သြဂုတ် ၂၁၊ ၂၀၂၅။ (ကြာသပတေး)

ရန်ကုန်-မန္တလေး လမ်းဟောင်းကို ဖြတ်သန်းကုန်သွယ်နေတဲ့ ကုန်တင်ကားတစ်စီးကို စစ်အုပ်စုက ငွေကျပ် သိန်းနဲ့ချီ ဂိတ်ကြေး ကောက်ခံနေပါတယ်။ အဲဒီလမ်းဟောင်းမှာ ငွေကြေးကောက်ခံနေတဲ့ စစ်အုပ်စုရဲ့ ဂိတ်စခန်းပေါင်း သုံးဆယ်ကျော် ရှိတယ်။ ဂိတ်စခန်းတစ်ခုကို ငွေကျပ် တစ်သောင်းကနေ သုံးသောင်းအထိ ပေးနေရတာကြောင့် ဂိတ်စခန်းများတဲ့အတွက် စုပေါင်းကုန်ကျစားရိတ်ဟာ ရန်ကုန်ကနေ မန္တလေးအသွား တစ်ကြောင်းထဲတင် ဂိတ်ကြေးက လေးသိန်း ဝန်းကျင်ကျတယ်။ တကယ်ကို အတောင်းကြမ်းကြတာပါ။ ကုန်စည်ပို့ဆောင်ရာမှာ တစ်တန်ကို ငွေကျပ် ၅၅,၀၀၀ ရရှိနေပေမဲ့ ဂိတ်ကြေး၊ စက်သုံးဆီနဲ့ ဒရိုင်ဘာကြေး စတဲ့ ကုန်ကျစားရိတ်တွေကြောင့် ကုန်စည်သယ်ယူပို့ဆောင်ရေး ကားအများစုဟာ လုပ်ငန်းခေတ္တရပ်ဆိုင်း ထားကြရတယ်။ ဒီလိုသာကုန်စည်စီးဆင်းမှုရပ်တန့်သွားရင် ကုန်စျေးနှုန်းတွေထပ်တက်လာဦးမှာပါ။