Military Coup Myanmar

စစ်ကိုင်းတိုင်း၊ပုလဲမြို့လေးကိုစစ်ပုန်တွေဝင်သောင်းကျန်းသွားတယ်။အဲ့ဒီဘက်မှာမနေ့ကနဲ့တနေ့ကစစ်ကားတွေမိုင်းဆွဲတိုက်ခိုက်ခံရလို့အကောင်၄၀ကျော်သေကြတယ်လေ။အဲ့တော့မဲမဲမြင်ရာမြို့လေးထဲဝင်သောင်းကျန်းတယ်။ဘာမှမဆိုင်တဲ့NLDရုံးကိုဖျက်စီးသွားတယ်။လမ်းဘေးမှာအမှိုက်ကောက်တဲ့ကလေးနှစ်ယောက်ကိုလဲဗုံးထောင်တယ်ဆိုပြီးဖမ်းသွားသေးတယ်။နယ်မြေခံရဲတွေကအမှိုက်ကောက်တဲ့ကလေးတွေပါလို့ပြောတာတောင်မလွှတ်ပေးဘူးတဲ့။ ရန်ကုန်မှာလဲလက်ဖက်ရည်ဆိုင်ထိုင်နေတဲ့လူငယ်တွေကိုဘာမှမလုပ်ပဲဖမ်းဆီးသွားပါတယ်။ချီးဉီးနှောက်တွေနဲ့တိရိစ္ဆာန်သာသာအလုပ်လုပ်နေကြတယ်။အိမ်ထဲမှာပဲနေနေ၊အပြင်ပဲသွားသွား၊ဘာလုပ်လုပ်မလုံခြုံတော့ပါဘူး။

ဒီမနက်ကတည်းကစစ်ကောင်စီမှာမင်းအောင်လှိုင်နေရာကိုစိုးဝင်းကအာဏာပြန်သိမ်းသွားပြီဆိုပြီးအသံတွေထွက်နေတယ်။တကယ်တော့ဘာမှမဟုတ်ဘူး။သူတို့ဘက်ကဆိုက်ဝါးလွှင့်တာပဲနေမှာ။ ဒီနေ့နိုင်ငံရေးအကျဉ်းသားတချို့လွှတ်ပေးမယ်လို့လဲကြားပေးမယ့်ဘာမှဖြစ်မလာခဲ့ပါဘူး။ဒီရက်ပိုင်းတော့ဆိုက်ဝါးတွေအမျိုးမျိုးကြားနေရတယ်။တော်လှန်ရေးကိုအာရုံလွဲအောင်လုပ်နေကြတာပဲဖြစ်မယ်။  

ချင်းပြည်နယ်နဲ့ကယားပြည်နယ်မှာတိုက်ပွဲတွေလောလောဆယ်ငြိမ်သွားပေမယ့်စစ်ကိုင်းတိုင်းအနောက်ခြမ်းမှာတော့PDFတွေနဲ့ဆက်ဖြစ်နေတယ်။ဒီနေ့လဲအဲ့ဒီဘက်မှာစစ်သူပုန်ယာဉ်တန်းကိုမိုင်းဆွဲတိုက်ခိုက်ခံရလို့သုံးဆယ်ကျော်သေသွားတယ်ကြားတယ်။ မင်းအောင်လှိုင်ကလဲရုရှားမှာအစည်းအဝေးတွေပြီးသွားပေမယ့်ခုထိပြန်မလာသေးဘူး။ပြန်မလာနိုင်သေးတဲ့အကြောင်းအရင်းကိုလူတွေကြားမှာသို့လောသို့လောဖြစ်နေကြတယ်။ပြန်မလာလေကောင်းလေပဲ။

နိုင်ငံကျော်အဆိုတော်ရေမွန်ဟာလွတ်မြောက်နယ်မြေမှာတော်လှန်ရေးအတွက်အလုပ်တွေလုပ်ရင်းဒီနေ့ရုတ်တရက်သေဆုံးသွားတယ်။တနိုင်ငံလုံးအံသြမှင်သက်ကြေကွဲရတဲ့နေ့တစ်နေ့ပေါ့။သူ့သီချင်းတွေဟာလူငယ်တွေကြားမှာရေပန်းစားလွန်းတယ်လေ။မင်းအောင်လှိုင်သာအာဏာမရူးခဲ့ရင်သူလိုလူမျိုးကိုဆုံးရှုံးစရာမရှိဘူး။ဒင်းအာဏာရူးလို့လူငယ်တယောက်ရဲ့အခွင့်အရေးတွေအဆုံးအရှုံးခံပြီးတောထဲတောင်ထဲမှာလူမသိသူမသိကျဆုံးသွားတဲ့ကလေးတွေဘယ်လောက်တောင်ရှိနေပြီလဲ။လူငယ်တွေရဲ့အနာဂတ်ပျောက်ဆုံးသွားတာဟာတိုင်းပြည်ရဲ့အနာဂတ်ပျောက်ဆုံးသွားတာနဲ့အတူတူပဲ။

တနိုင်ငံလုံးမှာစစ်သူပုန်တွေကိုပျောက်ကြားပစ်ခတ်မှုတွေဆက်ဖြစ်နေတယ်။စစ်ကိုင်းတိုင်းယင်းမာပင်ခရိုင်မှာဒေသခံတူမီးသေနတ်သမားတွေနဲ့စစ်သူပုန်တွေတိုက်ပွဲဖြစ်ပြီးစစ်တပ်ဖက်က၂၀ကျော်သေဆုံးသွားတယ်။ပဲခူးတိုင်း၊ညောင်လေးပင်မှာလဲPDFတွေရဲစခန်းကိုဝင်ပစ်သွားလို့တဲ့။မနေ့ကမန္တလေးဖြစ်ရပ်အတွက်လက်စားခြေတာလို့ပဲခူးPDFကကြေငြာချက်ထုတ်ပြန်တယ်။ညပိုင်းမှာလဲကချင်ပြည်နယ်၊မြစ်ကြီးနားမြို့ကဗလမင်းထင်တံတားနားကစုပေါင်းရဲကင်းကိုKIAကလျက်တပျက်ဝင်တိုက်သွားသေးတယ်။တခြားနေရာတွေမှာလဲကြိုကြားတော်လှန်နေကြပြီ။

ဒီမနက်အစောပိုင်းမန္တလေးမြို့ထဲမှာတိုက်ပွဲတွေဖြစ်ပွားနေတယ်။PDFအဖွဲ့တွေရှိတဲ့နေရာကိုစစ်သူပုန်တွေအနံ့ရပြီးဝင်စီးတာပါ။PDFအဖွဲ့တွေကအိမ်ထဲကပြန်ပစ်လို့မနက်၈နာရီကနေ၁၀နာရီလောက်ထိအပြန်အလှန်ပစ်ခတ်မှုတွေဖြစ်ပွားခဲ့တယ်။PDFဖက်က၂ယောက်ကျပြီး၆ယောက်အဖမ်းခံလိုက်ရတယ်။စစ်သူပုန်တွေဖက်ကတော့ဒုဗိုလ်မှုးကြီးတစ်ဦးအပါအဝင်သုံးယောက်မြေသြဇာဖြစ်သွားတယ်။ဒါတောင်ဒီအချိန်ပိုင်းတိုက်ပွဲလေးကိုစစ်သူပုန်တွေဘက်ကတမြို့လုံးကစစ်ကူတွေခေါ်၊သံချပ်ကာကားတွေထုတ်ပြ၊RPGတွေနဲ့ထုပြီးတိုက်နေရတယ်။အိမ်ထဲမှာပုန်းနေတဲ့လူငယ်တွေလက်ထဲမှာလက်နက်တွေရှိမယ်လို့သူတို့ထင်မထားခဲ့ဘူး။ညနေပိုင်းမှာလဲတခြားPDFတဖွဲ့ကမြို့လည်ခေါင်မှာရှိတဲ့တိုင်းရဲစခန်းရုံးရှေ့ကိုလက်ပစ်ဗုံးပစ်သွင်းသွားလို့ရဲနှစ်ယောက်ထပ်သေသေးတယ်။ စစ်ကောင်စီဟာနိုင်ငံကိုတည်ငြိမ်အောင်ထိန်းနိုင်ဖို့အမျိုးမျိုးကြိုးစားနေပေမယ့်လဲတိုက်ပွဲတွေဟာမန္တလေးလို့မြို့ကြီးပြကြီးပေါ်တောင်ရောက်လာပါပြီ။

UNရဲ့ဆုံးဖြတ်ချက်ထွက်ပြီးပြီးချင်းပဲစစ်ခေါင်းဆောင်မင်းအောင်လှိုင်ရုရှားကိုအစည်းအဝေးသွားတက်တယ်ကြားတယ်။သတင်းဓာတ်ပုံတွေအရတော့ဟိုမှာသူ့ကိုလူလိုသူလိုကြိုဆိုခြင်းမခံရဘူး။သူ့အနေနဲ့ကတော့နိုင်ငံတကာရဲ့ပိတ်ဆို့မှုတွေကိုရှောင်ရှားဖို့ရသလောက်ထွက်ပေါက်ရှာမှာပဲ။ ချင်းပြည်နယ်မင်းတပ်မှာCDFနဲ့စစ်ကောင်စီ၂ပတ်ကြာအပစ်အခတ်ရပ်စဲလိုက်တယ်။သို့ပေမယ့်လဲစစ်ကောင်စီကိုမယုံတဲ့အတွက်စစ်ဘေးရှောင်တွေကိုယ့်အိမ်ကိုယ်ပြန်မလာရဲသေးဘူး။စစ်ဘေးရှောင်တွေအတွက်နည်းနည်းတော့အသက်ရှူချောင်သွားတာပေါ့။

မနေ့ကကျင်းပတဲ့ကုလသမဂ္ဂအထွေထွေညီလာခံမှာမြန်မာ့အရေးဆွေးနွေးမှုပြုလုပ်တယ်။စစ်ကောင်စီကိုလက်နက်ပိတ်ဆို့ရေးအပြင်တခြားအချက်တွေပါတဲ့သဘောတူညီချက်ကိုမဲခွဲဆုံးဖြတ်ပြီးအတည်ပြုလိုက်နိုင်ခဲ့တယ်။လက်နက်ပိတ်ဆို့ရေးဆိုတဲ့အချက်ပါဝင်လာတဲ့အတွက်အရင်ထုတ်ပြန်ချက်တွေနဲ့စာရင်တော့အနည်းငယ်ရှေ့ရောက်လာတဲ့အခြေအနေပဲ။ဒါပေမယ့်လုံခြုံရေးကောင်စီကဆုံးဖြတ်တာမဟုတ်တဲ့အတွက်မဖြစ်မနေလိုက်နာစရာတော့မလိုဘူး။မဲခွဲရာမှာသိသာတာတခုကတရုတ်နဲ့ရုရှားဟာအရင်လိုမကန့်ကွက်တော့ပဲကြားနေမဲပေးခဲ့တယ်။ဝမ်းနည်းစရာကောင်းတာကတော့ထောက်ခံမဲပေးနိုင်ငံတွေထဲမှာအိမ်နီးချင်းနိုင်ငံတွေတစ်ခုမှမပါခဲ့ဘူး။သူတို့ငါးနိုင်ငံစလုံးကြားနေခဲ့တယ်။အိမ်နီးချင်းကောင်းတနိုင်ငံမှမရှိတဲ့မြန်မာပြည်ဟာသနားစရာတော်တော်ကောင်းပါတယ်။ထိုင်းနိုင်ငံဆိုရင်တိုင်းရင်းသားလက်နက်ကိုင်တွေကိုအာဏာသိမ်းလိုက်ကတည်းကပျက်ပြယ်သွားပြီဖြစ်တဲ့NCAစာချုပ်ကိုလိုက်နာစေချင်တယ်လို့ထုတ်ပြောခဲ့တယ်။

ဒီနေ့ဟာနိုင်ငံမိခင်ကြီးဒေါ်အောင်ဆန်းစုကြည်မွေးနေ့ပါ။ဒီနှစ်မှာတော့သူမဟာမွေးနေ့မှာတကျော့ပြန်မတရားအကျဉ်းကျခံနေရတယ်။နိုင်ငံတဝန်းလုံးမှာတော့သူမရဲ့မွေးနေ့အတွက်နှင်းဆီပန်းတွေနဲ့အတူပန်းသပိတ်လုပ်ပေးကြတယ်။သူမရဲ့နောက်ထပ်အမည်တစ်ခုကသံမဏိနှင်းဆီလေ။ဒီနေ့မှာတော့နှင်းဆီပန်းတွေရောင်းကောင်းလွန်းလို့မနက်ပိုင်းမှာတင်ဝယ်လို့မရတော့တဲ့အထိဖြစ်သွားတယ်။ စစ်ကောင်စီကလဲဘယ်လောက်တောင်ကြောက်နေသလဲဆိုရင်နှင်းဆီပန်းပန်တဲ့မိန်းကလေးတွေကိုပါလိုက်ဖမ်းနေတယ်။ပြင်ဦးလွင်ကလက်ဖက်ရည်ဆိုင်တစ်ခုမှာဆိုရင်နှင်းဆီပန်းဝေလို့ဆိုပြီးဆိုင်ပိုင်ရှင်ရောစားပွဲထိုးတွေပါဖမ်းသွားတယ်။သေနတ်ကိုင်တဲ့သူတွေကပန်းကိုကြောက်ကြတယ်တဲ့။ရယ်စရာတော့အတော်ကောင်းသားပဲ။

ဒီနေ့ရန်ကုန်မြို့နေရာအနှံမှာပေါက်ကွဲမှုတွေအမြောက်အများဖြစ်ပွားခဲ့တယ်။လှိုင်သာယာမှာတင်၈ခုထက်မနည်းပေါက်ကွဲခဲ့တယ်။ဒါအပြင်တာမွေ၊သင်ယန်းကျွမ်း၊တောင်ဒဂုံစတဲ့မြို့နယ်တွေမှာလဲအလားတူပဲ။တာမွေကပေါက်ကွဲမှုကတော့နာမည်ကြီးသွားတယ်။လူစည်ကားရာလမ်းမကြီးပေါ်မှာရပ်ထားတဲ့စစ်ကားကိုဗုံးပစ်သွင်းသွားတယ်ပြောတယ်။သေချာတော့အတည်မပြုနိုင်သေးဘူး။ရဲတယောက်သေပြီးစစ်သားငါးယောက်လောက်ဒဏ်ရာအပြင်းအထန်ရသွားတာတော့ကျိန်းသေတယ်။အရင်ကရန်ကုန်မှာဒါမျိုးဖြစ်စဥ်တွေရှိဖူးပေမယ့်ထိထိရောက်ရောက်ဖြစ်မြောက်သွားတာဒါပထမဆုံးပဲ။စစ်ခွေးတွေအတွက်ကတော့တပ်ဝန်းထဲကလွဲလို့ဘယ်နေရာမှမလုံခြုံတော့ဘူး။ တဖက်မှာလဲFAOအစည်းအဝေးမှာစစ်ကောင်စီကိုအသိအမှတ်မပြုပြန်ဘူး။စစ်ကောင်စီဟာနိုင်ငံတကာနယ်ပယ်မှာရှုံးပြီးရင်းရှုံးနေတယ်။