ဇူလိုင် ၂၃၊ ၂၀၂၅။ (အင်္ဂါ)

သပိတ်ကျင်းမြို့ကို စစ်ကောင်စီပြန်သိမ်းသွားတဲ့အချိန်မှာ ဧရာဝတီမြစ်တလျောက်ဆန်တက်နေတဲ့ စစ်သင်္ဘောအုပ်စုဟာ မြို့နားကိုတောင်မရောက်သေးပါဘူး။စစ်ကောင်စီဟာရှိတဲ့အင်အားနဲ့ မြို့ကိုသိမ်းသွားနိုင်တာဖြစ်တယ်။အခုဆိုရင် ထိုစစ်သင်္ဘောအုပ်စုဟာ မြို့ကိုကမ်းကပ်ပြီးအင်အားတစ်ချို့ စစ်ကူချခဲ့ဦးမှာအသေအချာပဲ။ဒါဆိုရင်တော့ သပိတ်ကျင်းစဥ့်ကူးနယ်တဝိုက်ကို စစ်ကောင်စီကထိန်းချုပ်နိုင်ဖို့ ဆက်လက်ကြိုးစားလာပါလိမ့်မယ်။ရွှေလုပ်ကွက်တွေ ပေါ်တစ်နှစ်ကျော်ခုထိုင်ပြီး ဘာပြင်ဆင်မှုမှမရှိခဲ့တဲ့ရလဒ်ကို တော်လှန်ရေးအဖွဲ့တွေခံစားရတော့မှာပါ။ထိုဒေသဟာ MDY PDF ထိန်းချုပ်ထားတဲ့ဒေသဖြစ်တာကြောင့် ရွှေလုပ်ကွက်တွေကရရှိတဲ့ရွှေတွေ၊ အခွန်ငွေကိုတော်လှန်ရေးအတွက် အင်အားစုဆောင်းရာမှာမသုံးပဲ ဘယ်ရောက်သွားလဲ မေးခွန်းထုတ်ရမှာပါ။တော်လှန်ရေးကိုဦးစားမပေးပဲ ငွေနောက်ပဲလိုက်နေရင်တော့ နောက်ဆုံးမှာအရှုံးနဲ့သာ ရင်ဆိုင်ရပြီးလက်ဗလာချည်းသာကျန်ခဲ့မှာပါ။