Military Coup Myanmar

ဒီနေ့ကတော့တန်ဆောင်မုန်းလပြည့်နေ့ပါ။အရင်တုန်းကတော့မိုးလေကင်းလွတ်သီတင်းကျွတ်နဲ့တန်ဆောင်တိုင်လတွေဆိုတာသင်္ကြန်ပွဲတော်ပီးရင်မြန်မာနိုင်ငံမှာအစည်ကားဆုံးလတွေပါ။သီတင်းကျွတ်လမှာမီးထွန်းပွဲတွေနဲ့မီးပုံးပျံတွေလွတ်ကြတယ်။တန်ဆောင်မုန်းလမှာကထိန်ပွဲနဲ့နိဗ္ဗာန်ဈေးပွဲတော်တွေရှိတယ်။စစ်အာဏာသိမ်းပီးနောက်ဒီလိုအချိန်မှာဘာပွဲတော်မှမရှိတော့ဘူး။ကထိန်ပွဲလောက်ပဲရိုးရာမပျက်မည်ကာမတ္တလောက်သာလုပ်နိုင်ကြတော့တယ်။ပြည်သူတွေအချင်းချင်းအလှူကြီးပေးတဲ့ပုံစံနဲ့ပြုလုပ်ကြတဲ့နိဗ္ဗာန်ဈေးပွဲတော်ဆိုတာပျောက်ကွယ်သွားတာသုံးနှစ်လောက်ရှိနေပြီ။မြန်မာပြည်မှာအပျော်တွေပျေက်ဆုံးနေတာကြာြပီ။ ဒီနှစ်တွေမှာတော့တန်ဆောင်မုန်းလမှာလူတွေပုံစံတမျိုးနဲ့အပျော်တွေဖန်တီးလာကြတယ်။ဒီနေ့လိုညမျိုးမှာပံသကူပစ်ကြကောက်ကြတယ်။ပံသကူပစ်တယ်ဆိုတာလှူတဲ့သူကလှူမယ့်ပစ္စည်းကိုတနေရာမှာဖွတ်ထားရပြီးကောက်တဲ့သူကရှာဖွေကောက်ရတာပါ။အခုတော့ပုံစံတွေပြောင်းကုန်တယ်။လမ်းမတွေပေါ်မှာသွားလာနေတဲ့ကားတွေကပိုက်ဆံတွေပစ်ချသွားကြတယ်။ကောက်မယ့်သူတွေကလဲလမ်းမတွေရဲ့နဘေးမှာတပုံကြီးပဲ။ယာဉ်အန္တရာယ်ကိုဂရုမစိုက်ကြပဲဝရုန်းသုန်းကားနဲ့ပိုက်ဆံလိုက်ကောက်နေကြတယ်။ရိုးရာဓလေ့တွေလဲပျက်စီးကုန်ကြပြီ။

စစ်ကောင်စီဟာ ကုမ္ပဏီတွေရဲ့ ငွေကြေးစီးဆင်းမှုတွေကို ထိန်းချုပ်ချင်တာကြောင့် ကုမ္ပဏီ အီလက်ထရွန်နစ် မှတ်ပုံတင်စနစ် (MyCo) ကို ပိုပြီးစိစစ်လာတယ်လို့ ကုမ္ပဏီဥပဒေ ကျွမ်းကျင်သူတွေက ပြောပါတယ်။ MyCo စနစ်ကို အများပြည်သူ အသုံးပြုရလွယ်စေပြီး နိုင်ငံတကာအဆင့်မီအောင် တည်ဆောက်ထားပေမယ့် ကုမ္ပဏီတွေနဲ့...

မကွေးတိုင်း၊ ပခုက္ကူအကျဉ်းထောင်မှာ နိုင်ငံရေးအကျဉ်းသား ၇ ယောက်ကို ထောင်အာဏာပိုင်တွေက ၂ ရက်ကြာ တိုက်ပိတ်ထားကာ ရိုက်နှက်၊ လျှပ်စစ်နဲ့ ရှော့တိုက်နှိပ်စက်ခဲ့တယ်လို့  မုံရွာသပိတ်ဦးဆောင်ကော်မတီက ပြောတယ်။ အောက်တိုဘာလကုန်ပိုင်းက ပခုက္ကူအကျဉ်းထောင်မှာ နိုင်ငံရေးအကျဉ်းသား ၇ ယောက်ကို စစ်ကောင်စီလက်အောက်ခံအကျဉ်းဦးစီးဌာန...

စစ်ကောင်စီဟာနိုင်ငံပုံမှန်ပြန်လည်လည်ပတ်နေသယောင်ပြသချင်နေတဲ့အတွက်တန်ဆောင်တိုင်ပွဲတော်တွေကိုစည်ကားအောင်နိုင်ငံတဝန်းမှာပြုလုပ်နေတယ်။သူတို့အဲ့ဒီလိုလုပ်လေလေပြည်သူကလက်မခံလေလေပဲ။ ပြင်ဦးလွင်မှာနှစ်နှစ်ကြာရပ်နားထားခဲ့ရတဲ့မီးပုံပျံပွဲကိုဒီနှစ်စစ်ကောင်စီကအခမ်းအနားနဲ့သေချာဖွင့်လှစ်ကျင်းပခဲ့တယ်။မီးပုံးပျံခြောက်ဆယ်ကျော်ကိုလဲလွှတ်တင်ဖို့စီစဉ်ထားတယ်။ဒါပေမယ့်ဖွင့်ပွဲနေ့ကတည်းကသူတို့လူကလွဲပြီးမြို့ခံတွေဘယ်သူမှမလာကြဘူး။စည်စည်ကားကားမရှိတဲ့အတွက်လောင်းကစားဝိုင်းနဲ့အရက်ဝိုင်းတွေကိုစစ်ကောင်စီကိုယ်တိုင်မီးပုံပျံပွဲမှာထည့်သွင်းစေတယ်။ထိုလောင်းကစားဝိုင်းတွေကိုဗိုလ်မှုးတစ်ဦးကကန်ထရိုက်ယူထားတယ်လို့လဲသိရတယ်။ပြင်ဦးလွင်မီးပုံးပျံပွဲဟာရိုးရာဓလေ့ပွဲတော်တစ်ခုဖြစ်ပြီးလောင်းကစားဝိုင်းတွေနဲ့ဘယ်လိုမှအပ်ဆက်မှုမရှိဘူး။စစ်ကောင်စီဟာပွဲတော်ရဲ့ပုံရိပ်ကိုရောလူတွေရဲ့အကျင့်စာရိတ္တကိုပါရည်ရွယ်ချက်ရှိဖျက်စီးဖို့ကြိုးစားနေတယ်။လူစည်ကားရင်ပီးရောမကောင်းတာမှန်သမျှလုပ်လို့ရတယ်ဆိုတဲ့ပုံစံမျိုးလုပ်နေတာပဲ။ ပဲခူးမြို့မှာလဲရွှေမောဓောဘုရားဘေးမှာတန်ဆောင်တိုင်ဘုရားပွဲပြုလုပ်နေတယ်။ဘယ်ပြည်သူမှမလာလို့သူလူတွေကိုပဲနေရာရွှေ့ခိုင်းပြီးစည်ကားသယောင်ဓာတ်ပုံရိုက်ဝါဒဖြန့်နေရတယ်။ပဲခူးမြို့မှာသပိတ်တွေအားကောင်းစဉ်ကာလတုန်းကစစ်တပ်ကအကြမ်းဖက်ဖြိုခွဲလို့တစ်ရက်ထဲအပစ်မဲ့ပြည်သူရှစ်ဆယ်ခန့်ကျဆုံးဖူးတယ်။မြို့ခံတွေကအားမတန်လို့မာန်လျှော့ထားရပေမယ့်စစ်ကောင်စီကိုအော့နှလုံးနာနေကြပြီ။            

စစ်ကောင်စီကပြန်လည်စည်ကားလာအောင်အသည်းအသန်ကြိုးစားနေတဲ့ကျိုက်ထီးရိုးဘုရားမှာအခုတန်ဆောင်တိုင်ကာလဘုရားဖူးအနည်းငယ်သာလာရောက်ကြတယ်လို့သိရတယ်။တောင်တက်ကားနဲ့အခမဲ့တည်းခိုခွင့်တွေပါစီစဉ်ပေးခဲ့ပေမယ့်ဘုရားဖူးသူရာဂဏန်းလောက်သာလာရောက်ကြတယ်။လာတဲ့သူတွေကလဲစစ်ကောင်စီနဲ့အတင်းအကျပ်စေခိုင်းမှုကြောင့်လာရတဲ့Non CDMဝန်ထမ်းတွေပါ။စတုဒီသာကျွေးမွေးဖို့စီစဉ်ထားတဲ့နေရာမှာအစားအသောက်တွေအများအပြားပိုလျှံနေတာကိုလဲတွေ့ရတယ်။ခါတိုင်းဒီလိုအချိန်တွေဆိုဘုရားဖူးတွေကြက်ပျံမကျနေရာလပ်မရှိအောင်စည်ကားတတ်တဲ့နေရာမျိုးဟာအခုလိုအခြေအနေဖြစ်သွားတဲ့အတွက်စစ်ကောင်စီရဲ့ကြိုးပမ်းမှုဟာအရာမရောက်ခဲ့ဘူး။ ရှမ်းပြည်နယ်ကလောမြို့လေးမှာလဲစစ်ကောင်စီကတန်ဆောင်တိုင်ပွဲပြုလုပ်ဖို့စီစဉ်ခဲ့ပေမယ့်မြို့ခံတွေကလက်မခံတာကြောင့်မဖြစ်မြောက်ခဲ့ဘူး။ခရီးသွားမြို့လေးတစ်ခုဖြစ်တဲ့ကလောမြို့ဟာသေးငယ်ပေမယ့်ဒေသခံတွေရဲ့စည်းလုံးမှုကိုစစ်ကောင်စီကဖျက်စီးလို့မရခဲ့ဘူး။ခေတ်ပြန်ကောင်းရင်တော့ကလောမြို့လေးကိုလေးစားတဲ့အနေနဲ့နောက်တစ်ခေါက်ထပ်သွားဖြစ်လိမ့်ဦးမယ်။

NUGကရန်ပုံငွေရှာတဲ့ပရောဂျက်တွေထဲကတစ်ခုဖြစ်တဲ့မန္တလေးမြို့အရှေ့ဘက်ရေတံခွန်တောင်မြေကွက်တွေပထမအသုတ်ရောင်းကုန်သွားလို့ဒုတိယအသုတ်အနေနဲ့အကွက်နှစ်ရာကျော်ထပ်မံရောင်းချနေတယ်။ဒီတခေါက်မှာတော့တစ်ဦးထဲဒေါ်လာ၂.၃သန်းကျော်ဝယ်ယူသွားမှုမျိုးတွေရှိလာတယ်။ပြည်တွင်းကခရိုနီတွေ၊လုပ်ငန်းရှင်ကြီးတွေတော်လှန်ရေးရံပုံငွေရှာဖွေမှုမှာပါဝင်လာပြီလား။ အရင်တုန်းကရံပုံငွေရှာဖို့ဆိုရင်မူးစုပဲစုရှာနေရတဲ့အနေအထားမှာသူတို့တွေသာပါဝင်လာမယ်ဆိုရင်ငွေအလုံးအရင်းနဲ့ရလာမှာဖြစ်တဲ့အတွက်အောင်ပွဲရဖို့ပိုမြန်လာလိမ့်မယ်။သူတို့တွေဒီထက်ပိုပြီးပါဝင်လာနိုင်ဖို့NUGအနေနဲ့ကလဲအလုပ်ကောင်းကောင်းလုပ်ပြနိုင်ဖို့လိုလိမ့်မယ်။အခုဆိုရင်ရံပုံငွေရရှိနှုန်းဟာအရင်ကထက်အများကြီးတိုးတက်လာပြီ။လုံလောက်မှုမရှိသေးဘူးဆိုပေမယ့်ဒီထက်ပိုပြီးငွေဝင်လာဖို့တော်လှန်ရေးမှာသိသာထင်ရှားတဲ့ရလဒ်တွေဖန်းတီးနိုင်ဖို့လိုလာပြီ။

ပီးခဲ့တဲ့လကရန်ကုန်ရှိအငြိမ်းစားဗိုလ်ချုပ်တစ်ယောက်ကိုလုပ်ကြံနိုင်ခဲ့တဲ့UGအဖွဲ့ကတချို့ကလေးတွေအဖမ်းခံလိုက်ရတယ်။စစ်ကောင်စီကဖမ်းမိတဲ့အကြောင်းကိုသတင်းထုတ်ပြန်သလို့အဆိုပါအဖွဲ့ကလုံခြုံရေးကျိုးပေါက်မှုကြောင့်လို့ဝန်ခံထားတယ်။အတော်နှမြောစရာကောင်းတဲ့ဖြစ်ရပ်ပဲ။ရန်ကုန်ရောမန္တလေးမှာပါUGအဖွဲ့တွေဆက်တိုက်အဖမ်းခံနေရလို့သိပ်မကျန်တော့ဘူး။လှုပ်ရှားမှုတွေလဲသိသိသာသာနည်းသွားပြီ။ အလားတူရန်ကုန်မှာအဓိကလှုပ်ရှားနေတဲ့စမ်းချောင်းသပိတ်အဖွဲ့ကလဲသပိတ်တွေဆက်လက်ဖော်ဆောင်လှုပ်ရှားဖို့ဘယ်လိုမှအဆင်မပြေတော့လို့လွတ်မြောက်နယ်မြေတစ်ခုကိုထွက်ခွာသွားပြီလို့ကြေငြာတယ်။ဒါဟာလဲအမှန်တရားတစ်ခုပဲ။သူတို့မြို့ပေါ်မှာဆက်နေရင်အနှေးနဲ့အမြန်အဖမ်းခံရဖို့ပဲရှိမယ်။မြို့ပေါ်သပိတ်ဆိုတာကလဲဒီအချိန်မှာထိရောက်မှုသိပ်မရှိတော့ဘူး။လုပ်ရတာနဲ့ပေးဆပ်ရတာမတန်တော့ဘူး။သူတို့လေးတွေလုံခြုံတဲ့တနေရာမှာပဲကိုယ်တတ်နိုင်တာကိုဆက်လုပ်နေတာပိုပြီးအဆင်ပြေလိမ့်မယ်။ရလဒ်ကတော့မြို့ကြီးတွေကိုစစ်ကောင်စီကအပိုင်အုပ်စီးမိပီလို့ပြောနိုင်ပီပေါ့။

စစ်ကိုင်းတိုင်း ကန့်ဘလူမြို့နယ်မှ စစ်ဘေးရှောင်ကလေးငယ်များအတွက် အစားအသောက်နှင့် ဆေးဝါးလိုအပ်ချက်များစွာရှိနေပြီး ရာသီအကူးအပြောင်းကြောင့် ဖျားနာခြင်းနှင့် ဝမ်းလျောခြင်းများ လည်းရှိကြောင်း စစ်ဘေးရှောင်များကိုကူညီပေးနေသည့် တိုင်းဒေသကြီးလွှတ်တော်ကိုယ်စားလှယ် ဦးနေဇင်လတ် က မဇ္စျိမကိုပြောသည်။ လက်ရှိတွင် ကလေးသူငယ်စစ်ဘေးရှောင်များမှာ မိသားစုနှင့်အတူ တောတောင်များအတွင်း ရှောင်တိမ်း နေကြရပြီး...

ကလေးငယ် ၇ ယောက်အပါအဝင် လူပေါင်း ၁၃ ယောက်သေဆုံးခဲ့ရတဲ့ လက်ယက်ကုန်းဖြစ်စဉ်အပြီး တစ်လ အကြာမှာပဲ နောက်ထပ်ရက်စက်ကြမ်းကြုတ်မှုကို စစ်ကောင်စီတပ်တွေ ထပ်မံကျူးလွန်ခဲ့ပြန်ပါတယ်။ အောက် တိုဘာ ၂၃ ရက် ညပိုင်းက ဖားကန့်မြို့နယ်၊ အနန့်ပါမှာ ကျင်းပတဲ့...

ရခိုင်မှာအောက်တိုဘာလထဲတိုက်ပွဲတွေငြိမ်နေပါတယ်မှတ်နေတာအေအေဒီနေ့သတင်းထုတ်ပြန်လိုက်တယ်။ပီးခဲ့လဒုတိယနှစ်ပတ်အတွင်းတိုက်ပွဲတွေမှာစစ်ကောင်စီတပ်သားနှစ်ဆယ်ကျော်သေဆုံးတယ်တဲ့။ခွင့်ပြန်တဲ့နယ်ခြားစောင့်ရဲငါးဆယ်ကျော်လဲထွက်ပြေးနေတယ်တဲ့။ရခိုင်ပြည်နယ်မှာလဲသွေးမအေးသေးဘူးပေါ့။ ထူးခြားမှုအနေနဲ့တိုက်ခိုက်မှုတွေတစ်ခါမှမဖြစ်ဖူးတဲ့ရှေးဟောင်းယဥ်ကျေးမှုနယ်မြေပုဂံမြို့နားကငါ့သရောက်မှာရဲစခန်းကိုPDFတွေကဆိုင်ကယ်တွေနဲ့အလစ်ဝင်ပစ်သွားလို့စခန်းမှုးအပါအဝင်တစ်ဆယ်ကျော်သေဆုံးသွားတယ်။လက်နက်တွေလဲပါသွားတယ်။စစ်ကောင်စီတပ်တွေကိုဘယ်နေရာမှအနားပေးလို့မရဘူး။လစ်ရင်လစ်သလိုသင်ခန်းစာပေးနိုင်လေကောင်းလေပဲ။