Military Coup Myanmar

စစ်ကောင်စီကစစ်မှုမထမ်းမနေရဥပ‌ဒေကိုထုတ်ပြန်လိုက်တာ၁၀ရက်ကျော်ရှိလာပါပြီ။အခုချိန်ထိထိုဂယက်ဟာပြည်သူတွေကြားမှာကြီးမားစွာရိုက်ခတ်နေဆဲပဲ။၁၀ရက်ကျော်ကြာတဲ့အထိတော်လှန်ရေးအဖွဲ့အစည်းတွေဘက်ကထိုဥပဒေထွက်ပေါ်လာခြင်းအပေါ်ထိရောက်တဲ့တုန့်ပြန်မှုတွေလုပ်နိုင်တာမတွေ့ရပါဘူး။လက်နက်ကိုင်အဖွဲ့အစည်းတွေကလွတ်မြောက်နယ်မြေကိုလာကြဖို့နဲ့စစ်ကောင်စီကိုတိုက်ဖို့PDFထဲဝင်ဖို့လူငယ်တွေကိုဖိတ်ခေါ်ကြတယ်။NUGကတော့လိုက်နာရန်မလိုဆိုတာတခုနဲ့ပြီးသွားတယ်။သူတို့ရဲ့တုန့်ပြန်မှုတွေဟာလမ်း‌ပျောက်နေတဲ့လူငယ်တွေအတွက်အဖြေတစ်ခုမဟုတ်ပါဘူး။ဒီအချိန်မှစစ်ကောင်စီအပေါ်ထိရောက်တဲ့တုန့်ပြန်မှုတွေပေါ်မလာသေးဘူးဆိုရင်နောက်ထပ်လဲပေါ်လာနိုင်ဖွယ်မရှိတော့ပါဘူး။ တကယ်တော့လဲစစ်ကောင်စီရဲ့စစ်မှုမထမ်းမနေရဥပဒေအပေါ်ထိထိရောက်ရောက်တုန့်ပြန်နိုင်တဲ့နည်းလမ်းနှစ်ခုပဲမြင်မိပါတယ်။ပထမနည်းလမ်းကစစ်ရေးအရအဆက်မပြတ်ဖိအားပေးခြင်းနဲ့ဒုတိယနည်းလမ်းကတော့အထွေထွေလူထုသပိတ်တိုက်ပွဲပါပဲ။လက်ရှိအချိန်မှာစစ်ကောင်စီကိုစစ်ရေးအရအဆက်မပြတ်ဖိအားပေးဖို့ကလဲ၁၀၂၇စစ်ဆင်‌ရေးရပ်တန့်သွားပြီးနောက်ရခိုင်ပြည်နယ်ကလွဲပြီးတနိုင်ငံလုံးမှာစစ်ရှိန်‌လျော့ကျနေတယ်။စစ်ကောင်စီကိုဖိအားပြန်ပေးနိုင်ဖို့အတွက်၁၀၂၇စစ်ဆင်ရေးလိုမျိုးနောက်လှိုင်းတစ်ခုလာဖို့လိုနေတယ်။ဒုတိယနည်းလမ်းဖြစ်တဲ့လူထုသပိတ်တိုက်ပွဲကတော့ပိုလိုတောင်အလှမ်းဝေးပါသေးတယ်။အဆုံးစွန်အကြမ်းဖက်ရက်စက်နေတဲ့စစ်အုပ်စုရဲ့သေနတ်‌ပြောင်းအောက်မှာပြည်သူတွေလမ်းပေါ်မှာဆန္ဒပြဖို့ဆိုတာဘယ်လိုမှမဖြစ်နိုင်ပါ။ဒါ့အပြင့်လူထုသပိတ်တိုက်ပွဲလုပ်ချင်ရင်တောင်ဦးဆောင်မဲ့အဖွဲ့အစည်းနဲ့လူပုဂ္ဂိုလ်မျိုးလက်ရှိနိုင်ငံရေးနယ်ပယ်မှာမရှိတော့ပါဘူး။ဒီအချက်ထပ်စာရင်စစ်ရေးအရဖိအားပေးဖို့ကအနည်းငယ်ဖြစ်နိုင်‌ေခြရှိသေးတယ်။ဒါ့ကြောင့်စစ်ကောင်စီရဲ့စစ်သားစုဆောင်းမှုတွေစတင်မယ့်သင်္ကြန်မတိုင်မှီမှာစစ်တပ်ကိုဖိအားပေးနိုင်မယ့်ထိုးစစ်ကြီးတစ်ခုခုထပ်မံဖော်ဆောင်ဖို့လိုနေပါတယ်။မိုးမတိုင်ခင်ထိုးစစ်ကြီးတစ်ခုမဖော်ဆောင်နိုင်ရင်တော့ပြည်သူတွေရဲ့ဘဝဟာစစ်တပ်ပြုသမျှနုရပါလိမ့်မယ်။

ရန်ကုန်ကထိုင်းသံရုံးမှာဗီဇာရဖို့လူအုပ်ကြီးနဲ့တန်းစီစုပြုံထိုးနေစဉ်အတွင်းမှာပဲမန္တလေးမြို့၊ အောင်မြေသာစံမြို့နယ်ရှိ နိုင်ငံကူးလက်မှတ်ထုတ်ပေးသည့်ရုံး (ပတ်စ်ပို့ရုံး) တွင် ​နိုင်ငံကူးလက်မှတ်လျှောက်ထားရန် လူထောင်နှင့်ချီ စုပြုံတိုးစဉ် လူအုပ်ပိ၍ အမျိုးသမီးနှစ်ဦး သေဆုံးသွားတယ်။မန္တလေးပတ်စ်ပို့ရုံးတွင် နေ့စဉ် လူဦးရေ ၂၀၀ ဝန်းကျင်ကိုသာ ရုံးအတွင်းဝင်ရောက် လျှောက်လွှာတင်ခွင့် ပြုထားသော်လည်း လူဦးရေ ၅၀၀၀...

စစ်ကောင်စီရဲ့စစ်မှုထမ်းဥပဒေကြောင့်ပြည်တွင်းကငွေကြေးတက်နိုင်တဲ့လူတွေနဲ့လူငယ်တွေဒီရက်ပိုင်းအစုလိုက်အပြုံလိုက်ပြည်ပကိုထွက်ခွာနေကြတယ်။ဒါပေမယ့်သူတို့မှာရွေးချယ်စရာနိုင်ငံများများစားစားတော့မရှိပါဘူး။ထိုင်း၊မလေးရှားနဲ့စင်ကာပူနိုင်ငံတွေလောက်သာရှိနေတယ်။ထိုနိုင်ငံတွေထဲမှာမှလူတန်းစားအတော်များများအတွက်အဆင်ပြေတဲ့ထိုင်းနိုင်ငံကိုသွားကြတာတော့အများဆုံးပေါ့။ဒီလိုအခြေအနေတွေကြောင့် ပြည်ဝင်ခွင့်ဗီဇာ လျှောက်ထားသူများပြားသည့် အတွက် ဗီဇာလျှောက်ထားသူအရေအတွက် ကို အကန့်အသတ်ဖြင့်သာလက်ခံတော့မည်ဖြစ်ကြောင်း ရန်ကုန်မြို့ရှိ မြန်မာနိုင်ငံဆိုင်ရာထိုင်းသံရုံးက ထုတ်ပြန်လိုက်တယ်။တရက်လျှင်ဗီဇာလျှောက်ထားသူအရေအတွက်၄၀၀သာလက်ခံတော့မယ်တဲ့။ဗီဇာရက်ချိန်းကိုတန်းစီစနစ်နဲ့အွန်လိုင်းဘိုကင်စနစ်ကျင့်သုံးမှာဖြစ်တယ်။လက်ရှိအချိန်မှာတော့ထိုင်းသံရုံးရှေ့မှာလာရောက်တန်းစီသူတွေအယောက်၁၀၀၀လောက်ရှိနေတယ်။ထိုင်းသံရုံးကအခြားနိုင်ငံသံရုံးတွေထက်ဗီဇာလွယ်ကူတဲ့အထဲမှာတော့ထိုင်းပါနေတော့အကုန်စုပြုံတိုးနေကြတာ‌ပေါ့။ထိုင်းဗီဇာဟာအလည်အပတ်အတွက်ဆိုရင်၁၄ရက်freeရပြီးသွားကြတာပဲ။အခုကြာကြာနေချင်တဲ့သူတွေကဗီဇာကိုဒုက္ခခံပြီးလျှောက်နေကြတာပါ။

ပဲခူးတိုင်း ထန်းတပင်မြို့နယ်၊ ဇရပ်ကြီးမြို့၌ စစ်ကောင်စီတပ်နှင့် ကရင်အမျိုးသားလွတ်မြောက်ရေးတပ်မတော်(KNLA) ပူးပေါင်းတပ်များအကြား ယမန်နေ့ကတည်း တိုက်ပွဲပြင်းထန်နေရာ အရပ်သား ၁၅ ဦး ထက်မနည်း သေဆုံးပြီး အိမ်အများ အပြားလည်း ပျက်စီးကြောင်း ဒေသခံများထံမှ သိရသည်။ ယမန်နေ့ နံနက်...

မွန်ပြည်နယ်ထဲကတစ်ခုထဲသောEAOဖြစ်တဲ့မွန်ပြည်သစ်ပါတီကခေါင်းဆောင်တချို့ဟာစစ်ကောင်စီကိုပြန်တိုက်မယ်လို့ကြေငြာလိုက်ပါတယ်။မွန်ပြည်သစ်ပါတီဟာစစ်ကောင်စီနဲ့ငြိမ်းချမ်းရေးစာချုပ်NCAကိုလက်မှတ်ရေးထိုးထားတဲ့အဖွဲ့တစ်ခုဖြစ်တယ်။ဒီလထဲမှာထိုအဖွဲ့ဟာညီလာခံတစ်ခုပြုလုပ်ပြီးခေါင်ဆောင်တချို့ဟာစစ်ကောင်စီကိုပြန်တိုက်ဖို့ဆုံးဖြတ်လိုက်တာပါ။ထိုခေါင်းဆောင်တွေဟာစစ်တပ်ကိုတော်လှန်နေတဲ့မည်သည့်အဖွဲ့အစည်းနဲ့မဆိုပူးပေါင်းသွားမယ်လို့ပြောထားသေးတယ်။ပြောရရင်တော့ပါတီနှစ်ခြမ်းကွဲသွားပြီးတခြမ်းကတော်လှန်ရေးဘက်ပူးပေါင်းလာတဲ့သဘောပဲ။စစ်ရေးအခြေအနေအနည်းငယ်ငြိမ်သက်နေတဲ့မွန်ပြည်နယ်ထဲကEAOအဖွဲ့တစ်ခုပူးပေါင်းလာတာဖြစ်တဲ့အတွက်စိတ်ဝင်စားဖို့တော့ကောင်းနေပြီ။‌လောလောဆယ်မှာတော့ချက်ချင်းလက်ငင်းအကျိုးသက်ရောက်မှုတွေမရှိနိုင်ပေမယ့်တနိုင်ငံလုံးတိုက်ပွဲတွေပြန်စတဲ့အခါမွန်ပြည်နယ်ထဲမှာထင်ရှားတဲ့တိုးတက်မှုတွေမြင်လာနိုင်ပါတယ်။ ၁၀၂၇စစ်ဆင်ရေးရပ်နားထားပြီးနောက်ပိုင်းမှာစစ်ကောင်စီဘက်ကဘက်ပြောင်းလာတဲ့တိုင်းရင်းသားအဖွဲ့အစည်းသုံးဖွဲ့အထိရှိလာပါပြီ။NCAလက်မှတ်ထိုးထားတဲ့ရှမ်းတောင်ကပလောင်တိုင်းရင်းသားလက်နက်ကိုင်အဖွဲ့PLNOနဲ့အခုမွန်ပြည်နယ်ကNMSPတို့ကNCAကနုတ်ထွက်ပြီးစစ်ကောင်စီကိုပေါ်တင်စစ်ကြေငြာလိုက်ပါပြီ။ကရင်ပြည်နယ်ထဲမှာလဲစောချစ်သူဦးဆောင်တဲ့BGFအဖွဲ့ကစစ်ကောင်စီလက်အောက်ကခွဲထွက်လိုက်ပြီးသီးခြားရပ်တည်မယ်လို့ကြေငြာထားတယ်။ထိုအဖွဲ့သုံးဖွဲ့ထဲကမှရှမ်းတောင်ကPLNOအဖွဲ့ကတော့ဆီဆိုင်မြို့နယ်မှာစစ်ကောင်စီနဲ့တိုက်ပွဲတွေဖြစ်ပွားနေပြီးကျန်နှစ်ဖွဲ့ကတော့အခြေအနေကိုစောင့်ကြည့်နေကြတယ်။

ရခိုင်ပြည်နယ်မှာကုန်းလမ်းကခရီးသွားလာမှုတွေကိုစစ်ကောင်စီကပိတ်ထားပြီးနောက်အခုအခါလေကြောင်းကနေခရီးသွားလာမှုတချို့ကိုပါပိတ်ပင်လိုက်ပါတယ်။ကုန်းလမ်းခရီးကိုရခိုင်မှာတိုက်ပွဲတွေစဖြစ်ကတည်းကစစ်ကောင်စီကပိတ်ထားတာကြာပါပြီ။အခုတိုက်ပွဲတွေပိုမိုပြင်းထန်လာတဲ့အတွက်ငွေကြေးတက်နိုင်တဲ့ရခိုင်ပြည်သူတွေဟာပြည်မဘက်ကိုလေကြောင်းခရီးနဲ့စစ်ဘေးရှောင်ကြတယ်။လေယာဉ်လက်မှတ်ဈေးတွေကလဲမိုးထိုးနေတယ်။ရခိုင်ပြည်နယ်ထဲကိုလေယာဉ်လက်မှတ်ဈေးပုံမှန်ဆိုရင်ကျပ်၂သိန်းခန့်သာရှိပေမယ့်အခု၅သိန်းနားကပ်နေပြီ။ဒါဟာလေကြောင်းလိုင်းတွေရဲ့တရားဝင်ဈေးနှုန်းသာဖြစ်ပြီးရခိုင်ပြည်နယ်ထဲကထွက်ခွာလိုသူတွေများပြားလွန်းတာကြောင့်မှောင်ခိုဈေးကွက်မှာကျပ်၈သိန်းကနေ၁၀သိန်းအထိပေါက်နေတယ်။အခုလတ်တလောစစ်ကောင်စီကထုတ်ပြန်တဲ့စာအရရခိုင်ပြည်နယ်ကျောက်ဖြူမြို့ကနေအရပ်သားပြည်သူမည်သူမဆိုလေကြောင်းလမ်းကနေထွက်ခွာခွင့်မပြုတော့ပဲဝန်ထမ်းတွေ၊ကျန်းမာရေးမကောင်းသူတွေ၊ကျောင်းသား‌တွေကိုသာခွင့်ပြုတော့တယ်။ထိုသူတွေလေယာဉ်လက်မှတ်ဝယ်ယူရာမှာလဲထောက်ခံစာလိုအပ်သေးတယ်။ရခိုင်ပြည်သူတွေလွတ်လပ်စွာခရီးသွားလာခွင့်ကိုထပ်မံကန့်သတ်လိုက်တဲ့သဘောပဲ။ ဒီထက်ပိုဆိုးတာကရန်ကုန်ကနေရခိုင်ပြည်နယ်ကိုပြန်တဲ့ခရီးသွားတွေကိုစစ်ကောင်စီကလေဆိပ်မှာတင်ဖမ်းဆီးစစ်ဆေးနေတယ်။လေယာဉ်ပေါ်ကဆင်းဆင်းချင်းပဲလေဆိပ်အဆောက်အအုံထဲခေါ်ဆောင်သွားပြီးတချို့ရခိုင်လူငယ်တွေကိုဖမ်းဆီးထားတယ်လို့သိရတယ်။စစ်ကောင်စီဟာရခိုင်မှာအေအေတပ်တော်ကိုစစ်ရှုံးနေတဲ့အတွက်ရှုံးမဲမဲပြီးရခိုင်ပြည်သူတွေကိုဒုက္ခမျိုးစုံပေးနေတယ်။

စစ်မှုထမ်းဥပဒေထုတ်လိုက်တဲ့သတင်းကြောင့်ရန်ကုန်၊မန္တလေးလိုမြို့ကြီးတွေမှာညဘက်လူအသွားအလာအတော်ကျဲပါးသွားတယ်။ပေါ်တာဆွဲတဲ့သတင်းတွေကကောလဟာလမှန်းမသိတကယ်မှန်းမသိထွက်နေတာကိုး။တာစီးပွားရေးမြို့‌တော်ရန်ကုန်မှာတောင်ရုံးတွေအလုပ်တွေရုံးဆင်းချိန်ပြောင်းလိုက်ပြီးဝန်ထမ်းတွေကိုအိမ်စောစောပေးပြန်ကြတယ်။ည၈နာရီနောက်ပိုင်းလောက်ဆိုအသွားအလာကျဲသွားပြီ။မန္တလေးမှာလဲထိုနည်းလည်းကောင်းပဲ။မြို့ထဲမှာရောမြို့သစ်ဘက်မှာပါည၇နာရီနောက်ပိုင်းဆိုရင်လူမရှိတော့ပါဘူး။ဘာတွေကလပ်တွေမှာတောင်လူသိပ်မလာကြတော့ဘူး။နေ့ဘက်တွေမှာလဲစစ်ကောင်စီကရဲတွေမော်တော်ပီကယ်တွေဒီရက်ပိုင်းအဖမ်းအဆီးကြမ်းနေတယ်။တွေ့သမျှဆိုင်ကယ်တွေကိုအကြောင်းမရှိအကြောင်းရှာဖမ်းဆီးငွေညှစ်နေကြတာပါပဲ။မန္တလေးမှာကဒုစရိုက်မှုတွေဆိုင်ကယ်လုယက်မှုတွေအစကတည်းကပေါနေတော့မြို့ခံတွေအပြင်သိပ်မထွက်ကြတော့ဘူး။လူတိုင်းဟာအပြင်မှာပုံမှန်သွားလာလှုပ်ရှားနေကြပေမယ့်စိုးရိမ်စိတ်တွေနဲ့မလုံခြုံတော့ပါဘူး။

ကောလင်းမြို့ကိုစစ်ကောင်စီကသူတို့သိက္ခာပြန်ဆယ်ဖို့အတွက်အင်အားအလုံးအရင်းသုံးပြီးတိုက်ခိုက်ခဲ့တယ်ဆိုပေမယ့်ကိုယ့်ဘက်မှာလဲအားနည်းချက်တွေရှိခဲ့တယ်။အဓိကကတော့NUGပါပဲ။ကောလင်းမြို့ဟာNUGဦးဆောင်တဲ့တပ်ရင်းတွေသိမ်းပိုက်ထားပေမယ့်စစ်ကောင်စီကပြန်လည်မတိုက်ခိုက်ခင်မှာပြင်ဆင်မှုတွေအားနည်းခဲ့တယ်။မြို့ကိုသိမ်းပြီးကတည်းကစစ်ကောင်စီကတချိန်မှာပြန်တိုက်မယ်ဆိုတာသေချာနေတာပဲ။ဒါပေမယ့်လိုအပ်တဲ့လက်နက်ခဲယမ်းဖြည့်တင်းထားနိုင်မှုမှာအားနည်းခဲ့တယ်။ဒီကြားထဲစစ်ကောင်စီကအလုံးအရင်းနဲ့ဝင်လာချိန်မှာကျည်ပြတ်သွားတယ်ဆိုတဲ့သတင်း‌တွေထွက်လာသေးတယ်။ဒါ့အပြင်မြို့ကိုသိမ်းပြီးနောက်မြို့ပတ်ဝန်းကျင်ကိုနယ်မြေစိုးမိုးမှုတွေမလုပ်ပဲပစ်ထားခဲ့တယ်။ဒါ့ကြောင့်တကယ်တမ်းရင်ဆိုင်ရချိန်မှာစစ်ကောင်စီတပ်တွေဟာမြို့ထဲကိုရက်တိုတိုနဲ့ဝင်ရောက်ထိုးဖောက်နိုင်ခဲ့တယ်။စစ်ကောင်စီဟာကောလင်းမြို့ကိုဆယ်ရက်ကျော်ကြာသာတိုက်ယူခဲ့ရတာပဲ။NUGရဲ့တပ်တွေဟာကောလင်းလို့မြို့ကို၁၀ရက်ကျော်ကျော်သာခုခံနိုင်ခဲ့တယ်ဆိုတဲ့သဘောပါပဲ။မြို့မကျအောင်လိုအပ်တဲ့ကြိုတင်ပြင်ဆင်မလုပ်ပဲလိုင်းပေါ်မှာလေကျယ်လိုက်သေးတယ်။အခုတော့သူတို့‌လေကျယ်ထားတဲ့ပထမဆုံးသောမြေပြင်နွေဦးဘဏ်ခွဲဟာလဲလေထဲမှာပဲအငွေ့ပြန်သွားခဲ့ပါပြီ။ထိုနွေဦးဘဏ်နဲ့ပတ်သက်တဲ့သတင်းတွေတောင်ပျောက်နေတာကြာပြီ။NUGဟာလိုင်းပေါ်မှာလေမကျယ်ပဲမြေပြင်မှာတော်လှန်ရေးကိုဖိဖိစီးစီးလုပ်တာပိုကောင်းလိမ့်မယ်။

ဘယ်လိုအနေအထားလဲ တော်လှန်ရေးတပ်တွေထဲမှာ အခြေအနေလေးတွေက တစ်နေရာနဲ့တစ်နေရာမတူပါဘူး။ ဒါပေမဲ့ အကြမ်းဖျင်းအားဖြင့် အခုလိုသတ်မှတ်ပါတယ်။ ဘယ်နေရာဖြစ်ဖြစ် ကိုယ်လုပ်နိုင်တဲ့ အားသာတဲ့အပိုင်း ဝင်လို့ရပါတယ်။ တပ်ရင်း စစ်ကြောင်းတိုင်းမှာ စစ်ကြောင်း (၆) ခု ရှိတယ်လို့ ယေဘုယျသတ်မှတ်နိုင် တယ်။ အဲဒါတွေကတော့...

စစ်ကိုင်းတိုင်း၊ကောလင်းမြို့ကိုစစ်ကောင်စီကအင်အားအလုံးအရင်းဖြင့်စစ်ကြောင်းထိုး၀င်ရောက်ခဲ့ပြီးနောက် ၁၂ ရက်မြောက်နေ့မှာ ကောလင်းမြို့ပေါ်ကို စစ်ကောင်စီက အလုံးစုံ ထိန်းချုပ်လိုက်ပြီး တော်လှန်ရေး တပ်ဖွဲ့များက ခေတ္တဆုတ်ခွာပေးခဲ့ရကြောင်း သိရတယ်။ဖေဖော်ဝါရီ ၁၃ ရက်နေ့ကစပြီး ကောလင်း မြို့အတွင်းရှိ ပြည်သူ့ကာကွယ်ရေးတပ်ဖွဲ့များ ဆုတ်ခွာခဲ့ပြီးနောက် စစ်ကောင်စီက မြို့ပေါ်ရပ်ကွက် ၈...