Military Coup Myanmar

ရှမ်းပြည်နယ်မြောက်ပိုင်းမှာစစ်ကောင်စီနဲ့မြောက်ပိုင်းညီနောင်သုံးဖွဲ့ကြားယာယီအပစ်ရပ်ဖို့သဘောတူခဲ့တယ်လို့သိရတယ်။တရုတ်နိုင်ငံကဦးဆောင်ပြီးကူမင်းမြို့မှာပြုလုပ်ခဲ့တဲ့‌ဆွေးနွေးပွဲမှာပထမနှစ်ရက်ကသဘောတူညီချက်တစုံတရာမထွက်ခဲ့ပေမယ့်တတိယမြောက်ရက်မှာယာယီအပစ်ရပ်ဖို့နှစ်ဖက်လုံးကဘောတူခဲ့တာဖြစ်တယ်။ဒီသဘောတူညီချက်ဟာဆွေးနွေးပွဲပြီးနောက်တစ်ရက်မှာစတင်အသက်ဝင်မမှာပါ။သဘောတူညီချက်တွေထဲမှာတော့နှစ်ဖက်တပ်တွေရောကတဲ့နေရာမှာအပစ်ရပ်ဖို့၊မြောက်ပိုင်းအဖွဲ့တွေဘက်ကမြို့နဲ့စခန်းသိမ်းတိုက်ပွဲ‌တွေမလုပ်ဖို့နဲ့စစ်ကောင်စီဘက်ကလေကြောင်းနဲ့လက်နက်ကြီးတိုက်ခိုက်မှုတွေမလုပ်ဖို့အဓိကပါဝင်တယ်။တရုတ်နယ်စပ်ကုန်သွယ်ရေးစခန်းတွေပြန်လည်ဖွင့်လှစ်ဖို့ကိုတော့တိုက်ပွဲတွေငြိမ်သွားတဲ့အချိန်မှာစစ်ကောင်စီ၊မြောက်ပိုင်း၃ဖွဲ့နဲ့တရုတ်နိုင်ငံကြားပြန်လည်ညှိနှိုင်းသွားမှာဖြစ်တယ်။ဒီဆွေးနွေးပွဲရလဒ်ဟာရှမ်းမြောက်ဒေသအတွက်ပဲဖြစ်ပြီးရခိုင်ဒေသမပါဝင်ဘူးလို့သိရတယ်။ မြောက်ပိုင်းသုံးဖွဲ့နဲ့စစ်ကောင်စီတို့ဟာဒီဇင်ဘာလဆန်းကတည်းကတရုတ်အကူအညီနဲ့တွေ့ဆုံခဲ့ကြပြီးအခုသုံးကြိမ်မြောက်မှာအပစ်ရပ်ဖို့သဘောတူလိုက်တာပဲ။အခုလိုစစ်ဆင်ရေးအရှိန်ကောင်းနေချိန်မှာရုတ်တရက်အပစ်ရပ်လိုက်တဲ့အတွက်တော်လှန်ရေးအတွက်အတော်အထိနာတယ်လို့ပြောရမယ်။

စစ်ကိုင်းတိုင်းထဲမှာပဲတော်လှန်ရေးအဖွဲ့တွေဟာစစ်အုပ်စုခြေကုတ်ယူထားရာပျူစောထီးစခန်းတွေအလျင်းသင့်သလိုတိုက်ခိုက်သိမ်းပိုက်လျက်ရှိတယ်။ဒီနေ့မှာလဲကန့်ဘလူနယ်တင်ငုတ်ကြီးရွာကပျူစောထီးစခန်းကိုစီးနင်းတိုက်ခိုက်ခဲ့ရာစခန်းသိမ်းနိုင်ခဲ့ပြီးစစ်အုပ်စုနဲ့ပျူစောထီး၂၅ယောက်သေခဲ့သလိုသေနတ်၁၄လက်ရရှိခဲ့တယ်။ထိုပျူစခန်းဟာကားလမ်းမပေါ်မှာဂိတ်ဖွင့်ပြီးပြည်သူတွေကိုဆက်ကြေးကောက်နေတဲ့စခန်းတစ်ခုဖြစ်တယ်။စခန်းသိမ်းခံရပြီးနောက်စစ်အုပ်စုဘက်ကစစ်ကားလေးစီနဲ့စစ်ကူပို့ခဲ့ပြီးအနီးရှိရွာတွေကိုလဲစီးနင်းလုယက်မီးရှို့နေတယ်။မီးရှို့ခံရတဲ့ထဲမှာစစ်ရှောင်တဲ၃၃လုံးလဲပါသွားပြီးနွားများကိုလဲခိုးယူသွားတယ်။စစ်အုပ်စုဟာထိုပျူစခန်းပတ်ဝန်းကျင်ကိုမကြာခဏစီးနင်းလုယက်နေလို့ဒေသခံတွေဟာရွာတွေမှာမနေရဲပဲအမြဲစစ်ပြေးနေရတာပါ။ရွာတွေမှာဘာမှမချန်ပဲအခြေခံစားသောက်ကုန်ကအစအကုန်သယ်ပြီးတောထဲမှာနေကြရတယ်။တောထဲကတဲကကိုယ့်အိမ်လိုဖြစ်နေတယ်။စစ်ကိုင်းတိုင်းထဲကရွာတွေအတော်များများထိုအခြေအနေအတိုင်းခံစားနေရတယ်။ဒီလတွေထဲရှမ်းမြောက်ကတိုက်ပွဲတွေကြောင့်စစ်သူပုန်တွေစစ်ကိုင်းတိုင်းထဲမှာစစ်ကြောင်းထိုးတာနည်းသွားတဲ့အချိန်တော်လှန်ရေးတပ်တွေကလဲစစ်အုပ်စုခြေကုတ်ယူထားရာစခန်းတွေကိုအခွင့်သာခိုက်မှာတိုက်ခိုက်သိမ်းပိုက်နေတယ်။စစ်ကိုင်းတိုင်းထဲမှာမြို့တွေကိုမသိမ်းနိုင်ရင်တောင်မှပဲရွာတွေကိုစစ်အုပ်စုရန်ကကာကွယ်ပေးနိုင်ရင်သိပ်ကောင်းမှာပဲ။

NUGသိမ်းပိုက်ထားတဲ့ကောလင်းမြို့အနီးတဝိုက်ဒေသမှာစစ်ကောင်စီကဖမ်းဆီးသွားတဲ့အရပ်သား၁၉ဦးရဲ့အလောင်းတွေကိုဝန်းသိုမြို့အနီးငါးမိုင်ခန့်အရပ်မှာတွေ့ရတယ်လို့ဒေသခံကာကွယ်ရေးတပ်ဖွဲ့တွေကပြောပါတယ်။ဖမ်းဆီးသတ်ဖြတ်ခံရသူတွေဟာအမျိုးသမီးတွေအပါအဝင်ကားသမားတချို့နဲ့ကောလင်းမြို့ခံငါးဦးလဲပါဝင်တယ်။အလောင်းတွေကိုလဲဟိုတစ်စုဒီတစ်စုစွန့်ပစ်ထားခဲ့တာပါ။ရုပ်အလောင်တွေမှာခြေလက်နောက်ပြန်ကြိုးတုတ်ထားပြီးဗိုက်နဲ့ဦးခေါင်းပွင့်သေနတ်ဒဏ်ရာတွေတွေ့ရတယ်။တစ်ချက်ထဲတောင်မဟုတ်ပဲအချက်ပေါင်းများစွာရက်ရက်စက်စက်ပစ်ခံထားရတယ်။တချို့အလောင်းတွေကခြေထောက်အကြောတွေအဖြတ်ခံထားရတယ်။ကားမောင်းသမားတွေရောကုန်သည်တွေပါပါဝင်တယ်လို့သိရတယ်။ စစ်ကောင်စီဟာကောလင်းမြို့ကိုပြန်လည်သိမ်းယူနိုင်ဖို့မြို့အနီးတဝိုက်ကိုမြေပြင်ကနေစစ်ကြောင်းထိုးနေသလိုလက်နက်ကြီးတွေနဲ့လဲမြို့ထဲကိုနေ့တိုင်းနီးပါးပစ်ခတ်နေပြီးကြမ်းကြမ်းတမ်းတမ်းဖိအားပေးနေတယ်။အခြားဒေသတွေကိုနေကောလင်းမြို့အဝင်အထွက်ကိုလဲပိတ်ဆို့ထားတယ်။ကောလင်းမြို့ပေါ်မှာတော့NUGဒီဇင်ဘာလကစပြီးအုပ်ချုပ်ရေးတရားစီရင်ရေးနဲ့စီးပွားရေးကိစ္စတွေကိုစီမံခန့်ခွဲနေပါတယ်။

လောက်ကိုင်မှာလက်နက်ချခဲ့တဲ့ဗိုလ်မှုးချုပ်ခြောက်ယောက်ကိုစစ်ကောင်စီကအရေးယူဖို့ဖမ်းဆီးထားတယ်လို့တပ်တွင်းသတင်းအရင်းအမြစ်အရသိရတယ်။သူတို့ခြောက်ယောက်ဟာလောက်ကိုင်ကနေဆုတ်ခွာလာပြီးလားရှိုးရောက်နေစဉ်မှာပဲစစ်ကောင်စီကအကျဉ်းချထားလိုက်တယ်လို့သိရတယ်။တပ်တွင်းပြိုကွဲအောင်လုပ်မှု၊အမိန့်မနာခံမှုစတဲ့အမှုတွေနဲ့အရေးယူမယ်လို့လဲကြားတယ်။ဒါကိုထိုဗိုလ်မှုးချုပ်ခြောက်ယောက်ကမကျေနပ်ကျဘူးတဲ့။သူတို့အကောင်းဆုံးဆုံးဖြတ်ပြီးလုပ်ခဲ့ပေမယ့်နောက်ဆုံးကျအရေးယူခံလိုက်ရတယ်လေ။တချို့ကတော့ထိုခြောက်ယောက်ဟာလောက်ကိုင်ကမထွက်ခွာခင်TLNAခေါင်းဆောင်တွေနဲ့တဝိုင်းထဲအရက်အတူသောက်ခဲ့တဲ့ပုံတွေကြောင့်စစ်‌ခေါင်းဆောင်မင်းအောင်လှိုင်ကစိတ်ဆိုးပြီးအရေးယူတာလို့သုံးသပ်ကြတယ်။စစ်တပ်အတွက်ကတော့သူတို့ကိုအရေးယူသည်ဖြစ်စေ၊မယူသည်ဖြစ်စေတပ်တွင်းညီညွတ်မှုကပြိုကွဲမှာပဲ။အရေးမယူရင်နောက်မှာသူတို့လမ်းစဉ်လိုက်ပြီးလက်နက်ချမယ်သူတွေတပုံကြီးရှိသလိုအရေးယူရင်လဲထိုခြောက်ဦးနဲ့အောက်လက်ငယ်သားအင်အား၂၀၀၀ကျော်ကကျေနပ်ကြမှာမဟုတ်ဘူး။ဘာပဲဖြစ်ဖြစ်စစ်ကောင်စီအခက်တွေ့လေလေ၊တော်လှန်ရေးအတွက်ကောင်းလေလေလို့မှတ်ယူရမှာပဲ။

ရှမ်းမြောက်ကမြို့ကြီးတွေဖြစ်တဲ့သိန္ဒီနဲ့ကွတ်ခိုင်ကိုအပြီးသတ်သိမ်းပိုက်လိုက်ပြီလို့ညီနောင်သုံးဖွဲ့ကထုတ်ပြန်လိုက်ပါတယ်။သိန္ဒီမြို့ပေါ်ကို၁၀၂၇စစ်ဆင်ရေးစတင်တဲ့နိုဝင်ဘာလထဲကMNDAAကသိမ်းပိုက်ထားတာဖြစ်ပြီးမြို့နဲ့တစ်မိုင်ကျော်ဝေးကွာတဲ့စစ်ကောင်စီရဲ့နောက်တန်းဌာနချုပ်စခန်းနဲ့လက်အောက်ခံတပ်တွေကိုရက်အတန်ကြာပိတ်ဆို့ထားခဲ့တာပါ။လောက်ကိုင်ကျပြီးနောက်ထိုဌာနချုပ်စခန်းတွေကိုတိုက်ခိုက်ရန်ပိုမိုလွယ်ကူသွားပြီးစစ်ကောင်စီတပ်တွေဟာလဲလားရှိုးဘက်ကိုဆုတ်ခွာသွားတယ်လို့သိရတယ်။ဒါ့ကြောင့်သိန္ဒီမြို့တစ်ခုလုံးကိုဒီရက်ပိုင်းမှာအပြီးသတ်သိမ်းပိုက်လိုက်နိုင်တယ်။ ကွတ်ခိုင်မြို့ဘက်ကိုလဲဒီလစကတည်းကမြောက်ပိုင်းသုံးဖွဲ့ကစတင်တိုက်ခိုက်ခဲ့ပြီးအခုနောက်ဆုံးကျန်နေတဲ့ကွတ်ခိုင်ဗျူဟာကုန်းကိုသိမ်းပိုက်နိုင်လိုက်တာလို့သိရတယ်။ထိုမြို့နှစ်ခုကိုသိမ်းပိုက်နိုင်တဲ့အတွက်ရှမ်းမြောက်မှာစုစုပေါင်း၁၅မြို့ခန့်ကိုမြောက်ပိုင်းသုံးဖွဲ့ကထိန်းချုပ်နိုင်လိုက်ပါပြီ။တရုတ်မြန်မာကုန်သွယ်ရေးလမ်းကြောင်းပေါ်မှာနယ်စပ်ကမူဆယ်မြို့တမြို့ကလွဲလို့ကျန်မြို့တွေအားလုံးမြောက်ပိုင်းအဖွဲ့တွေလက်အောက်ကျရောက်သွားပါပြီ။မြောက်ပိုင်းအဖွဲ့တွေဆက်လက်အားထည့်ပြီးတိုက်ခိုက်သိမ်းပိုက်စရာဆိုလို့နယ်စပ်ကုန်သွယ်ရေးမြို့ကြီးဖြစ်တဲ့မူဆယ်နဲ့တိုင်းစစ်ဌာနချုပ်မြို့ဖြစ်တဲ့လားရှိုးသာကျန်ပါတော့တယ်။

လက်ရှိအခြေအနေတွေအရမှန်းဆရမယ်ဆိုရင်တော်လှန်ရေးကထင်သလောက်မလွယ်သေးပါဘူး။ ဒါပေမယ့်လည်းအရမ်းခက်နေတာမျိုးမဟုတ်ပြန်ဘူး။ထင်သလောက်မလွယ်ဘူးဆိုတာကစစ်ရေးပိုင်းမှာ အရှိန်ကျသွားလို့၊ကိုယ့်ဖက်ကအင်အားနည်းလာလို့၊ကိုယ့်ဖက်ကဦးဆောင်မှုနည်းလို့စသဖြင့်အဲဒါတွေကြောင့် တခုမှမဟုတ်ပါဘူး။စစ်ရေးအရှိန်ရော၊ကိုယ့်ဖက်က အင်အားစုဖွဲ့မှုရော၊ဦးဆောင်မှုရောက သမိုင်းတခေတ်မှာဒီလောက်မရှိခဲ့ဖူးလို့ပြောရဲတယ်။ဒါဆိုဘာလို့ထင်သလောက်မလွယ်သေးလို့ပြောရလဲဆိုစစ်တပ်စစ်ခေါင်းဆောင်တွေ အသုံးမကျပေမယ့်လည်းစစ်တပ်က လက်နက်အား၊လေကြောင်း၊ ရေကြောင်းနဲ့ခုခံစစ်အတွက် ဗျူဟာကျတဲ့နေရာတွေစခန်းတွေရှိထားပြင်ထားတာကြောင့်တချို့နေရာတွေမှာအရမ်းကိုအားစိုက်နေရတယ်။ အဲဒီအပိုင်းတွေမှာ ကိုယ့်ဖက်စိတ်ရှည်ရှည်နဲ့ အားစိုက်ပြီးရေကုန်ရေခမ်း တိုက်နေရတယ်။ဥပမာ နမ့်ခမ်းဆို TNLA ကရက်ပေါင်း ၄၀ ကျော်မကဘူးတိုက်ခိုက် သိမ်းယူလိုက်ရတယ်။ထီးချိုင့်မှာ...

ရှမ်းပြည်မြောက်ပိုင်းမှာကိုးကန့်တပ်ဖွဲ့ဟာမြို့သိမ်းတိုက်ပွဲတွေအရှိန်အဟုန်နဲ့ဆက်လက်ဆင်နွှဲနေပါတယ်။လောက်ကိုင်ကိုရရှိပြီးရက်တောင်မကူသေးပဲသံလွင်မြစ်အရှေ့ခြမ်းကဟိုပန်နဲ့ပန်လုံမြို့နှစ်မြို့ကိုဆက်လက်သိမ်းပိုက်ထိန်းချုပ်လိုက်တယ်။ဒါပေမယ့်ပြောစရာတစ်ခုရှိတာကထိုမြို့တွေဟာဝပြည်နယ်ကိုယ်ပိုင်အုပ်ချုပ်ခွင့်ရဒေသတွင်းကမြို့တွေဖြစ်တယ်။ဒါကြောင့်ကိုးကန်းတပ်ကစစ်ကောင်စီထံမှထိုမြို့တွေကိုသိမ်းပြီးဝတပ်ဖွဲ့တွေထံလွဲပြောင်းပေးအပ်ခဲ့တယ်။ဒါ့ကြောင်လက်ရှိအခင်းအကျင်းမှာဘက်မလိုက်မူဝါဒကိုင်စွဲထားတယ်လို့ကြေညာထားတဲ့ဝတပ်ဖွဲ့ဟာ၁၀၂၇စစ်ဆင်ရေးကြောင့်မြို့နှစ်မြို့ကိုသေနတ်မဖောက်လိုက်ရပဲရရှိသွားတယ်။ဝတပ်ဖွဲ့ဟာဘက်မလိုက်မူဝါဒကိုင်စွဲထားတယ်လို့ဆိုပေမယ့်လဲအခုစစ်တိုက်နေတဲ့မြောက်ပိုင်းမဟာမိတ်သုံးဖွဲ့ကိုနောက်ကွယ်ကနေပံ့ပိုးကူညီနေတာပါ။ရှမ်းမြောက်ကစစ်ရှောင်တွေကိုလဲသူ့နယ်မြေထဲမှာအသာတကြည်လက်ခံ‌ပေးထားပါတယ်။ဒါကြောင့်ညီနောင်သုံးဖွဲ့ကဝတပ်ဖွဲ့ကိုထိုမြို့တွေကိုလက်ဆောင်သဘောမျိုးပေးလိုက်တာလို့လေ့လာသူတွေကဆိုကြတယ်။စစ်ကောင်စီကတော့ကြားထဲကငထွားခါးနာသွားတာပေါ့။ထိုမြို့တွေကိုစစ်ကောင်စီဘက်ကနောက်တချိန်မှာပြန်သိမ်းမယ်ဆိုရင်တောင်အင်အားကြီးဝတပ်ဖွဲ့နဲ့စစ်မျက်နှာအသစ်တစ်ခုထပ်ဖွင့်ရမှာပါ။အခုတောင်ကိုးကန်းအဖွဲ့ကထိုမြို့တွေကိုဝင်တိုက်ချိန်မှာအခြေစိုက်တပ်ရင်းနှစ်ကစစ်ကောင်စီတပ်ဖွဲ့ဝင်၇၀၀လောက်ဟာပြန်မတိုက်ပဲလက်နက်ချခဲ့တယ်လို့သိရတယ်။စစ်ကောင်စီတပ်တွေရဲ့လက်နက်ချလှိုင်းလုံးကြီးဟာသိသိသာသာပဲကြီးမားလာပါပြီ။ဒီရက်ပိုင်းမှာပဲရှမ်းမြောက်အပြင်ရခိုင်မှာလဲအစုလိုက်အပြုံလိုက်လက်နက်ချနေကြတယ်။စစ်ကောင်စီတပ်တွေရဲ့ပြိုဆင်းနှုန်းဟာထင်သာမြင်သာရှိလာပါပြီ။ဒီနှုန်းအတိုင်းသာသွားမယ်ဆိုရင်တော်လှန်ရေးရဲ့ပန်းတိုင်ဟာဘယ်အချိန်မဆိုဖြစ်လာနိုင်တယ်လို့ထင်မိတယ်။

ရှမ်းပြည်နယ်မြောက်ပိုင်းတရုတ်နယ်စပ်လောင်းကစားမြို့တော်လောက်ကိုင်ကစစ်ကောင်စီတပ်တွေအလုံးအရင်းနဲ့လက်နက်ချပြီးနောက်တစ်ရက်မှာပဲရခိုင်ပြည်နယ်မြောက်ပိုင်းကျောက်တော်မြို့နယ်ကစစ်ကောင်စီရဲ့တင်းမတောင်ရှည်ဗျုဟာစခန်းကြီးတစ်ခုလုံးအေအေထံလက်နက်ချအညံခံခဲ့ကြတယ်။ထိုစခန်းကိုအေအေကဒီဇင်ဘာလ၂၅ရက်နေ့ကစပြီးထိုးစစ်ဆင်တိုက်ခိုက်ခဲ့တာဖြစ်ပြီး၁၀ရက်ကျော်အပြင်းအထန်တိုက်ခိုက်ခဲ့ရတယ်။ကနဦးရက်တွေမှာအေအေဘက်ကအလံဖြူထောင်ခိုင်းပေမယ့်ဆက်လက်ခုခံနေလို့အင်အားအပြည့်နဲ့ချေမှုန်းတိုက်ခိုက်ခဲ့ရပြီးအခုမှလက်နက်ချကြတာပါ။ထိုဗျုဟာကုန်းဟာစစ်ရေးအရအရေးပါပြီးအနီးရှိစစ်ကောင်စီတပ်စခန်းတွေကိုလက်နက်ခဲယမ်းပို့ပေးရာနေရာလဲဖြစ်တယ်။ထိုနေရာမှာစစ်ကောင်စီတပ်တွေဟာ၂၀၂၀လောက်ကတည်းကလာရောက်တပ်စွဲနေထိုင်ခြင်းဖြစ်ကာစစ်သူပုန်တွေအခိုင်အမာတပ်စွဲနေထိုင်ပြီးဒေသခံတွေကိုဒုက္ခမျိုးစုံပေးခဲ့တာကြောင့်အနီးရှိတင်းမရွာကြီးတရွာလုံးကပြည်သူတွေဒီနေ့ထိထွက်ပြေးတိမ်းရှောင်နေရတယ်။အိမ်ခြေရာကျော်ရှိတဲ့တင်းမရွာကြီးတစ်ခုလုံးလဲအခုဆိုရင်တောကြီးမျက်မည်းဖြစ်နေပြီ။ အေအေတပ်တော်ဟာရခိုင်ချင်းနယ်စပ်ပလက်ဝမြို့နဲ့ရခိုင်မြောက်ပိုင်းကစစ်တပ်ရဲ့အမာခံစခန်းကုန်းကြီးများကိုဆက်လက်ထိုးစစ်ဆင်တိုက်ခိုက်နေတယ်။စစ်ကောင်စီဘက်ကလဲထိုစခန်းတွေမကျစေရေးအတွက်အတွဲလိုက်ဒုံးတွေ၊လက်နက်ကြီးတွေလေကြောင်းပစ်ကူတွေသုံးပြီးအပြင်းအထန်ခုခံလျက်ရှိတယ်။

မနေ့ကလောက်ကိုင်မှာလက်နက်ချလိုက်တဲ့စစ်ကောင်စီတပ်ဖွဲ့ထဲမှာရာထူးအကြီးဆုံးအဖြစ်ဗိုလ်မှုးချုပ်ခြောက်ဦးအထိပါဝင်လာတယ်။ဒေသကွပ်ကဲမှုစစ်ဌာနချုပ်တစ်ခုလုံးလက်နက်ချမှုကိုသူတို့ကိုယ်ပိုင်ဆုံးဖြတ်ချက်နဲ့လုပ်ခဲ့တာလား၊နေပြည်တော်ကခွင့်ပြုချက်ရခဲ့လားဆိုတာတော့ရှင်းရှင်းလင်းလင်းမသိရသေးဘူး။စစ်ကောင်စီပြောခွင့်ရဇော်မင်းထွန်းကတော့တပ်မိသားစုဝင်တွေရဲ့အသက်အန္တရာယ်ကိုထောက်ထားပြီးလက်နက်ချခဲ့တာလို့အရှက်ပြေပြောလာတယ်။သူတို့လက်နက်မချလဲMNDAAကဒကစတစ်ခုလုံးကိုပိတ်ဆို့ထားပြီးလက်နက်ရိက္ခာအကုန်ဖြတ်တောက်ထားပြီးပြီ။အထူးသဖြင့်ဒကစထဲမှာရေပြတ်တောက်နေပြီလို့သိရတယ်။မိသားစုတွေအပါအဝင်လူအင်အားလေးထောင်လောက်ကိုလေကြောင်းကပဲရိက္ခာပို့ပေးဖို့ဆိုတာလုံးဝမလွယ်ကူပါဘူး။ဒါ့ကြောင့်ထိုဗိုလ်မှုးချုပ်ခြောက်ဦးရဲ့ဆုံးဖြတ်ချက်မှန်ကန်တယ်လို့ပြောရမယ်။ဘာပဲဖြစ်ဖြစ်လောက်ကိုင်ဒကစကြီးတစ်ခုလုံးလက်နက်ချမှုဟာစစ်တပ်သမိုင်းမှာအကြီးဆုံးလက်နက်ချမှုကြီးအဖြစ်မှတ်တမ်းဝင်အမဲစက်ထင်သွားပါပြီ။လွတ်လပ်ရေးခေတ်ဦးကတပ်ရင်းလိုက်တောခိုမှုတွေပဲစစ်တပ်မှာရှိခဲ့ရာကနေအခုမင်းအောင်လှိုင်လက်ထက်မှာစစ်ဌာနချုပ်ကြီးတစ်ခုလုံးတော်လှန်ရေးအဖွဲ့တွေအောက်လက်နက်ချခဲ့ရပါပြီ။

ရှမ်းပြည်နယ်မြောက်ပိုင်း၊ လောက်ကိုင်မြို့ရှိ စစ်တပ် အင်အားရာပေါင်းများစွာ စုစည်းထားသော လောက်ကိုင်ဒေသကွပ်ကဲမှု စစ်ဌာနချုပ်(ဒကစ) သည် ဇန်နဝါရီလ ၄ ရက်နေ့ ညပိုင်းတွင် ကိုးကန့် MNDAA ထံတွင်လက်နက်ချအညံ့ခံလိုက်ပြီလို့သိရတယ်။လက်နက်ချအညံ့ခံလိုက်တဲ့စစ်ကောင်စီဘက်တော်သားအားလုံးကိုလိုရာခရီးသွားခွင့်ပြုဖို့ညှိနှိုင်းလာတဲ့အတွက်MNDAAကလိုက်လျောလိုက်တာကြောင့်လက်နက်ချပွဲကြီးအောင်မြင်သွားပြီး လောက်ကိုင်မြို့နယ်တစ်ခုလုံးကို ကိုးကန့်MNDAA က သိမ်းပိုက်ရရှိပြီဖြစ်တယ်။ လောက်ကိုင်ဒကစတွင်...