စစ်ကိုင်းတိုင်း၊ မုံရွာမြို့နယ်၊ မုံရွာအကျဉ်းထောင်တွင် ပြီးခဲ့သည့် စက်တင်ဘာလ ၈ ရက်နေ့ကစတင်ပြီး နိုင်ငံရေးအကျဉ်းသားတွေအစာငတ်ခံဆန္ဒပြခဲ့ကြတယ်။စက်တင်ဘာလ ၈ ရက်နေ့က ရှာဖွေရေး ဟုခေါင်းစဉ် တပ်ကာ ရဲနှင့်စစ်ကောင်စီတပ်သားအင်အားအလုံးအရင်းဖြင့် အကျဉ်သားများထံက ရှာဖွေရသမျှ ပစ္စည်းများကို သိမ်းဆည်းသွားခြင်းကြောင့် အကျဉ်းသား ၁၅ ဦးသည် စတင်၍ အစာငတ်ခံဆန္ဒပြခဲ့ပြီး ၅၀ ဦးအထိ ပါဝင်လာခဲ့တယ်။ထိုနိုင်ငံရေးအကျဉ်းသား ၅၀ ဦးဟာ မုံရွာအကျဉ်းထောင် တာဝန်ခံ အရာရှိကိုယ်တိုင် အပတ်စဉ် ထောင်ပိုင်တန်းစီးတွင် ခွင့်ပြုထားသော အကျဉ်းသား တစ်ဦးလျှင် စာအုပ်သုံးအုပ်စီ သိမ်းဆည်းထားခြင်းကိုပြန်ပေးရန်၊ အကျဉ်းသား တစ်ဦး လျှင်ထောင်ဝတ်စုံ ပုံစံသုံးစုံစီ ခွင့်ပြုထားလျက် သိမ်းဆည်းသွားခြင်းကို ပြန်ပေးရန်၊ သိမ်းဆည်းသွားသော စာအိုးစားခွက်များနှင့် အစားအသောက်နှင့်ဟင်းများကိုပြန်ပေး ရန်၊ အကျဉ်းသားတစ်ဦးလျှင် စာ ၁၀ စောင်၊ ပုံ ၁၀ ပုံခွင့်ပြုထားလျက် သိမ်းဆည်း သွားသည့် ပုံများ၊ စာများကို ပြန်ပေးရန် စသည့် အချက်လေးချက်ကို တောင်းဆိုကာအစာငတ်ခံဆန္ဒပြခဲ့ခြင်းဖြစ်တယ်။တပတ်ခန့်အကြာဆန္ဒပြအကျဉ်းသားတွေရဲ့ကျန်းမာရေးအခြေအနေဆိုးရွားလာပြီးနောက် နိုင်ငံရေးအကျဉ်းသားများ၏ တောင်းဆိုချက် လေးချက်ကို စက်တင်ဘာလ ၁၃ ရက်နေ့တွင် စစ်ကောင်စီက လိုက်လျောပေးခဲ့ခြင်းဖြစ်တယ်။ အစာငတ်ခံဆန္ဒပြနေသည့် ၅ ရက်တာအတွင်း အကျဉ်းသားသုံးဦးမှာ သတိမေ့မြော သွားခဲ့ပြီး ထောင်တွင်းကျန်းမာရေးစောင့်ရှောက်မှု ရရှိခဲ့ခြင်းမရှိဘဲကျန်နိုင်ကျဉ်းများမှာလည်းစစ်ကောင်စီလက်အောက်ခံများ၏လက်နက်အားကိုးဖြင့်စော်ကားပြောဆို မှုများ၊ အနိုင်ကျင့်ခံခဲ့ရခြင်းများ ရှိခဲ့ကြောင်း သိရတယ်။
လက်ရှိအချိန်မှာတော့ အစာငတ်ခံဆန္ဒပြခဲ့တဲ့ အကျဉ်းသားတွေရဲ့ ကျန်းမာရေးအခြေအနေကတော့ မသိရ သေးဘူး။ တောင်းဆိုချက်တွေ ပြန်ရတဲ့အတွက် ဆေးဝါးတွေပြန်ပေးတာ။ ကျန်းမာရေးကုသမှုပေးမယ်လို့ပဲ ယူဆထားတယ်။အကျဉ်းထောင်အာဏာပိုင်တွေ၊စစ်အုပ်စုတွေဟာတည်ဆဲဥပဒေတွေ၊အကျဉ်းထောင်ဥပဒေတွေကိုလစ်လျှူရှုပြီးတော့အမိန့်အာဏာတွေ၊ညွှန်ကြားချက်တွေနဲ့သွားနေတဲ့အတွက်ကြောင့်အခုလိုမျိုးလိုက်လျောလိုက်တာဟန်ပြသက်သက်ပဲထင်တယ်။စစ်ကောင်စီကဘယ်တော့မှသူတို့ရှုံးသွားတယ်အလျော့ပေးလိုက်ရတယ်ဆိုတာကိုငြိမ်ခံ၊လက်ခံတာမျိုးမရှိဘူး။အထူသဖြင့်ထောင်တွင်းတိုက်ပွဲတွေကပိုဆိုးတယ်။သူတို့ကအကျဉ်းသား၊အချုပ်သားကိုအလျော့ပေးရတယ်ဆိုတာမျိုး အဖြစ် မခံဘူး။ မီဒီယာတွေရော ပြည်သူတွေပါ ဒီကိစ္စကို ဆက်လက် စောင့်ကြည့်နေဖို့ လိုပါတယ်။
