Military Coup Myanmar

NUGကပြန်လည်ရောင်းချနေတဲ့EODပရောဂျက်တစ်ခုဖြစ်တဲ့နွေဦးရဲ့ရင့်ကွန်ဒိုတိုက်ခိုက်တွေတရက်အတွင်းမှာပဲရောင်းကုန်သွားတယ်။ဒီတခေါက်မှာဒေါ်လာ၁၀သန်းဖိုးလောက်ရောင်းချရလိုက်တယ်။နောက်ထပ်ပြီးမိုးကုတ်ရတနာမြေမှာကျောက်မျက်တူးဖော်ခွင့်ပေးမယ့်ပရောဂျက်တွေလဲကျန်သေးတယ်။အခုနောက်ပိုင်းNUGကပြုလုပ်တဲ့ရန်ပုံငွေရှာပရောဂျက်တွေကိုပြည်သူတွေအားပေးမှုပိုမိုအားကောင်းလာတာတွေ့ရတယ်။အရင်ကပရောဂျက်တစ်ခုရောင်းကုန်ဖို့တပတ်လောက်ကြာခဲ့ရာကနေအခုဆိုရင်တရက်အတွင်းရောင်းကုန်သွားတဲ့အခြေအနေတွေဖြစ်လာပြီ။ရန်ပုံငွေရှာဖွေမှုအပိုင်းမှာပြည်သူတွေရဲ့ပါဝင်မှုနှုန်းဟာအတော်အားရစရာကောင်းနေပြီ။ဒါအပြင်NUGအနေနဲ့နွေဦးဖွံ့ဖြိုးရေးဘဏ်တစ်ခုထူထောင်ဖို့ပြင်ဆင်နေကြောင်းထုတ်ပြောလာတယ်။ထိုဘဏ်အတွက်အာမခံငွေကြေးအနေနဲ့အမေရိကန်ကထိန်းချုပ်ထားတဲ့ဒေါ်လာ၁ဘီလီယံကိုအသုံးပြုခွင့်ပေးဖို့ကြိုးစားနေတယ်။၂၀၂၃နှစ်ဝက်မတိုင်ခင်ဖြစ်လာဖို့မျှော်မှန်းထားတယ်။  

ကရင်ပြည်နယ်၊ ဘုရားသုံးဆူမြို့နယ်ခွဲရှိ ဒီမိုကရေစီအကျိုးပြုကရင့်တပ်မတော် (DKBA)  ဗျူဟာမှူး ဗိုလ်အေဝမ်းရဲ့ အိမ်ကိုစစ်ကောင်စီတပ်က တိုက်လေယာဉ်နဲ့ ဗုံး ၃ လုံးကြဲချသွားတယ်။ ဗုံးဒဏ်ကြောင့် ဒီကေဘီအေတပ်သား၂ဦးဒဏ်ရာရပြီးဗျူဟာမှူးဗိုလ်အေဝမ်းရဲ့နေအိမ်လည်းထိခိုက်ပျက်စီးသွားပါတယ်။လေကြောင်းတိုက်ခိုက်မယ့်သတင်းရထားလို့ DKBA တာဝန်ရှိသူတွေနဲ့ တပ်သားတွေကတော့ ဘေးလွတ်ကင်းရာမှာ အချိန်မီပြောင်းရွှေ့ ရှောင်တိမ်းနိုင်ခဲ့ပြီး DKBA ကားမောင်းသမား...

ကယားပြည်နယ်ဘော်လခဲမြို့နယ်ကစစ်တပ်အခိုင်အမာစခန်းတစ်ခုဖြစ်တဲ့မယ်စလောင်းတောင်စခန်းကုန်းကိုKNDFအဖွဲ့တွေတိုက်ခိုက်သိမ်းပိုက်လိုက်တယ်။စစ်သူပုန်လေးယောက်သေဆုံးပြီးကျန်တဲ့သူတွေထွက်ပြေးသွားလို့လက်နက်ခဲယမ်းတွေသိမ်းဆည်းရမိလိုက်တယ်။အားရဖို့ကောင်းတာကထိုစခန်းကိုတိုက်ခိုက်နေစဉ်အတွင်းမှာပဲဘော်လခဲမြို့ပေါ်ကစစ်တပ်ရင်းကိုပိတ်ဆို့ထားနိုင်တယ်။ဒါကြောင့်စစ်သူပုန်တွေဘက်ကစစ်ကူလဲလွှတ်မရဖြစ်သွားတာပေါ့။အခုနောက်ပိုင်းတော်လှန်ရေးအဖွဲ့တွေစခန်းသိမ်းတိုက်ပွဲဆင်နွှဲရင်ထိုဗျူဟာကိုအသုံးပြုလာကြတယ်။လဆန်းပိုင်းကကော့ကရိတ်တိုက်ပွဲမှာလဲဒီသဘောတရားပဲ။စစ်ကူပေးနိုင်မယ့်လမ်းကြောင်းတွေကိုပိတ်ဆို့ခြင်း၊ဒါမှမဟုတ်တပြိုင်နက်တိုက်ခိုက်ခြင်းဗျူဟာကိုကျင့်သုံးလာကြပြီ။လူအင်အားလက်နက်အင်အားရှိလာတာလဲပါမှာပေါ့။ ကယားပြည်နယ်မှာအရင်စစ်တပ်လက်အောက်ခဲပည်သူ့အဖွဲ့ကလဲတော်လှန်ရေးအဖွဲ့တွေနဲ့ပူးပေါင်းတော့မယ်လို့ကြားရတယ်။နယ်မြေတဆက်ထဲရှမ်းပြည်တောင်ပိုင်းမှာလဲလှုပ်ရှားမှုလေးတွေရှိလာပြီဆိုတော့ကယားပြည်နယ်အတွင်းစစ်ရေးမှာဒီထပ်ပိုပြီးအခြေအနေကောင်းလာနိုင်ပါတယ်။  

စစ်ကိုင်းနဲ့ကချင်အစပ်ကကသာမြို့နယ်မိုးတားလေးကျေးရွာဝန်းကျင်ကိုစစ်ကောင်စီကတိုက်လေယာဥ်များနဲ့နှစ်ရက်ဆက်တိုက်ဗုံးကြဲတိုက်ခိုက်မှုကြောင့်ဒေသ၈ဦးသေဆုံးပြီးသုံးဆယ်လောက်ဒဏ်ရာရရှိသွားတယ်။မနေ့ကဗုံးကြဲမှုမှာဆိုရင်အလှူလုပ်နေတဲ့အိမ်ကိုဗုံးတိုက်ရိုက်ထိမှန်ခြင်းကြောင့်အစုလိုက်သေဆုံးပြီးဒဏ်ရာရသူတွေများပြားသွားတာပါ။ ထိုနယ်မြေအတွင်းစစ်ကြောင်းထိုးလာတဲ့စစ်သူပုန်တပ်ကိုတော်လှန်ရေးအင်အားစုတွေကမနေ့ကတည်းကဝိုင်းဝန်းပိတ်ဆို့တိုက်ခိုက်ခဲ့ကြတယ်။စစ်သူပုန်တွေအထိနာတော့သူတို့လုပ်နေကြအတိုင်းပြည်သူတွေရှိတဲ့ရွာတွေဘက်ကိုပေါင်၅၀၀ဗုံးတွေပါသုံးပြီးဗုံးကြဲတိုက်ခိုက်ခဲ့တယ်။အခုဆိုရင်ထိုကျေးရွာအုပ်စုကရွာတွေကိုမီးရှို့ဖျက်စီးနေကြပြီ။လက်ရှိအချိန်ထိတိုက်ပွဲတွေဆက်လက်ဖြစ်ပွားနေပြီးဒဏ်ရာရထားတဲ့ပြည်သူတွေကိုတော်လှန်ရေးအင်အားစုတွေကဆေးကုပေးနေရတယ်။

သမ္မတကြီးဦးဝင်းမြင့်ကိုနေပြည်တော်ကနေတောင်ငူအကျဉ်းထောင်ကိုပြောင်းရွှေ့လိုက်တယ်လို့သိရတယ်။အရင်ကနေပြည်တော်ကသူလူမသိတဲ့နေရာတစ်ခုမှာဖမ်းဆီးထားတာပါ။အခုတော့သူ့ကိုဖမ်းဆီးထားတဲ့နေရာကိုသိရပေမယ့်သမ္မတကြီးကတော်နဲ့ကလေးတွေ၊အိမ်အကူတွေကိုဘယ်မှာဖမ်းဆီးထားမှန်းမသိသေးဘူး။ထိုသူတွေကိုတစုံတရာအမှုဆင်တရားစွဲထားတာလဲမရှိပဲနဲ့စစ်ကောင်စီဟာဖမ်းဆီးထားတယ်။သမ္မတကြီးနဲ့သူ့ရဲ့မိသားစုသတင်းဟာလူစိတ်ဝင်စားခြင်းလဲသိပ်မခံရပါဘူး။ ကုလသမဂ္ဂနဲ့နိုင်ငံတကာကသမ္မတကြီးနဲ့ဒေါ်အောင်ဆန်းစုကြည်တို့ကိုချက်ချင်းပြန်လွှတ်ပေးဖို့ဆုံးဖြတ်တောင်းဆိုထားတာတစ်လနီးပါးကြာလာပေမယ့်စစ်ကောင်စီကတော့လက်လျောမယ့်ပုံအရိပ်အယောင်တောင်မတွေ့ဘူး။နိုင်ငံအတွင်းမှာလဲဆက်လက်အကြမ်းဖက်မှုတွေကျူးလွန်နေဆဲပါပဲ။  

အခုနောက်ပိုင်းစစ်ကောင်စီနဲ့ထိုင်းနိုင်ငံတို့အကြားဆက်ဆံရေးတွေခပ်စိတ်စိတ်တွေ့နေရတယ်။အခုလဲစစ်ကောင်စီဘက်တော်သားဂျပန်နိုင်ငံလော်ဘီငြိမ်းချမ်းရေးအမည်ခံတစ်ဦးဖြစ်တဲ့ဆာဆာကာဝါဟာထိုင်းဝန်ကြီးချုပ်နဲ့တွေ့ဆုံနေတယ်။သူတို့နှစ်ဦးတွေ့ဆုံမှုကိုလျော့တွက်လို့တော့မရဘူး။နှစ်ဦးစလုံးဟာစစ်ကောင်စီဘက်တော်သားတွေဖြစ်တဲ့အလျောက်သမြန်မာ့အရေးစစ်ကောင်စီကိုဘယ်လိုပံ့ပိုးပေးမလဲဆိုတာဆွေးနွေးကြမှာကျိန်းသေတယ်။ လာမယ့်အပတ်မှာလဲထိုင်းစစ်ဦးစီးချုပ်ကမြန်မာပြည်လာပြီးမင်းအောင်လှိုင်နဲ့တွေ့ဦးမယ်။သူတို့နှစ်ဦးတွေ့ဆုံမယ့်ရခိုင်ပြည်နယ်ကကမ်းခြေမြို့လေးဖြစ်တဲ့သံတွဲမှာလုံခြုံရေးတွေတင်းကျပ်စွာချထားတယ်။ထိုတွေ့ဆုံမှုမှာစစ်တပ်နှစ်ခုအကြားပူးပေါင်းဆောင်ရွက်မှုတွေ၊သတင်းအချက်အလက်ဖလှယ်မှုတွေကိုသဘောတူညီချက်ရရှိခဲ့ရင်ထိုင်းနိုင်ငံထဲကတော်လှန်ရေးအင်အားစုတွေအတွက်ခြိမ်းခြောက်မှုတွေဖြစ်လာလိမ့်မယ်။ စစ်ကောင်စီဟာရုရှား၊တရုတ်တို့လိုနိုင်ငံကြီးတွေရဲ့ထောက်ခံမှုကိုရဖို့မသေချာတဲ့အနေအထားမှာအိန္ဒိယ၊ထိုင်းတို့လိုအိမ်နီးချင်းနိုင်ငံတွေရဲ့အားကိုယူပြီးရှင်သန်ဖို့ကြိုးစားနေတယ်။အထူးသဖြင့်တော်လှန်ရေးအတွက်ကြီးမားတဲ့ထောက်ပို့လမ်းကြောင်းတွေရှိတဲ့ထိုင်းနိုင်ငံကိုသိမ်းသွင်းပြီးတော်လှန်ရေးကိုရသလောက်နှောက်ယှက်ချင်နေတဲ့သဘောပဲ။

၂၀၂၂ ခုနှစ် နှစ်ကုန်ခါနီး မြန်မာ့အရေးနှင့် ပတ်သက်သည့် သံခင်းတမန်ခင်းသည် လှုပ်လှုပ်ရှားရှား ရှိသည်။ ၂၀၂၂ ခုနှစ် ဒီဇင်ဘာလအတွင်း အရေးပါသည့် ဆုံးဖြတ်ချက်များ၊ ခြေလှမ်းများကို တွေ့ရသကဲ့သို့ တန်ပြန်သည့် လှုပ်ရှား မှုများကိုလည်းတွေ့ရ၏။ တနှစ်လုံး လှုပ်ရှားလာသမျှ...

NUGကနောက်ထပ်ငွေရှာမယ်ပရောဂျက်တွေထပ်လုပ်မယ်လို့ပြောတယ်။EODပရောဂျက်တွေဆိုရပ်ထားတာနည်းနည်းကြာနေပြီ။NUGအနေနဲ့ရန်ပုံငွေရှာဖွေမှုမှာသွေးအေးနေတာသတိထားမိတယ်။အခုလောလာဆယ်ငွေတိုက်စာချုပ်ရောင်းချမှုနဲ့နွေဦးအိမ်ရာမြေကွက်ရောင်းချမှုတွေကနေဒေါ်လာသန်းတစ်ရာလောက်ရထားတယ်တဲ့။လေးဆယ်ရာခိုင်နှုန်းကိုငွေတိုက်စာချုပ်တွေကနေရရှိပြီးခြောက်ဆယ်ရာခိုင်နှုန်းကိုတော့EODပရောဂျက်တွေကနေရရှိထားတယ်။ထို့အပြင်စိုးမိုးနယ်မြေတွေမှာအောင်မြင်စွာအခွန်ကောက်ခံနေတယ်။အခွန်ဆိုင်ရာစည်းမျဉ်းစည်းကမ်းတွေကိုလဲအတိအကျထုတ်ပြန်ထားတာကြောင့်အခုဆိုရင်စိုးမိုးနယ်မြေတွေမှာအခွန်ကောက်ခံမှုတွေပုံမှန်လည်ပတ်နေပြီ။အခွန်ငွေသုံးဘီလီယံခန့်ကိုလဲရရှိထားပါပြီ။တော်လှန်ရေးအတွက်ရန်ပုံငွေရှာဖွေမှုနဲ့ရရှိမှုတွေကတော့အရှိန်အဟုန်နဲ့ဆက်လက်ချီတက်နေတယ်။    

ချင်းပြည်နယ်နဲ့အိန္ဒိယနယ်စပ်ကCNFဌာနချုပ်စခန်းကိုစစ်တပ်ကနှစ်ရက်ဆက်တိုက်ဗုံးကြဲတိုက်ခိုက်ခဲ့တယ်။စစ်တပ်ရဲ့တိုက်လေယာဉ်တွေဟာထိုလေကြောင်းပစ်ခတ်မှုအတွက်အိန္ဒိယလေပိုက်နက်ကိုအသုံးပြုခဲ့ပြီးဗုံးတစ်လုံးလဲနယ်ခြားမျဉ်းရဲ့ဟိုဘက်ကိုကျရောက်ခဲ့တယ်။ဒီကိစ္စအတွက်အိန္ဒိယဘက်ကအခုချိန်ထိဘာသံမှာထွက်မလာပဲနုတ်ဆိတ်နေတယ်။အိန္ဒိယဟာဒီမိုကရေစီနိုင်ငံကြီးဖြစ်နေပြီးသူ့နိုင်ငံသိက္ခာကိုမှအားမနာပဲစစ်ကောင်စီကိုမသိမသာထောက်ခံမှုပေးနေတယ်။ပြောရရင်တော့မြန်မာပြည်ရဲ့အိမ်နီးချင်းနိုင်ငံတွေအကုန်မြန်မာပြည်သူတွေဘက်မှာမရှိဘူး။ ဗုံးကျဲတိုက်ခိုက်မှုပြီးတဲ့နောက်လဲထန်တလန်မြို့နယ်ထဲမှာစစ်ကောင်စီရဲ့ကင်းထောက်လေယာဉ်တွေပျံဝဲနေလို့လေကြောင်းအန္တရာယ်စိုးရိမ်ချက်ကြောင့်NUGရဲ့ကြားကာလပညာရေးကျောင်းပေါင်းကိုးဆယ်ကျော်ရက်အကန့်အသတ်မရှိပိတ်လိုက်ရတယ်။စစ်သူပုန်တွေကကျောင်းသားတွေ၊ကလေးတွေမှန်းနားလည်တာမဟုတ်ဘူး။အရိုင်းအစိုင်းကောင်တွေဖြစ်တဲ့အတွက်ကြိုတင်ကာကွယ်တဲ့အနေနဲ့ကျောင်းတွေပိတ်လိုက်ရတာပဲ။  

၂၀၂၂နှစ်ကုန်ပိုင်းမှာစစ်ကောင်စီဟာနိုင်ငံတကာအသိအမှတ်ပြုခံရဖို့ကြိုးပမ်းမှုတစ်ခုလုပ်ခဲ့တယ်။မဲ‌ေခေါင်-လန်မန်ထိပ်သီးအစည်းအဝေးကိုမြန်မာမှာလက်ခံကျင်းပဖို့ပြင်ဆင်ခဲ့တယ်။ထိုအစည်းအဝေးဟာမဲခေါင်မြစ်ဝှမ်းဒေသနိုင်ငံခေါင်းဆောင်တွေတက်ရောက်ကြမယ့်အစည်းအဝေးပဲ။ဒါပေမယ့်အဓိကအင်အားကြီးနိုင်ငံဖြစ်တဲ့တရုတ်နိုင်ငံကတက်ရောက်ဖို့အကြောင်းမပြန်ခဲ့လို့အစည်းအဝေးပျက်သွားတယ်။ထိုအစည်းအဝေးသာအောင်မြင်ခဲ့ရင်စစ်ခေါင်းဆောင်မင်းအောင်လှိုင်ဟာတခြားနိုင်ငံခေါင်းဆောင်တွေနဲ့ပထမဆုံးအကြိမ်တရားဝင်တွေ့ဆုံခွင့်ရသွားမှာပါ။မဲခေါင်မြစ်ပေါ်ကကျန်တဲ့နိုင်ငံတွေဖြစ်တဲ့ထိုင်း၊လာအို၊ကမ္ဘောဒီးယား၊ဗီယမ်နမ်တို့ဆိုတာစစ်ကောင်စီကိုလက်ခံတဲ့နိုင်ငံတွေပဲလေ။တရုတ်ရဲ့ရပ်တည်ချက်ကြောင့်စစ်ကောင်စီရဲ့အကြံအစည်အထမမြောက်ခဲ့ဘူး။တရုတ်ကလဲအာဆီယံဆုံးဖြတ်ကိုကျော်ပြီးစစ်ကောင်စီကိုထောက်ခံသလိုဖြစ်သွားမှာမို့ထိုအစည်းအဝေးကိုလက်ရှောင်ခဲ့တယ်လို့ယူဆရတယ်။ဒီကိစ္စအပြီးမှာပဲတရုတ်ကိုယ်စားလှယ်အသစ်မြန်မာပြည်ကိုရောက်လာခဲ့ပေမယ့်ဘာမှအကြောင်းမထူးခဲ့ဘူး။စစ်ကောင်စီဟာနောက်ပိုင်းကာလတွေမှာတရုတ်ကိုလိုက်လျောမှုတွေမပြုလုပ်တော့တာကြာနေပြီ။အခုဆိုရင်တရုတ်နဲ့စစ်ကောင်စီကြားအပ်ကြောင်းဟာပိုမိုကြီးမားလာတယ်။ဒါဟာတော်လှန်ရေးအတွက်အားတစ်ခုပဲ။ဒါကိုဒီမိုကရေစီအင်အားစုတွေအနေနဲ့ကောင်းကောင်းအသုံးချနိုင်ဖို့လိုအပ်တယ်။တရုတ်ကိုစည်းရုံးနိုင်ရင်၊တရုတ်ကစစ်ကောင်စီကိုလုံးဝလက်လျော့လိုက်ရင်ဒီပွဲဟာမြန်မြန်ပြတ်နိုင်တယ်။