အာဏာသိမ်း ဒိုင်ယာရီ

ရှမ်းမြောက်ကမြို့ကြီးတွေဖြစ်တဲ့သိန္ဒီနဲ့ကွတ်ခိုင်ကိုအပြီးသတ်သိမ်းပိုက်လိုက်ပြီလို့ညီနောင်သုံးဖွဲ့ကထုတ်ပြန်လိုက်ပါတယ်။သိန္ဒီမြို့ပေါ်ကို၁၀၂၇စစ်ဆင်ရေးစတင်တဲ့နိုဝင်ဘာလထဲကMNDAAကသိမ်းပိုက်ထားတာဖြစ်ပြီးမြို့နဲ့တစ်မိုင်ကျော်ဝေးကွာတဲ့စစ်ကောင်စီရဲ့နောက်တန်းဌာနချုပ်စခန်းနဲ့လက်အောက်ခံတပ်တွေကိုရက်အတန်ကြာပိတ်ဆို့ထားခဲ့တာပါ။လောက်ကိုင်ကျပြီးနောက်ထိုဌာနချုပ်စခန်းတွေကိုတိုက်ခိုက်ရန်ပိုမိုလွယ်ကူသွားပြီးစစ်ကောင်စီတပ်တွေဟာလဲလားရှိုးဘက်ကိုဆုတ်ခွာသွားတယ်လို့သိရတယ်။ဒါ့ကြောင့်သိန္ဒီမြို့တစ်ခုလုံးကိုဒီရက်ပိုင်းမှာအပြီးသတ်သိမ်းပိုက်လိုက်နိုင်တယ်။ ကွတ်ခိုင်မြို့ဘက်ကိုလဲဒီလစကတည်းကမြောက်ပိုင်းသုံးဖွဲ့ကစတင်တိုက်ခိုက်ခဲ့ပြီးအခုနောက်ဆုံးကျန်နေတဲ့ကွတ်ခိုင်ဗျူဟာကုန်းကိုသိမ်းပိုက်နိုင်လိုက်တာလို့သိရတယ်။ထိုမြို့နှစ်ခုကိုသိမ်းပိုက်နိုင်တဲ့အတွက်ရှမ်းမြောက်မှာစုစုပေါင်း၁၅မြို့ခန့်ကိုမြောက်ပိုင်းသုံးဖွဲ့ကထိန်းချုပ်နိုင်လိုက်ပါပြီ။တရုတ်မြန်မာကုန်သွယ်ရေးလမ်းကြောင်းပေါ်မှာနယ်စပ်ကမူဆယ်မြို့တမြို့ကလွဲလို့ကျန်မြို့တွေအားလုံးမြောက်ပိုင်းအဖွဲ့တွေလက်အောက်ကျရောက်သွားပါပြီ။မြောက်ပိုင်းအဖွဲ့တွေဆက်လက်အားထည့်ပြီးတိုက်ခိုက်သိမ်းပိုက်စရာဆိုလို့နယ်စပ်ကုန်သွယ်ရေးမြို့ကြီးဖြစ်တဲ့မူဆယ်နဲ့တိုင်းစစ်ဌာနချုပ်မြို့ဖြစ်တဲ့လားရှိုးသာကျန်ပါတော့တယ်။

လက်ရှိအခြေအနေတွေအရမှန်းဆရမယ်ဆိုရင်တော်လှန်ရေးကထင်သလောက်မလွယ်သေးပါဘူး။ ဒါပေမယ့်လည်းအရမ်းခက်နေတာမျိုးမဟုတ်ပြန်ဘူး။ထင်သလောက်မလွယ်ဘူးဆိုတာကစစ်ရေးပိုင်းမှာ အရှိန်ကျသွားလို့၊ကိုယ့်ဖက်ကအင်အားနည်းလာလို့၊ကိုယ့်ဖက်ကဦးဆောင်မှုနည်းလို့စသဖြင့်အဲဒါတွေကြောင့် တခုမှမဟုတ်ပါဘူး။စစ်ရေးအရှိန်ရော၊ကိုယ့်ဖက်က အင်အားစုဖွဲ့မှုရော၊ဦးဆောင်မှုရောက သမိုင်းတခေတ်မှာဒီလောက်မရှိခဲ့ဖူးလို့ပြောရဲတယ်။ဒါဆိုဘာလို့ထင်သလောက်မလွယ်သေးလို့ပြောရလဲဆိုစစ်တပ်စစ်ခေါင်းဆောင်တွေ အသုံးမကျပေမယ့်လည်းစစ်တပ်က လက်နက်အား၊လေကြောင်း၊ ရေကြောင်းနဲ့ခုခံစစ်အတွက် ဗျူဟာကျတဲ့နေရာတွေစခန်းတွေရှိထားပြင်ထားတာကြောင့်တချို့နေရာတွေမှာအရမ်းကိုအားစိုက်နေရတယ်။ အဲဒီအပိုင်းတွေမှာ ကိုယ့်ဖက်စိတ်ရှည်ရှည်နဲ့ အားစိုက်ပြီးရေကုန်ရေခမ်း တိုက်နေရတယ်။ဥပမာ နမ့်ခမ်းဆို TNLA ကရက်ပေါင်း ၄၀ ကျော်မကဘူးတိုက်ခိုက် သိမ်းယူလိုက်ရတယ်။ထီးချိုင့်မှာ...

ရှမ်းပြည်မြောက်ပိုင်းမှာကိုးကန့်တပ်ဖွဲ့ဟာမြို့သိမ်းတိုက်ပွဲတွေအရှိန်အဟုန်နဲ့ဆက်လက်ဆင်နွှဲနေပါတယ်။လောက်ကိုင်ကိုရရှိပြီးရက်တောင်မကူသေးပဲသံလွင်မြစ်အရှေ့ခြမ်းကဟိုပန်နဲ့ပန်လုံမြို့နှစ်မြို့ကိုဆက်လက်သိမ်းပိုက်ထိန်းချုပ်လိုက်တယ်။ဒါပေမယ့်ပြောစရာတစ်ခုရှိတာကထိုမြို့တွေဟာဝပြည်နယ်ကိုယ်ပိုင်အုပ်ချုပ်ခွင့်ရဒေသတွင်းကမြို့တွေဖြစ်တယ်။ဒါကြောင့်ကိုးကန်းတပ်ကစစ်ကောင်စီထံမှထိုမြို့တွေကိုသိမ်းပြီးဝတပ်ဖွဲ့တွေထံလွဲပြောင်းပေးအပ်ခဲ့တယ်။ဒါ့ကြောင်လက်ရှိအခင်းအကျင်းမှာဘက်မလိုက်မူဝါဒကိုင်စွဲထားတယ်လို့ကြေညာထားတဲ့ဝတပ်ဖွဲ့ဟာ၁၀၂၇စစ်ဆင်ရေးကြောင့်မြို့နှစ်မြို့ကိုသေနတ်မဖောက်လိုက်ရပဲရရှိသွားတယ်။ဝတပ်ဖွဲ့ဟာဘက်မလိုက်မူဝါဒကိုင်စွဲထားတယ်လို့ဆိုပေမယ့်လဲအခုစစ်တိုက်နေတဲ့မြောက်ပိုင်းမဟာမိတ်သုံးဖွဲ့ကိုနောက်ကွယ်ကနေပံ့ပိုးကူညီနေတာပါ။ရှမ်းမြောက်ကစစ်ရှောင်တွေကိုလဲသူ့နယ်မြေထဲမှာအသာတကြည်လက်ခံ‌ပေးထားပါတယ်။ဒါကြောင့်ညီနောင်သုံးဖွဲ့ကဝတပ်ဖွဲ့ကိုထိုမြို့တွေကိုလက်ဆောင်သဘောမျိုးပေးလိုက်တာလို့လေ့လာသူတွေကဆိုကြတယ်။စစ်ကောင်စီကတော့ကြားထဲကငထွားခါးနာသွားတာပေါ့။ထိုမြို့တွေကိုစစ်ကောင်စီဘက်ကနောက်တချိန်မှာပြန်သိမ်းမယ်ဆိုရင်တောင်အင်အားကြီးဝတပ်ဖွဲ့နဲ့စစ်မျက်နှာအသစ်တစ်ခုထပ်ဖွင့်ရမှာပါ။အခုတောင်ကိုးကန်းအဖွဲ့ကထိုမြို့တွေကိုဝင်တိုက်ချိန်မှာအခြေစိုက်တပ်ရင်းနှစ်ကစစ်ကောင်စီတပ်ဖွဲ့ဝင်၇၀၀လောက်ဟာပြန်မတိုက်ပဲလက်နက်ချခဲ့တယ်လို့သိရတယ်။စစ်ကောင်စီတပ်တွေရဲ့လက်နက်ချလှိုင်းလုံးကြီးဟာသိသိသာသာပဲကြီးမားလာပါပြီ။ဒီရက်ပိုင်းမှာပဲရှမ်းမြောက်အပြင်ရခိုင်မှာလဲအစုလိုက်အပြုံလိုက်လက်နက်ချနေကြတယ်။စစ်ကောင်စီတပ်တွေရဲ့ပြိုဆင်းနှုန်းဟာထင်သာမြင်သာရှိလာပါပြီ။ဒီနှုန်းအတိုင်းသာသွားမယ်ဆိုရင်တော်လှန်ရေးရဲ့ပန်းတိုင်ဟာဘယ်အချိန်မဆိုဖြစ်လာနိုင်တယ်လို့ထင်မိတယ်။

ရှမ်းပြည်နယ်မြောက်ပိုင်းတရုတ်နယ်စပ်လောင်းကစားမြို့တော်လောက်ကိုင်ကစစ်ကောင်စီတပ်တွေအလုံးအရင်းနဲ့လက်နက်ချပြီးနောက်တစ်ရက်မှာပဲရခိုင်ပြည်နယ်မြောက်ပိုင်းကျောက်တော်မြို့နယ်ကစစ်ကောင်စီရဲ့တင်းမတောင်ရှည်ဗျုဟာစခန်းကြီးတစ်ခုလုံးအေအေထံလက်နက်ချအညံခံခဲ့ကြတယ်။ထိုစခန်းကိုအေအေကဒီဇင်ဘာလ၂၅ရက်နေ့ကစပြီးထိုးစစ်ဆင်တိုက်ခိုက်ခဲ့တာဖြစ်ပြီး၁၀ရက်ကျော်အပြင်းအထန်တိုက်ခိုက်ခဲ့ရတယ်။ကနဦးရက်တွေမှာအေအေဘက်ကအလံဖြူထောင်ခိုင်းပေမယ့်ဆက်လက်ခုခံနေလို့အင်အားအပြည့်နဲ့ချေမှုန်းတိုက်ခိုက်ခဲ့ရပြီးအခုမှလက်နက်ချကြတာပါ။ထိုဗျုဟာကုန်းဟာစစ်ရေးအရအရေးပါပြီးအနီးရှိစစ်ကောင်စီတပ်စခန်းတွေကိုလက်နက်ခဲယမ်းပို့ပေးရာနေရာလဲဖြစ်တယ်။ထိုနေရာမှာစစ်ကောင်စီတပ်တွေဟာ၂၀၂၀လောက်ကတည်းကလာရောက်တပ်စွဲနေထိုင်ခြင်းဖြစ်ကာစစ်သူပုန်တွေအခိုင်အမာတပ်စွဲနေထိုင်ပြီးဒေသခံတွေကိုဒုက္ခမျိုးစုံပေးခဲ့တာကြောင့်အနီးရှိတင်းမရွာကြီးတရွာလုံးကပြည်သူတွေဒီနေ့ထိထွက်ပြေးတိမ်းရှောင်နေရတယ်။အိမ်ခြေရာကျော်ရှိတဲ့တင်းမရွာကြီးတစ်ခုလုံးလဲအခုဆိုရင်တောကြီးမျက်မည်းဖြစ်နေပြီ။ အေအေတပ်တော်ဟာရခိုင်ချင်းနယ်စပ်ပလက်ဝမြို့နဲ့ရခိုင်မြောက်ပိုင်းကစစ်တပ်ရဲ့အမာခံစခန်းကုန်းကြီးများကိုဆက်လက်ထိုးစစ်ဆင်တိုက်ခိုက်နေတယ်။စစ်ကောင်စီဘက်ကလဲထိုစခန်းတွေမကျစေရေးအတွက်အတွဲလိုက်ဒုံးတွေ၊လက်နက်ကြီးတွေလေကြောင်းပစ်ကူတွေသုံးပြီးအပြင်းအထန်ခုခံလျက်ရှိတယ်။

မနေ့ကလောက်ကိုင်မှာလက်နက်ချလိုက်တဲ့စစ်ကောင်စီတပ်ဖွဲ့ထဲမှာရာထူးအကြီးဆုံးအဖြစ်ဗိုလ်မှုးချုပ်ခြောက်ဦးအထိပါဝင်လာတယ်။ဒေသကွပ်ကဲမှုစစ်ဌာနချုပ်တစ်ခုလုံးလက်နက်ချမှုကိုသူတို့ကိုယ်ပိုင်ဆုံးဖြတ်ချက်နဲ့လုပ်ခဲ့တာလား၊နေပြည်တော်ကခွင့်ပြုချက်ရခဲ့လားဆိုတာတော့ရှင်းရှင်းလင်းလင်းမသိရသေးဘူး။စစ်ကောင်စီပြောခွင့်ရဇော်မင်းထွန်းကတော့တပ်မိသားစုဝင်တွေရဲ့အသက်အန္တရာယ်ကိုထောက်ထားပြီးလက်နက်ချခဲ့တာလို့အရှက်ပြေပြောလာတယ်။သူတို့လက်နက်မချလဲMNDAAကဒကစတစ်ခုလုံးကိုပိတ်ဆို့ထားပြီးလက်နက်ရိက္ခာအကုန်ဖြတ်တောက်ထားပြီးပြီ။အထူးသဖြင့်ဒကစထဲမှာရေပြတ်တောက်နေပြီလို့သိရတယ်။မိသားစုတွေအပါအဝင်လူအင်အားလေးထောင်လောက်ကိုလေကြောင်းကပဲရိက္ခာပို့ပေးဖို့ဆိုတာလုံးဝမလွယ်ကူပါဘူး။ဒါ့ကြောင့်ထိုဗိုလ်မှုးချုပ်ခြောက်ဦးရဲ့ဆုံးဖြတ်ချက်မှန်ကန်တယ်လို့ပြောရမယ်။ဘာပဲဖြစ်ဖြစ်လောက်ကိုင်ဒကစကြီးတစ်ခုလုံးလက်နက်ချမှုဟာစစ်တပ်သမိုင်းမှာအကြီးဆုံးလက်နက်ချမှုကြီးအဖြစ်မှတ်တမ်းဝင်အမဲစက်ထင်သွားပါပြီ။လွတ်လပ်ရေးခေတ်ဦးကတပ်ရင်းလိုက်တောခိုမှုတွေပဲစစ်တပ်မှာရှိခဲ့ရာကနေအခုမင်းအောင်လှိုင်လက်ထက်မှာစစ်ဌာနချုပ်ကြီးတစ်ခုလုံးတော်လှန်ရေးအဖွဲ့တွေအောက်လက်နက်ချခဲ့ရပါပြီ။

ရှမ်းပြည်နယ်မြောက်ပိုင်း၊ လောက်ကိုင်မြို့ရှိ စစ်တပ် အင်အားရာပေါင်းများစွာ စုစည်းထားသော လောက်ကိုင်ဒေသကွပ်ကဲမှု စစ်ဌာနချုပ်(ဒကစ) သည် ဇန်နဝါရီလ ၄ ရက်နေ့ ညပိုင်းတွင် ကိုးကန့် MNDAA ထံတွင်လက်နက်ချအညံ့ခံလိုက်ပြီလို့သိရတယ်။လက်နက်ချအညံ့ခံလိုက်တဲ့စစ်ကောင်စီဘက်တော်သားအားလုံးကိုလိုရာခရီးသွားခွင့်ပြုဖို့ညှိနှိုင်းလာတဲ့အတွက်MNDAAကလိုက်လျောလိုက်တာကြောင့်လက်နက်ချပွဲကြီးအောင်မြင်သွားပြီး လောက်ကိုင်မြို့နယ်တစ်ခုလုံးကို ကိုးကန့်MNDAA က သိမ်းပိုက်ရရှိပြီဖြစ်တယ်။ လောက်ကိုင်ဒကစတွင်...

ရှမ်းပြည်နယ်မြောက်ပိုင်း၊ ပလောင်ကိုယ်ပိုင်အုပ်ချုပ်ခွင့်ရဒေသရှိမန်တုံမြို့ကိုTNLAကထပ်မံသိမ်းပိုက်လိုက်ပါတယ်။ စစ်ခေါင်း‌ဆောင်တွေ စိတ်ကြိုက်ရေးဆွဲထားတဲ့ ၂၀၀၈ ဖွဲ့စည်းပုံအခြေခံဥပဒေအရ နမ့်ဆန်နှင့် မန်တုံမြို့တို့ဟာ ပလောင်ကိုယ်ပိုင်အုပ်ချုပ်ခွင့်ရဒေသထဲတွင် ပါဝင်တယ်။ TNLA က နမ့်ဆန်ကို ဒီဇင်ဘာ ၁၅ ရက်နေ့မှ စတင်ပြီး အလုံးစုံထိန်းချုပ်ထားပြီးအခု မန်တုံမြို့က စစ်ကောင်စီ၏ နောက်ဆုံးလက်ကျန်စစ်စခန်းကို TNLA...

မန္တလေးမြို့ နန်းတွင်းရှိ စစ်ကောင်စီ​၏ အလယ်ပိုင်းတိုင်းစစ်ဌာနချုပ်(လပခ)တည်ရှိရာအား တာဝေးပစ် လက်နက်ကြီးများဖြင့်တော်လှန်ရေးအဖွဲ့တွေကပစ်ခတ်တိုက်ခိုက်နိုင်ခဲ့ပါတယ်။စုစုပေါင်းလက်နက်ကြီးခြောက်လုံးပစ်ခတ်ခဲ့တယ်လို့သိရတယ်။မန္တလေးမြို့နန်းတွင်းဟာစစ်ကောင်စီတပ်၏အလုံခြုံဆုံးဟုယူဆခံထားရတဲ့နေရာတစ်ခုဖြစ်တယ်။တော်ရုံနဲ့တိုက်ခိုက်ခံရဖို့ခဲယဉ်းတယ်။တိုက်ခိုက်ခံရမှုကြောင့်စစ်ကောင်စီတပ်တွေဟာမန္တလေးမြို့ဆင်ခြေဖုန်းရှိရွာအချို့ကိုဝင်ရောက်ရှာဖွေခြိမ်းခြောက်မှုတွေပြုလုပ်ခဲ့တယ်။နောက်ဆက်တွဲသတင်းတွေအရတော့ထိုတိုက်ခိုက်မှုကြောင့်နန်းတွင်းရှိစစ်ကောင်စီတိုင်းမှုးကတော်တစ်ယောက်သေဆုံးခဲ့တယ်လို့သိရတယ်။ဒါဟာအမှန်ဆိုရင်တော့နန်းတွင်းကစစ်ကောင်စီတပ်တွေကိုကောင်းကောင်းပညာပေးလိုက်နိုင်တယ်လို့ပြောရမယ်။မန္တလေးမြို့အနီးအနားမှာတိုက်ပွဲတွေမရှိသေးပေမယ့်ဆက်စပ်နယ်မြေတွေမြစ်တဲ့မတ္တရာ၊သပိတ်ကျင်း၊မိုးကုတ်၊နွားထိုးကြီးစတဲ့မြို့နယ်တွေမှာတော့တော်လှန်ရေးတပ်ဖွဲ့တွေရောက်ရှိနေပါပြီ။

ကိုးကန့်ဒေသမှာတိုက်ပွဲတွေခေတ္တငြိမ်သက်နေရာမှအခုတော့စစ်ကောင်စီနဲ့MNDAAတို့ပြန်လည်တိုက်ခိုက်နေကြပါပြီ။အဓီကကတော့လောက်ကိုင်မြို့မှာပေါ့။ပြီးခဲ့တဲ့ဒီဇင်ဘာလ၁၀ရက်လောက်ကစစ်ကောင်စီနဲ့MNDAAတို့တရုတ်နိုင်ငံရဲ့ကြားဝင်စေ့စပ်မှုကြောင့်တွေ့ဆုံပွဲတွေဖြစ်ပြီးနောက်ပိုင်းတိုက်ပွဲတွေခေတ္တငြိမ်သက်နေခဲ့တယ်။ဒီရက်တွေအတွင်းမှာလောင်ကိုင်မြို့ထဲကိုကိုးကန့်တပ်တချို့ဝင်ရောက်လာခဲ့ပြီးမနေ့ကတော့လောက်ကိုင်မြို့အဝင်ဂိတ်တစ်ခုဖြစ်တဲ့ရန်လုံကျိုင်းဂိတ်မှာရှိတဲ့စစ်ကောင်စီတပ်သားတွေလက်နက်ချသွားတာကြောင့်ကိုးကန့်တပ်တွေကသေနတ်မဖောက်လိုက်ရပဲအသာတကြည်သိမ်းပိုက်နိုင်ခဲ့တယ်။အဲ့ဒီနောက်ပိုင်းမှာတော့ကိုးကန့်ဒေသမြို့တော် လောက်ကိုင်တွင်မှာ ပြင်းထန်သည့်တိုက်ပွဲများပြန်လည် ဖြစ်ပွားနေပြီးစစ်ကောင်စီကလေကြောင်းတိုက်ခိုက်မှုများပြုလုပ်နေပါတယ်။စစ်ကောင်စီနဲ့ကိုးကန့်တပ်တို့ဒီလကုန်ထိအအပစ်ရပ်ထားတာပျက်ပြယ်သွားတဲ့သဘောပဲ။နှစ်ဘက်အပစ်ရပ်ထားတာဆယ်ရက်လောက်ပဲခံလိုက်ပြီးမီးကုန်ရမ်းကုန်ကြမ်းကြတော့မှာပါ။လက်ရှိမှာတော့လောက်ကိုင်မြို့ပတ်ဝန်းကျင်မှာရှိတဲ့စစ်ကောင်စီစခန်းအားလုံးနီးပါးကိုကိုးကန့်တပ်တွေသိမ်းပိုက်ထားနိုင်ပြီးမြို့နဲ့စစ်တပ်ရဲ့ဒကစစခန်းတစ်ခုသာကျန်ပါတော့တယ်။စစ်ကောင်စီဘက်ကလဲမြို့ကိုလွယ်လွယ်နဲ့လက်လွတ်မယ့်ပုံမပေါ်ပါဘူး။ဒါပေမယ့်စစ်ကောင်စီဘက်ကဘယ်လိုပဲခုခံနေပါစေအချိန်တန်ရင်တော့လောက်ကိုင်မြို့ကိုMNDAAကရရှိသွားမှာကျိန်းသေပါတယ်။

ဒီနေ့ဟာမြန်မာပြည်ရဲ့လွတ်လပ်ရေးနေ့ပါ။ ဒီနေ့မှာတော့ ရန်ကုန်မြို့ထဲ လွတ်လွတ်လပ်လပ် သွားကြည့်မယ်လို့ စိတ်ဆုံးဖြတ်မိတယ်။၏အမှန်တော့ ဒီအခြေအနေမှာ ဘယ်လိုမှ မလွတ်လပ်နိုင်ဘူးဆိုတာ သိနှင့်ပြီးသားပါ။ ဒါပေမဲ့ ​ဟိုးအရင်က လွတ်လပ်ရေးနေ့တွေလို ရန်ကုန်မြို့ကို လျှောက်ပတ်ကြည့်ချင်မိတယ်။ ဘာလို့ဆို လွတ်လပ်ရေးနေ့ဆိုတဲ့အတိုင်း ​လူထု​ရွေး​ကောက်ခံ အရပ်သားအစိုးရလက်ထက်ရန်ကုန်ဟာ တကယ်ကို...