Military Coup Myanmar

ရန်ကုန်တိုင်းဒေသကြီး • တောင်ဒဂုံမြို့နယ်၊ (၇၀) ရပ်ကွက်၊ ရွှေပြည်အေးနေ ကိုအဲစုအား မေလ ၄ ရက်တွင် စစ်အုပ်စုလက်နက်ကိုင်များက ရိုက်နှက် ဖမ်းဆီးခံရကာ ဒဏ်ရာများဖြင့် ပြန်လွတ်ပေးခဲ့သော်လည်း ဆေးရုံတွင် ကုသနေစဉ် ယနေ့နံနက်ပိုင်းက ကွယ်လွန်သွားပြီ ဖြစ်သည်။...

ရန်ကုန်တိုင်းဒေသကြီး • ကမာရွတ်မြို့နယ်၊ လှည်းတန်းလမ်းမရှိ အ.ထ.က (၅) ကျောင်းဝင်းအတွင်း ယမန်နေ့ နေ့လယ်ပိုင်းက မည်သူ ထောင်ထားမှန်းမသိသည့် ဗုံးခြောက်လုံး တွေ့ရှိခဲ့ကာ မပေါက်ကွဲသေးမီပင် စစ်အုပ်စုလက်နက်ကိုင်များက ရှင်းလင်းခဲ့သည်ဟု သိရသည်။ အဆိုပါ ကျောင်းအနီးတွင်ပင် ယနေ့နံနက်ပိုင်းအထိ...

ဒီနေ့ဟာမြန်မာပြည်မှာအာဏာသိမ်းသွားတာရက်၁၀၀ပြည့်တဲ့နေ့ဖြစ်တယ်။ ဒီရက်တစ်ရာအတွင်းမှာကျဆုံးသွားသူက၈၀၀နီးပါးရှိနေပြီ။စစ်ကောင်စီဟာတစ်ရက်ကို၈ယောက်နှုန်း၊သုံးနာရီတိုင်းမှာတစ်ယောက်နှုန်းနဲ့အပြစ်မဲ့ပြည်သူတွေကိုဆက်လက်သတ်ဖြတ်နေဆဲပါ။ မတရားဖမ်းဆီးခံထားရသူတွေလဲ လေးထောင်နီးပါးရှိနေပါပြီ။ ခုချိန်ထိအကြမ်းဖက်မှုတွေကိုပျော်ပျော်ကြီးဆက်လက်ကျူးလွန်ဆဲပါ။ ​ပြစ်တင်၊ရှုံချ၊ဝမ်းနည်း၊အားပေးစတဲ့စကားလုံးတွေနဲ့အချိန်ကုန်နေတဲ့နိုင်ငံတကာအသိုင်းအဝိုင်းဟာအာပလာဆိုတာမြန်မာပြည်သူတွေလဲကောင်းကောင်းသိရှိနေပါပြီ။ ကိုယ့်အားကိုယ်ကိုးမှရမယ်ဆိုတာသဘောပေါက်နားလည်လာကြပါပြီ။ အဲ့ဒီအတွက်လဲပြင်ဆင်နေကြပါပြီ။ သေချာတာတစ်ခုကတော့တော်လှန်ရေးဟာအရင်ကထင်ခဲ့သလိုလွယ်လွယ်နဲ့မပြီးသွားဘူး။ သွေးတွေ၊ချွေးတွေရင်းပြီးဆက်လက်တိုက်ယူရဦးမယ်ဆိုတာပါပဲ။

ပြည်တွင်းမှာ ရွှေစျေးတွေ၊ဒေါ်လာစျေးတွေတရိပ်ရိပ်ထိုးတက်နေပါတယ်။ ကုန်စျေးနှုန်းတွေလဲထိုးတက်နေတယ်။ စစ်အာဏာသိမ်းမှုကြောင့်တိုင်းပြည်ရဲ့စီးပွားရေးဟာထိုးဆင်းနေပါပြီ။ဘဏ်တွေ၊ATMတွေမှာငွေသားအလွယ်တကူထုတ်မရတော့လူတွေလက်ထဲမှာလဲငွေမရှိတော့ဘူး။Online Payment Systemကြီးတခုလုံးပျက်စီးသွားသောကြောင့်ဘာစီးပွားရေးလုပ်ငန်းမှမလည်ပတ်နိုင်တော့။ ဒီရက်ပိုင်းမျှော်လင့်စရာဘာသတင်းမှလဲမထူး။ ကြာရင်လူတိုင်းငတ်ကုန်ကြတော့မယ်။

မြန်မာပြည်ရဲ့ဒေသအချို့ကပြည်သူတွေဟာစစ်ကောင်စီကိုရရာလက်နက်စွဲကိုင်ကာတော်လှန်နေကြပါပြီ။ အထူးသဖြင့် စစ်ကိုင်းတိုင်းနဲ့ချင်းပြည်နယ်တွေမှာပါ။ ဧပြီလဆန်းလောက်ကတည်းကစစ်ကိုင်းတိုင်းကလေးမြို့ခံတပ်သပိတ်တိုက်ပွဲဟာဒီသဘောတရားကိုစခဲ့တာပါ။ခုဆိုရင်တော်လှန်ရေးတိုက်ပွဲတွေဟာယင်းမာပင်၊ကနီ၊မင်းတပ်၊ဟားခါးစတဲ့နေရာအနှံမှာပြန့်နှံနေပါပြီ။ထိုဒေသတွေကပြည်သူတွေဟာ၁၉ရာစုခေတ်ကအမဲလိုက်တူမီးသေနတ်များကိုသာအသုံးပြုတိုက်ပွဲဝင်နေရရှာတယ်။ စစ်သူပုန်တွေကတော့လက်နက်ကြီးတွေပါအသုံးပြုပြီးရက်စက်စွာအင်အားသုံးနှိပ်ကွပ်နေပါတယ်။တချို့ရွာတွေဆိုရင်ရွာလုံးကျွတ်တောတောင်တွေထဲပြေးပုန်းနေရပါတယ်။ ဒါပေမယ့်ပြည်သူတွေဘက်ကတော့စစ်အာဏာရှင် ပြုတ်ကျ​ဖို့အတွက်လုံးဝအရှုံးမပေးပဲတိုက်ပွဲဝင်သွားတော့မှာပါ။

ဘဏ်တွေပြိုတော့မယ်လို့အသံတွေထွက်နေတယ်။ ATMစက်တွေရှေ့မှာလဲငွေထုတ်ဖို့တန်းစီနေကြတဲ့သူတွေကကားမှတ်တိုင်နှစ်တိုင်စာလောက်ရှိနေကြတယ်။ စစ်ကောင်စီဟာCDMလုပ်နေတဲ့ဘဏ်တွေကိုအတင်းအကြပ်ဖွင့်ခိုင်းတယ်။ဒါပေမယ့်ငွေလာထုတ်တဲ့သူတွေကိုထုတ်ပေးစရာငွေသားအလုံအလောက်မရှိဘူး။ကန့်သတ်ချက်တွေလုပ်လာတယ်။အဲ့ဒီမှာပဲဘဏ်တွေအပေါ်ပြည်သူရဲ့ယုံကြည်မှုပျောက်ဆုံးသွားပြီးဘဏ်မှာငွေအပ်ထားတဲ့သူတိုင်းကိုယ့်ငွေကိုယ်ပြန်ထုတ်ဖို့ကြိုးစားလာကြတယ်။ ATM တွေမှာလဲငွေအလုံအလောက်မထည့်ပေးနိုင်တော့လူတွေအချိန်ကုန်ခံတန်းစီးပြီးဒုက္ခရောက်နေကြတယ်။ ဘဏ်စနစ်ကြီးတစ်ခုလုံးပြိုလဲမယ့်အရိပ်အယောင်တွေမြင်နေရပြီ။

EAO နယ်မြေတွေမှာစစ်တပ်နဲ့တိုင်းရင်းသားလက်နက်ကိုင်တွေတိုက်ပွဲတွေဆက်လက်ပြင်းထန်နေပါတယ်။ အထူးသဖြင့် KIA/KNU နယ်မြေတွေမှာပေါ့။ မတ်လလယ်လောက်ကတည်းကတိုက်ပွဲတွေစတင်ဖြစ်ပွားလာရာကနေခုဆိုတော်တော်အရှိန်ကောင်းနေပြီ။ စစ်ကောင်စီရဲ့တချို့ရှေ့တန်းစခန်းတွေလဲကျကုန်ကြပြီ။ စစ်ခွေးတွေလဲရှေ့တန်းမှာအကျအဆုံးအတော်များနေပြီ။ လက်ရှိအချိန်မှာစစ်သူပုန်တွေဟာပြည်သူအတွက်အသက်ပေးပြီးတိုက်ပွဲဝင်နေတယ်ဆိုတာဝါဒမှိုင်းတိုက်ထားမှန်းတနိုင်ငံလုံးကပြည်သူတွေကွက်ကွက်ကွင်းကွင်းသိရှိသွားကြပါပြီ။ သူတို့တွေရှေ့တန်းမှာအသေဆိုးနဲ့သေနေကြလဲဘယ်သူမှမသနားကြတော့ဘူး။ အားလုံးက EAO တွေဘက်မှာအားပေးနေကြပြီ။ ပြည်သူတရပ်လုံးကသူတို့ကိုကျိန်စာတိုက်လိုက်ကြပြီ။

ဒီနေ့ နေ့လည် ၂ နာရီကျော်ကျော်လောက်မှာ ရန်ကုန်မြို့တစ်ဝိုက်မှာ လေပြင်းတွေတိုက်ခိုက်ပြီး တစ်ချို့ နေရာတွေမှာ မီးပျက်သွားခဲ့တယ်။ လေနဲ့အတူ မအလတို့အုပ်စုပါသွားဖို့ကိုလည်း အလျှိုလျှိုဆုတောင်း နေကြတယ်။ ဂျီ ၇ အစည်းအဝေးမှာ မြန်မာနိုင်ငံနဲ့ပတ်သက်ပြီး ထုတ်ပြန်ချက်တွေထွက်လာတယ်။ ထုံးစံအတိုင်းစိုးရိမ် ပူပန်ပါတယ်ဆိုတာမျိုး...

အန်ယူဂျီက ပြည်သူ့ကာကွယ်ရေးတပ်မတော်ဖွဲ့စည်းလိုက်ကြောင်းထုတ်ပြန်ကြေညာလိုက်တယ်။ ဒီ သတင်းကို အားလုံးကဝမ်းသာကြိုဆိုကြတယ်။ တစ်ဖက်မှာလည်း စစ်သူပုန်တွေဟာ ကျောင်းတွေ၊ တက္ကသိုလ်တွေကို ပြန်လည်ဖွင့်ဖို့ကြိုးစားနေတယ်။ ကျောင်းလခတွေကောက်ခံဖို့ပြင်ဆင်နေကြ တယ်။ သူတို့ရဲ့ လာဘ်စားလိုတဲ့စိတ်နဲ့အတူ ရသမျှသဲ့ယူဖို့ ငွေဝင်ပေါက်တွေအားလုံးကိုလိုက်လံရှာဖွေနေကြ တယ်။ ဂြိုလ်တုစလောင်းတွေကလွှင့်တဲ့ရုပ်သံလိုင်းကိုကြည့်ရင်ထောင်ဒဏ်၊ ငွေဒဏ်ချခံရမယ်လို့လည်း သတင်းထုတ်ပြန်တယ်။...

စစ်အုပ်စုက သတ်မှတ်ထားတဲ့ ညမထွက်ရအမိန့်ကို ည ၈ နာရီမှ မနက် ၄ နာရီအစားည ၁၀ နာရီမှ နံနက် ၄ နာရီအဖြစ်ပြင်ဆင်သတ်မှတ်လိုက်တယ်။ သူတို့တွေက သဘောထားကြီးစွာနဲ့ဖြေလျှော့ တယ် လို့သံကောင်းဟစ်ပေမယ့် ပြည်သူတွေကတော့ မကျေနပ်နိုင်ဘူး။...