Military Coup Myanmar

တော်လှန်ရေးအင်အားစုတွေသိမ်းပိုက်ထားတဲ့စစ်ကိုင်းတိုင်းခမ်းပတ်မြို့ကိုပြန်လည်သိမ်းယူဖို့စစ်ကြောင်းထိုးလာတဲ့စစ်ကောင်စီတပ်ဟာအရေးမလှဖြစ်ပြီးပြန်လည်ဆုတ်ခွာသွားရတယ်။စစ်ကောင်စီတပ်တွေဟာပြီးခဲ့တဲ့အပတ်ထဲကအင်အား၂၀၀ခန့်နဲ့ခမ်းပတ်မြို့ကိုပြန်လည်ရယူဖို့ကြိုးစားခဲ့တယ်။ဒီရက်တွေအတွင်းမှာခမ်းပတ်မြို့တဝိုက်တိုက်ပွဲတွေပြင်းထန်ခဲ့ပြီးစစ်သူပုန်တွေဟာမြို့အနားရှိမိဘမဲ့ကလေးကျောင်းကကလေးတွေကိုလူသားဒိုင်းအဖြစ်ဖမ်းဆီးထားလို့တော်လှန်ရေးတပ်ဖွဲ့တွေကကယ်ထုတ်ပေးခဲ့ရသေးတယ်။နောက်ဆုံးမှာတော့တော်လှန်ရေးအဖွဲ့တွေကအောင်မြင်စွာခုခံနိုင်ခဲ့ပြီးစစ်သူပုန်တွေအကျအဆုံးများစွာနဲ့ပြန်လည်ဆုတ်ခွာသွားရတယ်။စစ်ကောင်စီဟာနိုင်ငံတဝန်းမှာသူတို့ဆုံးရှုံးသွားတဲ့မြို့တွေကိုပြန်လည်သိမ်းယူဖို့ခုချိန်ထိထိရောက်ရောက်လုပ်ဆောင်နိုင်ခြင်းမရှိသေးပါဘူး။ရှမ်းမြောက်ကမြို့တွေကိုအသာထားလို့စစ်ကိုင်းတိုင်းထဲကခမ်းပတ်လို့မြို့သေးသေးလေးကိုတောင်မှပြန်လည်သိမ်းယူနိုင်စွမ်းမရှိသေးပါဘူး။တော်လှန်ရေးအဖွဲ့တွေကိုထိုးစစ်ပြန်ဆင်နိုင်ဖို့ထပ်နောက်ထပ်မြို့တွေမပါသွားအောင်ခုခံနေရတဲ့အနေအထားပါ။ ရှမ်းမြောက်မှာလဲမူဆယ်၁၀၅မိုင်စခန်းနားကစစ်တပ်ရဲ့အခိုင်အမာဗျူဟာကုန်းစခန်းကိုမြောက်ပိုင်းမဟာမိတ်အဖွဲ့တွေသိမ်းပိုက်နိုင်လိုက်တယ်။ဒါကြောင့်တရုတ်နယ်စပ်အကြီးမှာဆုံးကုန်သွယ်ရေးဇုန်ကိုမြောက်ပိုင်းမဟာမိတ်အဖွဲ့တွေထိန်းချုပ်နိုင်လိုက်ပါပြီ။စစ်ကောင်စီတပ်တွေကတော့မူဆယ်မြို့ထဲဆုတ်ခွာသွားပြီးမြို့ထဲကနေခုခံဖို့ပြင်ဆင်နေတယ်လို့သိရတယ်။မနေ့ကပြောခဲ့သလိုပဲထိုဗျုဟာကုန်းစခန်းကိုရရှိလိုက်တဲ့အတွက်မူဆယ်မြို့ကိုဆက်လက်တိုက်ခိုက်သိမ်းပိုက်ဖို့ပိုမိုလွယ်ကူသွားပါပြီ။

ရှမ်းပြည်နယ်မြောက်ပိုင်းနမ့်ဆန်မြို့ကိုတအာင်းတပ်မတော်(TNLA)ကတိုက်ခိုက်သိမ်းပိုက်နိုင်ပြီဖြစ်ကြောင်း TNLA ခေါင်းဆောင် တစ်ဦးကအတည်ပြုလိုက်ပါပြီ။TNLA အနေဖြင့် နမ့်ဆန်မြို့သိမ်းတိုက်ပွဲကို ဒီဇင်ဘာ ၁၀ရက်မှစတင်ခဲ့ရာတစ်ပတ်ခန့်အကြာတွင်မြို့ကိုအလုံးစုံထိန်းချုပ်သိမ်းပိုက်နိုင်ခဲ့ခြင်းဖြစ်တယ်။စစ်တပ်ကတော့အခုချိန်ထိ လေကြောင်းကနေ လိုက်ပစ်နေပါတယ်။ဒီဇင်ဘာ ၁၀ရက်မှစ၍ နမ့်ဆန်မြို့နယ် နမ့်ခေးရွာအနီး ကဒိုင်းဖူးတောင်တပ်စခန်းကို TNLAက စတင်သိမ်းပိုက်ခဲ့ပြီး ဒီဇင်ဘာ ၁၁ရက်တွင် နမ့်ဆန်ရဲစခန်း၊ နမ့်ဆန်...

ရခိုင်ပြည်နယ်မှာလဲသတင်းတွေမထုတ်ပြန်ပေမယ့်အေအေတပ်တော်နဲ့စစ်တပ်တို့တိုက်ပွဲတွေပြင်းထန်စွာဖြစ်ပွားနေတယ်။တိုက်ပွဲတွေအကြောင်းပြောရရင်ရှမ်းမြောက်မှာ၁၀၂၇စစ်ဆင်ရေးစတင်ပြီးမကြာမီမှာပဲအေအေကရခိုင်မှာတိုက်စစ်ပြန်ဖွင့်ခဲ့တယ်။ရခိုင်မှာတိုက်ပွဲတွေပြန်ဖြစ်ပြီးရက်ပိုင်းမှာပဲအေအေကစစ်ကောင်စီတပ်စခန်းလေးဆယ်ကျော်ကိုသိမ်းပိုက်လိုက်နိုင်တယ်။အဲ့ဒီနောက်အေအေကရခိုင်နဲ့ချင်းနယ်စပ်ပလက်ဝမြို့နယ်ရှိတရွန်အိုင်ဗျူဟာနဲ့နှုံးဘူးဗျူဟာစခန်းကိုပစ်မှတ်ထားပြီးတိုက်ခိုက်ခဲ့တယ်။ရက်နှစ်ဆယ်ကျော်အကြာအပြင်းအထန်တိုက်ခိုက်ပြီးနောက်ထိုဗျူဟာစခန်းနှစ်ခုလုံးအေအေကိုသိမ်းပိုက်လိုက်တယ်။ထိုစခန်းနှစ်ခုကိုရရှိလိုက်တာဟာပလက်ဝဒေသကအေအေကထိန်းချုပ်လိုက်တာဖြစ်ပြီးအေအေအတွက်ရှမ်းမြောက်ကအဖွဲ့တွေလိုထိန်းချုပ်ဒေသတစ်ခုရရှိဖို့ပိုမိုနီးစပ်လာတယ်။ဒီတိုင်းဆိုရင်ပလက်ဝမြို့ကိုလဲမကြာမီအေအေကသိမ်းပိုက်လိုက်လိမ့်မယ်။ ဒီတခေါက်ရခိုင်ပြည်နယ်မှာဖြစ်တဲ့စစ်ပွဲတွေဟာရခိုင်မြောက်ပိုင်းမှာသာမကပဲရခိုင်တောင်ပိုင်းအပါအဝင်ရခိုင်ပြည်နယ်တစ်ခုလုံးနီးပါးပြန့်နှံလာခဲ့တယ်။အေအေကဒီနေ့ထုတ်ပြန်လိုက်တဲ့သတင်းအရစစ်ဆင်ရေးကာလအတွင်းရခိုင်ပြည်နယ်တစ်ခုလုံးမှာစစ်ကောင်စီတပ်စခန်းပေါင်း၁၄၂ခုအထိသိမ်းပိုက်ထားနိုင်တယ်။ဒါပေမယ့်အခုချိန်အထိတော့မြို့တွေကိုထိန်းချုပ်နိုင်ခြင်းတော့မရှိသေးပါဘူး။တဖက်မှာလဲစစ်ကောင်စီကရခိုင်ပြည်နယ်တစ်ခုလုံးကိုကုန်းလမ်းရောရေလမ်းပါပိတ်ဆို့ထားလို့ကုန်စည်စီးဆင်းမှုတွေရပ်တန့်ပြီးကုန်ဈေးနှုန်းတွေအဆမတန်မြင့်တက်နေတယ်။စစ်ကောင်စီဟာသူတို့ကိုတိုက်ခိုက်ရင်ရခိုင်ပြည်သူတွေစားဝတ်နေရေးဒုက္ခရောက်အောင်လုပ်မယ်ဆိုတဲ့ယုတ်မာတဲ့အကြံနဲ့ပိတ်ဆို့ထားတာပါ။ဒီတခေါက်တစ်ကျော့ပြန်ရခိုင်စစ်ပွဲတွေဟာဘယ်အခြေအနေအထိသွားမလဲဆိုတာခန့်မှန်းလို့‌တော့မရသေးပါဘူး။

လာမယ့်၂၀၂၄ခုနှစ်မှာဖြစ်ပေါ်လာနိုင်မယ့်အခြေအနေကိုခန့်မှန်းရရင်တော့မြောက်ပိုင်းမဟာမိတ်၃ဖွဲ့ရဲ့၁၀၂၇စစ်ဆင်ရေးဟာဘယ်ထိသွားမလဲဆိုတဲ့မေးခွန်းပေါ်မှာမူတည်နေတယ်။မြောက်ပိုင်းသုံးဖွဲ့ဟာစစ်အာဏာရှင်အမြစ်ဖြတ်ရေးကြွေးကြော်ပြီးစစ်ကောင်စီကိုတိုက်ခိုက်နေပေမယ့်သူတို့ရဲ့သက်ဆိုင်ရာတိုင်းရင်းသားဒေသတွေကိုသိမ်းပိုက်နိုင်ရေးကပထမဦးစားပေးဖြစ်မှာပဲ။အခုဆိုရင်MNDAAကလောက်ကိုင်ကိုဦးတည်တိုက်ခိုက်နေသလိုTLNAကလဲဒီရက်ပိုင်းတွေအတွင်းမှာပဲသူ့ဒေသအတွင်းကမြို့‌တွေကိုဆက်တိုက်သိမ်းပိုက်နေတယ်။ရခိုင်ပြည်နယ်မှာလဲအေအေကသူ့အတွက်အရေးပါတဲ့ပလက်ဝဒေသကိုရရှိနိုင်ဖို့ကြိုးစားနေတယ်။ခန့်မှန်းရရင်တော့၁၀၂၇စစ်ဆင်ရေးဟာသိပ်မကြာတော့တဲ့အချိန်အတွင်းမှာလောက်ကိုင်နဲ့မူဆယ်ကိုသိမ်းပိုက်နိုင်လိမ့်မယ်။ထိုအချိန်ရောက်ရင်စစ်ကောင်စီရဲ့အရှေ့မြောက်တိုင်းစစ်ဌာနချုပ်တည်ရှိရာလာရှိုးကိုအရှိန်နဲ့ဆက်သိမ်းမလား၊ခဏရပ်မလားပြောလို့မရသေးဘူး။မြောက်ပိုင်း၃ဖွဲ့အနေနဲ့စစ်ကောင်စီကိုနေပြည်တော်အထိဆက်တိုက်ထိုးစစ်ဆင်မယ်လို့မျှော်လင့်လို့မရပါဘူး။အချိန်တစ်ခုရောက်ရင်ခဏရပ်လိမ့်မယ်ထင်တယ်။ လက်ရှိအချိန်ထိတော့ရှမ်းမြောက်၊ရခိုင်နဲ့ကရင်နီပြည်နယ်ကလွဲလို့တခြားတွေမှာစစ်ကောင်စီကိုထိုးစစ်ဆင်တိုက်ခိုက်နိုင်မှုအခြေအနေဟာသိပ်အားရစရာမကောင်းလှပါဘူး။အထူးသဖြင့်မြန်မာပြည်တောင်ပိုင်ဒေသတွေကိုပြောရမယ်။ရှမ်းမြောက်မှာဒီတလှိုင်းပြီးလို့နောက်တလှိုင်းလာရင်တော့အခြားဒေသတွေကဒီထက်ပိုပြီးပူးပေါင်းနိုင်မယ်ဆိုရင်တော့၂၀၂၄ခုနှစ်အကုန်မှာစစ်ကောင်စီနဲ့တကွစစ်ခေါင်းဆောင်တွေနိဂုံးချုပ်ဖို့ဖြစ်နိုင်လောက်ပါတယ်။

၂၀၂၃ကုန်လို့၂၀၂၄ကိုရောက်ရှိလာပါပြီ။၂၀၂၃တနှစ်လုံးအတွက်နွေဦးတော်လှန်ရေးအခြေအနေကိုပြောရရင်၂၀၂၃မှာအစမှာပဲတော်လှန်ရေးအဖွဲ့တွေဘက်ကစစ်ကောင်စီတပ်အပေါ်ခုခံစစ်ကိုနေတိုက်စစ်ကိုပြောင်းလဲလာနိုင်တယ်။နှစ်အစမှာပဲနိုင်ငံအနှံမှာပျောက်ကြားစနစ်နဲ့စခန်းသိမ်းတိုက်ပွဲတွေဆင်နွဲလာနိုင်တာကိုတွေ့ရတယ်။NUGဟာသူ့ရဲ့PDFတပ်ရင်းတွေကိုလက်နက်တပ်ဆင်နိုင်မှုတွေပိုမိုပြုလုပ်လာနိုင်တယ်။ဒါပေမယ့်၂၀၂၃တစ်နှစ်လုံးနီးပါးထိုအခြေအနေနဲ့အီနေပြီးအများကနှစ်ကုန်ပိုင်းမှာအပြောင်းအလဲတစ်ခုခုဖြစ်လာဖို့မျှော်လင့်ခဲ့ကြတယ်။NUGကစစ်ခွေးနိဂုံး၂၀၂၃လို့ကြွေးကြော်ထားခဲ့တယ်လေ။ မျှော်လင့်ထားတဲ့အတိုင်းပဲ၂၀၂၃အောက်တိုဘာလမှာမြောက်ပိုင်းမဟာမိတ်EAOသုံးဖွဲ့ရဲ့၁၀၂၇စစ်ဆင်ရေးစတင်ခဲ့တယ်။ထိုစစ်ဆင်ရေးဟာNUGနဲ့တိုက်ရိုက်မပက်သတ်ပေမယ့်လဲနွေဦးတော်လှန်ရေးအတွက်ကြီးမားတဲ့အလှည့်အပြောင်းဖြစ်စေခဲ့တယ်။နိုင်ငံမြောက်ပိုင်းမှာမြို့သိမ်းတိုက်ပွဲတွေဆက်တိုက်ဆိုသလိုဆင်နွှဲလာနိုင်တယ်။နှစ်ကုန်ပိုင်းအရောက်မှတော့ရှမ်းပြည်နယ်မြောက်ပိုင်းတစ်ခုလုံးနီးပါးတော်လှန်ရေးတပ်ဖွဲ့တွေလက်ထဲကျရောက်ခဲ့ပါပြီ။ ထိုစစ်ဆင်ရေးရဲ့အရှိန်ကြောင့်ရှမ်းမြောက်မှာတင်မကပဲချင်းပြည်နယ်၊စစ်ကိုင်းတိုင်း၊ကရင်နီပြည်နယ်တွေမှာပါတော်လှန်စစ်ပွဲတွေပြင်းထန်စွာဖြစ်ပွားနေတယ်။ရခိုင်ပြည်နယ်ဘက်မှာလဲအေအေကစစ်ကောင်စီကိုတကျော့ပြန်ထိုးစစ်ဆင်မှုတွေပြုလုပ်နေတယ်။ဒါ့‌ကြောင့်၂၀၂၃အကုန်မှာစစ်ကောင်စီဟာစစ်ရေးမှာအတော်လေးဘေးကျပ်နံကျပ်ဖြစ်နေပါပြီ။

ပြည်တွင်းနိုင်ငံရေးနဲ့စစ်ရေးမှာတရုတ်နိုင်ငံရဲ့ပါဝင်ပတ်သက်မှုတွေရှိလာနေစဉ်မှာပဲNUGဟာတရုတ်နိုင်ငံအတွက်သူတို့ရဲ့မူဝါဒကိုတရားဝင်ထုတ်ပြန်ကြေညာလိုက်ပါတယ်။ထိုမူဝါဒထဲမှာတရုတ်နိုင်ငံနဲ့ချစ်ကြည်ရင်းနှီးစွာနေထိုင်ရေး၊ပြည်တွင်းရှိတရုတ်စီးပွားရေးလုပ်ငန်းတွေကိုအကာအကွယ်ပေးရေးစသဖြင့်ပါဝင်တယ်။ထိုမူဝါဒတွေထဲမှာထူးခြားမှုတစ်ခုကတော့တရုတ်တနိုင်ငံထဲပေါ်လစီကိုNUGကထောက်ခံတယ်လို့ပါဝင်လာတာပဲ။ထိုအချက်ကြောင့်NUGဟာအနောက်နိုင်ငံတွေဘက်ယိမ်းနေရာကနေတရုတ်ကိုပြန်ကပ်လာနေပြီလားလို့လေ့လာသူတွေကထင်ကြေးပေးနေကြတယ်။တကယ့်လက်တွေ့မှာလဲဒီတော်လှန်ရေးမှာတရုတ်ကိုပစ်ပယ်ထားလို့လုံးဝမရပါဘူး။NUGဟာအနောက်ယိမ်းခဲ့ပေမယ့်အခုချိန်ထိအနောက်နိုင်ငံတွေဟာထိထိရောက်ရောက်ဘာအကူအညီမှမပေးခဲ့ဘူး။တော်လှန်ရေးကိုလက်နက်ပံ့ပိုးပေးဖို့နေနေသာသာငွေကြေးအကူအညီတောင်မှပေးခဲ့ခြင်းမရှိပါဘူး။စစ်ကောင်စီကိုစီးပွားရေးပိတ်ဆို့မှုတွေလုပ်နေတယ်ဆိုပေမယ့်လဲတကယ်တမ်းတော့ဟန်ပြပါပဲ။အနိမ့်ဆုံးအဆင့်လေယာဉ်ဆီပိတ်ဆို့မှုကိုတောင်လုပ်ပေးနိုင်ရက်နဲ့မလုပ်ပေးခဲ့ဘူး။ဒီ၂၀၂၃ခုနှစ်ထဲမှာလဲအနောက်ကိုအားကိုးတဲ့အသံတွေသိပ်ထွက်မလာတော့ဘူး။အနောက်နိုင်ငံတွေဟာနွေဦးတော်လှန်ရေးမှာတကယ်တော့လေသပ်သပ်ပါပဲ။ တဖက်မှာတော့တရုတ်ရဲ့တော်လှန်ရေးအပေါ်ပါဝင်ပတ်သက်နိုင်စွမ်းကမြင့်မားပါတယ်။အခုနောက်ဆုံး၁၀၂၇စစ်ဆင်ရေးဆိုရင်တရုတ်မီးစိမ်းပြလို့ဖြစ်လာတယ်လို့အများစုကယူဆထားကြတယ်။တရုတ်ဟာသူ့နယ်စပ်ကEAOတွေကိုထိန်းချုပ်နိုင်သလိုစစ်ကောင်စီကိုလဲထိန်းချုပ်နိုင်နေနိုင်တယ်။ဒီလိုအချိန်မှာNUGရဲ့တရုတ်နိုင်ငံအပေါ်သဘောထားထုတ်ပြန်တာနောက်တောင်ကျနေသေးတယ်။တရုတ်ကတော့လက်ရှိအချိန်မှာNUGကိုရှိတယ်လို့တောင်မအောက်မေ့ပါဘူး။အရင်ကအနောက်ကိုတောက်လျှောက်ယိမ်းခဲ့တာကြောင့်NUGကိုသဘောမကျခဲ့ဘူး။NUGဟာတရုတ်နဲ့ဆက်သွယ်နိုင်ရေးအတွက်အတော်ကြိုးစားယူရဦးမယ့်အခြေအနေမှာရှိတယ်။

တိုင်းရင်းသားတပ်ဖွဲ့တွေသိမ်းယူထားတဲ့မြို့ရွာများဘယ်တော့မှမအေးချမ်းအောင်လေကြောင်းနဲ့တိုက်ခိုက်သွားမယ်လို့စစ်ကောင်စီကခြိမ်းခြောက်ပြောဆိုလိုက်ပါတယ်။ဒီဇင်ဘာလ၂၃ရက်နေ့ကမြောက်ပိုင်းမဟာမိတ်သုံးဖွဲ့နဲ့စစ်ကောင်စီတို့ဒုတိယအကြိမ်တွေ့ဆုံခဲ့သေးတယ်။ထိုတွေ့ဆုံပွဲမှာစစ်ကောင်စီကမင်းတို့တိုင်းရင်းသားဒေသတွေဘယ်တော့မှအေးချမ်းသာယာမှာမဟုတ်ဘူး၊ငါတို့ကအမြဲလေကြောင်းကဗုံးကြဲနေမှာပဲလို့ခြိမ်းခြောက်ခဲ့တာတာပါ။ဒါဟာစစ်ကောင်စီရဲ့သရုပ်မှန်ကိုပွင့်ပွင့်လင်းလင်းဖော်ပြလိုက်တာပဲ။စစ်ကောင်စီဟာဒီတော်လှန်ရေးမှာသူတို့အုပ်ချုပ်လို့မရတော့ရင်၊လက်လွတ်လိုက်ရတဲ့ဒေသကိုအလုံးစုံဖျက်စီးပစ်ဖို့ယုတ်မာစွာကြံစည်နေတယ်။ရှေ့မှာလဲထိုကဲ့သို့လုပ်ခဲ့တဲ့သာဓကတွေရှိခဲ့တယ်။အခုလက်ရှိအနီးစပ်ဆုံးဆိုရင်လောက်ကိုင်နဲ့ကယားပြည်နယ်လွိုင်ကော်မြို့ကိုပြရမယ်။လွိုင်ကော်မှာဆိုရင်နှစ်ဖက်တိုက်ပွဲတွေပြင်းထန်နေတဲ့အတွက်ဒေသခံတွေမရှိသလောက်ဖြစ်နေပြီ။စစ်ကောင်စီဟာလွိုင်ကော်ကိုလက်လွတ်ရတော့မှာမို့လွိုင်ကော်မြို့မဈေးကြီးကိုမီးရှို့ဖျက်ဆီးထားတယ်။မြို့ထဲကအိမ်တွေဆိုင်တွေကိုလဲဖောက်ထွင်းခိုးယူနေတယ်။အရင်ကသာယာလှပခဲ့တဲ့လွိုင်ကော်မြို့ဟာတဖြည်းဖြည်းနဲ့မြို့ပျက်ကြီးအသွင်ပြောင်းလဲလာနေပါပြီ။

လောက်ကိုင်မှာဒေသကွပ်ကဲမှုစစ်ဌာနချုပ်(ဒကစ)ကလွဲလို့တမြို့လုံးနီးပါးကိုမြောက်ပိုင်းမဟာမိတ်အဖွဲ့တွေထိန်းချုပ်နို်ငပြီလို့သိရတယ်။မြို့ထဲမှစစ်ကောင်စီတပ်ဖွဲ့ဝင်တွေနဲ့ပြည်သူ့စစ်တွေအလံဖြူပြကာလက်နက်ချနေကြပြီးလက်နက်၂၀၀ကျော်သိမ်းဆည်းရမိထားတယ်။အခုဆိုရင်ဒကစပတ်ဝန်းကျင်မှာတိုက်ပွဲအပြင်းအထန်ဖြစ်ပွားနေပြီ။ဒကစဟာလောက်ကိုင်မြို့အဝင်တောင်ကုန်းတစ်ခုပေါ်မှာတည်ရှိတယ်။လောက်ကိုင်မြို့ပေါ်မှာလဲအပျက်အစီးအလွန်များနေပြီးစစ်ကောင်စီကလေကြောင်းမှမကြာခဏဗုံးကြဲတိုက်ခိုက်နေတယ်။စစ်တပ်လော်ဘီတွေကလဲလောင်ကိုင်မြို့ကိုဗုံးကြဲဖျက်စီးဖို့အဆက်မပျက်‌ဆော်ဩနေကြတယ်။စစ်ကောင်စီရဲ့လေကြောင်းတိုက်ခိုက်မှုကြောင့်လောင်ကိုင်မြို့ကလူနေအဆောက်အအုံအများအပြားမီးလောင်ပျက်စီးနေပြီ။နယ်စပ်ချင်းထိစပ်နေတဲ့တရုတ်ကတောင်သူတို့နိုင်ငံသားတွေကိုလောက်ကိုင်မြို့ကအမြန်ဆုံးထွက်ခွာဖို့သတိပေးနေပြီ။ဒီပုံအတိုင်းဆိုရင်ဒကစမကျခင်မှာပဲလောက်ကိုင်မြို့ဟာပြာပုံဖြစ်သွားနိုင်တယ်။အခြေခံအဆောက်အအုံအကုန်ပီးပြည့်စုံနေပြီးဖွံဖြိုးတိုးတက်နေတဲ့လောက်ကိုင်မြို့ကြီးပျက်စီးသွားရင်တော့အတော်နှမြောစရာကောင်းမှာပဲ။ထိုကဲ့သို့ဖြစ်လာရင်စစ်ကောင်စီကအဓိကတရားခံပဲ။ တောင်ပိုင်းမှာတော့KNU/PDFပူးပေါင်းအဖွဲ့တွေဟာပဲခူးတိုင်းနတ်သံကွင်းမြို့ကိုဝင်ရောက်တိုက်ခိုက်ပြီးထိန်းချုပ်ထားတယ်လို့သတင်းထုတ်ပြန်ထားတယ်။နတ်သံကွင်းမြို့ဟာဟိုတခေါက်ကသိမ်းပိုက်ခဲ့ပြီးပြန်လည်လက်လွတ်ခဲ့ရတဲ့မုန်းမြို့အနီးမှာတည်ရှိတယ်။ဒီတစ်ခေါက်လဲKNU/PDFအဖွဲ့တွေနတ်သံကွင်းမြို့ကိုဘယ်လောက်ထိထိန်းထားနိုင်မလဲ။မြောက်ပိုင်းလိုအပြီးမသိမ်းနိုင်ပဲရန်သွားစခြင်းဟာဒေသခံပြည်သူတွေကိုပဲထိခိုက်စေလိမ့်မယ်။

စစ်ကိုင်းတိုင်းမှာနောက်ထပ်မြို့တမြို့ကိုတော်လှန်ရေးအင်အားစုတွေကထပ်မံသိမ်းပိုက်လိုက်ပါတယ်။ စစ်ကိုင်းတိုင်းအထက်ပိုင်းက မော်လူးမြို့ပါ။မော်လူးမြို့ရှိ စစ်ကောင်စီစခန်းများကို KIA၊ ABSDF၊PDF နှင့် ပူးပေါင်းတပ်ဖွဲ့များက ယနေ့ နံနက်၂နာရီခန့်မှစတင်တိုက်ခိုက်ခဲ့ပြီးနံနက်၅နာရီခန့်တွင်သိမ်းပိုက်နိုင်ခဲ့တယ်။မတိုက်ခိုက်ခင် အလင်းဝင်ရန် တောင်းဆိုခဲ့သော်လည်းစစ်ကောင်စီတပ်တွေကမလိုက်နာခဲ့ပါဘူး။လက်ရှိအနေအထားအရလက်နက်ခဲယမ်းသိမ်းဆည်းမှုများကိုစီစစ်နေပြီးစစ်ကောင်စီမှလေကြောင်းမှလာရောက်ပစ်ခတ်နေတယ်လို့သိရတယ်။အခုဆိုရင်စစ်ကိုင်းတိုင်းအထက်ပိုင်းမှာမြို့လေးမြို့အထိတော်လှန်ရေးတပ်ဖွဲ့တွေကသိမ်းပိုက်ထားနိုင်ပါပြီ။ ရှမ်းမြောက်မှာလဲ နမ့်ခမ်းမြို့ စခန်းသစ် စစ်ကောင်စီတပ်စခန်း မကျဆုံးရေးအတွက် စစ်ကောင်စီတပ်မှ ရဟတ်ယာဉ်ဖြင့် ပို့ဆောင်ခဲ့သည့်...

စစ်ကိုင်းတိုင်း၊ ပုလဲမြို့နယ်တွင် ပြည်သူ့အုပ်ချုပ်ရေးအဖွဲ့ တရားရုံးကို စစ်ကောင်စီတပ်ကတိုက်လေယာဉ်ဖြင့် ဗုံးကျဲတိုက်ခိုက်ခဲ့ရာ မြို့နယ်တရားရေးဥက္ကဌနှင့် ကလေးငယ်တစ်ဦးအပါအဝင်ငါးဦးသေဆုံးသွားတယ်။ စစ်ကောင်စီတပ်ကဂျက်တိုက်လေယာဉ်ဖြင့်ပေါင်၅၀၀ဗုံးအသုံးပြုပြီး၂ကြိမ်လာရောက်ဗုံးကျဲတိုက်ခိုက်ခဲ့ခြင်းဖြစ်ပြီးပစ်ခတ်တိုက်ခိုက်မှုကြောင့် မြို့နယ်တရားရေးဥက္ကဌဦးသိန်း‌အောင်၊ ၎င်း၏ ဇနီးဖြစ်သူကျောင်းဆရာမ၊ ကာကွယ်ရေးရဲဘော်တစ်ဦး၊ အသက် ၁ နှစ်အရွယ်ကလေးတစ်ဦးနှင့် ကလေးမိခင်တို့ ကျဆုံးခဲ့ကြောင်း သိရတယ်။တိုက်ပွဲဖြစ်ပွားခြင်းလည်းမရှိ၊ အခမ်းအနားပြုလုပ်ခြင်းလည်းမရှိဘဲ...