Military Coup Myanmar

ရန်ကုန်-မန္တလေး လမ်းဟောင်းကို ဖြတ်သန်းကုန်သွယ်နေတဲ့ ကုန်တင်ကားတစ်စီးကို စစ်အုပ်စုက ငွေကျပ် သိန်းနဲ့ချီ ဂိတ်ကြေး ကောက်ခံနေပါတယ်။ အဲဒီလမ်းဟောင်းမှာ ငွေကြေးကောက်ခံနေတဲ့ စစ်အုပ်စုရဲ့ ဂိတ်စခန်းပေါင်း သုံးဆယ်ကျော် ရှိတယ်။ ဂိတ်စခန်းတစ်ခုကို ငွေကျပ် တစ်သောင်းကနေ သုံးသောင်းအထိ ပေးနေရတာကြောင့်...

စစ်ကောင်မရှင်ဟာသူတို့ပြုလုပ်မယ့် ရွေးကောက်ပွဲပထမပိုင်းမှာ မြို့နယ်၁၀၂မြို့နယ်သာ ပါဝင်လာတာကိုတွေ့ရတယ်။သူတို့အနေနဲ့ရွေးကောက်ပွဲကို လုံခြုံရေးအပြည့်အဝပေးနိုင်ဖို့အဓိကပြီးအခုလို စီစဥ်တာလို့ယူဆရတယ်။ဒီကာလအတွင်းမှာလဲတော်လှန်ရေးအင်အားစုတွေ သိမ်းပိုက်ထားတဲ့နယ်မြေတွေကို အပြင်းအထန်တိုက်ခိုက်ပြီး ပြန်သိမ်းယူနိုင်ဖို့ကြိုးစားနေတယ်။ရွေးကောက်ပွဲကို အပိုင်းလိုက်ပြုလုပ်ခြင်းအားဖြင့် နောက်ဆုံးမြို့နယ်အတော်များများမှာ ပြုလုပ်သွားနိုင်ဖို့မျှော်မှန်းပြီးစစ်ရေးနဲ့နိုင်ငံရေးမှာ တပြိုင်နက်အသာစီးရဖို့စီစဥ်နေတာကို တွေ့ရတယ်။စိတ်ပျက်ဖို့ကောင်းတာကတော့ တော်လှန်ရေးအင်အားစုတွေဟာ ထိုရွေးကောက်ပွဲကိုဆန့်ကျင်ကြောင်း စာထုတ်ရုံကလွဲပြီး ထိရောက်တဲ့တုန့်ပြန်မှုတွေ အခုချိန်ထိ မပြုနိုင်သေးပါဘူး။

စစ်ကော်မရှင်ဟာရွေးကောက်ပွဲကို လာမယ့်ဒီဇင်ဘာလ၂၈ရက်နေ့မှာ ပြုလုပ်မယ်လို့ကြေညာလိုက်ပါတယ်။ဒါပေမယ့်အပိုင်းတွေခွဲပြီး ပြုလုပ်မှာဖြစ်ပြီး ပထမပိုင်းအဖြစ်တနိုင်ငံလုံးကမြို့နယ်၁၀၂မြို့မှာသာ စတင်ပြုလုပ်မှာပါ။ကျန်တဲ့မြို့နယ်တွေမှာ ကျင်းပမယ့်ရက်ကို ထပ်မံကြေညာပေးမယ်လို့ဆိုတယ်။ရွေးကောက်ပွဲကို အပိုင်းလိုက်လုပ်တာဟာ ဒီနိုင်ငံမှာဒါပထမဆုံးပါပဲ။စစ်ကော်မရှင်ဟာ ရွေးကောက်ပွဲကိုတကယ်ပဲ မဖြစ်ဖြစ်အောင်လုပ်တော့မှာပါ။ဒါဟာတော်လှန်ရေးအင်အားစုတွေအတွက် အချက်ပေးခေါင်းလောင်းသံပါပဲ။

ကရင်နီပြည်နယ်မှာ ဒီမောဆိုမြို့နယ်ကိုလဲ စစ်တပ်ကပြန်လည်သိမ်းပိုက်သွားပါပြီ။စစ်တပ်ဟာမိုးဗြဲမြို့ကိုရရှိပြီးနောက် ဒီမော့ဆိုဘက်ကိုဆက်တိုက်ဆိုသလို အင်အားသုံးပြီးဆက်လက်ချီတက်လာခဲ့ရာ တစ်လကျော်အကြာမှာပဲ မြို့ကိုသိမ်းပိုက်နိုင်ခဲ့တာပါ။အဓိကပြသနာကတော့ မိုးဗြဲမှာရော ဒီမော့ဆိုမှာပါနယ်မြေခံစစ်တပ်တပ်ရင်းတွေကို တော်လှန်ရေးတပ်ဖွဲ့တွေ အပြီးမသိမ်းနိုင်တာပါပဲ။ထိုတပ်ရင်းတွေရှိနေသေးတာကြောင့် စစ်တပ်ဟာရှေ့ဆက်တိုးဖို့လွယ်ကူနေတယ်။ဆက်လက်ပြီးလဲ ဒီမော့ဆိုတောင်ဘက်ကဖရူဆိုမြို့ကို စစ်ကြောင်းထိုးဖို့ပြင်ဆင်နေတယ်။ကရင်နီတော်လှန်ရေးအဖွဲ့တွေ အကောင်းဆုံးခုခံနေပေမယ့် အခြေအနေတော့ သိပ်မကောင်းပါဘူး။

စစ်အုပ်စုဟာ နယ်စပ်ကုန်သွယ်ရေးလမ်းကြောင်းတွေကို ပိတ်ဆို့ထားတာအဓိကအကြောင်းရင်းနှစ်ချက်ရှိပါတယ်။အဓိကနယ်စပ်ကုန်သွယ်ရေးလမ်းကြောင်းနှစ်ခုဖြစ်တဲ့ တရုတ်နိုင်ငံနဲ့ထိုင်းနိုင်ငံလမ်းကြောင်းတွေဟာ တော်လှန်ရေးအင်အားစုတွေထိန်းချုပ်ထားတဲ့ နယ်မြေတွေကို မဖြစ်မနေဖြတ်သန်းလာရတယ်။ဒါ့ကြောင့် ထိုလမ်းကြောင်းတွေကနေတော်လှန်ရေးအင်အားစုတွေရနေတဲ့ အခွန်ငွေတွေကိုစစ်အုပ်စုက ဖြတ်တောက်ချင်တာပါ။ နောက်တစ်ချက်ကတော့ ထိုလမ်းကြောင်းတွေကိုပိတ်လိုက်တာကြောင့် သွင်းကုန်အတွက်ဒေါ်လာငွေ လိုအပ်မှုလျော့ကျသွားတယ်။ဒေါ်လာတွေပြင်ပမထွက်သွားအောင် စစ်အုပ်စုက ထပ်မံတင်းကြပ်လိုက်တာပါ။လက်ရှိပြည်တွင်းကစျေးကွက်စီးပွားရေးအခြေအနေအရ ကုန်သွယ်ရေးလမ်းကြောင်းတွေကို အမြဲတမ်းပိတ်ထားဖို့တော့ မဖြစ်နိုင်ပါဘူး။ဒါပေမယ့်အချိန်ဘယ်လောက်ကြာအောင် ပိတ်ထားမလဲတော့မသိဘူး။

တရားမဝင်ကုန်သွယ်မှုတိုက်ဖျက်ရေးခေါင်းစဥ်တပ်ပြီး စစ်ကော်မရှင်ဟာ နယ်စပ်ကုန်သွယ်ရေးလမ်းကြောင်းတွေကို ပိတ်ဆို့ထားပါတယ်။အဓိက နယ်စပ်ကုန်သွယ်ရေးလမ်းကြောင်းတွေဖြစ်တဲ့ တရုတ်နိုင်ငံလမ်းကြောင်းရော ထိုင်းနိုင်ငံလမ်းကြောင်းတွေကိုပါ ပိတ်ဆို့ထားတာပါ။တရုတ်နယ်စပ်ကဆင်းလာတဲ့ ကုန်ကားတွေကိုလားရှိုးမြို့မှာ ပိတ်ဆို့ဖမ်းဆီးနေတယ်။ထိုင်းနယ်စပ်ကိုဖြတ်လာတဲ့ ကုန်ကားတွေကိုလဲ ကားချင်းချိန်းတဲ့အဓိကနေရာဖြစ်တဲ့ ကရင်ပြည်နယ်ဘားအံမြို့မှာ တားဆီးဖမ်းဆီးနေတယ်။စစ်အုပ်စုကနယ်စပ်တွေကဆင်းလာတဲ့ ကုန်ကားတွေမှန်သမျှဖမ်းဆီးနေတာကြောင့် ကုန်သည်တွေရော၊ကုန်ကားတွေပါ ဒုက္ခရောက်နေကြတယ်။ ဒါ့အပြင်ပြည်တွင်းကို တင်သွင်းခွင့်မပြုတဲ့ကုန်ပစ္စည်း၃၅မျိုးစာရင်းတွေ လူမှုကွန်ယက်ပေါ်မှာပေါက်ကြားလာတယ်။ထိုပစ္စည်းစာရင်းမှာ...

စစ်ကိုင်းမြို့နယ် စစ်ကိုင်း-ရှိမ္မကား-ကျောက်မြောင်း ဗျူဟာ လမ်းမကြီးပေါ်မှာ ရှိနေတဲ့ ခရီးသွား ကားတန်းကို စစ်အုပ်စုက ဂျက်ဖိုက်တာ တိုက်လေယာဉ် ငါးစီးနဲ့ အကြိမ် ၂၀ခန့် ဗုံးကြဲ တိုက်ခိုက်လို့ ပြည်သူ ၁၆ဦးအထိ သေဆုံးပြီး ၂၀ဦးခန့် ထိခိုက်ဒဏ်ရာရသွားပါတယ်။...

ပြည်ပမှာသုံးလကျော်နေထိုင်ပြီးပြည်တွင်းကို ပြန်ဝင်လာရင်ပြည်ပမှာအလုပ်လုပ်နေတယ်လို့ ယူဆပြီးပြန်ဝင်လာတဲ့အချိန် အခွန်ကောက်မယ်လို့စစ်ကော်မရှင်ကဆိုပါတယ်။စစ်ကော်မရှင်ဟာ ပြည်ပမှာနေထိုင်သူတွေဆီက အခွန်ရသလောက်ကောက်ဖို့ ကြိုးစားနေပါတယ်။ဒီကိစ္စကြောင့် ရန်ကုန်နဲ့မန္တလေးအပြည်ပြည်ဆိုင်ရာလေဆိပ်တွေမှာ သက်ဆိုင်ရာဌာနတွေက စစ်ဆေးမှုတွေလုပ်လာတယ်။အချို့ခရီးသည်တွေဆိုရင် ငွေညှစ်ခံနေရတယ်။ဒီကိစ္စဟာ အသက်အရွယ်မရွေးအကျုံးဝင်နေတာကြောင့် လူတန်းစားပေါင်းစုံအတွက်ပြည်ပထွက်ခွင့် ပိုမိုခက်ခဲနေနိုင်ပါတယ်။

နိုင်ငံကူးလက်မှတ်PJ အမျိုးအစားကိုင်ထားသူများကို အခြားမည့်သည့်အမျိုးအစားကို မဆိုကူးပြောင်းကိုင်ဆောင်ခွင့် ပိတ်ပင်လိုက်ပါတယ်။PJအမျိုးအစားဟာ ပြည်ပသွားရောက် မယ့် အလုပ်သမားတွေအတွက် ထုတ်ပေးထားတာဖြစ်တယ်။အခုပြည်ပကို အလုပ်သမားတွေထွက်ခွာခွင့်ပိတ်ထားတော့ PJပတ်စပို့ကိုင်ထားသူတွေက PEခေါ်ကျောင်းသားပတ်စပို့ပြောင်းလဲပြီး ပြည်ပထွက်နေကြလို့ ထပ်မံပိတ်ပင်လိုက်တာပါ။ဒါ့ကြောင့်PJပတ်စပို့ကိုင်ဆောင်ထားသူတွေဟာ နိုင်ငံကူးလက်မှတ်ရှိပေမယ့် ပြည်ပထွက်လို့မရတော့ပါဘူး။စစ်ကော်မရှင်ဟာ လူငယ်တွေပြည်ပထွက်ခွင့်မရအောင် ရတဲ့နည်းနဲ့ လိုက်လံပိတ်ပင်နေပါတယ်။

စစ်ကော်မရှင်ဟာတနိုင်ငံလုံးမှာ စစ်ရေးအရပြန်လည်ခေါင်းထောင်လာတာဟာ လူအင်အားဖြည့်ဆည်းနိုင်မှုနဲ့ဒရုန်းနည်းပညာကို တွင်တွင်ကျယ်ကျယ် အသုံးပြုလာနိုင်မှုတို့ကြောင့်ဖြစ်ပါတယ်။လူအင်အားလိုသလောက်ဖြည့်နိုင်မှုကြောင့် ထိုးစစ်ဆင်ရာမှာအင်အား အများအပြားအသုံးပြုလာနိုင်တယ်။ပေါ်တာဆွဲလာတဲ့ လူငယ်တွေရဲ့အသက်ကို လုံးဝအရေးမထားပဲတိုက်ပွဲရှေ့ဆုံးက တက်ခိုင်းပြီးလူလှိုင်းစစ်ဆင်ရေးပုံစံမျိုးလုပ်လာနိုင်တာကြောင့် တော်လှန်ရေးတပ်ဖွဲ့တွေအနေနဲ့ ဆုတ်ခွာပေးလိုက်ရတာမျိုးတွေ ဖြစ်လာတယ်။ နောက်တချက်ကတော့ဒရုန်းတွေကို တွင်တွင်ကျယ်ကျယ်အသုံးပြုလာနိုင်တယ်။အရင်ကဒရုန်းဆိုတာ တော်လှန်ရေးတပ်ဖွဲ့တွေအတွက်တိုက်ပွဲမှာ အဓိကအားသာချက်ဖြစ်တယ်။အခုတော့ ပြောင်းပြန်ဖြစ်သွားပြီ။နိုင်ငံတော်ဘဏ္ဏာကို ဖင်ခုထိုင်ထားတဲ့စစ်ကော်မရှင်ဟာ ဒရုန်းတွေကိုလိုသလောက်ဝယ်ယူအသုံးပြုနိုင်တယ်။နည်းပညာပိုင်းကိုလဲ...