အာဏာသိမ်း ဒိုင်ယာရီ

စစ်ခေါင်းဆောင်မင်းအောင်လှိုင်ကတနိုင်ငံလုံးမှာဒီနှစ်ထဲပြည်လုံးကျွတ်သန်းခေါင်းစာရင်းကောက်ယူမယ်လို့မနေ့ကပြောသွားတယ်။ဒါဟာသူတို့ပြုလုပ်မယ့်ရွှေးကောက်ပွဲမလုပ်ချင်တော့လို့ဒါမှမဟုတ်လုပ်လို့မရတဲ့အခြေအနေမျိုးဖြစ်နေလို့ရွှေးကောက်ပွဲကိုရွှေ့ဆိုင်းဖို့အကြောင်းပြချက်ရှာစကားဟလိုက်တာပဲ။ပြီးခဲ့တဲ့လကရွှေးကောက်ပွဲအတွက်လူဦးရေစာရင်းကောက်ယူမယ့်လုပ်ငန်းစဉ်တွေကိုစတင်ခဲ့ပေမယ့်ပြင်းထန်တဲ့ဆန့်ကျင်တိုက်ခိုက်မှုတွေနဲ့ရင်ဆိုင်ခဲ့ရတယ်။ရွှေးကောက်ပွဲလုပ်ဖို့အခြေအနေမကောင်းတာကြောင့်အကြောင်းပြချက်တစ်ခုရှာဖို့လိုနေပြီလေ။သူတို့ကောက်မယ့်သန်းခေါင်းစာရင်းဆိုတာလဲရွှေးကောက်ပွဲလိုပဲဖြစ်နိုင်မှာမဟုတ်ဘူး။နိုင်ငံတဝက်လောက်ကိုမထိန်းချုပ်နိုင်ပဲနဲ့သန်းခေါင်စာရင်းလဲကောက်လို့မရနိုင်ဘူး။ဒါဟာနိုင်ငံတကာကိုလိမ်ညာဖို့ကြိုးစားနေတာပဲ။

USရဲ့မြန်မာနိုင်ငံဆိုင်ရာBurmaActဥပဒေဟာမကြာမီမှာအသက်ဝင်လာမယ့်သဘောရှိတယ်။ဒီအချက်ကြောင့်ပဲတရုတ်ဟာသူ့နယ်စပ်တလျောက်ကတိုင်းရင်းသားလက်နက်ကိုင်အဖွဲ့တွေနဲ့ဆက်တိုက်တွေ့ဆုံနေတယ်။ဘာလို့လဲဆိုတော့BurmaActထဲမှာEAOတွေကိုအကူအညီပေးဖို့ပါနေတယ်။ထိုအကူအညီတွေဟာတရုတ်ဩဇာခံEAOတွေလက်ထဲရောက်လာမှာကိုတရုတ်ကမလိုလားဘူး။ဒါကိုသတိကြီးကြီးနဲ့စောင့်ကြည့်နေတယ်။ဖြစ်နိုင်တာကတော့တရုတ်ဟာသူ့ဩဇာခံEAOတွေကိုမက်လုံးတချို့ပေးလာနိုင်တယ်။သဘောတူညီချက်တွေယူလာနိုင်တယ်။ထိုသဘောတူညီချက်တွေမှာတော်လှန်ရေးအတွက်ထိခိုက်ပါမပါတော့မသိသေးဘူး။ဥပမာစစ်ကောင်စီနဲ့တိုက်ပွဲတွေမဖော်ဆောင်ဖို့ပေါ့။ဒါကြောင့်တရုတ်ရဲ့ခြေလှမ်းတွေကိုသတိထားစောင့်ကြည့်ဖို့လိုနေပြီ။

စစ်အုပ်ချုပ်ရေးနယ်မြေတွေအဖြစ်ထပ်တိုးကြေညာထားတဲ့စစ်ကိုင်းတိုင်းအရာတော်မြို့နယ်မှာတိုက်ပွဲတွေပြင်းထန်နေတယ်။စစ်သူပုန်တွေကရွာတွေဖက်ကိုအင်အားရှစ်ဆယ်ခန့်နဲ့စစ်ကြောင်းစထိုးပြီးမီးရှို့ခဲ့လို့ဒေသခံကာကွယ်ရေးတပ်ဖွဲ့တွေနဲ့တိုက်ပွဲတွေဖြစ်ပွားကာစစ်သူပုန်၃၀ကျော်သေဆုံးခဲ့တယ်။ဒါကြောင့်စစ်တပ်ဖက်ကလေကြောင်းပစ်ကူပေးကာရဟတ်ယာဉ်တွေနဲ့အင်အားဖြည့်တင်းလျက်ရှိတာကြောင့်အင်အား၃၀၀နီးပါးဖြစ်လာတယ်။စစ်သူပုန်တွေဟာကျေးရွာတွေထဲကအရပ်သားပြည်သူ၅၀နီးပါးကိုလဲလူသားဒိုင်းအဖြစ်ဖမ်းဆီးကာပြန်မလွတ်ပေးသေးဘူး။ဒီတိုက်ပွဲဟာအရာတော်မြို့နယ်ဖက်မှာအကြီးမားဆုံးတိုက်ပွဲလို့ပြောလို့ရတယ်။စစ်တပ်ဖက်ကလေကြောင်းပစ်ခတ်မှုကြောင့်အရပ်သားတွေထိခိုက်သေဆုံးမှုတွေရှိနေပေမယ့်လောလောဆယ်တော့အတိအကျမသိရသေးဘူး။

မနေ့ကဒဂုံဆိပ်ကမ်းမြို့နယ်ကဈေးတန်းကိုဖျက်စီးခဲ့တဲ့အကြမ်းဖက်စစ်အုပ်စုဟာဒီနေ့မှာလဲဆက်လက်ဖျက်စီးနေတယ်။မနေ့က၉၄ရပ်ကွက်ကဈေးတန်းကိုဖျက်စီးခဲ့ပြီးဒီနေ့မနက်ပိုင်းမှာလဲ၉၄ရပ်ကွက်ကဈေးဆိုင်တန်းတွေကိုပါဆက်လက်ဖျက်စီးနေတယ်။ဖြိုဖျက်ခံရတဲ့ဆိုင်တွေမှာလက်ဖက်ရည်ဆိုင်၊ဘီယာဆိုင်စတဲ့ဆိုင်ကြီးတွေပါပါဝင်နေတယ်။ဆိုင်ခန်းတွေကိုချက်ချင်းအမြန်ဖျက်ရလို့ဆိုင်ပိုင်ရှင်တွေနဲ့နေအိမ်ဖျက်ခံရသူတွေအတွက်အခန်းထပ်ငှားပြီးပစ္စည်းတွေရွှေ့ပြောင်းရတာကြောင့်ဆိုင်ခန်းနဲ့အိမ်ခန်းငှားခတွေမြင့်တက်နေပြီးမိသားစုတွေအများကြီးဒုက္ခရောက်နေကြတယ်။ စစ်ကိုင်းတိုင်းမှာလဲရွှေဘို၊အရာတော်နဲ့ဝက်လက်မြို့နယ်တွေကိုစစ်အုပ်ချုပ်ရေးနယ်မြေတွေအဖြစ်စစ်ကောင်စီကထပ်တိုးကြေညာလိုက်တယ်။ဒါကြောင်းဒီလအတွင်းတနိုင်ငံလုံးမှာစစ်အုပ်ချုပ်ရေးနယ်မြေတွေအဖြစ်ကြေညာခံလိုက်ရတဲ့မြို့နယ်၄၀အထိရှိနေပါပြီ။

နိုင်ငံခြားငွေဝယ်ယူရောင်းချလဲလှယ်ပေးတဲ့လိုင်စင်ရ ကုမ္ပဏီ (၂၀) ကို ရုတ်သိမ်းလိုက်တယ်လို့ စစ်တပ်ပိုင် (နိုင်ငံပိုင်) သတင်းစာတွေကနေတစ်ဆင့် မနေ့က ကြေညာခဲ့တယ်။ စီးပွားရေးတွေက မောက်ကမဖြစ်၊ နိုင်ငံကြီးလည်းဇောက်ထိုးဖြစ်၊ အကုန်လုံးစုတ်ပြတ်သတ်ကုန်တော့တာပါပဲ။ နိုင်ငံရဲ့ စီးပွားရေးကိုလည်း မထိန်းချုပ်နိုင်သလို ဘယ်အရာကိုမှလည်းသေသေချာချာမထိန်းချုပ်နိုင်ခဲ့ဘူး။ သူတို့ တွေးနေတာက...

Superlight Logistic ကုမ္ပဏီက စီစဉ်ခဲ့တဲ့ မဲဆောက်ကရှိုးပွဲကို မလုပ်ဖြစ်တော့ဘူးလို့သိရတယ်။ ပြည်သူရဲ့ အင်အားက အတော်လေးထိရောက်တယ်။ အဲဒီရှိုးပွဲမှာပါဝင်ခဲ့တဲ့အဆိုတော်တွေကိုလည်း BC တို့ SP တို့ လုပ်ဖို့အချင်းချင်းဆော်ဩကြတယ်။ နီနီခင်ဇော်၊ အိမ့်ချစ်၊ စည်သူလွင်၊ ဇွဲပြည့်တို့ပါတယ်။ ဒီကာလအ...

ရန်ကုန်တိုင်း၊ဒဂုံဆိပ်ကမ်းမြို့နယ်မှာတစ်နေ့ကဖြစ်ပွားခဲ့တဲ့ပစ်ခတ်မှုကလွတ်မြောက်လာခဲ့စစ်ကောင်စီခန့်အုပ်ချုပ်ရေးမှုးဦးဆောင်တဲ့စစ်တပ်နဲ့လူမိုက်တွေဟာရပ်ကွက်စျေးတန်းကိုဖျက်စီးခဲ့ပါတယ်။စစ်တပ်နဲ့လူမိုက်တွေဟာဓားတွေတုတ်တွေကိုင်ဆောင်ပြီးအင်အားအလုံးအရင်းနဲ့ဖျက်စီးသွားတာပါ။ဘူဒိုဇာတွေလဲပါလာလို့စျေးသည်တွေဟာဘာပစ္စည်းမှမယူနိုင်ပဲထွက်ပြေးကြရတယ်။ရပ်ကွက်စျေးကိုဖျက်စီးတဲ့အပြင်ရပ်ကွက်ထဲမှာအပြင်ထွက်နေသူတွေကိုပါရန်ပြုနှောက်ယှက်ကြသေးတယ်။ထိုရပ်ကွက်မှာပစ်ခတ်မှုဖြစ်ပွားပြီးနောက်စစ်တပ်ကလူငယ်သုံးဦးကိုလဲရိုက်နှက်ဖမ်းဆီးသွားသေးတယ်။စစ်သူပုန်တွေဟာPDFတွေကိုမနိုင်တိုင်းပြည်သူကိုမဲပြီးရန်ရှာမှုတွေကိုတနိုင်ငံလုံးမှာကျူးလွန်လျက်ရှိတယ်။

စစ်ကိုင်းတိုင်း၊ရွှေဘိုမြို့နယ်ထူးကြီးရွာကိုမနေ့ကစစ်သူပုန်တွေမီးဝင်ရှို့ခဲ့တယ်။နေအိမ်၆၀၀လောက်ရှိတဲ့ထူးကြီးရွာဟာယက်ကန်းလုပ်ငန်းနဲ့အသက်မွေးတဲ့ရွာဖြစ်ပြီးနေအိမ်ပေါင်းလေးရာကျော်မီးရှို့ခံလိုက်ရသလိုစက်ရက်ကန်း၊လက်ရက်ကန်းစင်၂၀၀ကျော်ဟာလဲစစ်သူပုန်တွေမီးရှို့တဲ့အထဲပါသွားခဲ့တယ်။စစ်သူပုန်တွေဟာPDFတွေရှိတယ်ဆိုတဲ့အကြောင်းပြချက်နဲ့ရှို့သွားတာပဲ။မဟုတ်လဲထိုနယ်တွေမှာရွာစဉ်လှည့်ပြီးစစ်တပ်ကမီးရှို့နေကြပဲ။PDFကိုယှဉ်ပြီးတိုက်ဖို့မလွယ်တော့သူတို့နိုင်တဲ့ပြည်သူလောက်ကိုပဲမဲပြီးမီးရှို့သွားတာပါ။အဆိုပါရွာကရက်ကန်းစင်တွေမီးရှို့ခံလိုက်ရတာအတော်အထိနာတယ်။စက်ယက်ကန်းကသံပုံပဲကျန်တယ်။သစ်သားအိမ်တွေကပြာပုံပဲကျန်တယ်။စစ်သူပုန်တွေဟာထူးကြီးရွာတင်မကပဲအနီးအနားကကျေးရွာတွေကနေအိမ်တွေကိုပါမီးရှို့ခဲ့တယ်။အခုချိန်မှာစက်ရက်ကန်းတစ်စင်ကို၂၅သိန်းနဲ့လက်ရက်ကန်းတစ်စင်ကို၆သိန်းကျော်တန်ဖိုးရှိပါတယ်။အခုတော့ဒေသခံတွေဟာရှောင်ပြေးနေရပြီးပြန်လည်ထူထောင်ဖို့ခက်ခဲနေပါပြီ။ရက်ကန်းလုပ်ငန်းကိုပြန်လည်ထူထောင်ဖို့မပြောနဲ့၊အိမ်တောင်မှမနည်းပြန်ဆောက်ပြီးနေရမှာဖြစ်နေတော့ဒီအမွေအနှစ်လုပ်ငန်းကိုစွန့်ခွာပြီးတခြားမှာအလုပ်ထွက်လုပ်ရတဲ့သူတွေရှိလာလိမ့်မယ်။ဒီရက်ကန်းစင်တွေကိုပြန်ပြင်နိုင်တယ်ဆိုရင်တောင်မှစစ်တပ်ကနောက်တကြိမ်လာပြီးမီးမရှို့ဘူးလို့မပြောနိုင်ဘူးလေ။

ဒီနေ့အတွက်က ဒီသတင်းတွေနဲ့ကိုအတော်လေး မိုက်နေပါပြီလေ။ မွန်ပြည်နယ် ရေး မြို့အထွက်မှာရှိတဲ့စစ်ကောင်စီတံတားကြီးစခန်းကိုရေးဘီလူးအဖွဲ့သိမ်းပိုက်လိုက်ပြီးစစ်ကောင်စီတပ်၁၅ဦးခန့်သေဆုံးတယ်။ပဲခူးတိုင်းရေတာရှည်မှာလဲပဲခူးရိုးမထဲနယ်မြေရှင်းလင်းရေးလုပ်လာတဲ့စစ်ကောင်စီစစ်ကြောင်းကိုPDFတွေကြားဖြတ်တိုက်ခိုက်ရာမှာ၃၀ဦးထက်မနည်းသေဆုံးသွားတယ်။ရှမ်းတောင် ကယားပြည်နယ်စပ်မှာလဲစစ်ကောင်စီတပ်က၁၅ကောင်သေပြီး၅ကောင်အရှင်မိတယ်လို့သိရတယ်။မကွေးတိုင်းယောဒေသထဲမှာလည်းတိုက်ပွဲ ၂ ကြိမ် ဖြစ်ပွားခဲ့ပြီးတော့စစ်ကောင်စီတပ် ၂၅ကောင်သေပြန်တယ်။စစ်ကိုင်းမုံရွာကျောက်ကြီးတောင်ဗောဓိတထောင်တောင်ပေါ်မှာရှိတဲ့စစ်ကောင်စီ အထိုင်စခန်းကို PDFတပ်ပေါင်းစုက ဝင်တိုက်ခိုက်ရာ၇ကောင်သေတယ်လို့ သိရပါတယ်။ဒီနေ့တစ်ရက်ထဲတင်စုစုပေါင်း ၉၆ကောင်သေပါတယ်။ဒါဟာ ဒီတိုက်ပွဲစာရင်းပဲရှိသေးပဲရှိသေးတာဖြစ်ပြီးသတင်းမထုတ်ပြန်တဲ့တိုက်ပွဲတွေအများကြီးရှိသေးတယ်။    

နိုင်ငံရေးပါတီတွေ နောက်ဆုံးမှတ်ပုံလာတင်ရမယ့်ရက်ကို မတ်လ ၂၈ ရက်လို့ စစ်ကောင်စီက သတ်မှတ်ထားပြီး သတ်မှတ်ရက်ပြည့်ဖို့ နှစ်ပတ်ကျော်ပဲ လိုတော့ချိန်မှာ ဒီကနေ့အထိ ၂၆ ပါတီထက်မနည်း မှတ်ပုံလာတင်ထားတယ်လို့ သတင်းတွေကဖော်ပြတယ်။ စစ်ကောင်စီကကျင်းပမယ့် ရွေးကောက်ပွဲကို ပြည်သူက ရာနှုန်းပြည့်အသိအမှတ်မပြုဘူး။ ဒါပေမဲ့...