စစ်ကိုင်းတိုင်းဒေသကြီး၊ မုံရွာမြို့နယ်ထဲက မုံရွေး-ကြေးမုံစံပြကျေးရွာတွေထဲကို ပြီးခဲ့တဲ့ အောက်တိုဘာ ၄ ရက်မနက်ပိုင်းကစပြီး စစ်ကောင်စီတပ်တွေ ဝင်ရောက်လာပြီး ဒေသခံနေအိမ်တွေကို မီးရှို့ဖျက်ဆီးတာ တွေနဲ့ ဒေသခံတွေကို ဖမ်းဆီးတာတွေဆက်တိုက်လုပ်နေတယ်။ သူတို့တွေဟာ ပြည်သူကို ပစ်မှတ်ထားပြီး လိုက် လံနှိပ်စက်နေတယ်။ ရွာတွေကို မီးရှို့တယ်၊ အမျိုးသမီးတွေကို မုဒိန်းကျင့်တယ်၊ ကလေးငယ်၊ သက်ကြီး ရွယ်အိုတွေကို ရက်ရက်စက်စက်သတ်ဖြတ်တယ်။ ဒါဟာ လူသတ်ကောင်ဆိုတဲ့ အဆင့်ထက်ပိုတယ်။ လူ မဆန်တဲ့လုပ်ရက်တွေကို ပြည်သူတွေဟာ ရင်စည်းပြီးခံစားနေကြရတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။