အာဏာသိမ်း ဒိုင်ယာရီ

မန္တလေးမှာNLDထောက်ခံသူလက်ဖက်ရည်ပိုင်ရှင်တစ်ဦးအသတ်ခံလိုက်ရတယ်။အလောင်းကိုတွေ့တဲ့နေရာမှာစွန့်ပစ်ပြီးကျူးလွန်သူတွေဟာသွေးသောက်အဖွဲ့ဆိုပြီးပေါ်တင်ကြေငြာသွားတယ်။ထိုအဖွဲ့ကိုစစ်တပ်ကဖွဲ့စည်းထားတာဖြစ်ပြီးဒီမိုကရေစီဘက်တော်သားအရပ်သားတွေကိုလက်တုံ့ပြန်သတ်ဖြတ်သွားမယ်လို့လဲပြောသွားသေးတယ်။လက်ရှိအချိန်မှာစစ်တပ်ထောက်ခံသူဒလန်အကြီးစားတွေ၊အရပ်ဝတ်ထောက်လှမ်းရေးသမားတွေဆက်တိုက်အသတ်ခံနေရတာတွေကိုတန်ပြန်ဖို့စစ်တပ်ကအောက်လမ်းနည်းတစ်ခုသုံးလိုက်တာပဲ။အခုချိန်မှာတော့ဘယ်ဖက်မှာပဲနေနေ၊ဘယ်ပြည်သူမှမလုံခြုံတော့ဘူး။ဒါတွေအားလုံးဟာစစ်အာဏာသိမ်းမှုကြောင့်ဖြစ်လာတာပဲ။

KNUကတော့စစ်တပ်ဟာနိုင်ငံရေးကနေလုံးဝမထွက်သ၍ငြိမ်းချမ်းရေးမဆွေးနွေးဘူးလို့ပြောလိုက်ပြီ။ကချင်ကKIA၊ကယားကKNPP၊ချင်းကCNFတို့ကလဲအလားတူပုံစံမျိုးပြောကြားထားတယ်။ထိုအဖွဲ့တွေကတော့စစ်ကောင်စီနဲ့ငြိမ်းချမ်းရေးဆွေးနွေးမှာမဟုတ်ဘူး။မြေပြင်မှာလဲထိုဒေသတွေဟာစစ်တပ်ရဲ့အကြမ်းဖက်မှုဒဏ်ကိုအများဆုံးခံနေရတာလေ။ စစ်ဘေးသင့်ဒေသတွေကစစ်တပ်ရဲ့အပေါင်းအပါတွေနဲ့မိသားစုဝင်တွေထိုဒေသတွေမှာသူတို့အတွက်လုံခြုံမှုမရှိတော့လို့နေပြည်တော်ကိုအလုံးအရင်းနဲ့ပြောင်းရွှေ့နေကြတယ်။စစ်ကောင်စီကထိုသူတွေအတွက်လူသားချင်းစာနာမှုဆိုင်ရာအကူအညီတွေUNကိုတောင်းထားတယ်ဆိုပဲ။နယ်တွေကရွာလုံးကျွတ်မီးရှို့ခံရတဲ့ပြည်သူတွေသိရင်အော့နှလုံးနာစရာပဲ။အခုလောလောဆယ်တော့နေပြည်တော်ကစစ်တပ်အနွယ်ဝင်စစ်ဘေးရှောင်တွေစားစရိတ်ပေးပြီးခိုလှုံနေရတယ်။စစ်တပ်ဟာဒုက္ခရောက်နေတဲ့သူ့လူတွေကိုတောင်အပြည့်အဝအထောက်ပံမပေးချင်ဘူး။

NUGကာဝန်ကသူ့အင်အားနဲ့မကြာမီPDFတွေထိုးစစ်စတော့မယ်လို့ထုတ်ပြောရုံနဲ့တင်စစ်ကောင်စီဖက်မှာအကြီးအကျယ်သွေးပျက်နေပြီ။ပြီးခဲ့တဲ့ရက်ကသူ့တပ်တွေကိုအရေးပေါ်အခြေအနေကြေငြာရုံတင်မကသေးပဲအခုဆိုရင်အကြမ်းဖက်စစ်ခေါင်းဆောင်မင်းအောင်လှိုင်ကိုယ်တိုင်EAOခေါင်းဆောင်တွေနဲ့တွေ့ပြီးငြိမ်းချမ်းရေးဆွေးနွေးပါမယ်လို့ထုတ်ပြောလာတယ်။သူ့အကြံကEAO တွေနဲ့အပစ်ရပ်ပြီးPDF တွေကိုအမြစ်ဖျက်ချေမှုန်းချင်တဲ့ပုံပဲ။ဒါပေမယ့်တနိုင်ငံလုံးကိုဗုံးကြဲ၊မီးရှို့၊လူသတ်ပြီးထင်တိုင်းကြဲနေတဲ့စစ်သူပုန်တပ်ကပြောတဲ့ငြိမ်းချမ်းရေးဆိုတာကိုဘယ်သူမှအယုံအကြည်မရှိကြတော့ဘူး။ပြည်ထောင်စုနေ့ကလဲမည်ကာမတ္တဆွေးနွေးပွဲတစ်ခုလုပ်သေးတယ်လေ။ဒါပေမယ့်ဘာမှဖြစ်မလာဘူးတာလက်တွေ့ပဲ။အခုတော့သူကိုယ်တိုင်ထွက်တွေ့မယ်လို့မျက်စိပျက်မျက်နှာပျက်နဲ့ရုပ်သံကနေပြောသွားတယ်။စစ်တပ်ဟာအခြေအနေမကောင်းတော့ဟာအတော့်ကိုပေါ်လွင်နေပြီ။

စစ်ကောင်စီဟာသူ့ရဲ့ဒေါ်လာထိန်းချုပ်အမိန့်ကိုတချို့တဝက်ပြန်လည်ဖြေလျော့ပေးလိုက်တယ်။နိုင်ငံခြားသားလုပ်ငန်းရှင်တွေ၊အဖွဲ့အစည်းတွေနဲ့လေကြောင်းလိုင်းတွေကိုကင်းလွှတ်ခွင့်ပေးလိုက်တယ်။ပြည်တွင်းကလုပ်ငန်းရှင်တွေတော့ပါမလာဘူး။ဦးနှောက်မရှိလုပ်ချင်တိုင်းလုပ်ပြီးနောက်ဆုံးတော့တင်းမထားနိုင်ပဲအလျော့ပေးလိုက်ရတယ်။ပြည်တွင်းလုပ်ငန်းရှင်တွေကင်းလွတ်ခွင့်ထဲမပါတဲ့အတွက်ထိုအမိန့်ဟာစီးပွားရေးအပေါ်အကျိုးသက်ရောက်မှုဆက်လက်ကြီးမားနေဦးမယ်။ မုံရွာတဖက်ကမ်းကတရုတ်ပိုင်ကြေးနီစီမံကိန်ကိုပြန်လည်လည်ပတ်ခွင့်မပြုလို့ဒေသခံPDF တွေပူးပေါင်းသတင်းထုတ်ပြန်လိုက်တယ်။ဒါဟာတရုတ်ပိုင်စီမံကိန်းကြီးတစ်ခုကိုပထမဆုံးအကြိမ်ကြီးကြီးမားမားခြိမ်းခြောက်လိုက်တာပဲ။အခုလောလောဆယ်မှာစစ်ကောင်စီကိုပေါ်တင်ထောက်ခံနေတဲတရုတ်အတွက်ဘယ်လိုဆက်သွားမလဲဆိုတာစဉ်းစားစရာတွေဖြစ်လာလိမ့်မယ်။စစ်ကောင်စီဘက်ကလဲထိုစီမံကိန်းကြီးတွေကိုလုံခြုံရေးပေးဖို့အင်အားတွေထုတ်နုတ်သုံးစွဲရတော့မယ်။PDFတွေဖက်ကထုတ်ပြန်ချက်လေးတစောင်ဆိုပေမယ့်အဲ့ဒါကအတော်တာသွားတယ်။

စစ်ကောင်စီကတနိုင်ငံလုံးကသူ့တပ်တွေကိုအရေးပေါ်ကာလအဖြစ်ရက်အကန့်အသတ်မရှိကြေငြာလိုက်တယ်။သဘောကတပ်အရွှေ့အပြောင်းတွေမလုပ်တော့ပဲရောက်တဲ့နေရာမှာလုံခြုံရေးပြင်ဆင်ခိုင်းတာပဲ။စစ်ကောင်စီဟာဒီတလျှောက်လုံးထိုးစစ်ဆင်မှုတွေအမြောက်အမြားပြုလုပ်ခဲ့ပေမယ့်အောင်မြင်မှုမရှိပဲသူ့အင်အားတွေသာလုံးပါးပါးလာခဲ့တယ်။အခုတော့ပြောင်းလဲလာတဲ့စစ်ရေးအခြေအနေတွေအရထိုးစစ်တွေရပ်ပြီးခံစစ်ပြင်ဖို့စီမံနေပုံပဲ။ ရန်ကုန်မှာတော့စစ်တပ်ထုတ်အထင်ကရမြန်မာဘီယာစက်ရုံကြီးဗုံးပစ်တိုက်ခိုက်ခံလိုက်ရတယ်။စက်ရုံထဲကအရေးကြီးစက်ပစ္စည်းတွေပျက်စီးသွားတယ်လို့သိရတယ်။နောက်ထပ်စစ်တိုင်ပိုင်လုပ်ငန်းတစ်ခုဖြစ်တဲ့ဦးပိုင်ရုံးတွေလဲနေပြည်တော်ကိုပြောင်းကုန်ပြီတဲ့။ဒီလိုစစ်ကောင်စီထောက်တိုင်စီးပွားရေးလုပ်ငန်းတွေကိုများများတိုက်ခိုက်သင့်တယ်။

စက်သုံးဆီပြသာနာဟာမနေ့ကညနေပိုင်းမှာပဲဆီဆိုင်ကြီးတွေကအလုံအလောက်ဝယ်ယူနိုင်ပါပြီဆိုတဲ့ထုတ်ပြန်ချက်တွေကြောင့်အနည်းငယ်ပြေလည်သွားတယ်။စစ်ကောင်စီဘက်ကဆီလုပ်ငန်းရှင်တွေကိုချက်ချင်းဖိအားပေးတယ်လို့ကြားတယ်။ဒီနေ့တော့ဆီဆိုင်တွေမှာတန်းစီစရာမလိုတော့ဘူး။ဒါပေမယ့်ဆီလက်ကျန်ရှိမရှိနဲ့စစ်ကောင်စီကဒေါ်လာထုတ်ပေးမပေးကိုတော့တိတိကျကျမသိရသေးဘူး။စစ်ကောင်စီဘက်ကတင်းခံနေရင်တော့ဆီလက်ကျန်တွေကုန်သွားတဲ့အခါအခြေအနေတွေဒီထက်ပိုဆိုးလာလိမ့်မယ်။ ဒီကိစ္စမှာဆီလုပ်ငန်းရှင်တွေဘက်ကလဲအရှုံးခံရောင်းနေရမှုကြောင့်ဆီစျေးဆွဲတင်ချင်လို့စစ်ကောင်စီကိုပညာပြလိုက်တဲ့သဘောလဲပါတယ်။ဘာပဲဖြစ်ဖြစ်နောက်ဆုံးတော့ဒုက္ခရောက်မှာပြည်သူတွေပဲလေ။

စစ်ကောင်စီရဲ့ဒေါ်လာထိန်းချုပ်ရေးအမိန့်အကျိုးဆက်အဖြစ်ပြည်တွင်းစက်သုံးဆီလောကမှာအကြီးအကျယ်ဂရက်ရိုက်နေတယ်။နှစ်သစ်ကူးကာလအတွင်းပိတ်ထားတဲ့စက်သုံးဆီဆိုင်အတော်များများပြန်ဖွင့်ချိန်မှာဆီလက်ကျန်မရှိနည်းနေတဲ့အကြောင်းပြချက်နဲ့စျေးတွေတက်ကုန်ပြီးခွဲတမ်းနဲ့သာဝယ်ယူလို့ရတော့တယ်။ရန်ကုန်ကဆိုင်ကြီးတွေမှာတောင်ကားတစ်စီးကိုအများဆုံးကျပ်ငါးသောင်းဖိုးသာရောင်းချပေးတော့တယ်။အဓိကဆိပ်ကမ်းမြို့ဖြစ်တဲ့ရန်ကုန်မှာခွဲတမ်းနဲ့ရောင်းနေတာကြောင့်နယ်မြို့ကြီးတွေမှာလဲခွဲတမ်းစနစ်တွေဖြစ်ကုန်တယ်။ဆီဆိုင်အသေးလေးတွေပိတ်ထားကြပြီးဆီဆိုင်ကြီးတွေမှာအလုအယက်ဆီလာဖြည့်တဲ့ကားတွေတန်းစီနေတယ်။ ဒီပြသာနာဟာအဓိကကပြည်ပကဆီဝယ်ဖို့စစ်ကောင်စီကဒေါ်လာပြန်ထုတ်ပေးမပေးမသေချာတာကစတာပဲ။စစ်ကောင်စီအနေနဲ့ကလဲလုပ်ငန်းရှင်တွေဆီကအောက်စျေးနဲ့မတရားအမိန့်ထုတ်ပြီးသိမ်းထားတဲ့ဒေါ်လာတွေကိုပြန်ထုတ်ပေးချင်မှာမဟုတ်ဘူး။ဒီပြသာနာကိုမြန်မြန်မဖြေရှင်းနိုင်ရင်အကျိုးသက်ရောက်မှုအတော်ကိုကြီးမားလာလိမ့်မယ်။အခုတော့အရင်လွတ်လပ်စွာကြိုက်သလောက်ဝယ်ယူလို့ရတဲ့စက်သုံးဆီကိုခွဲတမ်းနဲ့တန်းစီပြီးပြည်သူတွေဝယ်ယူနေရပြီ။စစ်အာဏာရှင်လက်အောက်မှာပြည်သူတွေဟာဘဏ်မှာလဲတန်းစီ၊အောက်ဆီဂျင်လဲတန်းစီ၊အခုစက်သုံးဆီကိုပါတန်းစီနေရပြီ။

မနေ့ကမုံရွာမြို့ပေါ်ကလမ်းမကြီးမှာPDFတွေအစောင့်အရှောက်နဲ့သပိတ်ပွဲကျင်းပသွားတယ်။ဒါမျိုးကအရင်ရွာတွေဘက်မှာပဲလုပ်ကြတာ။အခုမုံရွာလိုမြို့ကြီးပေါ်ရောက်လာပြီ။မုံရွာဆိုတာကလဲအခုဆိုရင်PDFတွေပတ်ချာလည်ဝိုင်းထားတဲ့မြို့ဖြစ်နေပြီ။မြို့နေလူထုကလဲညီကြတယ်။မြို့ပေါ်ကစစ်တပ်ရဲ့တိုင်းဌာနချုပ်ဆိုရင်မကြာမကြာလက်နက်ကြီးနဲ့အပစ်ခံနေရတယ်။ မနေ့ကသပိတ်ပွဲပြီးလို့လူစုခွဲအပြီးမှာPDFငါးယောက်ဒလန်သတင်းပေးမှုကြောင့်အသတ်ခံလိုက်တယ်။သပိတ်ပွဲကအောင်မြင်ပေမယ့်ပေးဆပ်မှုကတော့ကြီးမားသွားတယ်။ မန္တလေးမှာလဲမြို့ပြပျောက်ကျားအဖွဲ့ဝင်တချို့အဖမ်းခံလိုက်တယ်။မန္တလေးမြို့ဟာမြို့ပုံစံကြောင့်တခြားမြို့တွေနဲ့မတူပဲUGတွေလှုပ်ရှားရတာတကယ်မလွယ်ပါဘူး။မြို့ကြီးတွေပေါ်ကUGတွေဘဝကတော့ဒီလိုပဲပိန်လိုက်ဖောင်းလိုက်ပါပဲ။

ကိုဗစ်ကြောင့်ချမှတ်ထားတဲ့လူစုလူဝေးကန့်သတ်ချက်ကိုစစ်ကောင်စီကပယ်ဖျက်လိုက်ပြီးဒီနေ့နှစ်ဆန်းတရက်နေ့မှာတနိုင်ငံလုံးကရုပ်ရှင်ရုံတွေပြန်ဖွင့်စေတယ်။နိုင်ငံရေးမလုပ်တဲ့အနုပညာရှင်တွေနဲ့လွတ်ငြိမ်းနဲ့ပြန်လွတ်လာတဲ့အနုပညာရှင်တွေရဲ့ဇာတ်ကားတွေကိုအဓိကထားပြသခိုင်းထားတယ်။ဒါပေမယ့်ကြည့်မယ့်ပရိသတ်တော့မရှိဘူး။စစ်ကောင်စီဟာပုံမှန်အခြေအနေပြန်ရောက်နေကြောင်းအတင်းလုပ်ယူနေတဲ့အတွက်လူထုကလဲစစ်ကောင်စီလုပ်သမျှအရာအားလုံးကိုသပိတ်မှောက်လျက်ရှိတယ်။ရုပ်ရှင်ရုံပိုင်ရှင်တွေ၊ဇာတ်ကားထုတ်လုပ်သူတွေလဲအကြပ်အတည်းဆိုက်နေတယ်။ရုံတွေကိုအတင်းအကြပ်ပြန်ဖွင့်စေပြီးလျှပ်စစ်မီးကိုတော့လုံလုံလောက်လောက်မပေးနိုင်၊ပရိသတ်လဲမရှိတဲ့အတွက်တင်သမျှဇာတ်ကားတိုင်းအရှုံးပေါ်မှာပဲ။သူတို့လဲကြာကြာတောင့်ခံနိုင်မှာမဟုတ်ဘူး။စစ်ကောင်စီအတွက်ကတော့လုပ်သမျှအရာအားလုံးအရှုံးကြီးရှုံးလျက်ရှိတယ်။

NUGကာကွယ်ရေးဝန်ကြီးPDFစခန်းတနေရာမှာရှိနေတဲ့ပုံတွေထုတ်ပြန်လိုက်တယ်။ကာဝန်ကရှေ့တန်းမှာလူလုံးထွက်ပြတဲ့သဘောပေါ့။အကြမ်းဖက်ခေါင်းဆောင်မင်းအောင်လှိုင်ကတော့လက်အောက်ကစစ်သားတွေကိုသာအသေခံထိုးကျွေးနေပြီးလူလုံးပြဖို့နေနေသာသာခရီးစဉ်တွေတောင်သိပ်မထွက်ရဲဘူး။စစ်သားတွေအတွက်တွေးတတ်ရင်နာဖို့ကောင်းတယ်။ NUGကထုတ်ပြန်ချက်ထဲမှာတနိုင်ငံလုံးဧရိယာရဲ့၃၀%ကိုEAOတွေကထိန်းချုပ်ထားပြီး၁၅%ကိုတော့PDFထိန်းချုပ်နိုင်ပြီလို့ဆိုတယ်။စုစုပေါင်းနိုင်ငံတဝက်လောက်ကိုထိန်းချုပ်ထားနိုင်တဲ့သဘောပေါ့။မကြာမီမှာခံစစ်ကတိုက်စစ်ကိုကူးပြောင်းတော့မယ်တဲ့။စစ်ပွဲဟာပိုမိုပြင်းထန်လာတော့မယ်။