အာဏာသိမ်း ဒိုင်ယာရီ

မနေ့က စစ်သူပုန်တွေရဲ့လေကြောင်းတိုက်ခိုက်မှုတွေအကြောင်းရေးလို့ မဆုံးခင်မှာဘဲ ဒီနေ့လေးကေ့ ကော်မှာ စစ်တပ်ကလေယာဥ်တွေပါသုံးပြီး စတင်ဗုံးကြဲတိုက်ခိုက်လာတယ်။ ညဘက် ဖြစ်နေတဲ့ အတွက် အထိအခိုက်တွေတော့မသိရသေးဘူး။ KNU ကတော့စာထုတ်ပြီး NO FLY ZONE တောင်းထားတာပဲ။ ဒါပေမဲ့ အခုလောလောဆယ်မှာတော့မဖြစ်နိုင်သေးဘူး။ စစ်သူပုန်တွေဟာလေကြောင်းပစ်ကူတွေ၊...

အကြမ်းဖက်စစ်သူပုန်တွေဟာ အခုနောက်ပိုင်းတိုက်ပွဲတွေမှာ လေကြောင်းပစ်ကူတွေကို လှိုင်လှိုင်ကြီးသုံးလာတယ်။ အထူးသဖြင့်စစ်ကိုင်းတိုင်းကဒီပဲယင်း၊ ကနီ၊ ကလေး စတဲ့ဒေသတွေကPDF တပ်ဖွဲ့တွေကို  တိုက်ခိုက်ရာမှာရဟတ်ယာဥ်တွေသုံးလာတယ်။ လက်နက်တောင်အပြည့်အစုံမရှိသေးတဲ့ ပြည်သူ့ပျောက်ကျားတပ်ဖွဲ့တွေကိုရဟတ်ယာဥ်သုံးပြီးတိုက်ရတယ်ဆိုတာ အတော်ရှက်ဖို့ကောင်းနေပြီ။ စစ်သူပုန်တွေရဲ့ မြေပြင်တွေအခြေအနေမကောင်းတော့တဲ့သဘောပဲ။ စစ်တပ်ထဲမှာလည်း လေကြောင်း ပစ်ကူ မပေးနိုင်ရင်စစ်ကြောင်းထွက်ဖို့ငြင်းဆန်နေတဲ့သတင်းတွေကြားရတယ်။ ရဟတ်ယာဥ်တွေ...

အမေရိကန်ရဲ့ တစ်နှစ်တာကာကွယ်ရေးဘက်ဂျက်မှာ မြန်မာအတွက်ခေါင်းစဉ်တစ်ခုပါလာတယ်။ အမေရိကန်အနေနဲ့မြန်မာ့အရေးကိုဒီထက်ပိုအားစိုက်တော့မယ့်သဘောရှိတယ်။ အခုလောလောဆယ် တော့ ပြည်တွင်းအားနဲ့ပဲရုန်းကန်နေရတယ်။ ပြည်တွင်းမှာလည်း အခြေအနေ သိပ်ကောင်းလှ တာမဟုတ်ဘူး။ ပြည်သူတွေရဲ့တောင့်ခံနိုင်စွမ်းကကုန်သလောက်ဖြစ်နေပြီ။ တော်လှန်ရေးကာလ ကြာရှည် လာတာနဲ့အမျှအကုန်ပမ်းပြီးကျလာကြမယ်။ ရေနံနဲ့သဘာဝဓာတ်ငွေ့ကနေ တောက်လျှောက် ဒေါ်လာတွေရနေတဲ့ စစ်ကောင်စီကတော့အဲ့ဒီငွေတွေပုံ အောသုံးပြီးပြည်သူကိုဖိနှိပ်နေဦးမှာပဲ။...

ရန်ကုန်နဲ့မန္တလေးလိုမြို့ကြီးတွေမှာဒုစရိုက်မှုတွေသိသိသာပိုများလာတယ်။ ရန်ကုန်မှာဆို လိုင်းကားတွေ ပေါ်မှာ ခါးပိုက်နှိုက်တွေပေါလာတယ်။ ဆင်ခြေဖုံးမြို့နယ်တွေမှာဆိုင်ကယ်နဲ့ဖုန်း၊ ပိုက်ဆံအိတ်စတဲ့ ပစ္စည်းတွေ ကိုလှည်ပတ်လုယူမှု တွေရှိလာတယ်။ ဆိတ်ငြိမ်ရပ်ကွက်တွေမှာတော့ လူအလစ်မှာခြံထဲ ထိဝင်ပြီးဆိုင်ကယ်၊စက်ဘီးခိုးယူမှုတွေပေါများလာတယ်။ မန္တလေးမှာဆိုပိုဆိုးတယ်။ အုပ်စုဖွဲ့ဓားနဲ့ထောက်ပြီး ဆိုင်ကယ်လုယူမှုတွေဆက်တိုက်ဖြစ်နေတယ်။ ရဲသွားတိုင်လည်း အရေးယူမှုမရှိဘူး။ နယ်မြေခံရဲတွေကိုယ်တိုင်နယ်မြေထဲ မဆင်းရဲတော့ဘူး။...

မနေ့ကလေးကေကော်ဒေသတိုက်ပွဲတွေမှာစစ်ကောင်စီဘက်ကငါးဆယ်ကျော်သေဆုံးသွားတယ်။သူတို့အကျအဆုံးများလို့စစ်ဘေးရှောင်စခန်းတွေကိုလက်နက်ကြီးတွေနဲ့ပစ်တာလို့ပြန်သိရတယ်။နယ်စပ်မျဉ်းကိုကျော်ပြီးထိုင်းနိုင်ငံဘက်ကိုတောင်ကျကုန်လို့ထိုင်းစစ်တပ်ကသတိပေးတဲ့အနေနဲ့ပြန်လည်ပစ်ခတ်ထားတယ်လို့ကြားတယ်။ထိုဒေသမှာပြည်မကCDMတွေနိုင်ငံရေးခိုလှုံသူတွေအတော်များများရှိကြတယ်။သူတို့လဲအခုတိုက်ပွဲတွေဖြစ်တော့ထပ်ပြေးနေရတာပေါ့။ မနေ့ကတစ်ရက်ထဲမှာပဲရှမ်းပြည်နယ်မြောက်ပိုင်းမုံးကိုးဒေသကစစ်ကောင်စီနဲ့MNDAAတိုက်ပွဲတွေအပြင်အထန်ဖြစ်ပြီးစစ်ကောင်စီတပ်သားတစ်ရာကျော်သေဆုံးသွားတယ်လို့MNDAAကသတင်းထုတ်ပြန်တယ်။တပ်ရင်းငါးခုပေါင်းပြီးကြည်းကြောင်း၊လေကြောင်းကပါတိုက်ခိုက်ခဲ့ပေမယ့်MNDAAစခန်းကိုမသိမ်းနိုင်ပဲတပ်လန်ကျခဲ့ရတယ်။ဒီရက်ပိုင်းတနိုင်ငံလုံးမှာစစ်ကောင်စီဘက်ကအကျအဆုံးများနေပေမယ့်လဲစစ်ခေါင်းဆောင်တွေကတော့ဂရုစိုက်မယ့်ပုံမပေါ်ဘူး။အင်အားတွေထပ်ဖြည့်ပြီးပြည်သူကိုတိုက်ခိုက်ဖို့လုံးပန်းနေဦးမှာပဲ။  

ကရင်ပြည်နယ်၊လေးကေကော်ဒေသမှာစစ်ကောင်စီတပ်တွေနဲ့KNUတပ်တွေလေးရက်ဆက်တိုက်ပွဲတွေဖြစ်ပွားနေပြီးဒီနေ့မှာအပြင်းထန်ဆုံးအခြေအနေဖြစ်လာပါတယ်။လေးကေကော်မြို့သစ်ကိုKNUကပြန်လည်ထိန်းချုပ်ထားပြီးစစ်တပ်ကစစ်ကြောင်းတွေဆက်တိုက်ထိုးနေပါတယ်။စစ်တပ်ကလက်နက်ကြီးတွေအလွန်အကျွံသုံးနေပြီးစစ်ဘေးရှောင်စခန်းတွေကိုပါပစ်ခတ်နေပါတယ်။ဘယ်လောက်တောင်မိုက်ရိုင်းသလဲဆိုရင်တိုက်ပွဲတွေကလေးကေကော်မြောက်ပိုင်းမှာသာရှိနေပြီးဘာမှမဆိုင်တဲ့တောင်ပိုင်းကစစ်ရှောင်စခန်းတွေကိုရည်ရွယ်ချက်ရှိရှိလက်နက်ကြီးနဲ့ပစ်ခတ်နေတာပါ။မူလစခန်းတွေမှာမလုံခြုံတော့တဲ့ဒေသခံတွေဟာသောင်ရင်းမြစ်ကိုကူးဖြတ်ပြီးထိုင်းနိုင်ငံဖက်ဝင်ရောက်ခိုလှုံနေရတယ်။စစ်ဘေးရှောင်စုစုပေါင်းဟာလဲတစ်သောင်းကျော်ရှိလာပြီ။စစ်ကောင်စီကစစ်ကူတပ်တွေစေလွတ်နေတာကြောင့်ကရင်ပြည်နယ်တစ်ခုလုံးစစ်ရေးတင်းမာနေပါတယ်။

မန္တလေးမြို့ကမြို့ပြပျောက်ကြားတပ်ဖွဲ့ဝင်တွေဒီလထဲမှာပဲတစ်ရာကျော်အဖမ်းခံလိုက်ရတယ်။ပြီးခဲ့တဲ့လကရန်ကုန်မှာအတော်များများအဖမ်းခံလိုက်ရပြီးနောက်အခုမန္တလေးအလှည့်ရောက်လာတာပဲ။ မြို့ပေါ်ကUGတွေရဲ့ဘဝဟာအတော်ခက်ခဲကြမ်းတမ်းတယ်။စစ်ကောင်စီရဲ့နည်းလမ်းမျိုးစုံနဲ့အနံ့ခံမှုကြောင့်နေရေးစားရေးကအစအတော်သတိထားရတယ်။ဒါတောင်ဘာမစ်ရှင်မှမဖော်ဆောင်ရသေးတဲ့အခြေအနေတစ်ခုကိုရေးပြတာ။မစ်ရှင်တစ်ခုဖော်ဆောင်ဖို့ဆိုတာလဲအရင်းအနှီးကြီးလွန်းပြီးအသက်ပါပေးလုပ်ဆောင်ရတာပဲ။ပစ္စည်းနဲ့ငွေကြေးအင်အားချို့တဲ့တာလဲပါတာပေါ့။ဒါတောင်ရန်ကုန်ရောမန္တလေးမှာပါUGတွေဟာလှုပ်ရှားမှုတွေအတော်များများလုပ်ခဲ့ကြတယ်။တချို့UGတွေကမစ်ရှင်တွေကြောင့်အဖမ်းခံရတယ်။တချို့တွေကတော့ဒလန်တွေကြောင့်အဖမ်းခံရတယ်။အခုအခြေအနေအတိုင်းဆိုလုံးပါးပါးကုန်ကြပြီ။ပြန်တည်ဆောက်ဖို့အချိန်တစ်ခုယူရဦးမယ်။

ဒေါ်အောင်ဆန်းစုကြည်ဆက်လက်ရင်ဆိုင်နေရတဲ့အမှုတွေရဲ့ရုံးချိန်းတွေမှာသူမကိုထောင်ပုံစံအဝတ်အစားနဲ့ရုံးထုတ်လာတယ်လို့သိရတယ်။မင်းအောင်လှိုင်ရဲ့ယုတ်မာမှုကကန်းကုန်နေပြီ။ပြည်သူချစ်တဲ့ခေါင်းဆောင်တစ်ယောက်ကိုသူ့ဆရာတွေဖြစ်တဲ့ဗိုလ်သန်းရွှေတို့၊ဗိုလ်ခင်ညွှန့်တို့တောင်ဒီလောက်ထိမလုပ်ရဲကြဘူး။မင်းအောင်လှိုင်ဟာမျက်ကန်းတစ္ဆေမကြောက်ဖြစ်နေပြီ။ဒီစစ်ခေါင်းဆောင်ကိုလဲအာဂျင်တီးနားတရားရုံးမှာရိုဟင်ဂျာအမှုတွေနဲ့တရားစွဲထားပြီ။သက်သေအထောက်အထားခိုင်လုံပီဆိုရင်နိုင်ငံအပြင်ထွက်တာနဲ့ဖမ်းလို့ရပြီ။စစ်ခေါင်းဆောင်မင်းအောင်လှိုင်နဲ့အပေါင်းအပါတွေအတွက်ကြိုးစင်ဟာတဖြည်းဖြည်းနဲ့နီးလာပါပြီ။

မနေ့ကအခြေအနေတွေတင်းမာနေတဲ့လေးကေကော်မြို့သစ်မှာဒီနေ့တိုက်ပွဲတွေစဖြစ်နေပြီ။စစ်ကောင်စီတပ်တွေမြို့ထဲကထွက်မရပဲပိတ်မိနေကြတယ်။သူတို့ထွက်နိုင်ဖို့အတွက်စစ်တပ်ကလက်နက်ကြီးတွေလှိုင်လှိုင်သုံးနေတယ်။နယ်စပ်နဲ့အရမ်းကပ်နေလို့ထိုင်းနိုင်ငံဘက်ကိုလက်နက်ကြီးကျည်တွေကျကုန်တယ်။စစ်ကူလာတဲ့စစ်ကောင်စီတပ်တွေလဲကြားဖြတ်တိုက်ခိုက်ခံရလို့အထိနာနေတယ်။ ဒေသခံပြည်သူတွေလဲနေ့ချင်းညချင်းပြေးလွှားနေရပြီ။စစ်ဘေးရှောင်အရေအတွက်ဟာ၂၄နာရီအတွင်းသုံးထောင်ကျော်သွားပြီ။တစ်ထောင်ကျော်လောက်ကတော့ထိုင်းဘက်ထွက်ပြေးကြတယ်။ဆောင်းတွင်းကြီးမှာအဝတ်တထည်ကိုယ်တစ်ခုနဲ့ပြေးရတဲ့အတွက်စားဝတ်နေရေးဒုက္ခရောက်နေကြတယ်။စစ်ပွဲကအခုမှစတာဆိုတော့ကြာဦးမယ့်သဘောပဲ။စစ်ရှောင်တွေအတွက်အရေးပေါ်အကူအညီတွေလိုအပ်နေပြီ။

ကရင်ပြည်နယ်KNUထိန်းချုပ်မှုအောက်မှာရှိတဲ့လေးကေကော်မြို့သစ်ကိုစစ်ကောင်စီကရုတ်တရက်ဝင်ရောက်စီးနင်းတယ်။မြို့လေးထဲမှာခိုလှုံနေတဲ့လွှတ်တော်အမတ်တွေ၊CDMဝန်ထမ်းတွေအပါအဝင်၃၀ယောက်ကျော်ဖမ်းဆီးသွားတယ်။ထိုမြို့သစ်ဟာKNUထိန်းချုပ်မှုအောက်မှာရှိတဲ့အတွက်ကရင်တပ်တွေကမြို့ကိုပြန်ဝိုင်းထားတယ်။စစ်ကောင်စီတပ်တွေကလဲနောက်ဆုတ်မယ့်ပုံမရှိပဲနောက်ရက်တွေမှာတအိမ်ဆင်းတအိမ်တက်ဆက်လက်ရှာဖွေမယ့်ပုံရှိလို့အခုလောလောဆယ်စစ်ရေးတင်းမာမှုတွေဖြစ်နေတယ်။မြို့ခံတွေလဲစစ်ရှောင်ကုန်ကြပြီ။ရှေ့ဆက်ဘာတွေဖြစ်လာမလဲဆိုတာစောင့်ကြည့်ရမှာပေါ့။ ပွဲကြီးတပွဲကတော့ဖြစ်လာတော့မယ်ထင်တယ်။