မေ ၂၃၊ ၂၀၂၄။ (ကြာသပတေး)

ဘင်္ဂလားပင်လယ်အော်ထဲကမုန်တိုင်းရဲ့  အရှိန်ကြောင့်တနိုင်ငံလုံးမှာ မိုးတွေစရွာလာပြီ။ ပူပြင်းလှတဲ့ဒီ နွေရာသီရဲ့ဒုက္ခက ပြည်သူတွေခဏတာ လွတ်​​​မြောက်သွားတာပေါ့။ မုတ်သုန်လေပါ တခါထဲဝင်လာမယ် လို့ မျှော်လင့်ရတာပဲ။ ဒီနွေရာသီကတော့ အတော့်ကို  ပူပြင်းလှပါတယ်။ လျှပ်စစ်မီး ပျက်တောက်တဲ့ ဒဏ်ကလဲ တစ်နှစ်ထက်တနှစ်ပိုမိုဆိုးရွာလာတယ်။ နောက်ဆုံးသတင်အရတော့  စက်မှုဇုန်တွေကို တစ်နေ့နှစ်နာရီသာ​မီးပေးတော့မယ်လို့သိရတယ်။ စက်ရုံတွေကတော့ တနေကုန် မီးစက်မောင်းပေါ့။ လက်ရှိဆီစျေးကြောင့် မီးစက်မမောင်းနိုင်တဲ့စက်ရုံတွေ ရပ်နားသွားကြတယ်။ ဆက်လည်ပတ်နေတဲ့ လုပ်ငန်းတွေကလဲ ကုန်ထုတ်လုပ်မှုစားရိတ်အပေါ် မီးစက်ဆီဖိုးထပ်ပေါင်းတော့ ကုန်ပစ္စည်းတွေ စျေး ပိုတက်ကုန်တာပေါ့။ ဒီလိုနဲ့ပဲ သံသရာလည် နေတော့တာပါပဲ။ မိုးကျလာရင်တော့ ဒီဒုက္ခတွေ လျော့ပါးသွားမယ်လို့ထင်ရတာပဲ။