စစ်ကောင်စီက ကျင်းပမယ့် မြန်မာ့ရုပ်ရှင်အကယ်ဒမီပွဲအတွက်ပြင်ဆင်နေကြတာတွေ့ရတယ်။ တော် တော်လေးစိတ်ပျက်မိတယ်။ ပြည်သူနဲ့တသားတည်းပါဆိုတဲ့အနုပညာရှင်တွေက စစ်ကောင်ဆီဖက်ကို ပါ ပါသွားကြတာတွေ့ရတယ်။ ဒါရိုက်တာညိုမင်းလွင်ဆိုရင်လည်း သူ့ရဲ့ရုပ်ရှင်ကားဝက်ဝက်ကွဲအောင်မြင် ကြောင်း၊ လူပြည့်ရုံလျှံလာအားပေးကြောင်း ဖေ့စ်ဘုတ်မှာတင်ထားတာတွေ့လိုက်ရတော့ အတော်လေး တရားရမိတယ်။ ပိုက်ဆံနောက်ကို လိုက်သွားကြတဲ့ သာကူး အနုပညာရှင်တွေ တော်တော်လေးရွံစရာ ကောင်းလှတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။