Military Coup Myanmar

မနေ့ည၁၀နါရီလောက်မှာကရင်ပြည်နယ်၊ထိုင်းနယ်စပ်ကကဘုရားသုံးဆူမြို့ထဲကိုတော်လှန်ရေးအဖွဲ့တွေဝင်ရောက်နိုင်ခဲ့ပြီးစစ်ကောင်စီရုံးဌာနတွေဖြစ်တဲ့စစ်ထောက်လှမ်းရေးရုံး၊ထွေအုပ်ရုံး၊လဝကရုံးတွေကိုမီးရှို့ဖျက်စီးနိုင်ခဲ့တယ်။အဓိကရည်ရွယ်ချက်ကတော့မြို့ထဲမှာလည်ပတ်နေတဲ့စစ်ကောင်စီရဲ့အုပ်ချုပ်ရေးယန္တရားကိုဖျက်စီးလိုက်နိုင်တာပဲ။ တော်လှန်ရေးအဖွဲ့တွေဝင်ရောက်လာချိန်မှာမြို့ထဲကစစ်ကောင်စီတပ်ဖွဲ့ဝင်တွေထွက်မလာရဲကြဘူး။လက်နက်ကြီးတွေနဲ့ရမ်းသမ်းပစ်ခတ်မှုတချို့သာလုပ်နိုင်ခဲ့တယ်။ ကရင်ပြည်နယ်မှာတော့တော်လှန်ရေးအဖွဲ့တွေဟာမြို့တွေကိုအလွယ်တကူခြိမ်းခြောက်နိုင်တဲ့အနေအထားဖြစ်နေပါပြီ။ဒီလတွေထဲမှာပဲကော့ကရိတ်၊ကြာအင်းဆိတ်ကြီးနဲ့အခုဘုရားသုံးဆူမြို့တွေကစစ်ကောင်စီတပ်တွေကိုဝင်ရောက်တိုက်ခိုက်နိုင်ခဲ့ကြတယ်။စစ်ကောင်စီရဲ့လေတပ်သာမရှိရင်ထိုမြို့တွေကိုအလွယ်တကူသိမ်းပိုက်နိုင်ပြီးလောက်ပြီ။

စစ်တပ်အာဏာသိမ်းပြီး ၂ နှစ်နီးပါး ကြာမြင့်လာသောအခါ ဘယ်ဘက်ကနိုင်နေပြီလဲ ဆိုသည့်မေးခွန်းကို မေးလာကြသကဲ့သို့ ငါတို့နိုင်နေပြီဟုလည်း ဘက်တိုင်းက ပြောဆိုလာကြသည်ကို တွေ့ရသည်။ ဤမေးခွန်းနှင့်ပတ်သက်၍ မျှတသည့်၊ အခြေအနေနှင့် ကိုက်ညီသည့် အဖြေရရှိရန်အတွက် ပကတိတည်ရှိနေသော နိုင်ငံရေး၊ စီးပွားရေး၊ စစ်ရေးစသည့်...

စစ်ဖက်ဆိုင်ရာထောက်လှမ်းရေးတပ်ရင်းတစ်ခုမှ ဗိုလ်မှူးသန်းထွဋ်နှင့် အဖွဲ့ဟာ နေပြည်တော်၏ တောင်ဘက် မိုင် ၄၀ ခန့်အကွာ တောင်ငူခရိုင်အတွင်းရှိ ရန်ကုန်- မန္တလေး အမြန်လမ်းမကြီး အနီးတဝိုက်တွင် လုပ်ကြံသတ်ဖြတ်ခံလိုက်ရတယ်။ထိုသူတွေဟာ နာမည်ဆိုးဖြင့် ကျော်ကြားလှသော စစ်ကြောရေးစခန်းများကို အဓိကကြီးကြပ်ပြီး စစ်ကောင်စီကို တော်လှန်နေသော...

NUGကပြန်လည်ရောင်းချနေတဲ့EODပရောဂျက်တစ်ခုဖြစ်တဲ့နွေဦးရဲ့ရင့်ကွန်ဒိုတိုက်ခိုက်တွေတရက်အတွင်းမှာပဲရောင်းကုန်သွားတယ်။ဒီတခေါက်မှာဒေါ်လာ၁၀သန်းဖိုးလောက်ရောင်းချရလိုက်တယ်။နောက်ထပ်ပြီးမိုးကုတ်ရတနာမြေမှာကျောက်မျက်တူးဖော်ခွင့်ပေးမယ့်ပရောဂျက်တွေလဲကျန်သေးတယ်။အခုနောက်ပိုင်းNUGကပြုလုပ်တဲ့ရန်ပုံငွေရှာပရောဂျက်တွေကိုပြည်သူတွေအားပေးမှုပိုမိုအားကောင်းလာတာတွေ့ရတယ်။အရင်ကပရောဂျက်တစ်ခုရောင်းကုန်ဖို့တပတ်လောက်ကြာခဲ့ရာကနေအခုဆိုရင်တရက်အတွင်းရောင်းကုန်သွားတဲ့အခြေအနေတွေဖြစ်လာပြီ။ရန်ပုံငွေရှာဖွေမှုအပိုင်းမှာပြည်သူတွေရဲ့ပါဝင်မှုနှုန်းဟာအတော်အားရစရာကောင်းနေပြီ။ဒါအပြင်NUGအနေနဲ့နွေဦးဖွံ့ဖြိုးရေးဘဏ်တစ်ခုထူထောင်ဖို့ပြင်ဆင်နေကြောင်းထုတ်ပြောလာတယ်။ထိုဘဏ်အတွက်အာမခံငွေကြေးအနေနဲ့အမေရိကန်ကထိန်းချုပ်ထားတဲ့ဒေါ်လာ၁ဘီလီယံကိုအသုံးပြုခွင့်ပေးဖို့ကြိုးစားနေတယ်။၂၀၂၃နှစ်ဝက်မတိုင်ခင်ဖြစ်လာဖို့မျှော်မှန်းထားတယ်။  

ကရင်ပြည်နယ်၊ ဘုရားသုံးဆူမြို့နယ်ခွဲရှိ ဒီမိုကရေစီအကျိုးပြုကရင့်တပ်မတော် (DKBA)  ဗျူဟာမှူး ဗိုလ်အေဝမ်းရဲ့ အိမ်ကိုစစ်ကောင်စီတပ်က တိုက်လေယာဉ်နဲ့ ဗုံး ၃ လုံးကြဲချသွားတယ်။ ဗုံးဒဏ်ကြောင့် ဒီကေဘီအေတပ်သား၂ဦးဒဏ်ရာရပြီးဗျူဟာမှူးဗိုလ်အေဝမ်းရဲ့နေအိမ်လည်းထိခိုက်ပျက်စီးသွားပါတယ်။လေကြောင်းတိုက်ခိုက်မယ့်သတင်းရထားလို့ DKBA တာဝန်ရှိသူတွေနဲ့ တပ်သားတွေကတော့ ဘေးလွတ်ကင်းရာမှာ အချိန်မီပြောင်းရွှေ့ ရှောင်တိမ်းနိုင်ခဲ့ပြီး DKBA ကားမောင်းသမား...

ကယားပြည်နယ်ဘော်လခဲမြို့နယ်ကစစ်တပ်အခိုင်အမာစခန်းတစ်ခုဖြစ်တဲ့မယ်စလောင်းတောင်စခန်းကုန်းကိုKNDFအဖွဲ့တွေတိုက်ခိုက်သိမ်းပိုက်လိုက်တယ်။စစ်သူပုန်လေးယောက်သေဆုံးပြီးကျန်တဲ့သူတွေထွက်ပြေးသွားလို့လက်နက်ခဲယမ်းတွေသိမ်းဆည်းရမိလိုက်တယ်။အားရဖို့ကောင်းတာကထိုစခန်းကိုတိုက်ခိုက်နေစဉ်အတွင်းမှာပဲဘော်လခဲမြို့ပေါ်ကစစ်တပ်ရင်းကိုပိတ်ဆို့ထားနိုင်တယ်။ဒါကြောင့်စစ်သူပုန်တွေဘက်ကစစ်ကူလဲလွှတ်မရဖြစ်သွားတာပေါ့။အခုနောက်ပိုင်းတော်လှန်ရေးအဖွဲ့တွေစခန်းသိမ်းတိုက်ပွဲဆင်နွှဲရင်ထိုဗျူဟာကိုအသုံးပြုလာကြတယ်။လဆန်းပိုင်းကကော့ကရိတ်တိုက်ပွဲမှာလဲဒီသဘောတရားပဲ။စစ်ကူပေးနိုင်မယ့်လမ်းကြောင်းတွေကိုပိတ်ဆို့ခြင်း၊ဒါမှမဟုတ်တပြိုင်နက်တိုက်ခိုက်ခြင်းဗျူဟာကိုကျင့်သုံးလာကြပြီ။လူအင်အားလက်နက်အင်အားရှိလာတာလဲပါမှာပေါ့။ ကယားပြည်နယ်မှာအရင်စစ်တပ်လက်အောက်ခဲပည်သူ့အဖွဲ့ကလဲတော်လှန်ရေးအဖွဲ့တွေနဲ့ပူးပေါင်းတော့မယ်လို့ကြားရတယ်။နယ်မြေတဆက်ထဲရှမ်းပြည်တောင်ပိုင်းမှာလဲလှုပ်ရှားမှုလေးတွေရှိလာပြီဆိုတော့ကယားပြည်နယ်အတွင်းစစ်ရေးမှာဒီထပ်ပိုပြီးအခြေအနေကောင်းလာနိုင်ပါတယ်။  

စစ်ကိုင်းနဲ့ကချင်အစပ်ကကသာမြို့နယ်မိုးတားလေးကျေးရွာဝန်းကျင်ကိုစစ်ကောင်စီကတိုက်လေယာဥ်များနဲ့နှစ်ရက်ဆက်တိုက်ဗုံးကြဲတိုက်ခိုက်မှုကြောင့်ဒေသ၈ဦးသေဆုံးပြီးသုံးဆယ်လောက်ဒဏ်ရာရရှိသွားတယ်။မနေ့ကဗုံးကြဲမှုမှာဆိုရင်အလှူလုပ်နေတဲ့အိမ်ကိုဗုံးတိုက်ရိုက်ထိမှန်ခြင်းကြောင့်အစုလိုက်သေဆုံးပြီးဒဏ်ရာရသူတွေများပြားသွားတာပါ။ ထိုနယ်မြေအတွင်းစစ်ကြောင်းထိုးလာတဲ့စစ်သူပုန်တပ်ကိုတော်လှန်ရေးအင်အားစုတွေကမနေ့ကတည်းကဝိုင်းဝန်းပိတ်ဆို့တိုက်ခိုက်ခဲ့ကြတယ်။စစ်သူပုန်တွေအထိနာတော့သူတို့လုပ်နေကြအတိုင်းပြည်သူတွေရှိတဲ့ရွာတွေဘက်ကိုပေါင်၅၀၀ဗုံးတွေပါသုံးပြီးဗုံးကြဲတိုက်ခိုက်ခဲ့တယ်။အခုဆိုရင်ထိုကျေးရွာအုပ်စုကရွာတွေကိုမီးရှို့ဖျက်စီးနေကြပြီ။လက်ရှိအချိန်ထိတိုက်ပွဲတွေဆက်လက်ဖြစ်ပွားနေပြီးဒဏ်ရာရထားတဲ့ပြည်သူတွေကိုတော်လှန်ရေးအင်အားစုတွေကဆေးကုပေးနေရတယ်။

သမ္မတကြီးဦးဝင်းမြင့်ကိုနေပြည်တော်ကနေတောင်ငူအကျဉ်းထောင်ကိုပြောင်းရွှေ့လိုက်တယ်လို့သိရတယ်။အရင်ကနေပြည်တော်ကသူလူမသိတဲ့နေရာတစ်ခုမှာဖမ်းဆီးထားတာပါ။အခုတော့သူ့ကိုဖမ်းဆီးထားတဲ့နေရာကိုသိရပေမယ့်သမ္မတကြီးကတော်နဲ့ကလေးတွေ၊အိမ်အကူတွေကိုဘယ်မှာဖမ်းဆီးထားမှန်းမသိသေးဘူး။ထိုသူတွေကိုတစုံတရာအမှုဆင်တရားစွဲထားတာလဲမရှိပဲနဲ့စစ်ကောင်စီဟာဖမ်းဆီးထားတယ်။သမ္မတကြီးနဲ့သူ့ရဲ့မိသားစုသတင်းဟာလူစိတ်ဝင်စားခြင်းလဲသိပ်မခံရပါဘူး။ ကုလသမဂ္ဂနဲ့နိုင်ငံတကာကသမ္မတကြီးနဲ့ဒေါ်အောင်ဆန်းစုကြည်တို့ကိုချက်ချင်းပြန်လွှတ်ပေးဖို့ဆုံးဖြတ်တောင်းဆိုထားတာတစ်လနီးပါးကြာလာပေမယ့်စစ်ကောင်စီကတော့လက်လျောမယ့်ပုံအရိပ်အယောင်တောင်မတွေ့ဘူး။နိုင်ငံအတွင်းမှာလဲဆက်လက်အကြမ်းဖက်မှုတွေကျူးလွန်နေဆဲပါပဲ။  

အခုနောက်ပိုင်းစစ်ကောင်စီနဲ့ထိုင်းနိုင်ငံတို့အကြားဆက်ဆံရေးတွေခပ်စိတ်စိတ်တွေ့နေရတယ်။အခုလဲစစ်ကောင်စီဘက်တော်သားဂျပန်နိုင်ငံလော်ဘီငြိမ်းချမ်းရေးအမည်ခံတစ်ဦးဖြစ်တဲ့ဆာဆာကာဝါဟာထိုင်းဝန်ကြီးချုပ်နဲ့တွေ့ဆုံနေတယ်။သူတို့နှစ်ဦးတွေ့ဆုံမှုကိုလျော့တွက်လို့တော့မရဘူး။နှစ်ဦးစလုံးဟာစစ်ကောင်စီဘက်တော်သားတွေဖြစ်တဲ့အလျောက်သမြန်မာ့အရေးစစ်ကောင်စီကိုဘယ်လိုပံ့ပိုးပေးမလဲဆိုတာဆွေးနွေးကြမှာကျိန်းသေတယ်။ လာမယ့်အပတ်မှာလဲထိုင်းစစ်ဦးစီးချုပ်ကမြန်မာပြည်လာပြီးမင်းအောင်လှိုင်နဲ့တွေ့ဦးမယ်။သူတို့နှစ်ဦးတွေ့ဆုံမယ့်ရခိုင်ပြည်နယ်ကကမ်းခြေမြို့လေးဖြစ်တဲ့သံတွဲမှာလုံခြုံရေးတွေတင်းကျပ်စွာချထားတယ်။ထိုတွေ့ဆုံမှုမှာစစ်တပ်နှစ်ခုအကြားပူးပေါင်းဆောင်ရွက်မှုတွေ၊သတင်းအချက်အလက်ဖလှယ်မှုတွေကိုသဘောတူညီချက်ရရှိခဲ့ရင်ထိုင်းနိုင်ငံထဲကတော်လှန်ရေးအင်အားစုတွေအတွက်ခြိမ်းခြောက်မှုတွေဖြစ်လာလိမ့်မယ်။ စစ်ကောင်စီဟာရုရှား၊တရုတ်တို့လိုနိုင်ငံကြီးတွေရဲ့ထောက်ခံမှုကိုရဖို့မသေချာတဲ့အနေအထားမှာအိန္ဒိယ၊ထိုင်းတို့လိုအိမ်နီးချင်းနိုင်ငံတွေရဲ့အားကိုယူပြီးရှင်သန်ဖို့ကြိုးစားနေတယ်။အထူးသဖြင့်တော်လှန်ရေးအတွက်ကြီးမားတဲ့ထောက်ပို့လမ်းကြောင်းတွေရှိတဲ့ထိုင်းနိုင်ငံကိုသိမ်းသွင်းပြီးတော်လှန်ရေးကိုရသလောက်နှောက်ယှက်ချင်နေတဲ့သဘောပဲ။

၂၀၂၂ ခုနှစ် နှစ်ကုန်ခါနီး မြန်မာ့အရေးနှင့် ပတ်သက်သည့် သံခင်းတမန်ခင်းသည် လှုပ်လှုပ်ရှားရှား ရှိသည်။ ၂၀၂၂ ခုနှစ် ဒီဇင်ဘာလအတွင်း အရေးပါသည့် ဆုံးဖြတ်ချက်များ၊ ခြေလှမ်းများကို တွေ့ရသကဲ့သို့ တန်ပြန်သည့် လှုပ်ရှား မှုများကိုလည်းတွေ့ရ၏။ တနှစ်လုံး လှုပ်ရှားလာသမျှ...