အာဏာသိမ်း ဒိုင်ယာရီ

စစ်ကိုင်းတိုင်း၊ဝက်လက်မြို့နယ်ထဲမှာဈေးရောင်းဖို့မနက်စောစောထွက်လာတဲ့ဈေးသယ်၇ဦးကိုစစ်သူပုန်တွေကလမ်းမှာပဲပစ်သတ်ခဲ့တယ်။ပစ်သတ်ခံရတဲ့သူတွေဟာသာမာန်ဈေးသည်တွေသာဖြစ်ပြီးကားပေါ်မှာဈေးရောင်းရမယ့်ပစ္စည်းတွေပါလာသေးတယ်။ဒါကိုစစ်သူပုန်တွေကအကြောင်းမဲ့ရက်ရက်စက်စက်ပစ်သတ်သွားတာပါ။ပစ်သတ်ခံရတဲ့ဓာတ်ပုံတွေကိုကြည့်ရတာရင်ထဲဘယ်လိုမှနေလို့မကောင်းဘူး။ဒီလိုအပစ်မဲ့ပြည်သူတွေကိုအကြောင်းပြချက်မရှိထင်သလိုသတ်ဖြတ်နေတဲ့စစ်အုပ်စုဟာအခုချိန်ထိပန်းပန်လျက်ရှိနေတာကိုလဲအံဩလို့မဆုံးဘူး။ထိုစစ်သူပုန်စစ်ကြောင်းဟာပြည်သူ၁၄ဦးကိုလဲလူသားဒိုင်းအဖြစ်ဖမ်းခေါ်သွားသေးတယ်။လူသားဒိုင်းအဖြစ်ခေါ်ဆောင်သွားခြင်းခံရတဲ့ပြည်သူတွေရဲ့အသက်ဟာလဲအာမခံချက်မရှိဘူး။သူတို့လိုရာရောက်ရင်မထင်ရင်မထင်သလိုပစ်သတ်ခဲ့သေးတယ်။ဒီလိုယုတ်မာရက်စက်တဲ့စစ်ခွေးတွေကိုဘယ်ဘုရားမှပစ်ဒဏ်မခတ်ကြတော့ဘူးလား။

စစ်ကောင်စီတပ်မှစစ်ထောက်ချုပ်လိုက်ပါလာတဲ့စစ်ယာဉ်တန်းကိုတော်လှန်ရေးအဖွဲ့တွေရန်ကုန်-မန္တလေးအမြန်လမ်းပေါ်မှာမိုင်းဆွဲတိုက်ခိုက်နိုင်ခဲ့တယ်။ထိုယာဉ်တန်းမှာစစ်ထောက်ချုပ်လိုက်ပါလာမယ်လို့ကြိုတင်သတင်းရရှိခဲ့တာပါ။မိုင်းဆွဲတိုက်ခိုက်မှုကြောင်းယာဉ်နှစ်စီးလုံးဝပျက်စီးသွားပြီးစစ်ကောင်စီဘက်ကထိခိုက်မှုတော့မသိရသေးပါဘူး။ ဒီလတစ်ရက်နေ့ကအမြန်လမ်းပေါ်မှာစစ်ကောင်စီကိုတိုက်ခိုက်မှုတွေစတင်တော့မယ်လို့ကြေငြာပြီးနောက်ပိုင်းအပြောမဟုတ်အလုပ်နဲ့သက်သေပြသွားတာပဲ။အမြန်လမ်းပေါ်မှာများများတိုက်ခိုက်နိုင်လေစစ်ကောင်စီတပ်တွေအတွက်နယ်မြေကျဉ်းလာလေလေဖြစ်လာတော့မယ်။

ကယားပြည်နယ်ဘက်မှာတော့စစ်ကောင်စီတပ်တွေဟာအင်အားဖြည့်တင်းမှုကိုအလုံးအရင်းနဲ့ပြုလုပ်နေတယ်။ မယ်စဲ့ကိုသိမ်းလိုက်ပြီးတဲ့နောက်မှာ စစ်ကောင်စီက တခြားကယားဒေသတွင်းက နေရာတွေမှာ ရဟတ်ယာဉ်နဲ့ရောလေယာဉ်နဲ့ပါအင်အားဖြည့်တာတွေဆက်တိုက်လုပ်နေတယ်။တော်လှန်ရေးကာလအတွင်း မြို့တစ်မြို့လုံးကို ပထမဆုံးထိန်းချုပ်နိုင်ခဲ့သည့် ဖြစ်စဥ်ကြောင့် ကယားဒေသတွင်း ကျန်ရှိသော နေရာများကို ထိန်းချုပ်နိုင်ရန် သို့မဟုတ် မယ်စဲ့မြို့ကို ပြန်လည်ထိုးစစ်ဆင်ရန် စစ်ကောင်စီက အင်အားအလုံးအရင်းဖြည့်တင်းနေတာလို့ယူဆရတယ်။အရင်ကကယားပြည်နယ်မှာတပ်မ၅၅နဲ့၆၆သာရှိခဲ့ရာမှအခုဆိုရင်တပ်မ၄၄၊တပ်မ၉၉စတဲ့တပ်မကြီးတွေထပ်မံဝင်ရောက်လာတယ်။ဒီပုံအတိုင်းဆိုရင်နောက်အကျဆုံးဒီမိုးရာသီအကုန်မှာစစ်တပ်ဘက်ကထိုးစစ်ကြီးတွေပြန်လည်စတင်ဖို့ရှိလိမ့်မယ်။စစ်ကောင်စီကမတ်လဆန်းကတည်းကထိုးစစ်ဆင်နေပေမယ့်လဲအခုချိန်ထိအထိအခိုက်အဆုံးအရှံးတွေသာများလျက်ရှိတယ်။

ချင်းပြည်နယ်ဘက်မှာဟားခါးမြို့ကနေထန်ထလန်မြို့ကိုစစ်ကြောင်းထိုးချီတက်နေတဲ့စစ်ကောင်စီတပ်တွေဟာတော်လှန်ရေးအဖွဲ့တွေရဲ့အပြင်းအထန်ခုခံမှုကြောင်းရှေ့ဆက်မတိုးနိုင်တော့ပဲတပ်ပြန်ခေါက်သွားရတယ်လို့သိရတယ်။ပြီးခဲ့တဲ့လဆန်းပိုင်းကတည်းကတော်လှန်ရေးအဖွဲ့တွေထိန်းချုပ်ထားတဲ့ထန်တလန်မြို့ကိုအင်အားဖြည့်ဖို့လက်နက်ကြီးပစ်ကူ၊လေကြောင်းပစ်ကူတွေအလုံးအရင်းသုံးပြီးဖြေးဖြေးချင်းရှေ့တိုးလာခဲ့တာပါ။ဒါပေမယ့်ခုခံတိုက်ခိုက်မှုတွေကြောင့်ထင်သလောက်ခရီးမပေါက်ပဲတလခန့်အကြာမှာရည်မှန်းချက်ကိုမရောက်နိုင်တော့ပဲတပ်ပြန်ခေါက်သွားရတယ်။ ဒါ့အပြင်ချင်းပြည်နယ်မှာစစ်ကောင်စီသံချပ်ကာကားနှစ်စီးကိုဖျက်စီးနိုင်ခဲ့တဲ့ချင်းကာကွယ်ရေးတပ်ဖွဲ့တွေကိုNUGကတစ်စီးကိုသိန်းနှစ်ထောင်နှုန်းနဲ့စုစုပေါင်းသိန်းလေးထောင်းချီးမြှင့်ခဲ့တယ်။NUGကစစ်ကောင်စီရဲ့တင့်ကား၊သံချပ်ကာကား၊လေယာဉ်တွေကိုဖျက်စီးနိုင်မှုနဲ့ပတ်သက်ပြီးဆုငွေကြေငြာထားတာကြာပါပြီ။ဒါဟာပွဲဦးထွက်ဆုငွေချီးမြှင့်နိုင်မှုတစ်ခုပါပဲ။

စစ်ရေးလှုပ်ရှားမှုတွေနည်းပါးနေတဲ့ကချင်ပြည်နယ်မှာဒီလဆန်းပိုင်းကစပြီးတိုက်ပွဲတွေပြန်လည်ပြင်းထန်လာတယ်။KIAဟာPDFတွေကိုနောက်ကွယ်ကနေပံ့ပိုးနေပေမယ့်စစ်တပ်နဲ့ထိပ်တိုက်မတွေ့တော့ပဲငြိမ်နေတာအတော်ကြာနေပြီ။အခုတော့ငြိမ်နေလို့မရတော့ဘူး။စစ်ကောင်စီတပ်တွေကKIAဌာနချုပ်လိုင်ဇာနားကရွာတွေကိုစစ်ကြောင်းထိုးလာပြီလေ။အဲ့ဒီတော့လိုင်ဇာနဲ့၁၀မိုင်ခန့်အကွာမှာတိုက်ပွဲတွေပြန်လည်ဖြစ်ပွားနေတယ်။ထိုနေရာဟာအရင်ကစစ်တပ်ကထိန်းချုပ်ထားပြီးဒီကာလမှာKIAကပြန်လည်ထိန်းချုပ်ထားလို့စစ်ကောင်စီကပြန်လည်ရယူဖို့ကြိုးစားလာတယ်။လိုင်ဇာနဲ့၁၀မိုင်ခန့်သာကွာဝေးတာကြောင့်KIAအနေနဲ့လဲလက်လွှတ်လို့မဖြစ်ပဲအပြင်းအထန်ပြန်လည်ခုခံနေတယ်။စစ်တပ်ကအင်အားတွေထပ်မံတိုးချဲ့နေတာကြောင့်တိုက်ပွဲတွေပိုမိုပြင်းထန်မယ့်သဘောရှိတယ်။

စစ်ကိုင်းတိုင်း ဆားလင်းကြီးမြို့နယ် ညောင်ပင်ကြီးရဲစခန်း တိုက်ခိုက်သိမ်းပိုက် မီးရှို့ခံရပြီးနောက် တိုက်ပွဲရှုံးတဲ့ စစ်အုပ်စုက လက်နက်မဲ့ ပြည်သူတွေကို ရန်ပြုကာ ညောင်ပင်ကြီးနဲ့ အနီးဝန်းကျင် ရွာတွေကို ရက်(၂၀)ကျော်ကြာစီးနင်းထားပြီးထင်တိုင်းကျဲလူသတ်၊လုယက်၊မီးရှို့တာတွေကျူးလွန်နေပါတယ်။ဒါကြောင့်ကျေးရွာ (၁၂)ရွာက ထောင်သောင်းချီတဲ့ ဒေသခံတွေ ထွက်ပြေးတိမ်းရှောင်နေရတယ်။မပြေးနိုင်လို့ ရွာထဲမှာ ကျန်ခဲ့တဲ့ရွှေအင်းလေးနဲ့ရွာရှည်ရွာကအဘိုးအဘွားနှစ်ဦးယခုရက်ပိုင်းအစာငတ်ပြီးသေခဲ့ဆုံးတယ်။သက်ကြီးရွယ်အိုတွေမို့...

ရန်ကုန်မြို့လှိုင်သာယာနဲ့ရွှေပြည်သာကအထည်ချုပ်စက်ရုံ၂ရုံမှာလုပ်ခတိုးတောင်းဖို့ဦးဆောင်သူတွေကိုဆူပူအောင်လှုံ့ဆော်မှုနဲ့စစ်ကောင်စီကဖမ်းဆီးလိုက်တယ်။အလုပ်သမားခေါင်းဆောင်၇ဦးနဲ့အလုပ်သမားအရေးကူညီသူ၃ဦးစုစုပေါင်း၁၀ဦးပါ။ဖမ်းဆီးထားသူတွေဟာစက်ရုံအလုပ်ရုံတွေမှာဆန္ဒပြကြဖို့လှုံ့ဆော်တယ်လို့စစ်ကောင်စီကစွပ်စွဲထားတယ်။ စစ်အာဏာသိမ်းပြီးနောက်မြန်မာပြည်မှာအလုပ်သမားအခွင့်အရေးတွေပျောက်ဆုံးသွားတာပါ။အထူးသဖြင့်စက်မှုဇုန်ထဲကအလုပ်သမားတွေပေါ့။အလုပ်သမားအခွင့်အရေးတောင်းဆိုလို့မရတာကိုအခွင့်ကောင်းယူပြီးအလုပ်ရှင်တွေကလုပ်ခလစာနှိမ်ပေးကြတယ်။မခံနိုင်လို့လစာတိုးတောင်းရင်လဲစစ်ကောင်စီကအလုပ်သမားတွေဘက်မရပ်တည်ပဲအခုလိုဖမ်းဆီးတယ်။ရန်ကုန်စက်မှုဇုန်တွေထဲကအလုပ်သမားတွေဟာတကယ့်ကိုနင်းပြားဖြစ်နေပါပြီ။

အဏာသိမ်းစစ်ကောင်စီကို တန်ပြန်ထိုးစစ်ဆင်ပြီး စစ်ရေးအရှိန်အဟုန်မြှင့်တင်ရန်အတွက် အဓိကလမ်းမကြီးများကို ညပိုင်းအချိန်သွားလာခွင့်ကို တောင်ပိုင်းစစ်ဒေသ၊ အမှတ်(၂) စစ်ဒေသခွဲက ကန့်သတ်လိုက်ပြီ။ညအချိန်သွားခွင့်တားမြစ်ထားသည့် လမ်းပိုင်းများမှာ ကုန်သွယ်ရေးအချက်အခြာကျသည့် ရန်ကုန် - မန္တလေး အမြန်လမ်း၊ ရန်ကုန် - မန္တလေးလမ်းဟောင်း၊ ပဲခူး -...

တိုက်ပွဲတွေဆက်လက်ပြင်းထန်နေတဲ့ကရင်နီပြည်နယ်၊မယ်စဲဒေသမှာစစ်တပ်ကလေယာဉ်တစီးကိုတော်လှန်ရေးအဖွဲ့တွေကပစ်ချနိုင်ခဲ့ပါတယ်။စစ်ကောင်စီဟာမယ်စဲမြို့ကိုပြန်လည်ရရှိရေးအတွက်လက်နက်ကြီးနဲ့လေကြောင်းပစ်ကူအလုံးအရင်းသုံးကာတိုက်ခိုက်လျက်ရှိတယ်။ထိုတိုက်ပွဲတွေအတွင်းမှာစစ်တပ်ဖက်ဗုံးကြဲဖို့အနိမ့်ပျံသန်းလာတဲ့တိုက်ခိုက်ရေးလေယာဉ်တစ်စီးကိုတော်လှန်ရေးအဖွဲ့တွေကလက်နက်ငယ်တွေနဲ့ပဲပစ်ချနိုင်ခဲ့တယ်လို့သိရတယ်။ပျက်ကျသွားတဲ့လေယာဉ်ဟာအပေါ့စားအမောင်းသင်တိုက်ခိုက်ရေးလေယာဉ်တစ်စီးဖြစ်ပြီးသံလွင်မြစ်ကမ်းဘေးမှာပျက်ကျသွားတယ်။ထိုနေရာကိုစစ်တပ်ကရဟတ်ယာဉ်၃စီးလောက်နဲ့ဝိုင်းရံထားလို့အထောက်အထားတွေတော့မရနိုင်သေးဘူး။ဘာပဲပြောဒါဟာလဲတော်လှန်ရေးကာလမှာစစ်တပ်ဖက်ကလေယာဉ်တစ်စီးကိုပထမဆုံးပစ်ချနိုင်ခြင်းလို့ပြောလို့ရတယ်။

မွန်ပြည်နယ်၊ ဘီးလင်းမြို့နယ်၊ ရန်ကုန်-မော်လမြိုင် ကားလမ်းပေါ်မှာရှိတဲ့ ကျုံအိတ်တံတားကို KNLA ပူးပေါင်းအဖွဲ့ကပြီးခဲ့တဲ့ရက်ကမိုင်းခွဲဖျက်စီးခဲ့တယ်။ထိုကျုံအိတ်တံတားမှာ ရန်ကုန်-မော်လမြိုင်-မြဝတီ၊ ရန်ကုန်-မော်လမြိုင်-ထားဝယ် စသည့် ကုန်သွယ်ရေးအရအရေးပါတဲ့လမ်းပေါ်တွင်ရှိနေပြီး စစ်ကောင်စီ၏ထောက်ပို့လမ်းကြောင်းကို ဖြတ်တောက်လိုသည့် ရည်ရွယ်ချက်ဖြင့် ဖျက်ဆီး ခဲ့ခြင်းဖြစ်တယ်။ ကျုံအိတ်တံတားမိုင်းခွဲဖျက်ဆီးခံရပြီးနောက် လာရောက် စစ်ဆေးသည့် စစ်ကောင်စီလက်အောက်ခံ...