အာဏာသိမ်း ဒိုင်ယာရီ

မကွေးလေတပ်စခန်းကိုရှော့တိုက်ဒုံးနဲ့အပစ်ခံရလို့စစ်ကောင်စီရဲ့တိုက်လေယာဉ်တချို့ပျက်စီးသွားတယ်လို့သိရတယ်။တိုက်လေယာဉ်တွေပျက်စီးတဲ့သတင်းကတော့မသေချာသေးပေမယ့်လေတပ်စခန်းကိုတော့ရှော့တိုက်ဒုံးနဲ့တကယ်အပစ်ခံရတာပါ။ပုံမှန်လုပ်နေကြနေ့စဉ်လေယာဉ်အတက်အဆင်းတွေမလုပ်နိုင်တော့ဘူးလို့ဒေသခံတွေကပြောတယ်။ထိုမစ်ရှစ်ကိုKNUကဦးဆောင်ခဲ့တာတဲ့။မကွေးလိုမြန်မာပြည်အလယ်ပိုင်းဒေသအထိKNUလက်တံတွေရောက်နေပြီလားစဉ်းစားစရာပဲ။လေပေါ်မှာပျံနေတဲ့စစ်တပ်ရဲ့လေယာဉ်တွေကိုထိခိုက်အောင်မလုပ်နိုင်သေးရင်မြေပြင်လေတပ်စခန်းတွေကိုအဝေးကနေတိုက်ခိုက်တဲ့နည်းဗျူဟာကနောက်ပိုင်းမှာအလုပ်ဖြစ်နိုင်တယ်။မကွေးလေတပ်စခန်းဆိုတာအရင်ကလဲမကြာခဏအတိုက်ခိုက်ခံရဖူးတယ်။ မြောင်မြို့နယ်ဘက်ကတိုက်ပွဲတွေမှာလဲလေတပ်ကမှားယွင်းပစ်ခတ်လို့မြေပြင်မှာPDFအယောင်ဆောင်ထားတဲ့စစ်ကောင်စီတပ်သားငါးဆယ်ကျော်သေဆုံးသွားတယ်လို့သိရတယ်။စစ်ကောင်စီရဲ့လေတပ်ဂြိုလ်ဆိုးစဝင်နေပြီထင်တယ်။

ကျင်းပပြုလုပ်လျက်ရှိတဲ့အာဆီယံထိပ်သီးအစည်းအဝေးမှာမြန်မာ့အရေးအတွက်ဆုံးဖြတ်ချက်အသစ်တွေကိုတွေ့လာရတယ်။ဆုံးဖြတ်ချက်အသစ်ဆိုပေမယ့်ဘုံသဘောတူညီချက်ငါးရပ်ကိုသာဆက်လက်ကိုင်စွဲထားတာပါ။ဒီတခေါက်မှာတော့အဆိုပါဘုံသဘောတူညီချက်ငါးရပ်ကိုအချိန်သတ်မှတ်ဖော်ဆောင်ဖို့နဲ့NUG အပါအဝင်သက်ဆိုင်သူတွေနဲ့တွေ့ဖို့ပွောလာကွပွီ။အာဆီယံအလှည့်ကျဥက္ကဌဖြစ်လာမယ့်အင်ဒိုနီးရှားကတော့မြန်မာကိုအာဆီယံကခဏထုတ်ပစ်ဖို့အထိပြောလာတယ်။ထိုနှစ်ချက်ကိုသေချာအကောင်အထည်ဖော်နိုင်ရင်တော့စစ်ကောင်စီအနေနဲ့ဒီထပ်ပိုပြီးအသက်ရှုကြပ်လာမှာသေချာသလောက်ပဲ။ ကိုယ့်အမြင်ကတော့အချိန်သတ်မှတ်မယ်ဆိုပေမယ့်အဆိုပါအချိန်သတ်မှတ်ဖို့ကိုတောင်တစ်နှစ်လောက်ကြာအောင်ဆွေးနွေးကြဦးမှာ။NUGနဲ့တွေ့ဖို့ပါလာပေမယ့်ဘယ်အချိန်တွေ့မလဲတိတိကျကမရှိသေးဘူး။အာဆီယံကတော့တတ်နိုင်သလောက်အချိန်ဆွဲပေးနေတယ်။တိုးတက်မှုတွေကနှေးကွေးလွန်းတယ်။

တနင်္သာရီတိုင်း ပုလောမှာရှေ့ရက်က တပတ်အတွင်းမှာစစ်ကောင်စီတပ်သား ၄၀သေဆုံးသွားတယ်။ ဒါတောင်မှထားဝယ်ခရိုင်ထဲက တိုက်ပွဲတွေမပါသေးဘူး။ တနင်္သာရီတိုင်းထဲမှာနေ့တိုင်းနီးပါး တိုက်ပွဲရှိလာပြီ။တနင်္သာရီတိုင်းထဲမှာ KNLA KTLA PDF LDF တွေကအရင်ထက် လက်တွဲမိလာပုံပဲ။တိုက်ပွဲထဲ ပိုပြီး ပါဝင်လာတယ်။ ဒါပြင် ဒီကနေ့ မနက်မှာလည်း မွန်ပြည်နယ်...

ရန်ကုန်ကYBS BUSကားတွေပေါ်မှာလုယက်အကြမ်းဖက်မှုတွေတနေ့တခြားပိုမိုဆိုးရွားလာနေပြီ။အရင်ကBUSကားတွေပေါ်မှာခါးပိုက်နှိုက်မှုတွေလောက်သာရှိခဲ့ရာမှအခုဆိုရင်အနုကြမ်းစီးမှုတွေပါဖြစ်ပေါ်လာတယ်။ခါးပိုက်နှိုက်တွေလဲအရင်ကထပ်သိသိသာသာပေါများလာတယ်။ကျူးလွန်သူတွေဟာတစ်ယောက်ထဲမဟုတ်ပဲအဖွဲ့လိုက်ကျူးလွန်ကြတယ်။ကိုယ့်ပစ္စည်းပါသွားရင်ဘယ်တော့မှပြန်မရဘူး။ရဲစခန်းလဲအားကိုးလို့မရဘူး။အချက်အလက်တွေအရလိုင်းကားတွေပေါ်မှာခါးပိုက်နှိုက်ခံရသူအနည်းဆုံးတစ်ရက်ကိုသုံးဦးအထက်ရှိနေတယ်။ကိုယ်တိုင်လဲခံရတာနှစ်ခါရှိပြီ။သတိရှိလို့သာဘာပစ္စည်းမှမဆုံးသွားတာပါ။ အခုနောက်ပိုင်းကျူးလွန်သူတွေဟာBUSကားတွေပေါ်မှာပေါ်ပေါ်ထင်ထင်ဓားမြတိုက်လာကြတယ်။နေ့ခင်းပိုင်းကားချောင်တဲ့အချိန်မျိုးကိုရွှေးပြီးကားပေါ်ကိုအုပ်စုလိုက်တက်လာကြပြီးဓားပြချိန်းခြောက်ကာခရီးသည်တွေဆီကလုယက်ကြတယ်။ဘယ်သူမှလဲမကူညီနိုင်ကြဘူး။ဒီလိုဖြစ်ရပ်မျိုးအရင်ကစိတ်ကူးထဲတောင်မကြားဖူးဘူး။အခုဆိုရင်BUSကားစီးရတာကားကြပ်ရင်ခါးပိုက်နှိုက်ရန်ကြောက်ရပြီးကားချောင်ရင်ဓားမြတိုက်ခံရမှာကြောက်နေရတယ်။  

နာမည်ကြီးရသစာရေးဆရာအကြည်တော်ကွယ်လွန်သွားပြီ။ဒီကာလမှာစာရေးဆရာ၊ကဗျာဆရာတွေတဖြုတ်ဖြုတ်ကြွေလွင့်ကုန်ကြတယ်။မြန်မာ့စာပေလောကကလဲပျက်သလောက်ဖြစ်နေပြီ။နိုင်ငံရေးအခြေအနေမကောင်းတဲ့အတွက်ဖန်တီးမှုအသစ်တွေမလုပ်နိုင်ကြတော့ဘူး။စာအုပ်အသစ်တွေမထွက်တော့ဘူး။ထွက်လာတဲ့စာအုပ်တွေကလဲစက္ကူဈေးကြီးမြင့်မှုကြောင့်ဈေးသက်သက်သာသာနဲ့မရောင်းနိုင်ကြတော့ဘူး။ဒါကြောင့်လူတွေလဲဝယ်မဖတ်နိုင်တော့ဘူး။ရသစာပေဆိုရင်ပျောက်ကွယ်သလောက်တောင်ဖြစ်နေပြီ။ စာရေးဆရာတွေကြွေလွင့်နေသလိုသတင်းထောက်တွေလဲတချို့ကအဖမ်းခံရ၊တချို့ကပြေးနေကြရတယ်။စာပေလောကတစ်ခုထဲတင်မဟုတ်ပဲအနုပညာလောကကြီးတစ်ခုလုံးရပ်တန့်ပျက်စီးနေတယ်။ရုပ်ရှင်လောကမှာလဲရုပ်ရှင်အသစ်တွေထပ်မရိုက်ကြတော့ဘူး။မင်းသားမင်းသမီးဒါရိုက်တာတွေကထောင်ထဲမှာလေ။လွတ်မြောက်လာတဲ့သူတွေကလဲအနုပညာလှုပ်ရှားမှုတွေဆက်မလုပ်ကြဘူး။ရှိတဲ့သူနဲ့ဖြစ်သလိုရိုက်ပြီးရုပ်ရှင်ကားတွေထွက်လာတယ်ဆိုလည်းကြည့်မယ့်ပရိသတ်မရှိဘူး။အားလုံးပျက်စီးနေပြီ။  

အင်ဒိုနီးရှားမှာပြုလုပ်မယ့်Global Town Hall 2022 အခမ်းအနားမှာNUGနိုင်ငံခြာရေးဝန်ကြီးဒေါ်ဇင်မာအောင်မိန့်ခွန်းပြောမယ့်အစီအစဉ်ကိုအခမ်းအနားစခါနီးမှဖျက်သိမ်းခြင်းခံလိုက်ရတယ်။ကုလသမဂ္ဂအရာရှိတစ်ယောက်ကကန့်ကွက်တဲ့အတွက်အခုဖြစ်သွားတာလို့သိရတယ်။ မြန်မာနိုင်ငံကစစ်ပွဲအတွင်းမှာ ကုလသမဂ္ဂအနေနဲ့ တစ်ဖက်ဖက်ကို ရွေးချယ်လိုက်တယ်လို့ အထင်ခံရမှာကို ကြောက်ရွံစိုးရိမ်တဲ့အတွက် Global Town Hall 2022 အခမ်းအနားမှာ မြန်မာ့ဒီမိုကရေစီအရေး လှုပ်ရှားနေတဲ့ပြောရေးဆိုခွင့်ရှိသူတွေကိုချန်လှပ်ထားဖို့တောင်းဆိုခဲ့တာဖြစ်တယ်။အခမ်းအနားစီစဉ်တွေအနေနဲ့ ဖိတ်ကြားထားနှင့်ပြီးသား မြန်မာနိုင်ငံရဲ့...

ဒီနေ့ကတော့တန်ဆောင်မုန်းလပြည့်နေ့ပါ။အရင်တုန်းကတော့မိုးလေကင်းလွတ်သီတင်းကျွတ်နဲ့တန်ဆောင်တိုင်လတွေဆိုတာသင်္ကြန်ပွဲတော်ပီးရင်မြန်မာနိုင်ငံမှာအစည်ကားဆုံးလတွေပါ။သီတင်းကျွတ်လမှာမီးထွန်းပွဲတွေနဲ့မီးပုံးပျံတွေလွတ်ကြတယ်။တန်ဆောင်မုန်းလမှာကထိန်ပွဲနဲ့နိဗ္ဗာန်ဈေးပွဲတော်တွေရှိတယ်။စစ်အာဏာသိမ်းပီးနောက်ဒီလိုအချိန်မှာဘာပွဲတော်မှမရှိတော့ဘူး။ကထိန်ပွဲလောက်ပဲရိုးရာမပျက်မည်ကာမတ္တလောက်သာလုပ်နိုင်ကြတော့တယ်။ပြည်သူတွေအချင်းချင်းအလှူကြီးပေးတဲ့ပုံစံနဲ့ပြုလုပ်ကြတဲ့နိဗ္ဗာန်ဈေးပွဲတော်ဆိုတာပျောက်ကွယ်သွားတာသုံးနှစ်လောက်ရှိနေပြီ။မြန်မာပြည်မှာအပျော်တွေပျေက်ဆုံးနေတာကြာြပီ။ ဒီနှစ်တွေမှာတော့တန်ဆောင်မုန်းလမှာလူတွေပုံစံတမျိုးနဲ့အပျော်တွေဖန်တီးလာကြတယ်။ဒီနေ့လိုညမျိုးမှာပံသကူပစ်ကြကောက်ကြတယ်။ပံသကူပစ်တယ်ဆိုတာလှူတဲ့သူကလှူမယ့်ပစ္စည်းကိုတနေရာမှာဖွတ်ထားရပြီးကောက်တဲ့သူကရှာဖွေကောက်ရတာပါ။အခုတော့ပုံစံတွေပြောင်းကုန်တယ်။လမ်းမတွေပေါ်မှာသွားလာနေတဲ့ကားတွေကပိုက်ဆံတွေပစ်ချသွားကြတယ်။ကောက်မယ့်သူတွေကလဲလမ်းမတွေရဲ့နဘေးမှာတပုံကြီးပဲ။ယာဉ်အန္တရာယ်ကိုဂရုမစိုက်ကြပဲဝရုန်းသုန်းကားနဲ့ပိုက်ဆံလိုက်ကောက်နေကြတယ်။ရိုးရာဓလေ့တွေလဲပျက်စီးကုန်ကြပြီ။

စစ်ကောင်စီဟာနိုင်ငံပုံမှန်ပြန်လည်လည်ပတ်နေသယောင်ပြသချင်နေတဲ့အတွက်တန်ဆောင်တိုင်ပွဲတော်တွေကိုစည်ကားအောင်နိုင်ငံတဝန်းမှာပြုလုပ်နေတယ်။သူတို့အဲ့ဒီလိုလုပ်လေလေပြည်သူကလက်မခံလေလေပဲ။ ပြင်ဦးလွင်မှာနှစ်နှစ်ကြာရပ်နားထားခဲ့ရတဲ့မီးပုံပျံပွဲကိုဒီနှစ်စစ်ကောင်စီကအခမ်းအနားနဲ့သေချာဖွင့်လှစ်ကျင်းပခဲ့တယ်။မီးပုံးပျံခြောက်ဆယ်ကျော်ကိုလဲလွှတ်တင်ဖို့စီစဉ်ထားတယ်။ဒါပေမယ့်ဖွင့်ပွဲနေ့ကတည်းကသူတို့လူကလွဲပြီးမြို့ခံတွေဘယ်သူမှမလာကြဘူး။စည်စည်ကားကားမရှိတဲ့အတွက်လောင်းကစားဝိုင်းနဲ့အရက်ဝိုင်းတွေကိုစစ်ကောင်စီကိုယ်တိုင်မီးပုံပျံပွဲမှာထည့်သွင်းစေတယ်။ထိုလောင်းကစားဝိုင်းတွေကိုဗိုလ်မှုးတစ်ဦးကကန်ထရိုက်ယူထားတယ်လို့လဲသိရတယ်။ပြင်ဦးလွင်မီးပုံးပျံပွဲဟာရိုးရာဓလေ့ပွဲတော်တစ်ခုဖြစ်ပြီးလောင်းကစားဝိုင်းတွေနဲ့ဘယ်လိုမှအပ်ဆက်မှုမရှိဘူး။စစ်ကောင်စီဟာပွဲတော်ရဲ့ပုံရိပ်ကိုရောလူတွေရဲ့အကျင့်စာရိတ္တကိုပါရည်ရွယ်ချက်ရှိဖျက်စီးဖို့ကြိုးစားနေတယ်။လူစည်ကားရင်ပီးရောမကောင်းတာမှန်သမျှလုပ်လို့ရတယ်ဆိုတဲ့ပုံစံမျိုးလုပ်နေတာပဲ။ ပဲခူးမြို့မှာလဲရွှေမောဓောဘုရားဘေးမှာတန်ဆောင်တိုင်ဘုရားပွဲပြုလုပ်နေတယ်။ဘယ်ပြည်သူမှမလာလို့သူလူတွေကိုပဲနေရာရွှေ့ခိုင်းပြီးစည်ကားသယောင်ဓာတ်ပုံရိုက်ဝါဒဖြန့်နေရတယ်။ပဲခူးမြို့မှာသပိတ်တွေအားကောင်းစဉ်ကာလတုန်းကစစ်တပ်ကအကြမ်းဖက်ဖြိုခွဲလို့တစ်ရက်ထဲအပစ်မဲ့ပြည်သူရှစ်ဆယ်ခန့်ကျဆုံးဖူးတယ်။မြို့ခံတွေကအားမတန်လို့မာန်လျှော့ထားရပေမယ့်စစ်ကောင်စီကိုအော့နှလုံးနာနေကြပြီ။            

စစ်ကောင်စီကပြန်လည်စည်ကားလာအောင်အသည်းအသန်ကြိုးစားနေတဲ့ကျိုက်ထီးရိုးဘုရားမှာအခုတန်ဆောင်တိုင်ကာလဘုရားဖူးအနည်းငယ်သာလာရောက်ကြတယ်လို့သိရတယ်။တောင်တက်ကားနဲ့အခမဲ့တည်းခိုခွင့်တွေပါစီစဉ်ပေးခဲ့ပေမယ့်ဘုရားဖူးသူရာဂဏန်းလောက်သာလာရောက်ကြတယ်။လာတဲ့သူတွေကလဲစစ်ကောင်စီနဲ့အတင်းအကျပ်စေခိုင်းမှုကြောင့်လာရတဲ့Non CDMဝန်ထမ်းတွေပါ။စတုဒီသာကျွေးမွေးဖို့စီစဉ်ထားတဲ့နေရာမှာအစားအသောက်တွေအများအပြားပိုလျှံနေတာကိုလဲတွေ့ရတယ်။ခါတိုင်းဒီလိုအချိန်တွေဆိုဘုရားဖူးတွေကြက်ပျံမကျနေရာလပ်မရှိအောင်စည်ကားတတ်တဲ့နေရာမျိုးဟာအခုလိုအခြေအနေဖြစ်သွားတဲ့အတွက်စစ်ကောင်စီရဲ့ကြိုးပမ်းမှုဟာအရာမရောက်ခဲ့ဘူး။ ရှမ်းပြည်နယ်ကလောမြို့လေးမှာလဲစစ်ကောင်စီကတန်ဆောင်တိုင်ပွဲပြုလုပ်ဖို့စီစဉ်ခဲ့ပေမယ့်မြို့ခံတွေကလက်မခံတာကြောင့်မဖြစ်မြောက်ခဲ့ဘူး။ခရီးသွားမြို့လေးတစ်ခုဖြစ်တဲ့ကလောမြို့ဟာသေးငယ်ပေမယ့်ဒေသခံတွေရဲ့စည်းလုံးမှုကိုစစ်ကောင်စီကဖျက်စီးလို့မရခဲ့ဘူး။ခေတ်ပြန်ကောင်းရင်တော့ကလောမြို့လေးကိုလေးစားတဲ့အနေနဲ့နောက်တစ်ခေါက်ထပ်သွားဖြစ်လိမ့်ဦးမယ်။

NUGကရန်ပုံငွေရှာတဲ့ပရောဂျက်တွေထဲကတစ်ခုဖြစ်တဲ့မန္တလေးမြို့အရှေ့ဘက်ရေတံခွန်တောင်မြေကွက်တွေပထမအသုတ်ရောင်းကုန်သွားလို့ဒုတိယအသုတ်အနေနဲ့အကွက်နှစ်ရာကျော်ထပ်မံရောင်းချနေတယ်။ဒီတခေါက်မှာတော့တစ်ဦးထဲဒေါ်လာ၂.၃သန်းကျော်ဝယ်ယူသွားမှုမျိုးတွေရှိလာတယ်။ပြည်တွင်းကခရိုနီတွေ၊လုပ်ငန်းရှင်ကြီးတွေတော်လှန်ရေးရံပုံငွေရှာဖွေမှုမှာပါဝင်လာပြီလား။ အရင်တုန်းကရံပုံငွေရှာဖို့ဆိုရင်မူးစုပဲစုရှာနေရတဲ့အနေအထားမှာသူတို့တွေသာပါဝင်လာမယ်ဆိုရင်ငွေအလုံးအရင်းနဲ့ရလာမှာဖြစ်တဲ့အတွက်အောင်ပွဲရဖို့ပိုမြန်လာလိမ့်မယ်။သူတို့တွေဒီထက်ပိုပြီးပါဝင်လာနိုင်ဖို့NUGအနေနဲ့ကလဲအလုပ်ကောင်းကောင်းလုပ်ပြနိုင်ဖို့လိုလိမ့်မယ်။အခုဆိုရင်ရံပုံငွေရရှိနှုန်းဟာအရင်ကထက်အများကြီးတိုးတက်လာပြီ။လုံလောက်မှုမရှိသေးဘူးဆိုပေမယ့်ဒီထက်ပိုပြီးငွေဝင်လာဖို့တော်လှန်ရေးမှာသိသာထင်ရှားတဲ့ရလဒ်တွေဖန်းတီးနိုင်ဖို့လိုလာပြီ။