ရခိုင်ပြည်နယ်မှာအေအေကပလက်ဝပြီးနောက်ဒုတိယမြောက်မြို့အဖြစ်ပေါက်တောမြို့ကိုထပ်မံသိမ်းပိုက်လိုက်ပါတယ်။မနေ့ကတနေကုန်နီးပါးတိုက်ပွဲတွေပြင်းထန်စွာဖြစ်ပွားပြီးစစ်ကောင်စီကကြည်းရေလေပူးပေါင်းခုခံခဲ့ပေမယ့်နောက်ဆုံးမှာတော့မြို့ကိုအေအေကသိမ်းပိုက်နိုင်ခဲ့တယ်။နယ်မြေရှင်းလင်းရေးလုပ်နေတာကြောင့်မြို့ခံတွေကိုတော့မြို့ထဲပြန်ဝင်ခွင့်မပြုသေးဘူး။ ရခိုင်ပြည်နယ်မြို့တော်စစ်တွေအရှေ့ဘက်ရေမိုင်၁၆မိုင်ခန့်အကွာတွင်ရှိသောပေါက်တောမြို့ကို၂၀၂၃နိုဝင်ဘာလလယ်လောက်ကတည်းကအေအေကစတင်တိုက်ခိုက်ခဲ့တာပါ။ထိုအချိန်ကအေအေကမြို့မရဲစခန်းကိုစီးနင်းပြီးပြန်ဆုတ်ခွာပြီးနောက်စစ်တပ်ကပေါက်တောမြို့ကိုပြန်လည်ထိန်းချုပ်ကာဒေသခံအများအပြားကိုလူသားဒိုင်းအဖြစ်ဖမ်းဆီးထားခဲ့တယ်။ဒါကြောင့်မြို့တွင်းတိုက်ပွဲများဖြစ်ခဲ့ပြီးအေအေကဒေသခံတွေကို၃ကြိမ်ထက်မနည်းကယ်ထုတ်ခဲ့ရတယ်။လက်ရှိအချိန်မှာပေါက်တောမြို့ပတ်ဝန်းကျင်မြို့တွေမှာလဲတိုက်ပွဲတွေဖြစ်ပွားနေပြီးမင်းပြားနဲ့ရမ်းဗြဲမြို့တွေမှာဆိုစစ်တပ်ကမြိုပေါ်ရပ်ကွက်တွေကိုရည်ရွယ်ချက်ရှိရှိလက်နက်ကြီးတွေလေကြောင်းတွေနဲ့အပြင်းအထန်တိုက်ခိုက်နေလို့ပိတ်မိနေတဲ့ဒေသခံပြည်သူတချို့သေဆုံးမှုတွေရှိနေတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။