ဖေဖော်ဝါရီ ၁၂၊ ၂၀၂၅။ (ဗုဒ္ဓဟူး)​

စစ်ကိုင်းတိုင်းရဲ့မြို့တော် မုံရွာမြို့ အနီးဝန်းကျင်က စစ်ရှောင်စခန်းနဲ့ ကျေးရွာတွေကို မနေ့က ည၁၀နာရီကနေ ဒီမနက် ၁၀နာရီအထိ စစ်အုပ်စုက ဗုံးအလုံးရေ ၁၀၀ ကျော် ကြဲချခဲ့သလို လက်နက်ကြီးတွေနဲ့ပါ ပစ်ခတ် တိုက်ခိုက်လို့ ကလေးသူငယ်တွေ အပါအဝင် ၁၀ ဦး ထက်မနည်း သေဆုံးပြီး အများအပြား ထိခိုက် ဒဏ်ရာရရှိခဲ့တယ်။ ဒဏ်ရာရသူတွေထဲက တချို့ဟာ ပြင်းထန်ပြီး အသက်မန္တရာယ် စိုးရိမ်ရပါတယ်။ စစ်ကောင်စီတိုက်ခိုက်မှုတွေလုပ်ဆောင်သွားတဲ့ ဒေသတွေဟာ မုံရွာ၊ ချောင်းဦးနဲ့ ဆားလင်းကြီးမြို့နယ်တွေဖြစ်ပြီး ဧရိယာအားဖြင့်ကျယ်ပြန့်ပါတယ်။ မြေပြင်မှာ တိုက်ပွဲမရှိပဲ စစ်ရှောင်စခန်းနဲ့ ကျေးရွာတွေကို စစ်အုပ်စုက လေကြောင်းဗုံးကြဲတာဟာ မြေပြင် သတင်းပေါက်ကြားသွားခဲ့တာကြောင့် သိရတယ်။မြေပြင်မှာ စစ်အုပ်စုစခန်းတွေကို ဝင်တိုက်မှာလိုလို နဲ့ သိုသိုသိပ်သိပ် မလုပ်ကြတော့ စစ်အုပ်စုက သတင်း ရသွားပြီးတော့ မြေပြင်မှာ စုဖွဲ့မှု ရှိနိုင်တယ်လို့ သူတို့ထင်တဲ့ နေရာတွေကို ခန့်မှန်းပြီးဗုံးကြဲသွားတာပါ။နောက်ဆုံးတော့ပြည်သူတွေပဲ ထိခိုက်သေဆုံးကြရတာကြောင့် စစ်ကိုင်းတိုင်းထဲမှာ စစ်ရေးလှုပ်ရှားမှုတွေကို သတင်းမပေါက်ကြားအောင် ထိန်းသိမ်းဖို့လိုနေပါပြီ။