Military Coup Myanmar

ရန်ကုန်မြို့လယ် အိမ်ယာဝင်း တစ်ခုနှင့် ကပ်လျက်ရှိသည့် ကန်ထရိုက် တိုက်များ၏ ဘေး မြေညီလမ်းမ တစ်နေရာ၌ အမျိုးသမီးအချို့ ဝိုင်းဖွဲ့ နေကြသည်။ လက်ထဲတွင် ယပ်တောင် ကိုယ်စီနှင့် ရေသန့်ဗူးလေးများ ရှေ့တွင် ချထားကာ ခြင်ဆေးခွေ ထွန်းထားပြီး...

NUGဝန်ကြီးဒေါ်ဇင်မာအောင်ဟာဝါရှင်တန်မှာUSဒုနိုင်ငံခြားရေးဝန်ကြီး၊မလေးရှားနိုင်ငံခြားရေးဝန်ကြီးတို့နဲ့တရားဝင်အလွတ်သဘောတွေ့ဆုံနိုင်ခဲ့တယ်။သတင်းမထုတ်ပြန်ပဲတွေ့ဆုံနိုင်ခဲ့တဲ့သူတွေလဲရှိလိမ့်မယ်။ထူးခြားမှုကတော့မလေးရှားနိုင်ငံရဲ့ပြတ်သားမှုပဲ။စစ်ကောင်စီကိုအသိအမှတ်မပြုပဲNUGနဲ့ဆက်တိုက်တွေ့ဆုံဆွေးနွေးမယ်လို့ပြတ်ပြတ်သားသားပြောသွားပြီးအာဆီယံနိုင်ငံတွေထဲမှာNUGကိုပထမဆုံးတရားဝင်ထိတွေ့ဆက်ဆံတဲ့နိုင်ငံဖြစ်လာတယ်။တိုးတက်မှုတွေကနှေးကွေးပေမယ့်တဖြည်းဖြည်းနဲ့တော့ရှိလာပြီ။ဒေါ်ဇင်မာအောင်ရဲ့USခရီးစဉ်ကြောင့်တခြားဘာတွေဆက်ရှိလာမလဲစောင့်ကြည့်ရမယ်။ စစ်ကောင်စီကတော့သံတမာန်ရေးမှာဆက်တိုက်ကျရှုံးနေတယ်။အခုဆိုရင်အနောက်နိုင်ငံအတော်များများကသံရုံးတွေမှာသံအမတ်အဆင့်မထားကြတော့ဘူး။စစ်ကောင်စီကိုတဆင့်လျော့ဆက်ဆံနေကြတယ်။  

အမေရိကန်အာဆီယံထိပ်သီးအစည်းအဝေးကိုဝါရှင်တန်မှာပြုလုပ်နေပြီ။စစ်ကောင်စီကိုယ်စားလှယ်တော့ထုံးစံအတိုင်းမပါဘူးပေါ့။ထူးခြားမှုတစ်ခုကNUGနိုင်ငံခြားရေးဝန်ကြီးဒေါ်ဇင်မာအောင်ကိုအမေရိကန်ကဖိတ်ကြားထားတာပဲ။သူမဟာထိပ်သီးအစည်းအဝေးကိုတက်ခွင့်မရှိပေမယ့်တခြားနိုင်ငံအကြီးအကဲတွေနဲ့တွေ့ဆုံနိုင်လိမ့်မယ်။တကယ်တော့ဒီပွဲနဲ့တိုက်ဆိုင်စွာပဲအမေရိကန်ကသူမကိုမဖိတ်ခေါ်ချင်လဲရနေတာပဲ။ဒါဟာNUGကိုအတိုင်းအတာတစ်ခုအထိအသိအမှတ်ပြုပြီးလူရာသွင်းလိုက်တာလို့ယူဆရတယ်။ မင်းအောင်လှိုင်ကအကာအကွယ်ပေးနေပြီးပေါက်ပန်းလေးဆယ်တွေပြောနေတဲ့ဟွန်ဆန်ကတော့ထိုပွဲမှာဖိနပ်နဲ့မှာအပေါက်ခံရတယ်။သူဟာသူ့ညှိနှိုင်းမှုတွေကိုဆန့်ကျင်နေတဲ့မြန်မာပြည်သူတွေကိုလူသတ်သမားတွေလို့ရိုင်းစိုင်းစွာပြောဆိုသွားသေးတယ်။

စက်သုံးဆီရှားပါးမှုဂယက်ဖြစ်ပြီးနောက်စစ်ကောင်စီရဲ့ဒေါ်လာလိုအပ်မှုပြသနာဟာပိုမိုဆိုးရွားလာတယ်။ကုန်သည်တွေကိုဒေါ်လာအလုံအလောက်ထုတ်မပေးနိုင်တဲ့အတွက်အခုဆိုသွင်းကုန်အတော်များများကိုတင်သွင်းခွင့်ပိတ်ပင်ထားတယ်။အဆိုးဆုံးက စားသုံးဆီကိုပါအလုံအလောက်တင်သွင်းခွင့်မပေးတော့တာပဲ။ပြည်တွင်းမှာအဓိကထားစာသုံးတဲ့စားအုံးဆီကိုပြည်ပကပဲအများဆုံးတင်သွင်းရတာပါ။အရင်ကတစ်လဆီတန်ချိန်ခြောက်သိန်းလောက်သွင်းခဲ့ပြီးအခုစစ်ကောင်စီရဲ့ကန့်သတ်မှုတွေကြောင့်တန်ချိန်သုံးသိန်းလောက်သာစျေးကွက်ထဲရောက်လာတယ်။အကျိုးဆက်အဖြစ်အရင်ကစားအုန်းဆီတစ်ပိသာနှစ်ထောင်ခန့်သာရှိရာမှအခုရှစ်ထောင်ခန့်အထိစျေးတွေထိုးတက်နေတယ်။ဆီဟာမရှိမဖြစ်စားကုန်ဖြစ်တဲ့အတွက်အိမ်ရှင်မတွေခေါင်းကိုက်နေကြတယ်။ စားသုံးဆီကိုတောင်ကန့်သတ်နေ့မှတော့ပြည်ပကတင်သွင်းရတဲ့တခြားလူသုံးကုန်ပစ္စည်းတွေလဲစျေးတွေတက်နေတယ်။စစ်ကောင်စီဟာနိုင်ငံကိုမြောက်ကိုရီးယားဇာတ်သွင်းနေပြီ။

ဒီလထဲမှာစစ်ကောင်စီအတွက်စစ်မျက်နှာအသစ်တစ်ခုထပ်တိုးလာတယ်။တောင်ပိုင်းကတနင်္သာရီတိုင်းပါ။အရင်ကထိုနယ်မြေမှာအသေးစားတိုက်ပွဲလေးတွေလောက်သာရံဖန်ရံခါဖြစ်ခဲ့ပေမယ့်အခုလထဲမှာပွဲတွေစိတ်လာတယ်။မြောက်ဘက်ရေးမြို့လောက်ကစပြီးထားဝယ်၊ပုလောစတဲ့မြို့တွေမှာထိတွေမှုတွေပိုစပ်လာတယ်။တောင်ဘက်စွန်းကော့သောင်းဘက်မှာတော့ငြိမ်နေဆဲပဲ။တနင်္သာရီတိုင်းဟာKNUရဲ့တပ်မဟာနယ်မြေတွေထဲမှာလဲပါဝင်နေတယ်။ထိုဒေသမှာKNUနဲ့PDF တွေပေါင်းပြီးစစ်မျက်နှာအသစ်ဖော်ဆောင်နိုင်ရင်စစ်ကောင်စီကိုပိုပြီးအကြပ်ရိုက်စေလိမ့်မယ်။  

နာမည်ကြီးလုပ်ငန်းရှင်ကြီးနှစ်ဦး ရှေ့ဆင့်နောက်ဆင့် ဖမ်းဆီးခံလိုက်ရပြီးနောက် အာဏာသိမ်းစစ်ကောင်စီက အကြောင်းမရှိအကြောင်းရှာ ရန်ပြုလာမည်ကို စီးပွားရေးသမားများ စိုးရိမ်နေကြသည်။ လွန်ခဲ့သော ငါးနှစ်ကျော်က စီမံကိန်းများကို အကြောင်းပြကာ ထိပ်သီးလုပ်ငန်းရှင် ဇေကမ္ဘာဦးခင်ရွှေနှင့် ဧဒင် ဦးချစ်ခိုင်ကို ပြီးခဲ့သည့် မတ်လနှင့် ဧပြီလအတွင်း စစ်ကောင်စီက...

စစ်ကောင်စီကဖိတ်ခေါ်ထားတဲ့ငြိမ်းချမ်းရေးဆွေနွေးပွဲကိုတက်ရောက်မယ့်အဖွဲ့ဆယ်ဖွဲ့ရှိလာတယ်။ထိုအဖွဲ့တွေအားလုံးအဖွဲ့ငယ်လေးတွေသာဖြစ်ကြပြီးစစ်တပ်နဲ့တိုက်ပွဲလုံးဝဖြစ်ပွားခြင်းမရှိတဲ့အဖွဲ့လေးတွေပဲဆွေးနွေးပွဲတက်ရောက်ဖို့အကြောင်းပြန်ကြတယ်။တကယ်မြေပြင်မှာစစ်ကောင်စီကိုတော်လှန်နေကြတဲ့တိုင်းရင်းသားလက်နက်ကိုင်အဖွဲ့တွေအားလုံးကဆွေးနွေးပွဲကိုပြတ်ပြတ်သားသားငြင်းဆန်ပြီးစစ်ကောင်စီကိုလဲပြင်းပြင်းထန်ထန်ဝေဖန်ကြတယ်။စစ်ကောင်စီလက်ထက်မှာခုလိုမျိုးအယောင်ပြငြိမ်းချမ်းရေးဆွေးနွေးပွဲဆိုတာဒါနောက်ဆုံးဖြစ်မယ်ထင်တယ်။ဒါပြီးရင်တော့စစ်တပ်နဲ့EAOတွေမီးကုန်ယမ်းကုန်တိုက်ခိုက်ကြတော့မယ်။

အကြမ်းဖက်စစ်ခေါင်းဆောင်မင်းအောင်လှိုင်ရဲ့နေအိမ်ကိုNUGကဒေါ်လာဆယ်သန်းနဲ့ရောင်းချနေတယ်။နှစ်ရက်အတွင်းမှာဒေါ်လာတစ်သန်းရရှိသွားပြီ။ပြည်သူတွေရဲ့နေအိမ်တွေကိုလိုက်လံချိတ်ပိတ်ခဲ့သမျှအခုတော့သူတို့ခံလိုက်ရတာပဲ။ချိတ်ပိတ်ထားတဲ့အိမ်တွေကိုစစ်ကောင်စီကရောင်းချဖို့ကြိုးစားနေပေမယ့်လဲဘယ်သူမှမဝယ်ကြဘူး။ တနိုင်ငံလုံးကရွာတွေမှာလဲစစ်တပ်ကမီးရှို့လို့ပျက်စီးသွားတဲ့အိမ်ခြေပေါင်းတစ်သောင်းကျော်သွားပြီ။အထူးသဖြင့်စစ်ကိုင်းတိုင်းမှာပေါ့။ခိုကိုးရာမဲ့ပြည်သူတွေအတွက်ထိရောက်တဲ့အကူအညီဆိုတာဘာမှမရှိသေးဘူး။နယ်ဘက်ကပြည်သူတွေဟာတော်လှန်ရေးအတွက်တက်နိုင်သမျှတောင့်ခံနေကြတယ်။

အာဆီယံရဲ့မြန်မာ့အရေးဆွေးနွေးပွဲပြီးဆုံးသွားပါပြီ။ထုံးစံအတိုင်းမြန်မာပြည်သူတွေအတွက်ဘာမှထူးခြားလာမှာမဟုတ်ပါဘူး။ဘာလို့လဲဆိုတော့လူသားချင်းစာနာမှုအကူအညီတွေကိုစစ်ကောင်စီကတဆင့်ပေးဖို့ဆုံးဖြတ်လိုက်ကြလို့ပဲ။ဒီလိုသာဆိုရင်ပေးသမျှအကူအညီတွေဟာနာဂစ်တုန်းကလိုစုံးစုံးမြုပ်သွားမှာပဲ။ထိုအစည်းအဝေးဟာထင်ထားတဲ့အတိုင်းဟန်ပြအစည်းအဝေးပါ။UNအထူးကိုယ်စားလှယ်ကိုလဲစစ်ကောင်စီကန့်ကွက်လို့မဖိတ်ဘူးဆိုတော့အာဆီယံဟာစစ်ကောင်စီကိုကြောက်နေရတာလား။သူတို့ပေးတဲ့အကူအညီဆိုတာကလဲသူတို့ရဲ့လိပ်လိုလှုပ်ရှားပုံမျိုးနဲ့ဆိုနောက်နှစ်လောက်မှရောက်လာလိမ့်မယ်။

ရန်ကုန်၊လှည်းတန်းမှာဖြစ်သွားတဲ့လူသတ်မှုဟာအတော်တရားကျစရာကောင်းတယ်။ပြီးခဲ့တဲ့နေ့ကလှည်းတန်းလမ်းဆုံမှာခါးပိုက်နှိုက်တစ်ယောက်ကိုနီးစပ်ရာလူတွေဝိုင်းဖမ်းပေးကြတယ်။အနားမှာဂိတ်ထိုးကြတဲ့ဆိုက်ကားသမားတွေလဲပါမှာပေါ့။ခါးပိုက်နှိုက်ဖမ်းတဲ့ဗီဒီယိုဖိုင်ဟာအွန်လိုင်းပေါ်ရောက်သွားပြီးနောက်နေ့မှာထိုဗီဒီယိုဖိုင်ထဲမှာပါတဲ့ဆိုက်ကားသမားကိုခါးပိုက်နှိုက်တွေအုပ်စုဖွဲ့ပြီးလူမြင်ကွင်းမှာပဲလာသတ်သွားတယ်။အနားမှာလူတွေအများကြီးရှိပေမယ့်ဘယ်သူမှမကူညီကြဘူး။ရဲတိုင်လဲအရေးယူမှာမဟုတ်ဘူး။ထိုသူခိုးဂျပိုးတွေကိုလွတ်ငြိမ်းချမ်းသာခွင့်နဲ့ထောင်ထဲကလွှတ်ပေးထားတာလေ။ ထိုဖြစ်ရပ်ကြောင့်နောက်ဆိုမတရားမှုတွေတွေ့ရင်၊ကိုယ်နဲ့မဆိုင်ရင်ဘယ်သူမှကူညီကြတော့မှာမဟုတ်ဘူး။ဒီနိုင်ငံမှာရိုင်းပင်းကူညီစိတ်နဲ့ကိုယ်ချင်းစာတရားပါပျောက်ဆုံးသွားတော့မယ်။ အခုဆိုရင်လမ်းလျှောက်ရင်း၊လိုင်းကားစောင့်ရင်းနဲ့တောင်ဓားထောက်လုယက်မှုတွေဖြစ်နေပြီ။နယ်မြို့တွေမှာဆိုဆိုင်ကယ်မောင်းရင်းနဲ့တောင်ဓားနဲ့လိုက်ခုတ်ပြီးလုယက်မှုတွေဖြစ်နေပြီ။တရားဥပဒေဆိုတာမရှိတော့ဘူး။အခြေအနေတွေဟာကြာလေလေပိုဆိုးလေလေပဲ။