အာဏာသိမ်း ဒိုင်ယာရီ

ရန်ကုန်မြို့လည်ကောင်က ဘားလမ်းမှတ်တိုင်မှဗုံးပေါက်ကွဲလို့ ကားစောင့်နေတဲ့လူတွေထဲကတစ်ဦးသေဆုံးပြီး ဆယ်ဦးခန့်ဒဏ်ရာရရှိသွားတယ်။ အပြစ်မဲ့ပြည်သူတွေကိုစတေးပြီး PDF တွေကိုအပြစ်ဖို့မယ့် စစ်ကောင်စီရဲ့အကြံဆိုးပဲ။ ဒီလိုမျိုးလူစည်ကားရာမြို့လည်ကောင်မှာဘာမှမဆိုင်တဲ့ပြည်သူတွေကိုထိခိုက်အောင်လုပ်တာကတော့အတော်မိုက်ရိုင်းလွန်းတယ်။ အရင်စစ်အစိုးရခေတ်တုန်းကစျေးဝယ်စင်တာတွေမှာ ဗုံးထောင်သလိုမျိုးပေါ့။ အဲ့တုန်းကလည်းမဆိုင်တဲ့သူတွေကိုထိုးချထောင်ချခဲ့တယ်။ ပြည်သူကိုထိခိုက်အောင်လုပ်တဲ့အမှုမှန်သမျှစစ်တပ်ကလုပ်တယ်ဆိုတာဒီချိန်မှာလူတိုင်းသိကုန်ကြပြီ။

ရှမ်းကယားနယ်စပ်ဖယ်ခုံနဲ့လွှိုင်ကော်မှာ UNHCR နဲ့ WFP တို့ပေါင်းပြီးစစ်ဘေးရှောင်တွေကိုဆန်အိတ်တွေဝေတယ်။ ဒါပေမယ့် ထိုနယ်တွေက တကယ့်စစ်ဘေးရှောင်ဒေသတွေမဟုတ်သေးဘူး။ တောထဲတောင်ထဲမှာအများကြီးကျန်သေးတယ်။ ထိုနေရာတွေအထိသွားဖို့ကျတော့စစ်ကောင်စီကခွင့်မပြုဘူး။ UN အောက်ကအဖွဲ့အစည်းတွေဟာစစ်ကောင်စီအလိုကျလိုက်လုပ်ပေးနေရတယ်။ အာဆီယံကပေးမယ့် စစ်ကောင်စီမှတဆင့်သွားဖို့ဆောက်ရွက်နေတယ်။ ဒါဆိုရင်တော့လာသမျှအကူအညီတွေဟာတကယ်လိုအပ်တဲ့နေရာကိုမရောက်ပဲစစ်ကောင်စီအိတ်ထဲပဲရောက်သွားလိမ့်မယ်။ နာဂစ်မုန်တိုင်းတုန်းကထင်ရှားတဲ့သာဓကတွေရှိခဲ့တာပဲလေ။

NUCC မှာ NLD ပါတီမပါတော့ဘူးလို့သတင်းတွေထွက်လာတယ်။ မီဒီယာတွေကမေးမြန်းစုံစမ်းတော့ တကယ်လည်း NUCC မှာ NLD ကကိုယ်စားပြုကိုယ်စားလှယ်မခန့်အပ်ထားဘူး။ CRPH က NLD ကိုယ်စားလှယ်တွေနဲ့ ရောချထားတယ်။ တကယ်က NLD လိုဝါရင့်ပါတီကြီးမျိုးက NUCC မှာပါကိုပါသင့်တယ်။...

ဘွန်းက အခုဆိုရင်အသံပျောက်နေပြီ။မင်းအောင်လှိုင်အိမ်ရောင်းတာက ဒေါ်လာ ၆ သန်း ပြည့်ပြီလို့ကြေညာပြီးနောက်ဘယ်လောက်ထိဆက်ရောင်းနေရလဲ ၅ ရက်ကျော်တဲ့အထိထပ်မသိရသေးဘူး။ဒီကြားထဲ C2D ကဝင်ငွေကျလာတယ်။ တော်လှန်ရေးရဲ့ တကယ့်စိုးရိမ်ရေမှတ်ကငွေကြေးဟာလည်း အဓိကအချက်ထဲမှာတချက်အနေနဲ့ ပါလိမ့်မယ်။ငွေကုန်ကြေးကျတအားများတဲ့ လက်နက်ကိုင်တော်လှန်ရေးမှာ ငွေကြေးလိုအပ်ချက်တွေအရနည်းလာတာ ပြသာနာကြီးတယ်။ဘွန်းရောင်းချမူနဲ့ EOD ရောင်းချမူပုံစံတွေပြန်လည်သုံးသပ်ဖို့လိုမယ်။ NUG...

နိုင်ငံခြားကတင်သွင်းရတဲ့စက်သုံးဆီတွေကိုခွဲတမ်းနဲ့ရောင်းချတော့မယ်လို့စစ်ကောင်စီကကြေငြာလိုက်ပြီ။သူတို့ဘယ်လိုပဲဆီလုံလုံလောက်ရှိတယ်ပြောပါစေအခုတော့ဝန်ခံလိုက်ရပြီ။ဆီဆိုင်တွေမှာလဲကားတွေပြန်တန်းစီနေရပြီ။ဆိုင်ကြီးတွေလောက်ပဲဆီခွဲတမ်းရပြီးလက်လီရောင်းတဲ့ဆိုင်တော်တော်များများပိတ်လိုက်ကြတယ်။ဆိုင်ကြီးတွေမှာတောင်ဓာတ်ဆီလိုသလောက်မရတော့ဘူး။နယ်မြို့တွေမှာအခြေအနေပိုဆိုးတယ်။စစ်ကောင်စီဟာဒေါ်လာကိုလိုသလောက်ထုတ်မပေးတဲ့အတွက်ဆိပ်ကမ်းမှာဆီတွေရှိပေမယ့်ထုတ်မရဖြစ်နေတာပါ။ဒီပုံစံအတိုင်းရှေရှည်ဆက်သွားမယ်ဆိုရင်ဆီဈေးဟာလဲအတက်ပဲရှိမယ်။

မိတ္ထီလာမှာသမီးရည်းစားနှစ်ယောက်ချိန်းတွေ့ရင်းလုယက်ခံရလို့ကောင်လေးကလက်တဖက်ပြတ်သွားတယ်။မန္တလေးမှာလဲထိုနည်းတူဆိုင်ကယ်ကိုဓားနဲ့လုယက်တာကြောင့်တယောက်အသက်ပေးလိုက်ရတယ်။ရန်ကုန်အင်းစိန်မှာတော့လမ်းမလယ်ခေါင်မှာကောင်မလေးတယောက်ကိုအုပ်စုဖွဲ့ရမ်းကားနေတာကြောင့်ရပ်ကွက်ကဝိုင်းဖမ်းပေးရတယ်။မိတ္ထီလာဆိုတာစစ်တပ်မြို့၊မန္တလေးကဖြစ်ရပ်ကလဲရဲစခန်းနားမှာြဖစ်သွားတာ၊ရန်ကုန်မှာတော့ဝိုင်းဖမ်းပေးသူတချို့ထိခိုက်ဒဏ်ရာရကုန်တယ်။အရင်ကလုယက်မှုလောက်ပဲကျူးလွန်ကြတာ၊အခုကထိခိုက်ဒဏ်ရာရမှုတွေ၊လူသေဆုံးမှုတွေပါြဖစ်လာပြီ။မလုံခြုံမှုတွေဟာတနိုင်ငံလုံးနေရာအနှံအပြားမှာဖြစ်နေပြီ။

စစ်သူပုန်တွေကျေးရွာတွေမီးရှို့တာမှာ PDF တွေကို ထောက်ပံ့ခြင်း ၊ PDF မိသားစုဝင်များ နေထိုင်ခြင်းစတဲ့ အချက်တွေနဲ့ လုံးဝမသက်ဆိုင်ပါဘူး ။ဒါဖြင့် ဘာလို့ ရှို့လည်းဆိုရင် စစ်ဘေးရှောင်တွေ များလာစေရန် ရည်ရွယ်ပြီး ရှို့တာပါ ။ကြုံတဲ့နေရာ ကြုံသလိုရှို့ပါတယ် ။...

တော်လှန်ရေးအဖွဲ့တွေအတွက်ရန်ပုံငွေရှာပေးနေတဲ့Applicationတွေရဲ့ငွေရနှုန်းဟာပြီးခဲ့တဲ့လကစပြီးထိုးကျနေတယ်။အရင်တရက်ကိုသိန်းနှစ်ရာကျော်ရနေရာမှအခုဆိုသိန်းတစ်ရာဝန်းကျင်သာရရှိတော့တယ်။ထိုapplicationတွေဟာအရင်ကအမြင့်ဆုံးတရက်ကိုသိန်း၅၅၀အထိရဖူးခဲ့တာပါ။အခုတော့အသုံးပြုငွေရှာပေးသူတွေအတော်နည်းကုန်ပြီ။တနိုင်ငံလုံးမှာလူဦးရေနှစ်သောင်းကျော်သာသုံးတော့တယ်လို့သိရတယ်။Applicationတွေတစ်ခုမကအများကြီးရှိနေပြီးအကုန်လုံးထိုးကျနေတာပါ။လူတွေကနိုင်သာနိုင်ချင်ကြတယ်၊ဘာအားစိုက်ထုတ်မှုမှမလုပ်ချင်ကြဘူး။တဖြေးဖြေးနဲ့သွေးအေးလာကြပြီ။ရန်ပုံငွေအလုံအလောက်မရရင်တကယ်တိုက်နေတဲ့သူတွေအတွက်အများကြီးခက်ခဲလာလိမ့်မယ်။

စပါးစိုက်ပျိုးဖို့ အဓိကအရေးပါသည့် ဒီဇယ်နှင့် ဓာတ်မြေသြဇာဈေးနှုန်းများ အလွန်အမင်း မြင့်တက်နေမှုကြောင့် ဧရာဝတီတိုင်းမှ လယ်သမားတွေ မိုးစပါးစိုက်ပျိုးနိုင်ခြင်းတော့ဘူး။ လယ်သမားများစပါးစိုက်ပျိုးရာမှာ လယ်ယာသုံးစက်ပစ္စည်းများ မောင်းနှင်ရန် ဒီဇယ်ကို အဓိက အသုံးပြုပြီး စပါးအထွက်တိုးရန် ယူရီးယား၊ တီစူပါအစရှိသည့် ဓာတ်မြေသြဇာများ၊ ပေါင်းသတ်ဆေး၊...

ရန်ကုန်တောင်ပိုင်းသန်လျင်မြို့နယ်မှာဆိုင်ကယ်လုံးဝမစီးရအမိန့်စစ်ကောင်စီကထုတ်လိုက်တယ်။သန်လျင်၊သုံးခွ၊ခရမ်းမြို့တွေမှာစစ်ကောင်စီဒေါက်တိုင်တွေခပ်စိတ်စိတ်တိုက်ခိုက်ခံရပြီးနောက်ကြောက်လန့်ပြီး ဒီအမိန့်ထွက်လာတာပဲ။ သန်လျင်ဆိုတာရန်ကုန်တိုင်းရဲ့နယ်မြို့လေးတစ်ခုပဲ။ဆိုင်ကယ်လဲတရားဝင်စီးခွင့်ရှိတယ်။ဒီလိုမတရားအမိန့်တွေထုတ်နေတော့မြို့ခံတွေဒုက္ခရောက်ကုန်တယ်။သီလဝါအထူးစီးပွားရေးဇုန်ကဝန်ထမ်းတွေဆိုဆိုင်ကယ်ကိုပဲအားပြုရတာ။အခုကလိုင်စင်ရှိရှိမရှိလမ်းပေါ်တက်သမျှဆိုင်ကယ်တွေအကုန်ဖမ်းနေတော့ဒီရက်ပိုင်းကိုယ့်ဆိုင်ကယ်ကိုခိုးကြောင်ခိုးဝှက်စီးနေကြရတယ်။စစ်ကောင်စီဟာပြည်သူကိုအမျိုးမျိုးဒုက္ခပေးလျက်ပဲ။