စစ်ကောင်စီတပ်မှစစ်ထောက်ချုပ်လိုက်ပါလာတဲ့စစ်ယာဉ်တန်းကိုတော်လှန်ရေးအဖွဲ့တွေရန်ကုန်-မန္တလေးအမြန်လမ်းပေါ်မှာမိုင်းဆွဲတိုက်ခိုက်နိုင်ခဲ့တယ်။ထိုယာဉ်တန်းမှာစစ်ထောက်ချုပ်လိုက်ပါလာမယ်လို့ကြိုတင်သတင်းရရှိခဲ့တာပါ။မိုင်းဆွဲတိုက်ခိုက်မှုကြောင်းယာဉ်နှစ်စီးလုံးဝပျက်စီးသွားပြီးစစ်ကောင်စီဘက်ကထိခိုက်မှုတော့မသိရသေးပါဘူး။
ဒီလတစ်ရက်နေ့ကအမြန်လမ်းပေါ်မှာစစ်ကောင်စီကိုတိုက်ခိုက်မှုတွေစတင်တော့မယ်လို့ကြေငြာပြီးနောက်ပိုင်းအပြောမဟုတ်အလုပ်နဲ့သက်သေပြသွားတာပဲ။အမြန်လမ်းပေါ်မှာများများတိုက်ခိုက်နိုင်လေစစ်ကောင်စီတပ်တွေအတွက်နယ်မြေကျဉ်းလာလေလေဖြစ်လာတော့မယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။