ပေါ်နေပြီးတိုက်ပွဲကြီးတွေ‌တော့မတွေ့ရသေးပါဘူး။ဒါပေမယ့်စစ်တပ်ကဆက်လက်ထိုးစစ်ဆင်နေမယ်ဆိုရင်တိုက်ပွဲကြီးတွေဖြစ်လာမယ့်သဘောမှာရှိတယ်။မြောက်ပိုင်းမှာကချင်KIAအဖွဲ့ကလွဲလို့ကျန်တဲ့အဖွဲ့တွေဟာတရုတ်ရဲ့ဖိအားပေးမှုတွေကြောင့်စစ်ကောင်စီကိုစတင်တိုက်ခိုက်တာမျိုးမတွေ့ရပဲယခုမှစစ်ကောင်စီတပ်တွေဘက်ကပြန်လည်တိုက်ခိုက်လာတာဖြစ်တယ်။ ကချင်ပြည်နယ်မှာလဲလိုင်ဇာပတ်ဝန်းကျင်ကိုနယ်မြေစိုးမိုးမှုရယူနိုင်ဖို့ကြိုးစားနေတဲ့စစ်တပ်ရဲ့မြောက်ပိုင်းတိုင်းစစ်ဌာနချုပ်တိုင်းမှုးအပါအဝင်ထိပ်ပိုင်းအရာရှိအချို့နေပြည်တော်မှာဖမ်းဆီးစစ်‌ဆေးခြင်းခံနေရတယ်။KIAနဲ့ပတ်သက်နေတယ်ဆိုပြီးခေါ်ယူစစ်‌ဆေးနေတာပါ။ဒါကြောင့်ကချင်ပြည်နယ်ထဲမှာစစ်တပ်ရဲ့ထိုးစစ်ကြီးတွေမစတင်နိုင်သေးတာလားတော့မသိဘူး။KIAကိုဒီအချိန်မှာထိုးစစ်ပြုရင်လဲစစ်တပ်ဟာကိုယ့်သေတွင်းကိုယ်တူးသလိုဖြစ်နေမှာပဲ။

အွန်လိုင်းစနစ်နဲ့ရောင်းချတဲ့လုပ်ငန်းတွေကိုစစ်ကောင်စီကထိန်းချုပ်တော့မယ်လို့ထုတ်ပြန်လိုက်တယ်။အွန်လိုင်းရှော့ပင်းလုပ်ငန်းတွေကိုမှတ်ပုံတင်ခိုင်းပြီးအခွန်ကောက်မှာပါ။မလိုက်နာရင်ထောင်ဒဏ်သုံးနှစ်အထိချမှတ်မယ်လို့လဲပါတယ်။အွန်လိုင်းရှော့ပင်းလုပ်ငန်းဟာပြည်သူတွေတနိုင်တပိုင်လုပ်ကိုင်နေကြတဲ့လုပ်ငန်းတစ်ခုပါ။စီးပွားရေးကြပ်တည်းနေချိန်မှာထိုလုပ်ငန်းတွေကိုပါကြပ်မတ်ဖို့လုပ်‌ဆောင်လာခြင်းဟာပြည်သူတွေကိုတမင်ငတ်‌သေအာင်လုပ်နေသလိုပဲ။အခုချိန်ထိတော့အမိန့်တစ်ခုအနေနဲ့ပဲရှိနေသေးတယ်။တကယ်အရေးယူလာခဲ့ရင်တော့အခြေခံလူတန်းစားတွေအတွက်အကြပ်အတည်းတွေပိုဖြစ်လာလိမ့်မယ်။

ထိုင်းနိုင်ငံခြားရေးဝန်ကြီးနဲ့ဒေါ်အောင်ဆန်းစုကြည်ကိုစစ်ကောင်စီတွေ့ဆုံခွင့်ပေးတဲ့အကြောင်းဆက်ပြောရရင်အရင်ကတည်းကပြောခဲ့သလို့စစ်ကောင်စီဟာသူတို့ထွက်ပေါက်ပိတ်‌နေချိန်မှာဒေါ်အောင်ဆန်းစုကြည်ကိုထုတ်သုံးတဲ့သဘောပဲ။သူတို့ဟာဒေါ်အောင်ဆန်းစုကြည်ကိုNUGနဲ့PDFကိုမထောက်ခံပါဘူးလို့ပြောစေချင်တယ်။ဒါမှလဲတော်လှန်ရေးကိုသွေးခွဲလို့ရမှာကိုး။အခုလဲဒေါ်အောင်ဆန်းစုကြည်ကNUGနဲ့PDFကိုမထောက်ခံဘူးလို့ဝါဒဖြန့်ချီနေတာတွေ့ရတယ်။ဒါပေမယ့်သူတို့မှာသက်သေခိုင်ခိုင်မာမာမရှိဘူး။ဒေါ်အောင်ဆန်းစုကြည်သာတကယ်ထိုကဲ့သို့ပြောခဲ့ရင်ထိုင်းနိုင်ငံခြားရေးဝန်ကြီးနဲ့တွေ့ဆုံတဲ့အချိန်မှာပြောခဲ့တဲ့မှတ်တမ်းကိုထုတ်ပြနိုင်ရမှာပေါ့။အမေစုကပြင်ပကအခြေအနေအမှန်ကိုမသိပဲဘာမှတ်ချက်မှမပေးမှာသေချာတယ်။စစ်ကောင်စီရဲ့ပြောစကားတွေအားလုံးဟာမိုးလုံးပြည့်မှုသာဝါဒတွေပဲ။

ထိုင်းနိုင်ငံခြားရေးဝန်ကြီးကိုဒေါ်အောင်ဆန်းစုကြည်နဲ့နေပြည်တော်မှာတွေ့ဆုံခွင့်ပေးခဲ့တယ်လို့စစ်ကောင်စီကဝန်ခံလိုက်တယ်။စစ်ကောင်စီဟာဒေါ်အောင်ဆန်းစုကြည်ကိုUNကိုယ်စားလှယ်နဲ့ရော၊အာဆီယံကိုယ်စားလှယ်ရော၊တရုတ်နဲ့ရုရှားတို့အပါအဝင်မည်သည့်နိုင်ငံသို့မဟုတ်အဖွဲ့အစည်းကိုယ်စားလှယ်တွေနဲ့တောက်လျောက်တွေ့ခွင့်မပေးပဲယခုထိုင်းနိုင်ငံခြားရေးဝန်ကြီးကိုသာပထမဆုံးကိုယ်စားလှယ်အဖြစ်တွေ့ဆုံခွင့်ပေးခဲ့တယ်။ဒါကိုကြည့်ခြင်းအားဖြင့်စစ်ကောင်စီဟာထိုင်းအစိုးရကိုတရုတ်၊ရုရှားကိုကျော်ပြီးအယုံကြည်ရဆုံးမိတ်ဆွေအဖြစ်သတ်မှတ်လိုက်တာပဲ။ ထိုင်းစစ်တပ်ကျောထောက်နောက်ခံထားတဲ့ထိုင်းအစိုးရဲ့လုပ်ဆောင်ချက်တွေဟာလဲမြန်မာပြည်သူတွေအတွက်ရုပ်ပျက်လွန်းတယ်။စစ်ကောင်စီကိုအကြိမ်ကြိမ်အသိအမှတ်ပြုကူညီပေးခဲ့တယ်။အာဆီယံသဘောတူညီချက်ကိုဆန့်ကျင်ကာစစ်ကောင်စီကိုဖိတ်ကြားပြီးအလွတ်သဘောဆွေးနွေးပွဲဟုခေါင်းစဉ်တပ်ထားတဲ့ပွဲမျိုးနှစ်ကြိမ်တိုင်တိုင်ပြုလုပ်ခဲ့တယ်။အခုလဲထိုင်းရွှေးကောက်ပွဲပြီးနောက်အစိုးရနေရာကဖယ်ပေးရတော့မယ့်အချိန်မတိုင်ခင်လေးမှာစစ်ကောင်စီကိုရသလောက်ကူညီပေးနေတာပဲ။မြန်မာပြည်ဒီမိုကရေစီရသွားမှာသူတို့အရမ်းကြောက်နေတယ်။သူတို့နိုင်ငံမှာလဲမနေ့ကဝန်ကြီးချုပ်ရွှေးပွဲပြုလုပ်တော့ဒီမိုကရေစီအင်အားစုခေါင်းဆောင်ဖိထာကိုမဲမနိုင်အောင်ထိုင်းစစ်တပ်ကခန့်အပ်ထားတဲ့လွတ်တော်အမတ်တွေကဝိုင်းညစ်ခဲ့ကြတယ်။ထိုင်းနိုင်ငံမှာလဲဒီမိုကရေစီအင်အားစုတွေရွေးကောက်ပွဲမှာမဲအပြတ်အသတ်နိုင်ခဲ့ပေးမယ့်ဝန်ကြီးချုပ်တင်မြောက်ပြီးအစိုးရဖွဲ့နိုင်ဖို့ကအခြေအနေမကောင်းသေးပါဘူး။ထိုင်းစစ်တပ်ကကန့်လန့်တိုက်နေတယ်။သူတို့အခြေအနေမကောင်းသမျှမြန်မာ့ဒီမိုကရေစီးအဆင်မပြေနိုင်သေးဘူး။