အာဏာသိမ်း ဒိုင်ယာရီ

ဒီနေ့ဟာစစ်ကိုင်းတိုင်း၊ကန့်ဘလူမြို့နယ်၊ပဇီကြီးတေကျးရွာလေကြောင်းတိုက်ခိုက်ခံရမှုကြောင့်သေဆုံးသွားတဲ့ပြည်သူတွေရဲ့ရက်လည်နေ့ပါ။ဒါပေမယ့်တရွာလုံးထွက်ပြေးနေရတာကြောင့်ရက်လည်ဆွမ်းသွတ်မလုပ်ကြဘူး။လုပ်မယ်ဆိုရင်လဲတရွာလုံးတအိမ်မကျန်အောင်လုပ်ရမှာပါ။ထိုနေ့ကဖြစ်ရပ်ကြောင့်တရွာလုံးမှာသေဆုံးသူမရှိတဲ့မိသားစုမရှိတဲ့အထိဖြစ်သွားခဲ့တယ်။တပတ်ပြည့်ခဲ့ပေမယ့်စစ်တပ်ရဲ့လေကြောင်းခြိမ်းခြောက်မှုတွေဆက်လက်ရှိနေတာကတကြောင်း၊ရွာသူရွာသားတေခမျာစိတ်ဒဏ်ရာပြင်းထန်စွာရနေကြလို့ရွာကိုပြန်မဝင်နိုင်သေးပဲနီးစပ်ရာတောထဲတောင်ထဲတွေမှာခိုအောင်းနေကြရတယ်။ရက်လည်နေ့အတွက်တရားဟောပေးမယ့်ဘုန်းကြီးမရှိတာကြောင့်ဖုန်းနဲ့ပဲအဆင်ပြေသလိုလုပ်လိုက်ကြရတယ်။ ဒီလောက်ပြည်သူတွေဒုက္ခရောက်နေတာတောင်ကုလသမဂ္ဂလုံခြုံရေးကောင်စီမှာစစ်ကောင်စီကိုရှုံ့ချကန့်ကွက်ကြောင်းစာထုတ်ဖို့ကိုတောင်တရုတ်နဲ့ရုရှားကကန့်ကွက်လို့ဘာမှလုပ်လို့မရခဲ့ဘူး။မြန်မာပြည်သူတွေအတွက်အတော်ရင်နာစရာကောင်းတယ်။ကူရာကယ်ရာမဲ့အခြေအနေမှာကမ္ဘာကြီးဆီကဘာမှမျှော်လင့်လို့မရတော့ပါဘူး။

မနေ့ညကစစ်ကောင်စီရုံးစိုက်ရာနေပြည်တော်ကဧလာလေယာဥ်ကွင်းကိုတော်လှန်ရေးအဖွဲ့တွေရှော့တိုက်ဒုံးနဲ့ပစ်ခတ်တိုက်ခိုက်ခဲ့လို့မီးအကြီးအကျယ်လောင်ခဲ့တယ်။မီးလောင်မှုဟာကြီးမားတာကြောင့်လေယာဥ်ဆီသိုလှောင်တဲ့နေရာတွေထိခိုက်သွားတယ်လို့ပြောကြသလိုလက်နက်ခဲယမ်းသိုလှောင်ရုံကိုကျရောက်ပေါက်ကွဲတယ်ဆိုကြတယ်။စစ်တပ်က လုံခြုံရေးအပြည့်အဝယူထားတဲ့နေရာဖြစ်တာကြောင့် ဘယ်လောက်ထိခိုက်သွားတယ်ဆိုတာတော့အတည်မပြုနိုင်သေးဘူး။စစ်ကောင်စီကတော့လေယာဥ်ကွင်းနားကတောမီးလောင်တာပါလို့သတင်းလွှင့်တယ်။ မရှေးမနှောင်းမှာပဲမကွေးတိုင်းဆိပ်ဖြူမြို့နယ်ကစစ်တပ်ရဲ့လေယာဥ်ဗုံးတွေထုတ်လုပ်တဲ့စက်ရုံတစ်ခုလဲရှော့တိုက်ဒုံးနဲ့အတိုက်ခံရတယ်။တော်လှန်ရေးအဖွဲ့တွေကအနီးဆုံးနေရာကနေသေချာချိန်ရွယ်ပစ်ခတ်ခဲ့တာကြောင့်လက်နက်သိုလှောင်ရုံထိမှန်ပေါက်ကွဲသွားတယ်လို့အတည်ပြုတယ်။စစ်သားတချို့လဲထိခိုက်သေဆုံးနိုင်တယ်။ပစ်ခတ်ခံရချိန်ထိုစက်ရုံမှာရုရှားကလက်နက်ပညာရှင်တွေလဲရောက်ရှိနေတယ်။သူတို့ထိခိုက်မှုရှိမရှိတော့သေချာမသိရဘူး။ အခုနောက်ပိုင်းမှာတော်လှန်ရေးအဖွဲ့တွေဟာစစ်တပ်ရဲ့အတွင်းစည်းကမဟာဗျူဟာမြောက်ပစ်မှတ်တွေကိုတိုက်ခိုက်လာနိုင်တာကိုသတိထားမိတယ်။ထိုကဲ့သို့ပစ်မှတ်တွေခပ်စိတ်စိတ်တိုက်ခိုက်လာနိုင်ရင်စစ်ကောင်စီအတွက်များစွာအခက်တွေ့စေနိုင်တယ်။

ဘာလိုလိုနဲ့သင်္ကြန်အတက်နေ့တောင်ရောက်လာပြီ။အာဏာသိမ်းပီးကတည်းပြည်သူတွေဆိုတာသင်္ကြန်ကိုဘာမှန်းတောင်မသိကြတော့ဘူး။အားလုံးဟာသင်္ကြန်ကိုမဆိုင်သလိုပဲဖြတ်သန်းကြတယ်။ဒီနှစ်လဲမြို့ကြီးတွေမှာစစ်ကောင်စီကပြုလုပ်ပေးထားတဲ့မဏ္ဏပ်တချို့တလေလောက်မှာသာစည်ကားနေပြီးကျန်တဲ့နေရာအများစုမှာရေကစားသူမရှိသလောက်ပဲ။ထိုမဏ္ဏပ်တွေမှာလဲစစ်ကောင်စီကအတင်းအကျပ်ရေကစားခိုင်းထားတဲ့ဝန်ထမ်းတွေနဲ့အမူးသမားတွေသာရှိတယ်။စစ်ကောင်စီစီစဉ်ပေးထားတဲ့နေရာတွေမှာဘယ်သာမာန်ပြည်သူမှရေသွားမကစားရဲကြဘူး။တော်လှန်ရေးအဖွဲ့တွေကသတိပေးထားတာကိုး။တကယ်လဲပေါက်ကွဲမှုတွေနယ်မြို့တွေကမဏ္ဏပ်တွေမှာရှိခဲ့တယ်။ဒါပေမယ့်ရေမကစားကြတဲ့မနက်အစောပိုင်းနဲ့ညပိုင်းတွေလောက်သာဖြစ်ခဲ့တာပါ။ဘာလိုလိုနဲ့သင်္ကြန်တစ်နှစ်ကတော့ပြီးဆုံးသွားပြန်ပြီ။  

စစ်ကိုင်းတိုင်းကလေးမြို့ကနေချင်းပြည်နယ်မြို့တော်ဟားခါးမြို့ကိုအင်အားနဲ့ရိက္ခာဖြည့်ဖို့ချီတက်ဟားခါးမြို့မရောက်ခင်မှာပဲအပြီးတိုင်ခြေမှုန်းခြင်းခံလိုက်ရတယ်။ပြီးခဲ့တဲ့မတ်လဆန်းကတည်းကစစ်ကောင်စီတပ်တွေဟာကလေးမြို့မှာစုစည်းပြီးယာဉ်စီးရေသုံးဆယ်ခန့်အင်အား၂၀၀ခန့်အသုံးပြုပြီးချင်းပြည်နယ်ဟားခါးမြို့ကိုအင်အားဖြည့်ဖို့စတင်ချီတက်ခဲ့တယ်။စထွက်ကတည်းကတော်လှန်ရေးအဖွဲ့တွေရဲ့အဆင့်ဆင့်ပိတ်ဆို့တိုက်ခိုက်ခြင်းကိုခံခဲ့ရတယ်။ပုံမှန်ဆိုတစ်နာရီခွဲခန့်သာသွားရတဲ့ခရီးကိုတလကြာသည်အထိမရောက်သေးဘူး။ယာဉ်တန်းကကားတွေတစ်စီးပြီးတစ်စီးအမှည့်ချွေခံနေရပြီးရှေ့ဆုံးကနေချီတက်နေတဲ့သံချပ်ကာကားနှစ်စီးပါဒရုန်းနဲ့ဗုံးကြဲခံလိုက်ရလို့ပျက်စီးသွားတယ်။ဟားခါးကနေစစ်ကူပေးဖို့ဆင်းလာတဲ့စစ်ကောင်စီစစ်ကြောင်းဟာလဲကြားဖြတ်တိုက်ခိုက်ခံရလို့မကူနိုင်ခဲ့ဘူး။နောက်ဆုံးမှာတော့လိုရာမရောက်သေးခင်မှာပဲအဆိုပါယာဉ်တန်းမှာပါလာတဲ့ယာဉ်အားလုံးပျက်စီးသွားလို့ဆက်လက်ချီတက်လို့မရတော့ဘူး။ပါလာတဲ့စစ်သူပုန်အင်အား၂၀၀ခန့်ဟာလဲလမ်းသေဆုံးဒဏ်ရာရကုန်လို့လေးဆယ်ခန့်သာကျန်တော့တယ်လို့သိရတယ်။အခုလောလောဆယ်တော့စစ်သူပုန်တွေဟာရောက်တဲ့နေရာမှာပဲဆက်လက်တပ်စွဲထားတယ်။

သင်္ကြန်ကာလမှာမော်ဒယ်ပိုင်တံခွန်နဲ့အဆိုတော်ဂျီဖတ်တို့နေပြည်တော်ကစစ်ကောင်စီမဏ္ဏပ်မှာပြုံးပျော်ရွှင်နေတဲ့ပုံတွေထွက်ပေါ်လာလို့လူထုကြားမှာဝေဖန်သံတွေဖြစ်ပေါ်လာတယ်။ပိုင်တံခွန်ဆိုရင်တော်လှန်ရေးကနဦးကာလမှာတက်တက်ကြွကြွပါဝင်ခဲ့လို့စစ်ကောင်စီရဲ့ဖမ်းဆီးခြင်းကိုခံခဲ့ရတယ်။သူဖမ်းဆီးခံရစဉ်ကာလတုန်းကဒေသတွင်းမီဒီယာတွေမှာပါဝေဝေဆာဆာဖော်ပြခြင်းခံခဲ့ရတယ်။အဲ့ဒီတုန်းကသူ့ဖန်တွေအပါအဝင်အတော်များများကသူ့ကိုစာနာသနားခဲ့ကြသေးတယ်။နောက်ပိုင်းလွတ်ငြိမ်းချမ်းသာခွင့်နဲ့ပြန်လွတ်လာပြီးနောက်အနုပညာအလုပ်တွေပေါ်ပေါ်ထင်ထင်ပြန်လုပ်နေရာကနေအခုစစ်ကောင်စီနဲ့ပေါ်တင်ပူပေါင်းသွားတော့တာပဲ။ ဂျီဖတ်ကတော့ထိုင်းဘက်ကိုထွက်ပြေးတိမ်းရှောင်နေရင်းဒုက္ခတွေမခံနိုင်တော့လို့ဆိုပြီးစစ်ကောင်စီလက်အောက်ပြန်လည်ဝင်ရောက်အညံ့ခံလာတာပါ။သူလိုလူမျိုးကဒုက္ခမခံနိုင်ဘူးဆိုရင်နယ်စပ်ကစစ်ဘေးရှောင်ပြည်သူတွေအတွက်ပြောစရာစကားတောင်မရှိဘူး။ တကယ်ကသူတို့နှစ်ယောက်လုံးဟာဆမ်ဆောင်းရဲ့Brand သံတမန်တွေဖြစ်ပြီးစင်ကာပူမှာပြုလုပ်မယ့်ဆမ်ဆောင်းပွဲမှာတက်ရောက်ခွင့်မရခဲ့ရင်သံတမာန်ရာထူးကပြုတ်မှာဆိုးလို့စစ်ကောင်စီလက်အောက်ပြန်လည်ဝင်ရောက်ခဲ့တာပါ။အနုပညာရှင်တစ်ယောက်အနေနဲ့ပြည်သူကိုမရွှေးချယ်ပဲကိုယ်ကျိုးစီးပွားကိုသာရွှေးချယ်သွားခဲ့တာပါ။ဒီအတွက်အချိန်တန်ရင်ပြည်သူကပြန်လည်ဒဏ်ခတ်ပါလိမ့်မယ်။

မနေ့ပဇီကြီးကျေးရွာလေကြောင်းတိုက်ခိုက်ခံရမှုကြောင့်သေဆုံးသူအရေအတွက်ဟာ၁၅၀ကျော်အထိတိုးလာပါပြီ။သေဆုံးသူတွေထဲမှာကိုယ်ဝန်ဆောင်အမျိုးသမီးတွေအပြင်ကလေးအယောက်သုံးဆယ်လောက်ပါဝင်သွားတယ်။လေယာဉ်နဲ့ဗုံးကြဲတဲ့အပြင်ရဟတ်ယာဉ်နဲ့ပါအသက်ရှင်ကျန်ရစ်သူမရှိအောင်စိတ်ကြိုက်ပစ်ခတ်တိုက်ခိုက်သွားခဲ့တဲ့အတွက်မြေပြင်မှာရှိတဲ့ပြည်သူအားလုံးနီးပါသေဆုံးခဲ့ရတယ်။ရွာထဲကပြည်သူတွေဟာပြေးစရာမြေမရှိဖြစ်သွားခဲ့တယ်။ဒါအပြင်ညနေပိုင်းကူညီကယ်ဆယ်ရေလုပ်ငန်းတွေလုပ်ဆောင်နေချိန်မှာရဟတ်ယာဉ်နဲ့နောက်တကြိမ်လာရောက်ပစ်ခတ်ခဲ့လို့ကယ်ဆယ်ရေးလုပ်ငန်းတွေရပ်ဆိုင်းထားရတယ်။အခုချိန်ထိသေဆုံးသူအရေအတွက်အတိအကျမသိရသေးပဲပြန့်ကျဲနေတဲ့အလောင်းတွေ၊ခြေပြတ်လက်ပြတ်တွေကိုတစ်စစီလိုက်ကောက်နေရတယ်။ နိုင်ငံတကာကတော့ဒီဖြစ်ရပ်အပေါ်မှာပြင်းထန်စွာရှုံချလိုက်တယ်။သတင်းစာတွေမီဒီယာတွေပေါ်မှာခေါင်းကြီးပိုင်းကပါလာတယ်။ဒါပေမယ့်လဲရှုံချယုံအပြင်ထုံးစံအတိုင်းဘာမှဖြစ်လာမှာမဟုတ်ပါဘူး။အမြဲတမ်းခံနေရတာကကိုယ်တွေပြည်သူတွေပဲလေ။

စစ်ကိုင်းတိုင်း၊ကန့်ဘလူမြို့နယ်၊ပဇီကြီးကျေးရွာကိုစစ်ကောင်စီကလေကြောင်းကနေဗုံးကြဲတိုက်ခိုက်တာကြောင့်ဒေသခံအနည်းဆုံးရှစ်ဆယ်ကျော်သေဆုံးသွားတယ်။ဒီနေ့မနက်ပိုင်းထိုရွာမှာNUGအုပ်ချုပ်ရေးရုံးဖွင့်ပွဲပြုလုပ်နေပြီးအကျွေးအမွေးနဲ့ဧည့်ခံရေးပါပါတာကြောင့်ဒေသခံတွေစုရုံးနေချိန်မှာစစ်တပ်ကလေကြောင်းကနေလာရောက်တိုက်ခိုက်သွားတာပါ။လေယာဉ်နဲ့အရင်ဗုံးကြဲတိုက်ခိုက်ပီးနောက်ရဟတ်ယာဉ်နဲ့ပါဆက်လက်ပစ်ခတ်တိုက်ခိုက်ခဲ့တာကြောင့်သေဆုံးသူအရေအတွက်ဟာဒီထပ်အများကြီးပိုလာနိုင်ပါတယ်။အခုချိန်မှာတော့ကယ်ဆယ်ရေးလုပ်ငန်းတွေဆောင်ရွက်နေကြတယ်။ ပဇီကြီးကျေးရွာတည်ရှိတဲ့ဒေသဟာစစ်ကောင်စီအုပ်ချုပ်ရေးအာဏာမရှိတော့ပဲစစ်ကြောင်းတောင်မထိုးနိုင်တဲ့ဒေသဖြစ်နေပြီးတော်လှန်ရေးအဖွဲ့တွေရဲ့လွတ်မြောက်နယ်မြေလိုဖြစ်နေပါပြီ။မြေပြင်ကစစ်ကြောင်းထိုးလို့မရတော့တဲ့အတွက်စစ်ကောင်စီဟာယုတ်မာစွာနဲ့လူစုလူဝေးဖြစ်နေတဲ့နေရာကိုဗုံးကြဲတိုက်ခိုက်ခဲ့တာပါ။ချင်းပြည်နယ်မှာစာသင်ကျောင်းလေကြောင်းတိုက်ခိုက်မှုကြောင့်အပစ်မဲ့ပြည်သူကိုးဦးသေဆုံးသွားဖြင့်ဘာမှမကြာသေးဘူး။အခုထိုကဲ့သို့အဖြစ်ဆိုးမျိုးထပ်မံကြုံတွေ့လိုက်ရပြန်ပြီ။  

စစ်ကောင်စီဟာသူတို့ပြုလုပ်တဲ့သင်္ကြန်ပွဲတော်စည်ကားစေရေးလက်အောက်ခံဝန်ထမ်းတွေကိုအလှည့်ကျပါဝင်ရေကစားကြဖို့ဖိအားပေးနေပါတယ်။ဝန်ထမ်းတွေဟာသင်္ကြန်ကာလဆိုရင်ရုံးပိတ်ရက်ရှည်ရတဲ့အတွက်ကိုယ့်ဇာတိမြေကိုပြန်ကြတာများတယ်။အခုတော့ပြန်ခွင့်မပေးပဲချောဆွဲတဲ့သဘောပဲ။မဏ္ဏပ်တွေမှာပါဝင်ရေကစားမယ့်သူတွေကတော့လုံခြုံရေးအနေအထားစိုးရိမ်ရတယ်။တော်လှန်ရေးအဖွဲ့တွေကမစ်ရှင်တွေဖျက်မှာမဟုတ်ပဲစစ်ကောင်စီနဲ့ဝေးဝေးနေကြဖို့သတိပေးထားသလိုUGတွေကမလုပ်ရင်တောင်စစ်တပ်ကထိုးကျွေးတဲ့နည်းလမ်းတွေနဲ့ဖောက်ခွဲရေးလုပ်ပြီးPDFတွေကိုထိုးချနိုင်တယ်။ဒါကြောင့်စစ်ကောင်စီရဲ့မဏ္ဏပ်တွေနဲ့ဝေးဝေးနေတာအကောင်းဆုံးပဲ။

ချင်းပြည်နယ်၊ဖလမ်းမြို့နယ်ကစာသင်ကျောင်းတစ်ခုကိုစစ်တပ်ကဗုံးကြဲတိုက်ခိုက်တာကြောင့်ကျောင်းအုပ်ဆရာကြီးအပါအဝင်ဒေသခံကိုဦးသေဆုံးသွားတယ်။အဲ့ဒီဘက်မှာဘာတိုက်ပွဲမှမရှိပဲအကြောင်းမဲ့လာပစ်သွားတာပါ။ဒါပေမယ့်ဖလမ်းမြို့နယ်ထဲကစစ်ကောင်စီတပ်စခန်းတစ်ခုကိုCANတော်လှန်ရေးအဖွဲ့တွေကမနေ့ကတိုက်ခိုက်သိမ်းပိုက်လိုက်တယ်။စစ်တပ်ဖက်ကအထိနာပြီးစခန်းမီးရှို့ခံလိုက်ရလို့မဆိုင်တဲ့အရပ်သားပစ်မှတ်ဖြစ်တဲ့စာသင်ကျောင်းကိုဗုံးကြဲသွားတာပါ။ဒါတောင်လာရောက်ဗုံးကြဲချိန်မှာကျောင်းပိတ်ထားလို့ဒီလောက်ကျောင်းစောင့်အနေနဲ့ရှိနေတဲ့ပြည်သူတွေသာထိခိုက်သေဆုံးသွားတာဖြစ်ပြီးကျောင်းဖွင့်ထားချိန်မှာဆိုရင်တော့မတွေးရဲစရာပဲ။စစ်သူပုန်တွေဟာသူတို့အထိနာပြီးဆိုရင်အရပ်သားပြည်သူတွေကိုမဲပြီးတိုက်ခိုက်လေ့ရှိတဲ့သူရဲဘောကြောင်တဲ့အပြုအမူတွေကိုဆက်တိုက်လုပ်ဆောင်လျက်ရှိတယ်။  

ထိုင်းနိုင်ငံ၊မဲဆောက်မြို့မှာဆေးရုံတက်ကုသနေတဲ့PDFသုံးဦးကိုထိုင်းအာဏာပိုင်တွေကဖမ်းဆီးပြီးစစ်ကောင်စီလက်ထဲအပ်လိုက်တယ်။ဖမ်းဆီးခံရချိန်မှာNUGကပြန်လည်လွတ်မြောက်ရေးကြိုးပမ်းခဲ့ပေမယ်ံလဲထိုင်းအာဏာပိုင်တွေကလက်မခံပဲလွှဲပြောင်းပေးလိုက်တာဖြစ်တယ်။လွှဲပြောင်းပေးနေချိန်ထွက်ပေးဖို့ကြိုးစားရာမှာသေနတ်နဲ့ပစ်ခတ်ဖမ်းဆီးခြင်းခံရလို့တစ်ဦးသေဆုံးသွားတယ်လို့လဲသိရတယ်။စစ်ကောင်စီလက်ထဲရောက်သွားရင်တော့အစအနပျောက်သွားမှာပဲ။နှိပ်စက်ညှင်းပန်းသတ်ဖြတ်လိုက်မှာပဲ။ ဒီဖြစ်စဉ်မှာထိုင်းအာဏာပိုင်တွေရဲ့လုပ်ရပ်ကြောင့်ထိုင်းနိုင်ငံထဲကိုရွှေ့ပြောင်းခိုလှုံနေသူမြန်မာနိုင်ငံသားတွေအတွက်ခြိမ်းခြောက်မှုတွေဖြစ်လာတယ်။NUGကတော့အလားတူဖြစ်ရပ်မျိုးထပ်မဖြစ်ဖို့ညှိနှိုင်းနေတယ်။ဘာပဲဖြစ်ဖြစ်ထိုင်းနိုင်ငံရဲ့ရပ်တည်မှုဟာစစ်ကောင်စီဖက်တဖြည်းဖြည်းပါလာပြီ။