အာဏာသိမ်း ဒိုင်ယာရီ

မြဝတီမြို့အနီးလက်ခက်တောင်ကိုKNUကတိုက်ခိုက်သိမ်းပိုက်ထားတာတစ်လပြည့်သွားပါပြီ။ဒီတလအတွင်းမှာထိုနေရာကိုပြန်ရဖို့စစ်ကောင်စီတပ်တွေ၁၀ကြိမ်ထက်မနည်းထိုးစစ်ဆင်တိုက်ခိုက်နေပေမယ့်တောင်ခြေနားတောင်မကပ်နိုင်သေးပါဘူး။စစ်ကောင်စီတပ်တွေရဲ့ဗုံးကြဲတိုက်ခိုက်မှုကြောင့်တောင်ပေါ်ကသာသနိကအဆောက်အအုံအတော်များများလဲပျက်စီးသွားပြီ။စစ်တပ်လော်ဘီရပ်ကွက်မှာတော့လက်ခက်တောင်ကိုဒီနေ့ရမယ်၊မနက်ဖြန်ရမယ်ဆိုပြီးပြောဆိုနေကြပေမယ့်လက်တွေ့မြေပြင်မှာတော့စစ်တပ်ဖက်သာအကျအဆုံးများလျက်ရှိတယ်။ စစ်တပ်ထဲကလာတဲ့သတင်းအရင်းအမြစ်တစ်ခုအရကရင်နီနဲ့ကရင်ပြည်နယ်ကစစ်ဆင်ရေးတွေကိုနေပြည်တော်ကမင်းအောင်လှိုင်လူယုံဗိုလ်ချုပ်ကြီးတစ်ဦးကတိုက်ရိုက်ကိုင်တွယ်နေတယ်လို့သိရတယ်။ဒါကြောင့်အခုနောက်ပိုင်းမှာလက်နက်အင်အားနဲ့လေကြောင်းပစ်ကူကိုအဆမတန်သုံးလာတာတွေ့ရတယ်။ဒီလိုအခြေအနေမျိုးမှာလက်ခက်တောင်ကိုတလကျော်ထိန်းထားနိုင်တာဂုဏ်ယူစရာတစ်ခုပဲ။

ကရင်နီပြည်နယ်ထဲမှာဒီလထဲတိုက်ပွဲတွေမှာစစ်ခွေး၇၀ကောင်ခန့်သေဆုံးသွားတယ်လို့ကရင်နီတော်လှန်ရေးအင်အားစုတွေကသတင်းထုတ်ပြန်လိုက်တယ်။ကရင်နီပြည်နယ်ထဲမှာတော့တိုက်ပွဲတွေနေ့စဉ်မပြတ်ရှိနေပြီးစစ်တပ်ကပြည်နယ်တွင်းလမ်းမကြီးတွေကိုထိန်းချုပ်ဖို့ကြိုးစားနေဆဲပဲ။တိုက်ပွဲတွေမှာစစ်သူပုန်တွေဘက်ကကျဆုံးမှုများတဲ့အပြင်လက်နက်ခဲယမ်းတွေလဲအများအပြားသိမ်းဆည်းရမိထားတယ်။တိုက်ပွဲတစ်ခုကိုသိန်းထောင်ကျော်ဖိုးခန့်အထိသိမ်းဆည်းရမှုတွေရှိနေတာကြောင့်ကရင်နီတော်လှန်ရေးအဖွဲ့တွေကိုလက်နက်ထောက်ပံတာပြည်သူတွေမဟုတ်ပဲစစ်ခွေးတွေလို့ပြောလို့ရတဲ့အထိပဲ။စစ်ကောင်စီအနေနဲ့ဘယ်လိုပဲကြိုးစားပါစေကရင်နီပြည်နယ်ကိုပြန်ရဖို့မဖြစ်နိုင်တော့ပါဘူး။

စစ်ကောင်စီကတော့ဒေါ်လာအမှန်တကယ်ပြတ်လပ်နေပြီထင်တယ်။မနေ့ကကျင်းပတဲ့ကုန်သည်ကြီးများတွေ့ဆုံပွဲမှာပြည်သူတွေလက်ထဲမှာတရားမဝင်ဒေါ်လာကိုင်ထားရင်ထောင်ချမယ်လို့ခြိမ်းခြောက်လိုက်တယ်။ဒါအပြင်လုပ်ငန်းတွေကိုလဲပို့ကုန်ရငွေဒေါ်လာတွေကိုအပြည့်အဝပြန်အပ်ဖို့နဲ့မအပ်ရင်တရားစွဲမယ်လို့ခြိမ်းခြောက်သေးတယ်။ကုန်သည်တွေလက်ထဲမှာဒေါ်လာ၂ဘီလီယံလောက်ပြန်အပ်ဖို့ရှိသေးတယ်လို့လဲစွပ်စွဲလိုက်တယ်။ပြည်သူတွေလက်ထဲမှာဒေါ်လာတွေရှိနေသေးတာသိတဲ့စစ်ကောင်စီဟာထိုငွေတွေသူတို့ဆီဝင်လာအောင်မရမကညစ်ထုတ်နေတာပဲ။သူတို့ဘယ်လိုပဲခြိမ်းခြောက်ပါစေသိပ်တော့ထူးမယ်မထင်ဘူး။ဒီလိုဖြစ်နေရတာလဲနိုင်ငံတကာကတရစ်ချင်းဆီသူတို့လည်ပင်းကိုညစ်လာလို့ပဲ။ဒါကြောင့်အရူးမီးဝိုင်းပြီးကြံမိကြံရာကြံနေတယ်။ စစ်ကောင်စီကဒေါ်လာကိုင်ထားရင်ထောင်ချမယ်လို့ခြိမ်းခြောက်နေချိန်မှာNUGနွေဦးဘဏ်ကသူတို့ဆီမှာလုံခြုံစိတ်ချစွာအပ်နှံနိုင်ကြောင်းကြေငြာလိုက်တယ်။NUGကအခွင့်အရေးကိုအမိအရဆုပ်ကိုင်နိုင်ဖို့ကြိုးစားနေပေမယ့်သူတို့ဘက်မှာလဲအဆင်သင့်မဖြစ်သေးဘူး။နွေဦးဘဏ်ဟာအခုမှအစပဲရှိသေးတယ်။လူတိုင်းကိုအကောင့်မဖွင့်ပေးနိုင်သေးဘူး။ဒီလကုန်မှအမှန်တကယ်စပြီးလည်ပတ်မယ်လို့သိရတယ်။

နေပြည်တော်တွင်စစ်ခေါင်းဆောင်မင်းအောင်လှိုင်စကျင်ကျောက်ထိုင်တော်မူရုပ်ပွားတော်ဘုရားတစ်ဆူတည်ထားကိုးကွယ်ထားတယ်။သူမပြုတ်ခင်သူတည်ခဲ့တဲ့ဘုရားဆိုပြီးအမှတ်တရပုံစံပေါ့။ခက်တာကသူတည်ထားတဲ့မာရဝိဇယဗုဒ္ဓရုပ်ပွား တော်ကို ၀င်ရောက်ဖူးမျှော်ရန် သတ်မှတ်၀င်ကြေးကောက်ခံနေတယ်။ အဆိုပါရုပ်ပွားတော်ကို ဩဂုတ်လ ၂၀ ရက်မှစတင်ပြီး သတ်မှတ်၀င် ကြေးနှုန်းထားများ အတိုင်း ကောက် ယူသွားမည်ဟု စစ်ကောင်စီကကြေငြာတယ်။ဝင်ကြေးကလူကြီးကလေးတစ်ဦးလျှင်၁၀၀၀ကျပ်၊နိုင်ငံခြားသားတစ်ဦးလျှင်၁၀ဒေါ်လာတဲ့။ဒါ့အပြင်တခြားအခွန်တွေလဲကောက်သေးတယ်။ဖုန်းကင်မရာတစ်လုံးကို၅၀၀၀၊ကားဝင်ခွင့်က၂၀၀၀၀တဲ့။ဗုဒ္ဓဘာသာဝင်တွေငွေကြေးမတတ်နိုင်သူတွေကုသိုလ်လိုချင်ရင်အိမ်ကဘုရားဖူးဒီမှာလာမဖူးနဲ့လို့ဆိုသလိုပဲ။ စစ်ခေါင်းဆောင်ဟာစီးပွားဖြစ်ဘုရားတည်ထားသလိုပဲ။မျောက်ပြဆန်တောင်းဆိုတာပဲကြားဖူးတယ်။အခုကြတော့ဘုရားပြပိုက်ဆံတောင်း” ဆိုတာကို သူ လုပ်လိုက်တာပဲ။ ပိုက်ဆံမတတ်နိုင်သူတွေတစ်နေ့လုပ်မှတစ်နေ့စားရတဲ့သူတွေ၊လက်ထဲမှာအပိုဝင်ငွေမရှိတဲ့လက်လုပ်လက်စားတွေမလာနဲ့ပေါ့။နဂိုကတည်းကပြည်သူကိုဗဟိုမပြုတဲ့စစ်ခေါင်းဆောင်ဟာသူတည်တဲ့ဘုရားကိုလည်းပြည်သူအပေါ်ဗဟိုမပြုခိုင်းဘူးဆိုတာပေါ်လွင်စေတယ်။ရွှေတိဂုံလိုတန်ခိုးအရာကြီးမားပါတယ်ဆိုတဲ့ဘုရားတောင်ပြည်သူဆီကပိုက်ဆံမတောင်းပါဘူး။စစ်ခေါင်းဆောင်တည်ထားတဲ့ဘုရားဟာမြန်မာပြည်မှာပထမဆုံးဝင်ကြေးကောက်တဲ့ဘုရားအဖြစ်မှတ်တမ်းဝင်သွားပါပြီ။

စစ်ကိုင်းတိုင်း၊ခင်ဦးမြို့ မှာမူးရူးသောက်သားထားတဲ့ စစ်အုပ်စုက အကြမ်းဖက် ပစ်ခတ်စီးနင်း ဝင်မွှေရာ အသက်သုံးနှစ်အရွယ် အမွှာပူး ကလေးငယ်တစ်ဦး သေနတ်မှန် သေဆုံးပြီးနောက် ကျန်ရစ်တဲ့ ကလေးငယ်နဲ့ မိခင်ဖြစ်သူကိုဖမ်းခေါ်သွားကာလက်နက်တွေနဲ့အတူဖမ်းမိတယ်လို့စစ်အုပ်စုကလုပ်ကြံသတင်းဖြန့်ထားပါတယ်။ အမွှာပူးကလေးနှစ်ယောက်မှာအကြီးလေး သေတာဖြစ်ပြီး အလောင်းရော သယ်သွားပြီး အငယ်လေးကိုလည်း စစ်တပ်က...

နွေဦးတော်လှန်ရေးကာလအတွင်းစစ်အင်အားပြုန်းတီးမှုများနေ့စဉ်ကြုံတွေ့နေရတဲ့စစ်ကောင်စီတပ်ဟာစစ်ထွက်အင်အားနည်းပါးနေတာကြောင့်စစ်ကောင်စီလက်အောက်ခံဌာနဆိုင်ရာဝန်ထမ်းတွေကိုစစ်တပ်ရဲ့အရန်အင်အားအဖြစ်အသုံးပြုဖို့ပြင်ဆင်နေတယ်။ရှမ်းပြည်နယ်တောင်ပိုင်းမှာထိုကိစ္စအတွက်စာတစ်စောင်ပေါက်ကြားလာပြီးNonCDMဝန်ထမ်းတွေကိုပြည်သူ့စစ်အဖြစ်ဖွဲ့စည်းမယ်လို့သိရတယ်။ထိုကိစ္စကြောင့်ဝန်ထမ်းအသိုင်းအဝိုင်းမှာလဲထိတ်လန့်နေကြတယ်။စစ်ကောင်စီအနေနဲ့အင်အားသစ်စုနိုင်မှုလုံးဝမရှိတော့အခုတောင်စစ်တပ်ထဲမှာတပ်မိသားစုဝင်တွေကိုတပ်ရင်းတပ်ဖွဲ့တွေမှာလုံခြုံရေးဂိတ်စောင့်ခိုင်းတာတွေပြုလုပ်နေတယ်ဆိုတော့NonCDMဝန်ထမ်းတွေကိုစစ်တိုက်ခိုင်းမယ့်ကိစ္စကဖြစ်လာနိုင်တာပဲ။လက်ရှိစစ်တပ်မှာတပ်ရင်းတစ်ခုကိုဖွဲ့စည်းပုံအင်အားအနည်းဆုံးနှစ်ရာခန့်ရှိရမယ်လို့ဆိုသော်လည်းအင်အား၁၃၀ခန့်သာရှိနေပြီးစစ်ထွက်အင်အားဟာတပ်ရင်းတစ်ခုကို၇၀ခန့်သာရှိတော့သည်အထိအင်အားပြုန်းတီးနေကြောင့်အဆိုပါပေါက်ကြားလာတဲ့စာအရသိရတယ်။

စင်ကာပူUOBဘဏ်ကမြန်မာအကောင့်တွေကိုပိတ်ပင်လိုက်ပြီးနောက်ရှော့ရသွားတဲ့မြန်မာ့စီးပွားရေးကြောင့်ဒေါ်လာ‌ဈေးနဲ့ရွှေဈေးတွေတရိပ်တရိပ်တက်လာလိုက်တာအခုဆိုရင်တစ်ဒေါ်လာလေးထောင်နီးပါးနဲ့ရွှေဈေး၃၉သိန်းအထိရောက်ရှိလာပါပြီ။ ဒေါ်လာ‌ဈေးနဲ့ရွှေဈေးဟာပြီးခဲ့နှစ်ကုန်ကနေဒီနှစ်မေလလောက်ထိသုံးထောင်အောက်မှာအချိန်အတော်ကြာငြိမ်နေခဲ့ပြီးစစ်ကောင်စီကကောင်းကောင်းထိန်းချုပ်နိုင်ပြီလို့အထင်ရောက်စေခဲ့တယ်။ဒါပေမယ့်ဇွန်လမှာအမေရိကန်ကစစ်ကောင်စီရဲ့နိုင်ငံခြားရင်းနှီးမြုပ်နှံမှုဘဏ်နှစ်ခုကိုအရေးယူမယ်လို့ကြေငြာလိုက်ပီးနောက်ဈေးကွက်ဟာအတက်ဘက်ကိုရောက်လာခဲ့တယ်။ထိုအခြေအနေကိုစစ်ကောင်စီကနှစ်သောင်းတန်ထုတ်မယ့်သတင်းနဲ့မီးထိုးပေးလိုက်ပြန်တယ်။ထိုးကျနေတဲ့မြန်မာကျပ်ငွေဈေးဟာUOBဘဏ်ကမြန်မာအကောင့်တွေကိုပိတ်ပင်လိုက်ပြီးနောက်ဟိုးအောက်ဆုံးကိုရောက်သွားခဲ့ပြီ။နှစ်လကျော်ခန့်အတွင်းမှာဒေါ်လာ‌ဈေးကတစ်ထောင်ခန့်နဲ့ရွှေဈေးက၁၀သိန်းခန့်ထိုးတက်သွားခဲ့တယ်။စစ်အာဏာသိမ်းပြီးနောက်ဒီလိုဒေါ်လာ‌ဈေးနဲ့ရွှေဈေးအတက်ကြမ်းတာမျိုးအရင်ကရှိခဲ့ဖူးပေမယ့်အခုလိုမျိုးအချိန်တိုအတွင်းမှာဒီလောက်အတက်မကြမ်းဖူးဘူး။အခုချိန်ဟာလဲစင်ကာပူအခြေစိုက် UOB ဘဏ်က မြန်မာနိုင်ငံရှိဘဏ်များဖြင့် လုပ်ငန်းချိတ် ဆက်မှုရပ်ဆိုင်းခြင်းအပါအဝင်တရုတ်နိုင်ငံအနေဖြင့်မြန်မာနိုင်ငံကိုအကြွေးများပြန်တောင်းသည့်သတင်းများ၊ ကျပ်နှစ်သောင်းတန်ဂယက်နောက်ဆက်တွဲများကြောင့်ဖြစ်တယ်။စစ်ကောင်စီအတွက်တော့ဒါဟာနောက်ထပ်အိမ်မက်ဆိုးတစ်ခုပဲ။

မုံရွာမှာပြီးခဲ့တဲ့ရက်ကဖြစ်ပွားခဲ့တဲ့ကိုယ်ဝန်ဆောင်အမျိုးသမီးကိုသတ်ဖြတ်ပြီးဓားမြတိုက်ခဲ့တဲ့ဖြစ်စဉ်မှာကျုးလွန်သူတွေကိုဖမ်းမိသွားပါပြီ။ကျူးလွန်သူခြောက်ဦးဟာမုံရွာကျွဲကြီးအဖွဲ့ကဖြစ်ပြီးစစ်ကောင်စီကဖမ်းဆီးပေးတာမဟုတ်ပဲဒေသခံကာကွယ်ရေးအဖွဲ့တွေကဖမ်းလိုက်တာပါ။ ခုလိုလုပ်ရတဲ့အကြောင်းအရင်းကို သေချာမသိရဘူး။ထိုအဖွဲ့ဟာမုံရွာမှာအခြားရာဇဝတ်မှုသုံးလေးခုကိုလဲကျူးလွန်ထားသေးတယ်လို့စစ်ဆေးမေးမြန်းချက်အရ သိရတယ်။ရာဇဝတ်သားတွေကိုNUGတရားစီရင်ရေးကိုအပ်နှံပြီးအရေးယူလိမ့်မယ်။ ထိုကဲ့သို့လူမဆန်တဲ့လုပ်ရပ်မျိုးကျူးလွန်သူတွေကိုသေဒဏ်ပေးသင့်တယ်။စစ်ကောင်စီကအရေးမယူချိန်မှာNUGကမှတ်လောက်သားလောက်အောင်အရေးယူသင့်တယ်။ဒါမှလဲနောက်ထပ်ဒီလိုမျိုးမဖြစ်လာအောင်တားဆီးနိုင်မှာပါ။

စစ်ကိုင်းတိုင်း ကလေးမြို့နယ်မှာအသက်(၅၀)အရွယ် မိခင်နဲ့ အသက်(၃၀)အရွယ် သားဖြစ်သူတို့ ကျန်းမာရေး မကောင်းလို့ ရွာကနေ ခြောက်မိုင်ခန့် ဝေးတဲ့ ကလေးမြို့ကို ဆေးခန်းပြဖို့ ဆိုင်ကယ်နဲ့ အသွား စစ်အုပ်စုနဲ့ ထိပ်တိုက်တိုးပြီး ဖမ်းဆီးလုယက် မီးရှို့ သတ်ဖြတ် ခံလိုက်ရပါတယ်။နှစ်ယောက်လုံး...

စစ်ကိုင်းတိုင်း၊ မုံရွာမြို့၊ရပ်ကွက်တစ်ခုမှာနေအိမ်တစ်အိမ်ကို ၀င်ရောက်ဓားပြတိုက်ပြီး သားယောက်ျားလေး မွေးဖွားရန်ရက်ပိုင်းသာလိုတော့သည့်ကိုယ်၀န်ဆောင်အမျိုးသမီးကိုသတ်ဖြတ်ခဲ့သည့်ဖြစ်စဉ်တစ်ခုဖြစ်ပွားခဲ့တယ်။အမျိုးသားခြောက် ဦးဟာလက် နက်များဖြင့်နေအိမ်အတွင်း၀င်ရောက်ခဲ့ပြီး ကိုယ်၀န်ဆောင် အမျိုးသမီးကို သေနတ်ဖြင့်ပစ်ခတ်ကာ ဖုန်းနှင့်ဆိုင်ကယ်တို့ကို လုယက်ယူဆောင် ထွက်ပြေး သွားတာပါ။ အသက် ၂၄ နှစ် အရွယ် ကိုယ်၀န်ဆောင်အမျိုးသမီးကတော့ ဦးခေါင်း...