အာဏာသိမ်း ဒိုင်ယာရီ

ဒီနေ့မနက်ရန်ကုန်ဆင်ခြေဖုံးရွှေပြည်သာမြို့နယ်ဘက်မဂ်လာဆောင်ရှိလို့သွားရတယ်။ဖြစ်ချင်တော့ကွန်ပျူတာတက္ကသိုလ်နားမှာဗုံးပေါက်ထားလို့အစစ်အဆေးတွေနဲ့တိုးတယ်။လမ်းမကြီးတစ်ခုလုံးပိတ်နေတဲ့အထိစစ်နေတာဆိုပြန်လှည့်လို့လဲမရဘူး။ကိုယ့်ကားကိုလဲသေချာစစ်ပြီးဟိုမေးဒီမေးလျောက်မေးတယ်။ကားထဲမှာဘာအထုတ်မှမပါသွားလို့တော်သေးတယ်။နောက်တစ်ခုကံကောင်းသွားတာကဖုန်းတွေယူမစစ်တာပဲ။ဖုန်းထဲကdataတွေတွေ့သွားရင်တစ်ခါထဲပါသွားလောက်တယ်။ရင်ခုန်စိတ်လှုပ်ရှားစရာအခိုက်အတန့်တစ်ခုပေါ့။ ရန်ကုန်မှာသွားလာရတာလဲမလွယ်ပါဘူး။အကြမ်းဖက်လက်ပါးစေတွေကနေရာတကာမှာစစ်ဆေးနေကြတော့ယာဉ်ကြောပိတ်ဆို့မှုတွေလဲရှိတယ်။အပြင်ထွက်ရင်ထွက်သလိုစိတ်ညစ်ညူးရတယ်။

မနေ့ကနှစ်သစ်ကူးနေ့မှာရန်ကုန်မြို့နေရာတော်တော်များများပေါက်ကွဲမှုတွေရော၊ပစ်ခတ်မှုတွေရောဖြစ်ပွားခဲ့တယ်။PDFတွေဖက်ကပျံလွှားအောင်စစ်ဆင်ရေးအတိုင်းအကောင်အထည်ဖော်တာဖြစ်ပြီးထိုစစ်ဆင်ရေးတွေထဲမှာအကြမ်းဆုံးဖြစ်သွားတာကမြောက်ဥက္ကလာရဲစခန်းကိုဝင်ရောက်ပစ်ခတ်မှုပဲ။တစ်နာရီကျော်ကြာပစ်ခတ်သံတွေကြားရပြီးဒုရဲအုပ်တယောက်သေဆုံးသွားတယ်။မနေ့ကထိုစစ်ဆင်ရေးတွေကြောင့်အကြမ်းဖက်လက်ပါးစေခြောက်ယောက်ခန့်သေဆုံးသွားတယ်။ဒါတောင်ရန်ကုန်ဟာကိုဇေယျာသော်တို့အဖွဲ့လိုက်ကြီးအဖမ်းခံခဲ့ရလို့အရှိန်လျော့သွားတာ။သူတို့သာဆက်ရှိနေမယ်ဆိုရင်စစ်ကောင်စီကထိန်းလို့ရမှာမဟုတ်တော့ဘူး။ အရင်နှစ်ကူးတွေမှာည၁၂နာရီထိုးရင် Happy New Year လို့အော်ကြပေမယ့်ဒီနှစ်တော့အရေးတော်ပုံအောင်ရမည်လို့တချို့ကအော်ကြတယ်။တချို့ကတော့မင်းအောင်လှိုင်ကိုဆဲဆိုပြီးဖြတ်သန်းကြတယ်။ကောင်းသောပြောင်းလဲခြင်းတွေဖြစ်ပေါ်လာဖို့မျှော်လင့်တယ်။

ဒီလိုအချိန်မျိုးဆိုတကမ္ဘာလုံးမှာပျော်ရွှင်စွာနှစ်သစ်ကူးကြပေမယ့်မြန်မာပြည်သူတွေကတော့ဒုက္ခတွင်းထဲမှာရုန်းကန်နေရဆဲပဲ။နယ်တွေမှာဆိုဗုံးသံ၊သေနတ်သံတွေကြားပြေးလွှားနေရပြီးစစ်ဘေးရှောင်တွေတိုးသထက်တိုးလာတယ်။လူလိုနားမလည်တဲ့အကြမ်းဖက်စစ်ခေါင်းဆောင်မင်းအောင်လှိုင်နဲ့အပေါင်းအပါတွေကြောင့်ပြည်သူတွေဟာရရာလက်နက်ဆွဲကိုင်ပြီးခုခံတော်လှန်နေကြရတယ်။မြို့ကြီးတွေမှာတော့နယ်တွေလောက်မဆိုးပေမယ့်စားဝတ်နေရေးအခက်အခဲပေါင်းစုံကိုရင်ဆိုင်ဖြေရှင်းနေကြရတယ်။၂၀၂၁ဟာမြန်မာပြည်သူတွေအတွက်ကောင်းသောနှစ်တစ်ခုမဖြစ်ခဲ့ဘူး။လာမယ့်၂၀၂၂မှာလဲမပြီးပြတ်သေးတဲ့တိုက်ပွဲကိုပန်းတိုင်ရောက်သည်အထိဆက်လက်တိုက်ပွဲဝင်ရလိမ့်မယ်။ဒီတော်လှန်ရေးကြီးမြန်မြန်ဆန်ဆန်အောင်ပွဲရမယ်ဆိုရင်တော့၂၀၂၂ဟာပျော်ရွှင်စရာကောင်းတဲ့နှစ်သစ်တစ်ခုဖြစ်လာမှာပါ။  

အခုတလောကမ္ဘာအနှံမှာပြန့်နှံနေတဲ့ကိုဗစ်မျိုးခွဲသစ်ကတော့မြန်မာပြည်ကိုရောက်ရှိလို့လာပါပြီ။ဘယ်အချိန်စတုထ္တလှိုင်းစဖြစ်မယ်ဆိုတာတော့မသိသေးဘူး။တတိယလှိုင်းတုန်းကကျောကော့အောင်ခံခဲ့ရတဲ့ပြည်သူတွေအတွက်ကတော့ပိုထူးပြီးရင်ခုန်စရာတော်မရှိတော့ပါဘူး။ဒီစစ်ကောင်စီလက်ထက်မှာတော့အားလုံးတန်းတူဒုက္ခရောက်ကြမှာပဲ။ဘာအလုပ်မှလဲလုပ်လို့ရမှာမဟုတ်ဘူး။ စစ်ကောင်စီဟာလူတန်းစားမရွှေးဘယ်လောက်တောင်ဒုက္ခပေးသလဲဆိုရင်သူကြောင့်ကုန်သည်တောင်ထမင်းငတ်နေကြပြီ။ပို့ကုန်လဲမရှိ၊သွင်းကုန်တွေကိုလဲဒေါ်လာတွေစီးထွက်မှာစိုးပြီးပိတ်ပင်ထားတော့လုပ်ရကိုင်ရကျပ်တည်းနေကြတယ်။မန္တလေးကျောက်ဝိုင်းမှာဆိုရင်သတ်မှတ်ထားတဲ့နေရာမှာအရောင်းအဝယ်မလုပ်လို့ဆိုပြီးကျောက်ကုန်သည်တွေအစုလိုက်လာရောက်ဖမ်းဆီးသွားတယ်။သတ်မှတ်ထားတဲ့ကျောက်ဝိုင်းမှာလဲပေါက်ကွဲမှုတွေမကြာခဏဖြစ်နေတော့ဘယ်သူမှဘယ်သူမှမသွားရဲကြဘူးလေ။လုံခြုံရေးလဲမပေးနိုင်ဘူး။ စစ်ကောင်စီလက်အောက်မှာတော့ဘယ်လူတန်းစားမဆိုအသက်ရှူမချောင်ဘူး။

မကြာသေးမှီကမတရားထောင်ဒဏ်ချမှတ်ခံလိုက်ရတဲ့မော်ဒယ်သရုပ်ဆောင်ပိုင်တံခွန်ဟာကမ္ဘာ့ရုပ်အချောဆုံးအမျိုးသားစာရင်းမှာနံပါတ်တစ်နေရာရသွားတယ်။သူဟာနိုင်ငံတကာထိပေါက်ရောက်မှုရှိတဲ့မော်ဒယ်တစ်ယောက်ဖြစ်တယ်။ပုံမှန်အချိန်မှာဆိုဒီသတင်းဟာမြန်မာပြည်သူတွေအတွက်ကျေနပ်အားရစရာကောင်းနိုင်ပေမယ့်ဒီလိုအချိန်မျိုးမှာတော့ဝမ်းသာဝမ်းနည်းဖြစ်ရတယ်။ဘာပဲဖြစ်ဖြစ်ကမ္ဘာကအာရုံစိုက်မှုတစ်ခုရသွားတာပေါ့။ မတရားဖမ်းဆီးအကျဉ်းချခံနေရသူတွေထဲမှာပရဟိတသမားဆရာမကြီးဒေါ်သန်းမြင့်အောင်လဲပါသွားတယ်။သူမဆိုရင်ဘာနိုင်ငံရေးကိစ္စမှလုပ်တာမဟုတ်ဘူး။ဒါပေမယ့်လဲအာဏာသိမ်းကတည်းကဖမ်းဆီးထားပြီးအခုအမိန့်ချလိုက်တယ်။စစ်ကောင်စီဟာသူကြည့်မရတဲ့သူအားလုံးကိုမတရားပုဒ်မအမျိုးမျိုးတပ်ပြီးထောင်ချနေတာကိုတွေ့ရတယ်။

စစ်သူပုန်တွေကျူးလွန်ခဲ့တဲ့ဖရူဆိုအစုလိုက်အပြုံလိုက်လူသတ်မှုမှာနိုင်ငံတကာNGOအဖွဲ့အစည်းတစ်ထုဖြစ်တဲ့Savethechildenကဝန်ထမ်းနှစ်ယောက်ပါသွားတယ်။အဆိုပါအဖွဲ့အစည်းကစာထုတ်ပြီးပြင်းပြင်းထန်ထန်ရှုံ့ချလိုက်တယ်။ထုံးစံအတိုင်းUNကလဲစာထုတ်ပါတယ်။UNသံအမတ်ကြီးသတ်ခံရတာတောင်စာပဲထုတ်နေဦးမှာပဲ။ ဒီရက်ပိုင်းမှာစစ်ကောင်စီဟာနာမည်ကြီးအနုပညာရှင်တွေနဲ့နိုင်ငံရေးလှုပ်ရှားသူတွေကိုဆက်တိုက်အမိန့်တွေချမှတ်နေတယ်။ကိုလူမင်း၊ပြေတီဦး၊ပိုင်တံခွန်စတဲ့အနုပညာရှင်တွေကိုထောင်ဒဏ်သုံးနှစ်စီချမှတ်လိုက်တယ်။သူတို့ဟာလဲအမေစုလိုပဲတော်လှန်ရေးကြီးအောင်မြင်မှလွှတ်မြောက်နိုင်မယ်။

ရန်ကုန်မြို့သိရိမင်္ဂလာစျေးကြီးမှာဗုံးပေါက်လို့စစ်သူပုန်တွေလုံခြုံရေးယူတယ်။သူတို့လုံခြုံရေးယူတဲ့ညမှာပဲဆိုင်ခန်းတွေဖောက်ထွင်းခံရပြီးစျေးသည်တွေရဲ့ငွေတော်တော်များများပါသွားတယ်။CCTV တွေပြန်ကြည့်တော့စစ်သူပုန်တွေကိုယ်တိုင်ဖောက်ထွင်းယူငင်နေကြတာတွေ့ရတယ်။ မန္တလေးစျေးချိုစျေးရုံကြီးမှာလဲစျေးမဖွင့်တဲ့ဆိုင်ခန်းတွေဟိုတလောကဖောက်ထွင်းခံရတယ်။တချို့မဖွင့်တဲ့ဆိုင်ခန်းတွေကိုလဲစည်ပင်ကစစ်သားတွေနဲ့ပေါင်းပြီးချိတ်ပိတ်သွားသေးတယ်။ အခုအခြေအနေကလုံခြုံရေးယူထားတဲ့သူတွေကိုယ်တိုင်ကခိုးယူလုယက်နေကြပြီ။ဒါကိုတားဆီးမယ့်သူမရှိပျော်ပျော်ကြီးကျူးလွန်နေကြတယ်။စစ်တပ်ဆိုတဲ့အဖွဲ့အစည်းဟာကြာလေလေအော်ဂလီဆန်ဖို့ကောင်းလာလေလေပဲ။

မနေ့ကဝမ်းနည်းစရာဖြစ်ရပ်တွေကြောင့်NUGကိုဝေဖန်သံတွေဆူညံလာတယ်။ကရင်ပြည်နယ်KNU တွေဖိတိုက်ခံနေရချိန်မှာNUGကဘာလုပ်နေလဲမေးကြတယ်။စစ်ကိုင်းတိုင်းကိုစစ်ကောင်စီကစစ်ဆင်ရေးတွေလုပ်တုန်းကလဲဒီလိုမျိုးဝေဖန်ကြဖူးတယ်။အဓိကကတော့NUGဟာPDFတွေကိုလက်နက်မတပ်ဆင်ပေးနိုင်လို့ပဲ။ NUGဟာသူ့လက်အောက်ကPDFတွေကိုတောင်မှအခုချိန်ထိလက်နက်မတပ်ဆင်နိုင်သေးဘူး။လေးကေကော်မှာတိုက်ပွဲတွေဖြစ်လာတော့PDFကလေးတွေဟာလက်ဗလာနဲ့မို့ဘာမှလုပ်မရပဲခံပြင်းနေကြတယ်။NUGသာဒီထက်အဆင်ပြေအောင်စွမ်းဆောင်နိုင်မယ်ဆိုရင်မနေ့ဖရူဆိုအဖြစ်ဆိုးမျိုးမကြုံတွေ့နိုင်ဘူးလို့လူထုကထင်ကြေးပေးကြတယ်။စစ်ကောင်စီကရက်စက်ယုတ်မာသမျှNUGအပေါ်ဒေါသတွေပုံကျလာကြတယ်။နောက်ဆုံးကာကွယ်ရေးဝန်ကြီးကိုယ်တိုင်ဆိုရှယ်မီဒီယာမှာထွက်ရှင်းရတော့တယ်။ NUGမှာလဲအခက်အခဲတွေတပုံတပင်ကြီးပဲ။ရှင်းရှင်းပြောရရင်ပြသာနာပေါင်းစုံကိုဖြေရှင်းဖို့အတွက်ငွေမရှိဘူး။အဓိကပြသာနာဖြစ်တဲ့လက်နက်တွေထောက်ပံပေးနိုင်ဖို့လုံလောက်တဲ့ဘဏ္ဌာရေးအရင်းအမြစ်တွေမရှိဘူး။ဆီးရီးယားတို့၊လစ်ဗျားတို့မှာနိုင်ငံကြီးတွေကအကုန်ထောက်ပံပေးကြပေမယ့်မြန်မာ့အရေးကြတော့လေကလွဲလို့ဘယ်နိုင်ငံမှဘာမှမထောက်ပံကြဘူး။NUGဟာနည်းလမ်းပေါင်းစုံနဲ့ငွေရှာနေရတယ်။တော်လှန်ရေးကာလတစ်နှစ်နီးပါးကြာလာတော့လူထုကလဲအားမလိုအားမရတွေဖြစ်လာတာသဘာဝပဲ။

ကမ္ဘာတဝန်းလုံးမှာ ခရစ်စမတ်နေ့အထိမ်းအမှတ်ပျော်ပွဲရွှင်ပွဲတွေပြုလုပ်နေကြပေမယ့် မြန်မာပြည် အတွက်တော့ ပျော်ရွှင်စရာတွေမရှိခဲ့ဘူး။ မနက်စောစောစီးစီးပဲ သတင်းဆိုးတွေ ဆက်တိုက်တက် လာတယ်။ ကယားပြည်နယ်ဖရူဆိုမြို့နယ်မှာ စစ်ဘေးရှောင်အရပ်သား ၃၁ ယောက်ကို စစ်သူပုန်တွေက အရှင်လတ်လတ်မီးရှို့သတ်ဖြတ်သွားတယ်။ သွားရောက်ဖြေရှင်းပေးတဲ့ နယ်ခြားစောင့်တပ်ဖွဲ့ဝင် လေးဦးကိုလည်း ခေါင်းကိုသေနတ်နဲ့တေ့ပစ်သွားတယ်။ ဓာတ်ပုံတွေနဲ့တကွတွေ့မြင်ရပေမယ့်...

မနေ့က စစ်သူပုန်တွေရဲ့လေကြောင်းတိုက်ခိုက်မှုတွေအကြောင်းရေးလို့ မဆုံးခင်မှာဘဲ ဒီနေ့လေးကေ့ ကော်မှာ စစ်တပ်ကလေယာဥ်တွေပါသုံးပြီး စတင်ဗုံးကြဲတိုက်ခိုက်လာတယ်။ ညဘက် ဖြစ်နေတဲ့ အတွက် အထိအခိုက်တွေတော့မသိရသေးဘူး။ KNU ကတော့စာထုတ်ပြီး NO FLY ZONE တောင်းထားတာပဲ။ ဒါပေမဲ့ အခုလောလောဆယ်မှာတော့မဖြစ်နိုင်သေးဘူး။ စစ်သူပုန်တွေဟာလေကြောင်းပစ်ကူတွေ၊...