ရှမ်းပြည်နယ်မြောက်ပိုင်းတရုတ်နယ်စပ်လောင်းကစားမြို့တော်လောက်ကိုင်ကစစ်ကောင်စီတပ်တွေအလုံးအရင်းနဲ့လက်နက်ချပြီးနောက်တစ်ရက်မှာပဲရခိုင်ပြည်နယ်မြောက်ပိုင်းကျောက်တော်မြို့နယ်ကစစ်ကောင်စီရဲ့တင်းမတောင်ရှည်ဗျုဟာစခန်းကြီးတစ်ခုလုံးအေအေထံလက်နက်ချအညံခံခဲ့ကြတယ်။ထိုစခန်းကိုအေအေကဒီဇင်ဘာလ၂၅ရက်နေ့ကစပြီးထိုးစစ်ဆင်တိုက်ခိုက်ခဲ့တာဖြစ်ပြီး၁၀ရက်ကျော်အပြင်းအထန်တိုက်ခိုက်ခဲ့ရတယ်။ကနဦးရက်တွေမှာအေအေဘက်ကအလံဖြူထောင်ခိုင်းပေမယ့်ဆက်လက်ခုခံနေလို့အင်အားအပြည့်နဲ့ချေမှုန်းတိုက်ခိုက်ခဲ့ရပြီးအခုမှလက်နက်ချကြတာပါ။ထိုဗျုဟာကုန်းဟာစစ်ရေးအရအရေးပါပြီးအနီးရှိစစ်ကောင်စီတပ်စခန်းတွေကိုလက်နက်ခဲယမ်းပို့ပေးရာနေရာလဲဖြစ်တယ်။ထိုနေရာမှာစစ်ကောင်စီတပ်တွေဟာ၂၀၂၀လောက်ကတည်းကလာရောက်တပ်စွဲနေထိုင်ခြင်းဖြစ်ကာစစ်သူပုန်တွေအခိုင်အမာတပ်စွဲနေထိုင်ပြီးဒေသခံတွေကိုဒုက္ခမျိုးစုံပေးခဲ့တာကြောင့်အနီးရှိတင်းမရွာကြီးတရွာလုံးကပြည်သူတွေဒီနေ့ထိထွက်ပြေးတိမ်းရှောင်နေရတယ်။အိမ်ခြေရာကျော်ရှိတဲ့တင်းမရွာကြီးတစ်ခုလုံးလဲအခုဆိုရင်တောကြီးမျက်မည်းဖြစ်နေပြီ။
အေအေတပ်တော်ဟာရခိုင်ချင်းနယ်စပ်ပလက်ဝမြို့နဲ့ရခိုင်မြောက်ပိုင်းကစစ်တပ်ရဲ့အမာခံစခန်းကုန်းကြီးများကိုဆက်လက်ထိုးစစ်ဆင်တိုက်ခိုက်နေတယ်။စစ်ကောင်စီဘက်ကလဲထိုစခန်းတွေမကျစေရေးအတွက်အတွဲလိုက်ဒုံးတွေ၊လက်နက်ကြီးတွေလေကြောင်းပစ်ကူတွေသုံးပြီးအပြင်းအထန်ခုခံလျက်ရှိတယ်။
စက်တင်ဘာ ၀၁၊ ၂၀၂၄။ (တနင်္လာ)
အကြမ်းဖက်စစ်ကောင်စီက စက်တင်ဘာလ ၁ ရက်နေ့မှစတင်ပြီး ဆေးဝါးအပါအဝင်...