မင်းအောင်လှိုင်ကတော့ ရုရှားမှာအတော်ပျော်ရွှင်နေပုံပဲ။ပူတင်နဲ့ဖက်လှဲတကင်းနုတ်ဆက်နေတဲ့ ပုံတွေတွေ့ရတယ်။သားကအဖေကို တွေ့လိုက်သလိုမျိုးပဲ။သူ့ရဲ့ရုရှားခရီးစဥ်အောင်မြင်တယ်လို့ နေပြည်တော်ကသူ့လူတွေကို ပြန်ပြောထားတယ်လို့သိရတယ်။ခရီးစဥ်အတွင်းသဘောတူညီချက်များစွာ ရထားတယ်။နူကလီးယားဓာတ်အားပေးစက်ရုံ အသေးစားတစ်ခု ဆောက်လုပ်ပေးဖို့လဲပါတယ်။
မင်းအောင်လှိုင်ရဲ့အခုတခေါက် ရုရှားခရီးစဥ်ကို သတိထားစောင့်ကြည့်ရပါမယ်။အရင်အခေါက်တွေလို ခိုးကြောင်ခိုးဝှက်သွားတာမဟုတ်ပဲပူတင်က ဖိတ်လို့သွားတာဖြစ်တယ်။ရုရှားကစစ်ကောင်စီကို တရားဝင်အသိအမှတ်ပြုလိုက်တဲ့သဘောပဲ။ဒါဟာစစ်ကောင်စီအတွက် ကြီးမားတဲ့အသက်ရှူပေါက်တစ်ခု ဖြစ်လာမှာဖြစ်ပြီးနိုင်ငံရေးစစ်ရေးအကူအညီတွေ ရလာနိုင်ပါတယ်။စစ်ကောင်စီဟာ တရုတ်နိုင်ငံနဲ့လဲလောလောဆယ်မှာ ကောင်းမွန်ဆက်ဆံရေးရှိထားတယ်။တော်လှန်ရေးအင်အားစုတွေ ကိုယ့်အားကိုယ်ကိုးနေရချိန်မှာစစ်ကောင်စီဘက်မှာ အင်အားကြီးတရုတ်နဲ့ရုရှားနှစ်နိုင်ငံ ရှိနေတာဟာရေရှည်အတွက်သိပ်အဆင်မပြေပါဘူး။တော်လှန်ရေးအတွက် အချိန်အကန့်အသတ်ပိုရှိလာတဲ့သဘောပါပဲ။
