ကယား(ကရင်နီ)ပြည်၊ ဒီးမော့ဆိုမြို့နယ်၊ မြလဲကျေးရွာမှာ ကျေးရွာလုံခြုံရေးယူနေသည့် အရပ်သားလူငယ်များကို အကြမ်းဖက်စစ်ကောင်စီကဖမ်းဆီးခြင်းပြုလုပ်တယ်လို့ကရင်နီအမျိုးသားကာကွယ်ရေးတပ်(KNDF) ဇွန်လ ၁၂ ရက်နေ့မှာ ရက်စွဲဖြင့်ထုတ်ပြန်ကြေညာလိုက်ပါတယ်။ အကြမ်းဖက်စစ်ကောင်စီတပ်က ဒီမောဆိုမြို့နယ်၊ မြလဲကျေးရွာ တစ်ည စခန်းချပြီး ပြည်သူနေအိမ်များကို ဖောက်ထွင်းကာ ပစ္စည်းများကိုခိုးယူသွားတယ်လို့ဒေသခံတစ်ဦးကပြောပါတယ်။ "မြလဲရွာမာဝင်ရောက်ပြီး အိမ်ဖောက်တယ်၊...

ပြည်တွင်းမှာကိုဗစ်ကူးစက်နှုန်းဟာဒီလဆန်းကစပြီးပြန်လည်မြင့်တက်လာပါတယ်။အခုဆိုပိုးတွေ့နှုန်းကတနေ့ငါးရာခိုင်နှုန်းအထက်ရှိလာပါပြီ။ဒါတောင်တနေ့တစ်ထောင်ကျော်ပဲစစ်နိုင်သေးတာပါ။ဒါကြောင့်စစ်ကောင်စီဟာကိုဗစ်စင်တာတွေတိုးချဲ့ဖွင့်လှစ်ဖို့စီစဉ်နေပါတယ်။ဖွင့်လှစ်မယ့်နေရာတွေကတော့ဂိုထောင်အဟောင်းထဲမှာကွပ်ပျစ်ပေါ်ဖျာကြမ်းခင်းပြီးလူနာတွေကိုထားမှာပါ။NLDအစိုးရလက်ထက်ကိုဗစ်စင်တာတွေနဲ့ဆီနဲ့ရေလိုကွာခြားလွန်းလှပါတယ်။စစ်ကောင်စီရဲ့တိုင်းပြည်အပေါ်မှာထားတဲ့စေတနာကိုအတိုင်းသားတွေ့မြင်လိုက်ရတယ်။ဒီပုံစံအတိုင်းဆိုကိုဗစ်ကူးရင်သေဖို့ပဲရှိမယ်။

ကယားပြည်နယ်မှာစစ်ဘေးရှောင်တွေကိုထောက်ပံမယ့်ဆန်အိတ်၈၀ကျော်နဲ့တကွအစားအသောက် တွေဆေးဝါးတွေကိုစစ်သူပုန်တွေမီးရှို့ဖျက်စီးလိုက်တယ်။ရိုင်းစိုင်းယုတ်မာချက်ကတော့ဖော်ပြစရာစကားလုံးမရှိလောက်အောင်ပဲ။ အခုဆိုချင်းပြည်နယ်ရောကယားပြည်နယ်မှာပါစစ်ဘေးရှောင်တွေတော်တော်ဒုက္ခရောက်နေကြတယ်။စစ်သူပုန်တွေကသယ်ယူပို့ဆောင်ရေးလမ်းကြောင်းတွေမှာပိတ်ဆို့ဖျက်စီးနေလို့ရိက္ခာတွေပြတ်သလောက်ဖြစ်နေပြီ။ဒါ့အပြင်စစ်ရှောင်စခန်းတွေကိုပါလက်နက်ကြီးနဲ့ရမ်းသမ်းပစ်နေလို့စခန်းနေရာပြောင်းရတာတွေလဲခဏခဏပဲ။မိုးကျလာပြီဆိုတော့နေရာထိုင်ခင်းအခက်အခဲတွေရှိလာတယ်။UNကလဲထုံးစံအတိုင်းဒုက္ခသည်တွေအတွက်စာတွေပဲထိုင်ထုတ်နေတယ်။ဒီအရေးကိုတောင်ဖြစ်ဖြစ်မြောက်မြောက်မကူညီပေးနိုင်ဘူး။အခုဆိုလူတွေကNUGကိုပါအပြစ်ပြောလာကြပြီ။NUGလဲဘာမှမတတ်နိုင်သေးဘူး။ခုချိန်ထိမြေပြင်မှာရုပ်လုံးမပေါ်လာသေးဘူး။တိုင်းရင်းသားပြည်သူတွေလဲဒုက္ခပေါင်းစုံရောက်နေကြပြီ။ဆက်တွေးကြည့်ရင်ရင်လေးစရာတွေချည်းပဲ။

ဒီမနက်ပြင်ဦးလွင်လေဆိပ်နားမှာစစ်တပ်ကသယ်ယူပို့ဆောင်ရေးလေယာဥ်ငယ်တစ်စင်းပျက်ကျသွားတယ်။လေယာဉ်ပေါ်ပါသူ၁၄ယောက်မှာ၁၂ယောက်သေဆုံးသွားတယ်။သေဆုံးသွားသူတွေထဲမှာနေပြည်တော်ကဆရာတော်ကြီးတပါးလဲပါတယ်။ပြည်သူတွေကတော့ပြည်သူ့ကျိန်စာဆူးနေပြီဆိုပြီဝမ်းသာနေကြလေရဲ့။စစ်ကောင်စီအဖွဲ့ဝင်ထိပ်တန်းအရာရှိကြီးတွေလဲပါတယ်လို့သတင်းတွေထွက်လာပေမယ့်အတည်ပြုလို့မရသေးပါဘူး။

KNUကစစ်ဦးစီးချုပ်ရဲ့NCAအတိုင်းအတိအကျလိုက်နာမယ်ဆိုတဲ့စာဒီနေ့ထွက်လာတယ်။ဘာသဘောလဲမသိပေမယ့်အဲ့ဒီ့စာနဲ့ပတ်သတ်ပြီးဝေဖန်သုံးသပ်မှုတွေလဲအစီအရီထွက်ပေါ်လာတယ်။ KNU ဟာမြန်မာပြည်မှာအကြီးဆုံးလက်နက်ကိုင်အဖွဲ့အစည်းတစ်ခုပါ။သူကစစ်ကောင်စီကိုဆက်လက်မတော်လှန်ဘူးလားဆိုတဲ့အတွေးတွေပြည်သူတွေထဲရောက်သွားရင်တော့သိပ်မကောင်းလှဘူး။ခုတောင်ကရင်ပြည်နယ်ထဲတိုက်ပွဲတွေသိပ်မဖြစ်တော့သလိုပဲ။ ပြည်မမှာတော့PDFအဖွဲ့လေးတွေလက်စွမ်းပြနေဆဲပဲ။ပေါက်ကွဲမှုတွေသိပ်ဖြစ်တော့ပေမယ့်စစ်ကောင်စီရဲ့လက်ပါးစေတွေကိုဆက်လက်ရှင်းလင်းနေတယ်။ဒီနေ့ဆိုရန်ကုန်မှာနာမည်ကြီးဒလန်အုပ်ချုပ်ရေးမှုးမတစ်ယောက်နဲ့မန္တလေးမှာရဲနှစ်ယောက်အနီးကပ်ပစ်သတ်ခံလိုက်ရတယ်။

ကရင်ပြည်နယ်ကမြို့တချို့မှာအာဇာနည်ဗိမာန်တွေကိုစစ်သူပုန်တွေညဘက်ကြီးဘူဒိုဇာနဲ့ထိုးပြီးဖျက်စီးသွားတယ်။အာဇာနည်ဆိုတဲ့စကားလုံးကိုတောင်လက်ခံနိုင်စွမ်းမရှိဖြစ်နေကြတယ်။လုပ်ရပ်တွေဟာအပေါက်အလမ်းမတည့်ကလေးဆန်လွန်းတယ်။ ချင်းပြည်နယ်နဲ့ကယားပြည်နယ်မှာလဲစစ်ကောင်စီဟာအင်အားအလုံးအရင်းဖြည့်တင်းနေတယ်။သူတို့ကိုတော်လှန်နေတဲ့နယ်မြေတွေကိုလေးဖက်လေးတန်ပိတ်ဆို့ပြီးချေမှုန်းမယ့်သဘောရှိတယ်။ကယားမှာဆိုခရစ်ယာန်ဘုရားကျောင်းတွေပါမချန်လက်နက်ကြီးတွေနဲ့ပစ်ခတ်တိုက်ခိုက်နေတယ်။

ILOအဖွဲ့ကြီးကလဲနောက်တပတ်ကျင်းပမယ့်ညီလာခံမှာစစ်ကောင်စီကိုယ်စားလှယ်ကိုလက်မခံဘူးပြောလိုက်ပြီ။တကမ္ဘာလုံးကအဖွဲ့အစည်းကြီးတွေကတော့စစ်ကောင်စီကိုအခုထိအသိအမှတ်မပြုကြသေးဘူး။တရုတ်နဲ့အာဆီယံသာအသိအမှတ်ပြုဖို့ကြိုးစားနေကြတာ။NUGကလဲဒီကိစ္စကိုကန့်ကွက်ထားတယ်။ဘာပဲဖြစ်ဖြစ်စစ်ကောင်စီကတော့သူတို့နောက်ခံနဲ့ရမ်းကားနေဉီးမှာပဲ။

ဧရာဝတီတိုင်း၊ကျုံပျော်မြို့လေးကရွာတစ်ရွာမှာစစ်သူပုန်တွေအကြမ်းဖက်ဝင်စီးလို့တစ်ရက်ထဲနဲ့အပြစ်မဲ့ပြည်သူ၂၀ခန့်သေဆုံးသွားတယ်။ဒလန်ကရွာထဲမှာလက်နက်တွေရှိတယ်လို့သတင်းပေးလို့ဝင်ပစ်တာလို့ကြားတယ်။တကယ်တော့ဧရာဝတီတိုင်းဆိုတာတော်လှန်ရေးလှုပ်ရှားမှုအနည်းဆုံးဒေသတစ်ခုပါ။လက်နက်တွေရှိဖို့နေနေသာသာနယ်ခံPDFအဖွဲ့တွေတောင်ရှိတာမဟုတ်ဘူး။ဒါပေမယ့်လဲစစ်သူပုန်တွေရဲ့ထုံးစံအတိုင်းမဲမဲမြင်ရာဝင်သောင်းကျန်းသွားတာပဲ။ အာဆီယံကိုယ်စားလှယ်အဖွဲ့ရောက်နေချိန်မှာတောင်ဒီလိုလူသတ်ရမ်းကားနေတာဟာစစ်ကောင်စီကဘယ်သူ့ကိုမှဂရုမစိုက်ပဲသူလုပ်ချင်ရာလုပ်မယ်ဆိုတာပြသလိုက်တာပဲ။

ရန်ကုန်တိုင်းဒေသကြီး • ရန်ကုန်မြို့ အထင်ကရ ရွှေတိဂုံစေတီတော် တောင်ဘက်မုခ်အနီး မီးပွိုင့်ရှိ လမ်းလယ်ကျွန်းတွင် ယနေ့ နံနက် ၉ နာရီခွဲခန့်က ပေါက်ကွဲမှုတစ်ရပ် ဖြစ်ပွားခဲ့ရာ စည်ပင်ဝန်ထမ်း အမျိုးသမီးတစ်ဦး ထိခိုက်ဒဏ်ရာရရှိခဲ့သည်။ • ရွှေပြည်သာမြို့နယ်၊ အောက်မင်္ဂလာဒုံလမ်းမပေါ်...

ချင်းပြည်နယ်၊ ဟားခါးမြို့နယ်နှင့် ဂန့်ဂေါမြို့အကြား လန်တုတ်နှင့် ပီနန်ရွာနားတွင် မနေ့က ညနေ ၃ နာရီ ဝန်းကျင်ခန့် ဂန့် ဂေါဘက်မှ စစ်ကူပေးရန် တက်လာသည့် စစ်ကောင်စီ လက်နက်ကိုင်ယာဉ်တန်းတခုကို Chinland Defense Force (CDF-ဟားခါး)က...