Military Coup Myanmar

UNရဲ့ဆုံးဖြတ်ချက်ထွက်ပြီးပြီးချင်းပဲစစ်ခေါင်းဆောင်မင်းအောင်လှိုင်ရုရှားကိုအစည်းအဝေးသွားတက်တယ်ကြားတယ်။သတင်းဓာတ်ပုံတွေအရတော့ဟိုမှာသူ့ကိုလူလိုသူလိုကြိုဆိုခြင်းမခံရဘူး။သူ့အနေနဲ့ကတော့နိုင်ငံတကာရဲ့ပိတ်ဆို့မှုတွေကိုရှောင်ရှားဖို့ရသလောက်ထွက်ပေါက်ရှာမှာပဲ။ ချင်းပြည်နယ်မင်းတပ်မှာCDFနဲ့စစ်ကောင်စီ၂ပတ်ကြာအပစ်အခတ်ရပ်စဲလိုက်တယ်။သို့ပေမယ့်လဲစစ်ကောင်စီကိုမယုံတဲ့အတွက်စစ်ဘေးရှောင်တွေကိုယ့်အိမ်ကိုယ်ပြန်မလာရဲသေးဘူး။စစ်ဘေးရှောင်တွေအတွက်နည်းနည်းတော့အသက်ရှူချောင်သွားတာပေါ့။

မနေ့ကကျင်းပတဲ့ကုလသမဂ္ဂအထွေထွေညီလာခံမှာမြန်မာ့အရေးဆွေးနွေးမှုပြုလုပ်တယ်။စစ်ကောင်စီကိုလက်နက်ပိတ်ဆို့ရေးအပြင်တခြားအချက်တွေပါတဲ့သဘောတူညီချက်ကိုမဲခွဲဆုံးဖြတ်ပြီးအတည်ပြုလိုက်နိုင်ခဲ့တယ်။လက်နက်ပိတ်ဆို့ရေးဆိုတဲ့အချက်ပါဝင်လာတဲ့အတွက်အရင်ထုတ်ပြန်ချက်တွေနဲ့စာရင်တော့အနည်းငယ်ရှေ့ရောက်လာတဲ့အခြေအနေပဲ။ဒါပေမယ့်လုံခြုံရေးကောင်စီကဆုံးဖြတ်တာမဟုတ်တဲ့အတွက်မဖြစ်မနေလိုက်နာစရာတော့မလိုဘူး။မဲခွဲရာမှာသိသာတာတခုကတရုတ်နဲ့ရုရှားဟာအရင်လိုမကန့်ကွက်တော့ပဲကြားနေမဲပေးခဲ့တယ်။ဝမ်းနည်းစရာကောင်းတာကတော့ထောက်ခံမဲပေးနိုင်ငံတွေထဲမှာအိမ်နီးချင်းနိုင်ငံတွေတစ်ခုမှမပါခဲ့ဘူး။သူတို့ငါးနိုင်ငံစလုံးကြားနေခဲ့တယ်။အိမ်နီးချင်းကောင်းတနိုင်ငံမှမရှိတဲ့မြန်မာပြည်ဟာသနားစရာတော်တော်ကောင်းပါတယ်။ထိုင်းနိုင်ငံဆိုရင်တိုင်းရင်းသားလက်နက်ကိုင်တွေကိုအာဏာသိမ်းလိုက်ကတည်းကပျက်ပြယ်သွားပြီဖြစ်တဲ့NCAစာချုပ်ကိုလိုက်နာစေချင်တယ်လို့ထုတ်ပြောခဲ့တယ်။

ဒီနေ့ဟာနိုင်ငံမိခင်ကြီးဒေါ်အောင်ဆန်းစုကြည်မွေးနေ့ပါ။ဒီနှစ်မှာတော့သူမဟာမွေးနေ့မှာတကျော့ပြန်မတရားအကျဉ်းကျခံနေရတယ်။နိုင်ငံတဝန်းလုံးမှာတော့သူမရဲ့မွေးနေ့အတွက်နှင်းဆီပန်းတွေနဲ့အတူပန်းသပိတ်လုပ်ပေးကြတယ်။သူမရဲ့နောက်ထပ်အမည်တစ်ခုကသံမဏိနှင်းဆီလေ။ဒီနေ့မှာတော့နှင်းဆီပန်းတွေရောင်းကောင်းလွန်းလို့မနက်ပိုင်းမှာတင်ဝယ်လို့မရတော့တဲ့အထိဖြစ်သွားတယ်။ စစ်ကောင်စီကလဲဘယ်လောက်တောင်ကြောက်နေသလဲဆိုရင်နှင်းဆီပန်းပန်တဲ့မိန်းကလေးတွေကိုပါလိုက်ဖမ်းနေတယ်။ပြင်ဦးလွင်ကလက်ဖက်ရည်ဆိုင်တစ်ခုမှာဆိုရင်နှင်းဆီပန်းဝေလို့ဆိုပြီးဆိုင်ပိုင်ရှင်ရောစားပွဲထိုးတွေပါဖမ်းသွားတယ်။သေနတ်ကိုင်တဲ့သူတွေကပန်းကိုကြောက်ကြတယ်တဲ့။ရယ်စရာတော့အတော်ကောင်းသားပဲ။

ဒီနေ့ရန်ကုန်မြို့နေရာအနှံမှာပေါက်ကွဲမှုတွေအမြောက်အများဖြစ်ပွားခဲ့တယ်။လှိုင်သာယာမှာတင်၈ခုထက်မနည်းပေါက်ကွဲခဲ့တယ်။ဒါအပြင်တာမွေ၊သင်ယန်းကျွမ်း၊တောင်ဒဂုံစတဲ့မြို့နယ်တွေမှာလဲအလားတူပဲ။တာမွေကပေါက်ကွဲမှုကတော့နာမည်ကြီးသွားတယ်။လူစည်ကားရာလမ်းမကြီးပေါ်မှာရပ်ထားတဲ့စစ်ကားကိုဗုံးပစ်သွင်းသွားတယ်ပြောတယ်။သေချာတော့အတည်မပြုနိုင်သေးဘူး။ရဲတယောက်သေပြီးစစ်သားငါးယောက်လောက်ဒဏ်ရာအပြင်းအထန်ရသွားတာတော့ကျိန်းသေတယ်။အရင်ကရန်ကုန်မှာဒါမျိုးဖြစ်စဥ်တွေရှိဖူးပေမယ့်ထိထိရောက်ရောက်ဖြစ်မြောက်သွားတာဒါပထမဆုံးပဲ။စစ်ခွေးတွေအတွက်ကတော့တပ်ဝန်းထဲကလွဲလို့ဘယ်နေရာမှမလုံခြုံတော့ဘူး။ တဖက်မှာလဲFAOအစည်းအဝေးမှာစစ်ကောင်စီကိုအသိအမှတ်မပြုပြန်ဘူး။စစ်ကောင်စီဟာနိုင်ငံတကာနယ်ပယ်မှာရှုံးပြီးရင်းရှုံးနေတယ်။

မေး ။ ။ စစ်ကောင်စီဘက်က အကိုနဲ့ ကိုဟံသာညိန်းကို လာဖမ်းတဲ့နေ့က မြင်ကွင်းတွေ ၊ အတွေ့အကြုံတွေကို ပြောပြပေးပါ။ ဖြေ ။ ။ အဲဒီနေ့မနက်က မနက်ပိုင်း Reports (သတင်း) ၂ ခု...

အခုဆိုရင် NUG ဟာ စစ်အာဏာသိမ်းစ စ်တပ်ကိုလက်နက်ကိုင်တော်လှန်ဖို့ PDFကိုဖွဲ့စည်းလိုက်တာကိုအားလုံးပဲသိကြမှာပါ။ မဝေးတော့ကာလတစ်ခုမှာစစ်ကောင်စီကိုပြန်လည်တိုက်ခိုက်ဖို့ပြည်သူတွေအတွက် Standard Army တစ်ခုပေါ်ပေါက်လာဖို့ရှိနေပါပြီ။ PDFအနေနဲ့StandardArmyဖြစ်ဖို့ဖြေရှင်းရမယ့်စိန်ခေါ်မှုကြီးတွေကလည်းစောင့်ကြိုနေပါတယ်။ (၁) စစ်ဉီးစီးချုပ်ခန့်အပ်ရေး ပထမဆုံးအနေနဲ့NUGဟာPDFအတွက်စစ်ဉီးစီးချုပ်တစ်ယောက်ခန့်အပ်နိုင်ဖို့လိုအပ်ပါတယ်။ စစ်ဉီးစီးချုပ်နေရာမှာလက်ရှိတိုက်နေတဲ့EAOခေါင်းဆောင်တွေထဲကရွှေးမလား..ကိုယ့်ဘာသာကိုယ်တစ်ယောက်တင်မလားအရင်စဉ်းစားရဖို့လိုပါတယ်။ အရှုပ်အရှင်းကင်းပြီးမြန်မြန်ဆန်ဆန်ဖြစ်အောင်NUGကသူ့လူတစ်ယောက်ကိုစစ်ဉီးစီးချုပ်ခန့်အပ်လိုက်မယ်ပဲဆိုကြပါစို့။ပြသနာကNUGမှာခုလောလာဆယ်စစ်ဉီးစီးချုပ်နေရာအတွက်အရည်အချင်းပြည့်စုံလုံလောက်တဲ့သူခုထိမတွေ့မိသေးပါဘူး။ရှိနေတယ်ပဲထားပါဉီး…NUGကတင်တဲ့သူအောက်မှာလက်ရှိEAOတွေကခေါင်းဆောင်တွေလိုလိုလားလားနဲ့ပူးပေါင်း‌ပေးဖို့မလွယ်ပါဘူး။နောက်မှပေါ်လာပြီးEAOတွေအပေါ်ကနေချင်လို့မရပါဘူး။ရှုပ်ကုန်လိမ့်မယ်။တစ်နိုင်ငံလုံးမှာPDFနဲ့EAOတွေတပြိုင်နက်စတိုက်ကြမယ်ဆိုရင်တပ်တွေအကုန်NUGရဲ့ဉီးဆောင်မှုအောက်ကပဲသွားမှာအဆင်ပြေမှာပါ။ဒီနေရာမှာစစ်ဉီးစီးချုပ်ကိုNUGကသူ့လူသူတင်တာထက်EAOခေါင်းဆောင်တွေထဲကတစ်ယောက်ရွှေးလိုက်တာပိုသင့်တော်ပါတယ်။ EAOတွေထဲကရွှေးမယ်ဆိုရင်တိုင်းရင်းသားခေါင်းဆောင်တွေအများကြီးထဲမှာမှဘယ်သူ့ကိုရွေးမလဲ။လုပ်လို့ရတာတစ်ခုတော့ရှိတယ်။EAOတွေကိုအကုန်သေချာစုပြီးတပ်ပေါင်းစုအနေနဲ့တိုင်းတွေတွဲလို့ရအောင်သေချာညှိ..နိုင်ငံရေးသဘောတူညီချက်တွေအကုန်ချပြပြီးသဘောတူမှအီးအေအိုတွေအကုန်လုံးပါဝင်တဲ့အစည်းအဝေးကိုNUGကစုဖွဲ့ပြီးသဘောတူသူတစ်ယောက်ကိုတင်မြှောက်မှရမယ်။အချိန်တော့ကြာသွားနိုင်တယ်။ခုရှုပ်မှနောင်ရှင်းပေါ့။ အဲ့လိုမှမဟုတ်ပဲအချိန်လည်းမရဘူး၊EAOတွေထဲကခေါင်းဆောင်တစ်‌ယောက်လဲရွေးမရဘူးဆိုရင်တော့နောက်ဆုံးPDFကသပ်သပ်၊EAOတွေကသပ်သပ်ညှိနှိုင်းပြီးတိုက်ကြရမှာပဲ။စစ်အာဏာရှင်ကိုအမြစ်ဖြတ်ဖို့ကအဓိကမဟုတ်လား။ Chief of...

ရန်ကုန်၊ တာမွေမြို့နယ် တာမွေစျေးမှတ်တိုင်အနီးနှင့် သီတာလမ်းမှတ်တိုင်တို့တွင် ယနေ့(ဇွန် ၁၈)ရက်နေ့ နေ့လည် ၃ နာရီကျော်တွင် ဗုံး ၃ လုံးပေါက်ကွဲခဲ့သည်ဟု ဒေသခံများက ဆိုသည်။ သီတာလမ်းမှတ်တိုင်အနီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီရုံးရှေ့တွင် ရပ်ထားသည့် စစ်ကားပေါ် ဗုံးကွဲခဲ့ကြောင်း...

စစ်ကောင်စီလက်ချက်ကြောင့် ရွာလုံးကျွတ်နီးပါး မီးဘေးသင့်ခဲ့ရသည့် မကွေးတိုင်း၊ ပေါက်မြို့နယ်ရှိ ကင်းမရွာသားအများစု ရွာမပြန်နိုင်သေးဘဲ ထွက်ပြေးတိမ်းရှောင်နေရဆဲဖြစ်ကြောင်း သိရသည်။ "ဒီနေ့ ရွာထဲကို ရောက်သေးတယ်။ မီးထဲမပါတဲ့ အိမ်တွေမှာတော့ တစ်အိမ်တစ်ယောက်စောင့်နေတယ်။ စပါးပုံတွေရော၊ ကြက်သွန်ပုံတွေရော မီးလောင်သွားတာဆိုတော့ အခုထိ မီးမငြိမ်းသေးဘူး။...

ကယားပြည်နယ်မှာခုလောလောဆယ်အပစ်ရပ်ထားတော့စစ်ပေးရှောင်ပြည်သူတချို့ကိုယ့်အိမ်ကိုယ်ပြန်လာကြပြီ။မြို့လေးကတော့ရစရာမရှိတော့။လမ်းဘေးမှာလဲစစ်သူပုန်တွေပစ်သတ်ထားတဲ့အလောင်းတွေပြန့်ကျဲလို့။လမ်းမကြီးပေါ်ကအိမ်တွေဆိုအကုန်ပျက်စီးနေတယ်။မပျက်စီးတဲ့အိမ်တွေဆိုလဲဖောက်ထွင်းခံထားရတယ်။မြို့ထဲကကျောင်းတစ်ခုမှာလက်ပြန်ကြိုးအတုတ်ခံရပြီးပစ်သတ်သွားတဲ့အလောင်းတွေဆိုအရိုးပဲကျနိတော့တယ်။ချောင်ကျတဲ့မြို့လေးဆိုတော့ဒါတွေကိုဘယ်သူမှသိပ်မသိကြဘူး။ နိုင်ငံတကာမီဒီယာတွေမှာတော့မနေ့ကမီးလောင်တိုက်အသွင်းခံရတဲ့ရွာလေးသတင်းတွေပွထနေတယ်။ UN US UK တို့ကတော့ထုံးစံအတိုင်းစိုးရိမ်ထိတ်လန့်နေသည်ပေါ့။

မကွေးတိုင်းထဲကင်းမရွာမှာစစ်တပ်သတင်းပေးဒလန်အသတ်ခံရလို့ဆိုပြီးစစ်သူပုန်တွေရွာကိုဝင်စီးကာတစ်ရွာလုံးမီးရှို့ပစ်လိုက်တယ်။နောက်ဆုံးရရှိတဲ့သတင်းတွေအရရွာထဲမှာကျန်ခဲ့တဲ့သက်ကြီးရွယ်အိုတွေနဲ့တိရိစ္ဆာန်အချို့ပါမီးလောင်သေဆုံးကုန်တယ်တဲ့။ပြောစရာစကားလုံးတောင်မရှိတော့ပါဘူး။ စစ်ကိုင်းတိုင်းအနောက်ခြမ်းကရွာတွေကိုစစ်တပ်ကမထင်ရင်မထင်သလိုဝင်စီးပြီးလုယက်သတ်ဖြတ်နေဆဲပဲ။ စစ်တပ်ဟာစစ်ရာဇဝတ်မှုမျိုးစုံကိုပြောင်ပြောင်တင်းတင်းဆက်လက်ကျူးလွန်နေဆဲပါ။ဒါကိုဒီတိုင်းပဲဝိုင်းကြည့်နေကြတော့မှာလား။