ဗန်းမော်မြို့ကိုစစ်အုပ်စုက ပြန်လည်စိုးမိုးနိုင်ဖို့ရေကြောင်းကနေ အင်အားဖြည့်တင်းပြီးနောက်ပိုင်း ပြုလုပ်လာတဲ့တန်ပြန်ထိုးစစ်ကြောင့် KIAကသိမ်းပိုက်ထားတဲ့ မြို့ပေါ်ကအချို့နေရာတွေကို ပြန်လည်စွန့်လွတ်လိုက်ရတယ်။ဗန်းမော်မြို့အမြောက်တပ်နဲ့ လေယာဥ်ကွင်းနေရာအချို့ကနေ KIAတပ်ဖွဲ့တွေပြန်လည် ဆုတ်ခွာပေးလိုက်ရပါတယ်။စစ်တပ်ရဲ့တန်ပြန်ထိုးစစ်တွေကို မတားနိုင်ရင်တော့ဗန်းမော်မြို့ကို သိမ်းပိုက်မယ့်အစီအစဥ်ကို လက်လျော့လိုက်ရနိုင်ပါတယ်။
မန္တလေးတိုင်းမြင်းခြံမြို့မှာလဲ တော်လှန်ရေးတပ်ဖွဲ့တွေ ထိန်းချုပ်ထားတဲ့နေရာတွေကိုစစ်အုပ်စုက အင်အားထောင်ဂဏန်းနီးပါးသုံးပြီး စစ်ကြောင်းထိုးလာလို့ ထိန်းချုပ်ထားတဲ့နေရာအချို့ကနေ ဆုတ်ခွာပေးလိုက်ရတယ်။စစ်သူပုန်တွေနဲ့ ၁၀ရက်ကျော်ကြာတိုက်ပွဲတွေဖြစ်ပွားခဲ့ပြီး နောက်ဆုံးမှာ ခဲယမ်းမလုံလောက်မှုကြောင့် ဆုတ်ခွာပေးလိုက်ရတာလို့ သိရတယ်။မြင်းခြံမြို့ဟာနိုင်ငံအလယ်ပိုင်းဒေသဖြစ်တဲ့အတွက် ဒေသခံတော်လှန်ရေးအဖွဲ့တွေအတွက် ခဲယမ်းမလုံလောက်မှု ပြသာနာဟာရှိနေဆဲပါပဲ။ကြားရတဲ့ စစ်ရေးသတင်းတွေအားလုံးနီးပါးကတော့ တော်လှန်ရေးတပ်ဖွဲ့တွေ ဆုတ်ခွာပေးလိုက်ရတယ်ဆိုတဲ့ သတင်းတွေချည်းပါပဲ။
