Military Coup Myanmar

ဒေသကာကွယ်ရေးပူးပေါင်းအဖွဲ့များနှင့် တိုက်ပွဲပြင်းထန်နေသည့် စစ်ကိုင်းတိုင်း၊ ထီးချိုင့်မြို့နယ်အတွင်း မင်းဝံတောင်ခြေအနီးရှိ ကျေးရွာများကို စစ်ကောင်စီက ယနေ့ (ဧပြီ ၂၄) နံနက်တွင် တိုက်လေယာဉ်ဖြင့် ၆ ကြိမ်တိုင် ဗုံးကြဲတိုက်ခိုက်သည်ဟု သိရသည်။ ဧရာဝတီမြစ်အနောက်ဘက်ကမ်း ထီးချိုင့်မြို့မှ အဖြောင့်တိုင်းလျှင် အနောက်ဘက်...

မန္တလေးမြို့မှာ အချိန်ကြာမြင့်စွာ လျှပ်စစ်မီးပြတ်တောက်ခြင်းကြောင့် သောက်သုံးရေပြတ်လပ်မှုများ ကြုံနေရတယ်။မန္တလေးမြို့မှာစည်ပင်သာယာရေးကော်မတီနယ်နမိတ်မြို့ပေါ်ရပ်ကွက်နေသူများကစည်ပင်ပေးသည့် ရေကို အသုံးများပြီး အခု အချိန်ကန့်ချက်ဖြင့် ရေပေးနေသလို အဝီစိတွင်းရေကို အားထားနေသည့် မြို့သစ်ပိုင်း နေသူများမှာလည်း မီးပျက်ချိန်များလို့ ရေတင်မရသည့် အခက်အခဲနှင့် ကြုံနေရတယ်။ ရေကို မီးလာတဲ့အချိန်လေး...

စစ်အာဏာရှင်တော်လှန်ရေးလှုပ်ရှားမှုတွေကိုရန်ပုံငွေရှာဖွေပေးနေတဲ့တော်လှန်ရေးထောက်ပို့YouTubeချန်နယ်တွေဖြစ်တဲ့ပဒေသာပင်ချန်နယ်များကိုဒီလကုန်မှာရပ်နားတော့မယ်တဲ့။အဓိကကတော့လူဝင်နှုန်းကျနေတာပဲ။အရင်ကတသိန်းလောက်ဝင်ခဲ့ရာကနေအခုနေ့တိုင်း၁၅၀၀၀လောက်ပဲဝင်တယ်။တခြားချန်နယ်တွေဆိုဒီထက်ပိုဆိုးသေးတယ်။ဒါ့ကြောင့်တလကိုဝင်ငွေသိန်း၃၀ကျော်သာရရှိတော့လို့ရပ်နားဖို့ဆုံးဖြတ်လိုက်ရတာပဲ။ အခုလိုချန်နယ်တွေ၊ကလစ်အပ်ပလီကေးရှင်းတွေအားနည်းလာနေတာတော့ကြာပါပြီ။အဓိကတော့လူတွေငြီးငွေ့လာကြတာပဲ။ပီးတော့အခုနောက်ပိုင်းမီးတွေတအားပြတ်တော့အဲ့ဒီအတွက်ကိုအချိန်မပေးနိုင်ကြတော့ဘူး။တော်လှန်ရေးကာလနှစ်နှစ်ကျော်ကြာလာပြီးတဲ့နောက်မှာထို့ကဲ့သို့အင်တာနက်အားပြုထောက်ပို့လုပ်ငန်းတွေပျောက်ကွယ်သွားတော့မယ်။

ဓာတ်အားပြတ်တောက်မှုဆိုးရွားစွာဖြစ်ပေါ်နေမှုကိုဖြေရှင်းဖို့ရှော့ပင်းစင်တာတွေ၊စက်ရုံတွေမှာတပ်ထားတဲ့တနိုင်တပိုင်ဆိုလာစနစ်ကနေပိုလျှံဓာတ်အားတွေဝယ်ယူမယ်လို့စစ်ကောင်စီကစာထုတ်လိုက်တယ်။ ရှော့ပင်းစင်တာကြီးတွေနဲ့စက်ရုံတွေဟာဓာတ်အားအလုံအလောက်မရလို့အဆောက်အအုံခေါင်မိုးတွေပေါ်မှာဆိုလာပြားတွေတပ်ပြီးအဆင်ပြေသလိုဖြေရှင်းနေရတာပါ။မီးစက်ကြီးတွေရှိပေမယ့်မိုးထိုးနေတဲ့ဆီစျေးကြောင့်၂၄နာရီမီးစက်မသုံးနိုင်ကြဘူးလေ။ထိုကဲ့သို့သောကိုယ်ထူကိုယ်ထဓာတ်အားပေးစနစ်ကနေပြန်လည်ဝယ်ယူမယ်ဆိုတော့စစ်ကောင်စီရဲ့ထုတ်ပြန်ချက်ဟာတကယ့်ကိုရီစရာဖြစ်နေတယ်။တသက်နဲ့တကိုယ်ဒါမျိုးတစ်ခါမှမကြားဖူးပါဘူး။စစ်ကောင်စီဟာနွေရာသီမှာပြတ်လတ်လေ့ရှိတဲ့ဓာတ်အားပေးစနစ်အတွက်ဘာမှကြိုတင်စီစဉ်ထားတာမရှိမှန်းသိသာစေတယ်။နောက်နှစ်နွေအတွက်တော့မတွေးရဲစရာပဲ။

အာဏာရှင်စနစ်တိုင်းသည် ၎င်းတို့အာဏာတည်မြဲရေးအတွက် လျှို့ဝှက် စစ်ထောက်လှမ်းရေး ပုလိပ်တပ်ဖွဲ့တခု လိုအပ်သည်ဟု ယုံကြည်ကြပြီး ပိုမို ရက်စက်ကြမ်းကြုတ်လေလေ ပိုမို ထိရောက်လေလေဟု ယူဆကြသည်။ နာဇီ ဂျာမနီတွင် ၎င်းတို့၏ ဂက်စ်တာပို သို့မဟုတ် Geheime Staatzpolizei ဟု...

စစ်ကိုင်းတိုင်း၊ ကန့်ဘလူမြို့နယ်အတွင်းရှိ စစ်ရှောင်ဒုက္ခသည်များ မြေပွေးကိုက်ခံရသောကြောင့် သေဆုံးသူများ ရှိနေသည့်အတွက် မြွေဆိပ်ဖြေဆေးများ အရေးပေါ်လိုအပ်နေတယ်။ကန့်ဘလူမြို့နယ်အတွင်းရှိ ဒေသခံများသည် စစ်ကောင်စီဘေးရန်အပြင် မြွေပွေးအန္တရာယ်ကိုပါ ရင်ဆိုင်နေရတယ်။ဟိုတလောက ရှစ်နှစ်သားကျောင်းသားလေးတစ်ယောက် မြွေကိုက်ခံရတဲ့အတွက် အချိန်မှီမကုနိုင်လို့ အသက်ဆုံးရှုံးသွားတယ်။ အပူပိုင်းဒေသဖြစ်တဲ့ ကန့်ဘလူမြို့နယ်မှာ အဆိပ်ပြင်းမြွေပွေးအမျိုးအစား ပေါများသည့်အပြင်...

ရှမ်းကယားနယ်စပ်၊ဖယ်ခုံမြို့နယ်ထဲကစစ်ဘေးရှောင်အရပ်သားတွေအားထားနေရတဲ့ဆေးပေးခန်းတစ်ခုကိုစစ်ကောင်စီတပ်ကအကြောင်းမဲ့ဗုံးကြဲတိုက်ခိုက်ခဲ့ပါတယ်။ထိုဆေးခန်းဟာကိုယ်ထူကိုယ်ထဆေးခန်းဖြစ်ပြီးတိုက်ပွဲဖြစ်ပွားခြင်းမရှိပဲလေယာဉ်နဲ့ဗုံးကြဲတိုက်ခိုက်ခဲ့လို့အရပ်သား၃ဦးအပြင်းအထန်ဒဏ်ရာရရှိသွားတယ်။ဆေးပေးခန်းအဆောက်အဦးနဲ့ဆေးပစ္စည်းတွေလဲလုံးဝပျက်စီးသွားတယ်။ အကြမ်းဖက်စစ်အုပ်စုဟာတိုက်ပွဲဖြစ်ပွားခြင်းမရှိပဲအရပ်သားပြည်သူတွေနေထိုင်တဲ့နေရာတွေကိုပါရန်သူသဖွယ်သတ်မှတ်ကာဗုံးကြဲတိုက်ခိုက်ပြီးတော့စစ်ရာဇဝတ်မှုတွေကိုပြောင်ပြောင်တင်းတင်းကျူးလွန်နေတယ်။

ကုလသမဂ္ဂအထွေထွေအတွင်းရေးမှုးချုပ်ဟောင်းဘန်ကီမွန်ဟာကြိုတင်ကြေငြာခြင်းမရှိပဲမြန်မာနိုင်ငံကိုရုတ်တရက်ရောက်လာတယ်။စစ်ကောင်စီကဖိတ်ကြားထားလို့တော့ပြောတာပဲ။အကြမ်းဖက်စစ်ခေါင်းဆောင်မင်းအောင်လှိုင်နဲ့တွေ့ဆုံသွားတယ်။ဘာရည်ရွယ်ချက်နဲ့လာလဲတော့သေချာမသိသေးဘူး။ ဒီရက်ပိုင်းစစ်ခေါင်းဆောင်မင်းအောင်လှိုင်ကိုနိုင်ငံတကာကပုဂ္ဂိုလ်တွေခပ်စိတ်စိတ်လာရောက်တွေ့ဆုံနေတယ်။အထူးသဖြင့်တရုတ်နဲ့ထိုင်းကပေါ့။ဘန်ကီမွန်ရဲ့ခရီးစဉ်ကတော့ဟိုနိုင်ငံတွေလိုမင်းအောင်လှိုင်လိမ်ညာပြောသမျှနားထောင်ပြီးပြန်သွားမယ့်သူတော့မဟုတ်လောက်ဘူး။ဆက်လက်စောင်ကြည့်ရဦးမယ်။

သင်္ကြန်နောက်ပိုင်းကစပြီးနိုင်ငံတဝန်းမှာလျှပ်စစ်မီးပြတ်တောက်မှုတွေဆိုးရွားစွာဖြစ်ပေါ်နေတယ်။စက်မှုဇုန်တွေကစက်ရုံအလုပ်ရုံတွေကိုလဲလျှပ်စစ်မီးမပေးနိုင်လို့လုပ်ငန်းရှင်တွေလဲအခက်ကြုံနေရတယ်။မြို့ကြီးတွေမှာခံရတဲ့ဒုက္ခကပိုဆိုးတယ်။မြို့ထဲကတိုက်ခန်းကျဉ်းကျဉ်းလေးတွေဖြစ်တော့နွေရာသီမှာမီးမလာရင်ညဘက်တွေအရမ်းပူတယ်။အဲ့ဒီတော့အပြင်သစ်ပင်အောက်မှာလူငယ်လေးတွေသုံးလေးယောက်စုထိုင်ပြီဆိုရင်စစ်တပ်ကလာဆွဲသေးတယ်။ပီးရင်ရဲစခန်းမှာတယောက်သုံးလေးသိန်းနဲ့လာရွှေးခိုင်းတယ်။စစ်ကောင်စီဟာပြည်သူတွေကိုအဖက်ဖက်ကစိတ်ဖိစီးပြီးသေအောင်သတ်နေတာပဲ။ နွေရာသီဆိုရင်စစ်ကောင်စီဟာတနိုင်ငံလုံးကိုခွဲတမ်းနဲ့လျှပ်စစ်ဓာတ်အားကိုအလှည့်ကျပေးနေပြီးဒီနှစ်မှာအခြေအနေပိုဆိုးလာတယ်။အရင်အစိုးရအဆက်ဆက်ဘယ်တော့မှလျှပ်စစ်မီးမပြတ်ခဲ့တဲ့သူတို့ရုံးစိုက်ရာနေပြည်တော်ကိုတောင်အပြည့်မပေးနိုင်တော့ပဲအလှည့်ကျစနစ်ကိုကျင့်သုံးလာတယ်။တခြားဒေသတွေဆိုရင်ပြောဖို့တောင်မလိုတော့ဘူး။မီးတောင်မမြင်ရတဲ့နေရာတွေအများကြီးဖြစ်လာပြီ။

စစ်ကောင်စီလက်အောက်ခံရွှေးကောက်ပွဲကော်မရှင်ရဲ့ညွှန်ကြားရေးမှုးတစ်ဦးလမ်းမှာကားမောင်းနေရင်းနဲ့ပစ်သတ်ခံလိုက်ရတယ်။ထိုသူဟာဒေါ်အောင်ဆန်းစုကြည်ကိုအမှုဆင်ဖမ်းဆီးရာမှာစစ်ကောင်စီဘက်ကသက်သေအဖြစ်ပါဝင်ခဲ့သူတဦးပဲ။ သင်္ကြန်အပြီးကလဲသန်လျင်မှာလေတပ်ကအရာရှိတစ်ဦးအပစ်ခံရလို့သေဆုံးသွားတယ်။ဒီရက်ပိုင်းစစ်ကောင်စီရဲ့ဒေါက်တိုင်တွေခပ်စိတ်စိတ်ရှင်းလင်းခံနေရတယ်။စစ်ကောင်စီနဲ့ပေါင်းစားနေသူမှန်သမျှအသက်အန္တရာယ်အာမခံချက်မရှိဘူးဆိုတာပြသလိုက်တာပဲ။စစ်တပ်ကအားလုံးကိုလုံခြုံရေးလဲမပေးနိုင်ဘူးလေ။နေပြည်တော်အပြင်ဘက်ထွက်တာနဲ့ဘယ်နယ်မြေသွားသွားမလုံခြုံတဲ့စိတ်ခံစားချက်မျိုးသူတို့ဘက်လူတွေကိုတဖြည်းဖြည်းခံစားလာစေရမယ်။