မနေ့ကအပစ်ခံရလို့ ရွှေကူမြို့ဘက်အရေးပေါ်ဆင်းသက်လိုက်ရတဲ့ စစ်တပ်ရဟတ်ယာဥ်ကို KIAကအသေခံဒရုန်းနဲ့တိုက်ခိုက်ထားတဲ့ ဗီဒီယိုဖိုင်တစ်ခုပေါ်ထွက်လာခဲ့ပါတယ်။ထိုဒရုန်းဟာ ရဟတ်ယာဥ်ဆင်းသက်ခါနီးမှာ အဓိကပန်ကာဒလက်တွေကို ထမှန်ပြီးပေါက်ကွဲသွားတယ်။လေပေါ်မှာရှိနေသေးတဲ့ စစ်ကောင်စီရဟတ်ယာဥ်တစ်စီးကို ဒရုန်းနဲ့ပိုင်ပိုင်နိုင်နိုင်တိုက်ခိုက်နိုင်လိုက်တာဟာ မြန်မာ့တော်လှန်ရေးသမိုင်းမှာ ဒါပထမဆုံးပါပဲ။ဒီလိုနည်းဗျူဟာမျိုး ယူကရိန်းရုရှားစစ်ပွဲတွေမှာ တွေ့နေရပေမယ့် အခုမြန်မာပြည်တွင်းစစ်မှာတော်လှန်ရေးအင်အားစုတွေ စတင်အသုံးပြုလာနိုင်တာကြောင့်စစ်ကောင်စီရဲ့ လေယာဥ်ရဟတ်ယာဥ်တွေအတွက် အိမ်မက်ဆိုးတစ်ခုပါပဲ။
ထိုရဟတ်ယာဥ်ကိုKIAက ဒရုန်းတွေနဲ့အပြင်လက်နက်ကြီးတွေနဲ့ပါ ပစ်ခတ်နိုင်ခဲ့လို့ လုံးဝသုံးမရတော့ပါဘူး။ဒါ့ကြောင့်စစ်ကောင်စီဟာ ၂ရက်အတွင်းစစ်ဘက်ဆိုင်ရာသယ်ယူပို့ဆောင်ရေးရဟတ်ယာဥ် နှစ်စီးဆုံးရှုံးသွားခဲ့ပါတယ်။ဗန်းမော်မြို့တိုက်ပွဲမှာ စစ်ကူပေးနေတဲ့ရဟတ်ယာဥ်နှစ်စီးကို KIAကပစ်ချနိုင်ခဲ့တာကြောင့် နောက်ပိုင်းမှာ ရဟတ်ယာဥ်တွေနဲ့စစ်ကူပေးဖို့ စစ်ကောင်စီအနေနဲ့ လက်တွန့်သွားနိုင်တပါတယ်။ကုန်းလမ်း၊ရေလမ်းနဲ့လဲ စစ်ကူပေးနိုင်ခြင်းမရှိတာကြောင့် KIAရဲ့ဗန်းမော်မြို့သိမ်းတိုက်ပွဲဟာ ပိုမိုမြန်ဆန်လာနိုင်ပါတယ်။
