အာဏာသိမ်း ဒိုင်ယာရီ

ဖေဖော်ဝါရီလလောက်ကစစ်တပ်ရဲ့လေကြောင်းရန်ကိုကာကွယ်နိုင်ဖို့ Dragon Fly Project နဲ့ကန်ပိန်းတစ်ခုပြုလုပ်ပြီးအလှူငွေတွေကောက်ခံခဲ့တယ်။စုစုပေါင်းဒေါ်လာ၂.၂သန်းလောက်ရခဲ့ပီးအအောင်မြင်ဆုံးပရောဂျက်အဖြစ်စံချိန်တင်နိုင်ခဲ့တယ်။အခုထိုပရောဂျက်ကရတဲ့ငွေတွေနဲ့ဝယ်ယူထားတဲ့လေကြောင်းရန်ကာကွယ်ရေးပစ္စည်းတွေစတင်တာဝန်ထမ်းဆောင်နေပြီလို့NUGကကြေငြာလိုက်ပြီ။ လေကြောင်းပစ်လက်နက်တွေဆိုတာငွေရှိတိုင်းအလွယ်တကူဝယ်ယူလို့မရနိုင်ဘူး။အလွယ်တကူဝယ်လို့ရမယ်ဆိုရင်စစ်တပ်နဲ့ တိုက်ပွဲ အကြီးအကျယ်ဖြစ်တဲ့KIA AA KNU MNDAA စတဲ့ EROs တွေ လက်ထဲမှာလေကြောင်းပစ်လက်နက်တွေဖောဖောသီသီရှိနေမှာပေါ့။မှောင်ခိုစျေးကွက်မှာလဲလေကြောင်းပစ်လက်နက်တွေအားလုံးတင်းတင်းကြပ်ကြပ်ပိတ်ထားတယ်။အထူးသဖြင့် မသမာသူတွေ လက်ထဲကိုလေကြောင်းပစ် လက်နက်တွေ ရသွားရင်အရပ်သား လေကြောင်းလိုင်းတွေအပေါ်ကိုခြိမ်းခြောက်မူ...

ဒီနေ့ဟာ၁၉၈၈ခုနှစ်ကအာဏာရှင်ကိုတော်လှန်တဲ့လူထုအုံကြွမှုကြီးဖြစ်ခဲ့တဲ့၈လေးလုံးနှစ်ပတ်လည်နေ့ဖြစ်တယ်။လွန်ခဲ့တဲ့၃၄နှစ်ကတည်းကတိုက်ပွဲဝင်လာတဲ့ဒီမိုကရေစီတိုက်ပွဲဟာအခုချိန်ထိမပြီးဆုံးသေးဘူး။ပြည်သူတွေရဲ့အသက်အိုးအိမ်စည်းစိမ်တွေလဲအများကြီးဆုံးရှုံးခဲ့ပြီးပြီ။အခုအချိန်ထိစစ်တပ်ဟာမြန်မာ့နိုင်ငံရေးမှာနက်ရှိုင်းစွာပတ်သက်နေတုန်းပဲ။ဒီဖက်ဆစ်စစ်တပ်ကိုအမြစ်ဖြတ်မှအားလုံးချမ်းသာရာရမယ်။ အခုအချိန်ဟာလွတ်လပ်ရေးရပြီးနောက်ပိုင်းတိုင်းရင်းသားပြည်သူတရပ်လုံးဘုံရန်သူကိုထင်ထင်ရှားရှားမြင်တွေ့နေရချိန်ပဲ။အားလုံးပူးပေါင်းလုပ်ဆောင်ရမယ့်အချိန်ပဲ။ပြီးတော့ဒါဟာစစ်တပ်ကိုဖြုတ်ချပြီးနိုင်ငံသစ်ထူထောင်ဖို့နောက်ဆုံးအခွင့်အရေးဖြစ်တယ်။ဒီရေရှည်တိုက်ပွဲမှာပြည်သူတရပ်လုံးစစ်ကျွန်အဖြစ်နဲ့သားစဉ်မြေးဆက်နေသွားရလိမ့်မယ်။ဒီအရေးတော်ပုံအောင်မှဖြစ်မယ်။

ပြီးခဲ့တဲ့ရက်ပိုင်းကပြုလုပ်ခဲ့တဲ့အာဆီယံအစည်းအဝေးမှာ အမေရိကန်နိုင်ငံခြားရေးဝန်ကြီး ဘလင်ကင်တက်တယ်။ ဘလင်ကင်က NUG နှင့်အခြား အရေးပါသည့်အဖွဲ့အားလုံးနဲ့ အာဆီယံက ထိတွေ့ဆက်ဆံဖို့ပြောသွားတယ်။မြန်မာကို လူသားချင်းစာနာမှုအကူအညီတွေပေးနိုင်ဖို့ စစ်ကောင်စီကို ဖိအားထပ်ပေးဖို့ လိုအပ်ကြောင်းပြောသွားတယ်။ USလိုနိုင်ငံကNUGကိုအသိအမှတ်ပြုဖို့အတွက်လိုအပ်ချက်တွေအခြေခံအနေနဲ့သင့်တင့်တဲ့နယ်မြေပိုင်စိုးမှု၊လုံလောက်စွာစုစည်းထားတဲ့ ညီညွတ်တဲ့တပ်ဒီ (၂) ချက်က အခြေခံအနေနဲ့ လိုအပ်ပါတယ်။ နယ်မြေပိုင်စိုးမှုက...

Sexy Model တွေဖြစ်တဲ့ သင်ဇာဝင့်ကျော်နှင့်နန်းမွေစံတို့ကိုစစ်ကောင်စီကအများပြည်သူမြင်ကွင်းမှာမဖွယ်မရာတွေတင်ပြမှုနဲ့အမှုတပ်ပြီးဖမ်းဆီးလိုက်တယ်။တချို့တွေကဒီကိစ္စကိုလှောင်ကြတယ်။တချို့ကအပျော်အပျက်အဖြစ်သဘောထားကြတယ်။ သူတို့တွေဖမ်းဆီးခံရတဲ့ကိစ္စဟာ ရယ်စရာ၊ လှောင်စရာကိစ္စလည်း မဟုတ်သလို Speak Out လုပ်စရာမလိုတဲ့ အရေးမပါတဲ့ကိစ္စလည်း မဟုတ်ဘူး။ Sexy Model ဖြစ်ခြင်းဟာ လှောင်ပြောင်စရာ ကိစ္စလည်း မဟုတ်သလို သူတို့သည်လည်း...

ဗဟိုဘဏ်ကသူတို့အသေသတ်မှတ်ထားတဲ့ငွေလဲနှုန်းကိုတစ်ဒေါ်လာ၁၈၅၀ကျပ်မှ၂၁၀၀ကျပ်ကိုပြောင်းလဲလိုက်တယ်။ပို့ကုန်ရငွေတွေကိုလဲအကုန်ပြန်မအပ်ရတော့ပဲ၆၅ရာခိုင်နှုန်းပဲပြန်အပ်ဖို့သတ်မှတ်လိုက်တယ်။ဒေါ်လာဈေးကြောင့်တိုင်းပြည်စီးပွားရေးမှာအကျပ်အတည်းတွေဖြစ်လာပြီးနောက်အဖတ်ပြန်ဆည်ဖို့ဆေးမှီးတိုနဲ့ကုလိုက်တဲ့သဘောပဲ။ဒါပေမယ့်ဆေးမမှီတော့ဘူး။စီးပွားရေးအခြေအနေကကောင်းလာမှာမဟုတ်တော့ဘူး။သူတို့ကဒေါ်လာဈေးကိုတိုးမြှင့်ပြင်ဆင်လိုက်ချိန်မှာပဲအပြင်ဈေးကွက်မှာတစ်ဒေါ်လာ၃၀၀၀နားကပ်နေပြီ။ပြည်တွင်းမှာလည်ပတ်နေတဲ့ကုမ္မဏီတော်တော်များများလဲဒေဝါလီခံဖို့ပြင်ဆင်နေကြပြီ။ကုမ္မဏီတွေအနေနဲ့ဘယ်လိုမှဆက်လက်တောင့်ခံဖို့အဆင်မပြေတော့ဘူးလေ။ကုမ္မဏီတွေပြိုလဲသွားလာတာနဲ့အမျှအလုပ်လက်မဲ့တွေပိုများလာလိမ့်မယ်။အကျိုးဆက်တွေကတော့တွေးကြည့်ရင်မီးခိုးကြွက်လျှောက်ပဲ။

စစ်အာဏာသိမ်းပြီးနောက်ဒေါ်လာ၊ရွှေ၊ကား၊စက်သုံးဆီ၊စားသုံးဆီ၊ဆေးဝါးစတဲ့ဈေးနှုန်းတွေအပြိုင်အဆိုင်တက်လာပြီးအခုနောက်ဆုံးမြန်မာပြည်ရဲ့အဓိကစားသုံးကုန်ဖြစ်တဲ့ဆန်ဈေးတွေပါတက်လာပါပြီ။အရင်ကတစ်အိတ်ငါးသောင်းကျပ်ခန့်သာရှိတဲ့အကောင်းစားရွှေဘိုပေါ်ဆန်းဆန်ဈေးဟာအခုတစ်သိန်းဖြစ်သွားပြီ။ရွှေဘိုပေါ်ဆန်းဆန်ထွက်တဲ့စစ်ကိုင်းတိုင်းရွှေဘိုမြို့ပတ်ဝန်းကျင်မှာတိုက်ပွဲတွေကြောင့်စပါးမစိုက်နိုင်ကြတော့ဘူး။ဧရာဝတီတိုင်းဖက်ကအခြားဆန်အမျိုးအစားတွေလဲအလားတူဈေးတွေထိုးတက်နေတယ်။ ဆန်ဈေးဟာလည်းပြန်ကျဖို့လမ်းမမြင်ဘူး။စပါးစိုက်တဲ့အထက်ပိုင်းဒေသစစ်ကိုင်းနဲ့မကွေးမှာစစ်တပ်ကနယ်မြေတစ်ခုလုံးကိုအကြမ်းဖက်မီးရှို့လူသတ်နေလို့ဒေသခံတွေစပါးမစိုက်နိုင်တော့ပဲထွက်ပြေးနေရတယ်။အောက်ပိုင်းကဧရာဝတီတိုင်းမှာလဲဒေါ်လာဈေးကြောင်းဓာတ်မြေဩဇာဈေးတွေတက်နေလို့စိုက်ဧကတွေလျော့ကျနေတယ်။ဒီကြားထဲမှာထွက်သမျှစပါးတွေကိုစစ်ကောင်စီကဈေးကွက်ထဲပေးမဖြန့်ပဲလိုက်ဝယ်နေတယ်လို့သတင်းတွေကြားနေရတယ်။ပြည်တွင်းမှာဆန်ရှားလာပေမယ့်စစ်ကောင်စီကဒေါ်လာလိုအပ်နေတာကြောင့်ပြည်ပဆန်တင်ပို့မှုကိုမလျော့ပဲတိုးတောင်တိုးလာသေးတယ်။ဒါကြောင့်ရေရှည်မှာဆန်ဈေးဟာဆက်တက်ဖို့ပဲရှိမယ်။ ဆန်ဈေးတက်တာဟာအခြေခံလူတန်းစားများစွာကိုကြီးမားတဲ့ထိခိုက်မှုတွေရှိလာမယ်။အကုန်ငတ်လာကြတဲ့အချိန်တစ်ခုရောက်လာရင်လူတွေဟာလမ်းပေါ်ပြန်ထွက်ဆန္ဒပြကြမလား၊ခိုးဆိုးလုယက်ကြမှာလားဘယ်သူမှအသေအချာမပြောနိင်ဘူး။ကျိန်းသေတာကတော့ထိုအချိန်တစ်ခုဟာမကြာခင်ရောက်လာလိမ့်မယ်။

မြင်းမူမြို့နယ်လက်ပံကျင်းကျေးရွာကိုလည်းမနေ့ကတိုက်ပွဲဖြစ်ပွားခြင်းမရှိပဲရဟတ်ယာဉ်လေးစီးနဲ့လာရောက်ပစ်စီးနင်းတယ်။PDFတွေအစည်းအဝေးလုပ်နေတယ်ဆိုပြီးရွာကိုလေကြောင်းကနေစစ်သားတွေချပြီးစီးနင်းတာပါ။ရွာထဲမှာကိုယ်ထူကိုယ်ထပညာရေးစနစ်နဲ့စာသင်နေတဲ့မူလတန်းအရွယ်ကလေးငယ်တွေအပါအဝင်ပြည်သူတစ်ရာကျော်ခန့်ကိုလဲဖမ်းဆီးလိုက်တယ်။ကလေးတွေစာသင်နေတဲ့နေရာမှာPDFတွေအစည်းအဝေးလုပ်စရာဘာအကြောင်းမှမရှိဘူး။စစ်သူပုန်တွေကရမ်းကားချင်တိုင်းရမ်းကားနေတာ။ဒီနေ့မှာဖမ်းဆီးထားတဲ့ပြည်သူတစ်ရာကျော်ကိုပြန်လွှတ်ပေးလိုက်ပေမယ့်ရွာသားဆယ်ဦးခန့်ကိုအကြောင်းမဲ့သတ်ဖြတ်သွားသေးတယ်။ စစ်ကိုင်းတိုင်းကတော့စစ်သူပုန်တွေရဲ့ဒဏ်ကိုအလူးအလဲခံနေရဆဲပဲ။ထိရောက်တဲ့ကာကွယ်မှုတွေအခုထိမလုပ်နိုင်သေးဘူး။ပြီးခဲ့လကတော့စစ်ကိုင်းတိုင်းကPDFတွေအတွက်လက်နက်ကြီးတွေထောက်ပံဖို့ရံပုံငွေကောက်ခံရမှာသိန်းသုံးသောင်းနီးပါးရလိုက်တယ်။ထိုငွေတွေကိုအသုံးပြုပြီးစစ်ကိုင်းတိုင်းကိုကာကွယ်ပေးဖို့မျှော်လင့်နိုင်ကောင်းပါရဲ့။

စစ်ကိုင်းတိုင်း ရေဦးမြို့နယ် တင်းတိန်ရံရွာကြီးနှင့်စျေးကြီးကို စစ်ကောင်စီတပ်များနှင့် ပျူစောထီးများ လက်နက်ကြီးဖြင့်ပစ်ခတ်ဝင်လာပြီးနောက် နှစ်ရက်ဆက်မီးရှို့ခံရတယ်။တင်းတိန်ရံရွာဟာ အိမ်ခြေ တထောင်ကျော်ရှိပြီး စျေးမှာ ဆိုင်ခန်း ၂၀၀ခန့်ရှိကာ စျေးတစ်စျေးလုံးနီးပါးလောင်သွားပြီးရွာအတွင်း အိမ်ခြေ ၆၀ကျော် ပြာကျသွားတယ်။ တင်းတိန်ရံဈေးဟာရေဦးမြို့နယ်မှာဒုတိယအကြီးဆုံးဈေးတစ်ခုဖြစ်ပြီး ရေးဦးမြို့နယ်နှင့် ဒီပဲယင်းမြို့နယ်ရှိလူများမှာ အကြမ်းဖက်စစ်ကောင်စီတပ်ဖွဲ့ဝင်များက...

ဥကရစ်ကတိုက်ပွဲအပြီးတစ်လကျော်အကြာထိုဒေသမှာမငြိမ်သပ်သေးပဲတိုက်ပွဲတွေနေ့စဉ်ဆိုသလိုဖြစ်ပွားနေတယ်။စခန်းကိုမရလိုက်ပေမယ့်ဥကရစ်ထစစ်ကောင်စီစခန်းတည်ရှိရာမြဝတီဝေါလေလမ်းကိုKNUကထိန်းချုပ်ထားလို့စစ်ကောင်စီကထိုလမ်းကြောင်းကိုပြန်ရဖို့ကြိုးစားနေတာပါ။စစ်တပ်ကနေ့စဉ်နီးပါးစစ်အင်အားအလုံးအရင်းနဲ့စစ်ကြောင်းထိုးတယ်။KNUဘက်ကထိုလမ်းပေါ်ကသုံးထပ်ကွေ့မှာအထိုင်ချပြီးအပြင်းအထန်ခုခံနေလို့ထိုးသမျှစစ်ကြောင်းတိုင်းလိုရာမရောက်ပဲစစ်တပ်ဘက်ကအကျအဆုံးများစွာနဲ့ပြန်လည်ဆုတ်ခွာနေရတယ်။ဇူလိုင်လအတွင်းထိုဒေသကတိုက်ပွဲတွေမှာစစ်သူပုန်နှစ်ရာကျော်သေဆုံးသွားတယ်လို့သိရတယ်။ဒါကြောင့်အခုရက်ပိုင်းစစ်တပ်ဖက်ကဗျူဟာပြောင်းပြီးနှစ်ဖက်ညှပ်တိုက်ဖို့ပြင်ဆင်နေတယ်။ စစ်တပ်ဖက်ကအောက်ခြေစစ်သားတွေသေချင်သလိုသေဂရုမစိုက်ပဲလူအင်အားလက်နက်အင်အားအလုံးအရင်းသုံးပြီးတိုက်ခိုက်နိုင်ပေမယ့်တိုက်ပွဲကာလတစ်လကျော်ကြာလာချိန်မှာတော်လှန်ရေးတပ်ဖွဲ့တွေဘက်မှာတော့လူအင်အားလက်နက်အင်အားအကန့်အသတ်တွေရှိလာတယ်။စစ်တပ်ဖက်ကထိုဒေသကိုထိန်းချုပ်နိုင်ဖို့မရမကကြိုးစားမှာမို့အချိန်ကြာလာတာနဲ့အမျှKNUဘက်ထိန်းထားနိုင်ဖို့မလွယ်လောက်ဘူးထင်တယ်။

NUGရဲ့ဆော်ဩမှုဖြင့်တနိုင်ငံလုံးမှာပြည်သူ့သစ္စာအဓိဌာန်ပြုပွဲတွေဒီနေ့ပြုလုပ်ကြတယ်။ရန်ကုန်မှာဆိုသတ်မှတ်ထားတဲ့အချိန်၁၀နာရီ၃၇မိနစ်မှာသံပုံးတွေကားဟွန်းတွေတီးကြတယ်။စစ်ကောင်စီဖက်ကလဲတန်ပြန်သောအားဖြင့်မတရားဖမ်းဆီးမှုတွေအနိုင်ကျင့်မှုတွေဆက်တိုက်ပြုလုပ်နေတယ်။လှည်းတန်းဈေးမှာသံပုံးတီးလို့ဆိုပြီဈေးသည်တွေကိုရိုက်နှက်ဖျက်စီးသွားတယ်။ ဆူးလေဘုရားအနီးတစ်ဝိုက်မှာလဲ လမ်းပေါ်က လူငယ်တွေရဲ့ လက်ကိုင်ဖုန်းတွေမှာ ကြိုးပေးကွပ်မျက်မှုကို ဆန့်ကျင်တဲ့အနေနဲ့ ဖေ့စ်ဘွတ်ခ်လူမှုကွန်ရက်မှာ အနီရောင်နဲ့ အနက်ရောင် ပရိုဖိုင်းတွေတင်ထားတာ ရှိ၊ မရှိ စစ်ဆေးခဲ့ပြီးရှိရင်တခါထဲဖမ်းခေါ်သွားတယ်။ ညဘက်တွေမှာလဲညမထွက်ရအမိန့်ကို ည ၈ နာရီကနေ မနက် ၄...