အေအေတပ်တော်အနေနဲ့ ရခိုင်တောင်ပိုင်းမှာ သံတွဲမြို့ကိုရရှိနိုင်ဖို့ ကြိုးစားနေသလို ရခိုင်မြောက်ပိုင်းဘင်္ဂလားရှေဒ်နယ်စပ်က မောင်တောမြို့ကိုထိုးစစ်ဆင်နေပြီး
မောင်တောဒေသအတွင်းရှိ အကြမ်းဖက် စစ်ကောင်စီ၏ လက်ကျန်စခန်းများကို ဇူလိုင်လ ၆ရက်နေ့မှာ သိမ်းပိုက်လိုက်တယ်။ ရန်သူ့အလောင်း ၃၅၀ ကျော်၊ လက်နက်ခဲယမ်း၊
စစ်အသုံးအဆောင်ပစ္စည်းအများအပြား သိမ်းဆည်း ရရှိပြီး မောင်တောမြို့ကိုလဲအပြီးသတ်သိမ်းပိုက်နိုင်ဖို့ထိုးစစ်ဆင်နေပါတယ်။အကြမ်းဖက် စစ်တပ်၏ အရေးပါသော စခန်းကြီးများဖြစ်တဲ့ အနောက်ပိုင်းတိုင်း ဌာနချုပ်၊တောင်ကုတ် ဌာနချုပ်၊ စစ်တွေ ဌာနချုပ်နှင့် ဓညဝတီ ရေတပ်ဌာနချုပ်တို့ကို AAက ဖြတ်တောက်ပိတ်ဆို့ထားပြီး အချို့စခန်းများကို ထိုးစစ်ဆင်တိုက်ခိုက်နေကာ စခန်း တချို့ကိုလည်းတစ်ဝက်တစ်ပျက် သိမ်းဆည်းထားပြီးဖြစ်ကြောင်း AA ကထုတ်ပြန်ထားတယ်။ရခိုင်ပြည်နယ်မှာ အေအေဟာစစ်ဆင်ရေးကို နိုဝင်ဘာလ ၁၃ ရက် ၂၀၂၃မှာ စတင်ခဲ့တယ်။ဒါ့ကြောင့် ရခိုင်မှာ တိုက်ပွဲဖြစ်ပွားနေသည်မှာ ၇ လခွဲကျော် ကြာမြင့်နေပြီးမိုးတွင်းကာလဖြစ်သည့်တိုင် တိုက်ပွဲအရှိန်လျော့ကျသွားခြင်းမျိုးမရှိ၊ ရပ်တန့်ခြင်းမရှိဘဲ တစ်ရက်ပြီး တစ်ရက် ဆက်လက်မြင့်တက်လျက်ရှိပါတယ်။ စစ်ကောင်စီဘက်မှလည်း ကြည်း၊ရေ၊ လေ တပ်များအစုံသုံးပြီး ခုခံစစ်များဖြင့် အသည်းအသန် ခုခံနေပြီး AA ကလည်း လက်နက်ချအညံ့မခံသေးသော စစ်ကောင်စီ၏ တပ်စခန်းတိုင်းကိုထိုးစစ်ဆင်တိုက်ခိုက်လျက်ရှိတယ်။ ဒီပုံအတိုင်းဆို အေအေဟာ ရခိုင်ပြည်နယ်တစ်ခုလုံးကိုရရှိသညိအထိ စစ်ကောင်စီကို အဆက်မပြတ်ထိုးစစ်ဆင်သွားနိုင်တယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။