ရန်ကုန်ကထိုင်းသံရုံးမှာဗီဇာရဖို့လူအုပ်ကြီးနဲ့တန်းစီစုပြုံထိုးနေစဉ်အတွင်းမှာပဲမန္တလေးမြို့၊ အောင်မြေသာစံမြို့နယ်ရှိ နိုင်ငံကူးလက်မှတ်ထုတ်ပေးသည့်ရုံး (ပတ်စ်ပို့ရုံး) တွင် နိုင်ငံကူးလက်မှတ်လျှောက်ထားရန် လူထောင်နှင့်ချီ စုပြုံတိုးစဉ် လူအုပ်ပိ၍ အမျိုးသမီးနှစ်ဦး သေဆုံးသွားတယ်။မန္တလေးပတ်စ်ပို့ရုံးတွင် နေ့စဉ် လူဦးရေ ၂၀၀ ဝန်းကျင်ကိုသာ ရုံးအတွင်းဝင်ရောက် လျှောက်လွှာတင်ခွင့် ပြုထားသော်လည်း လူဦးရေ ၅၀၀၀ နီးပါးက ညအိပ်စောင့်ဆိုင်းပြီး ရုံးဖွင့်ချိန်တွင် စုပြုံတိုးရာမှလူနှစ်ဦးသေဆုံးသည်အထိဖြစ်ပေါ်ခဲ့တာပါ။မန္တလေးပတ်စ်ပို့ရုံးတွင်နိုင်ငံကူးလက်မှတ်လုပ်ရန်ညစဉ်စောင့်ဆိုင်းသူထောင်ဂဏန်းခန့်ရှိနေတယ်။ရုံးဖွင့်တဲ့အချိန်ရောက်ရင်လူအုပ်ကြီးကကြောက်စရာကြီးဖြစ်နေပြီ။ လူတွေက ဒုက္ခမျိုးစုံ ပေတေဒဏ်ခံပြီးစောင့်နေရတော့သည်းခံစိတ်လည်းမရှိကြတော့ဘူး၊ တခုခုဆို သွေးဆူနေကြတယ်။တံခါးဖွင့်ကာနီးဆို လူအုပ်ကြီးက တဖြည်းဖြည်းများလာပြီး တိုးဝှေ့နေကြတယ်။ သူတို့အထဲက ဝန်ထမ်းတွေ၊ ရဲတွေကလည်း ဆဲဆိုငေါက်ငမ်းပြီး သေနတ်နဲ့ ခြိမ်းခြောက်လည်းမမှုကြတော့ဘူး။အသက်ကြီးသူတွေ၊နှလုံးရောဂါရှိသူတွေ၊မောပန်းမူးဝေတတ်သူတွေသွားမတန်းစီသင့်တော့ဘူး၊မကြာခဏထိခိုက်ဒဏ်ရာရတာတွေ၊လူအုပ်ပိတာတွေ၊ဖိနပ်ပျက်တာတွေကဖြစ်ရိုးဖြစ်စဉ်လိုဖြစ်နေပြီ။တန်းမစီနိုင်ရင်လဲနေရာဝယ်လို့ရသေးတယ်။နေရာဝယ်တာက ပေါက်ဈေးအစားစားရှိတယ်။ နံပါတ်တစ်ကနေ သုံးဆယ်အတွင်း ခုနှစ်သိန်း ရှစ်သိန်းအထိ ပေါက်ဈေးရှိတယ်။ပြီးရင်အထဲမှာရက်ချိန်းမြန်အောင်ထပ်ပေးရတာတွေလည်းရှိတယ်။လုပ်စားနေကြသူတွေကတော့ပတ်စပို့ရုံးကဝန်ထမ်းတွေနဲ့ရဲတွေပါပဲ။ဒီလိုအခြေအနေတွေကြောင့်တချို့တွေဆိုရင်သုံးလေးရက်ဆက်တိုက်အိပ်ပျက်ခံသွားတန်းစီတာကိုမရကြဘူး။တစ်ချို့တော့ ရန်ကုန်ကို သွားလုပ်ကြတယ်။
စစ်မှုထမ်းဥပဒေထုတ်ပြန်ပြီးနောက် ချက်ချင်းဆိုသလို လူငယ်အများအပြားက ပြည်ပထွက်ခွာရန် စီစဉ်လာကြရာ နိုင်ငံကူးလက်မှတ်ထုတ်ပေးသည့် ရုံးများတွင် စုပြုံတိုးသည့် အခြေအနေ ပေါ်ပေါက်လာခြင်းဖြစ်ပါတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...