ရှမ်းပြည်နယ်မြောက်ပိုင်းတရုတ်နယ်စပ်လောင်းကစားမြို့တော်လောက်ကိုင်ကစစ်ကောင်စီတပ်တွေအလုံးအရင်းနဲ့လက်နက်ချပြီးနောက်တစ်ရက်မှာပဲရခိုင်ပြည်နယ်မြောက်ပိုင်းကျောက်တော်မြို့နယ်ကစစ်ကောင်စီရဲ့တင်းမတောင်ရှည်ဗျုဟာစခန်းကြီးတစ်ခုလုံးအေအေထံလက်နက်ချအညံခံခဲ့ကြတယ်။ထိုစခန်းကိုအေအေကဒီဇင်ဘာလ၂၅ရက်နေ့ကစပြီးထိုးစစ်ဆင်တိုက်ခိုက်ခဲ့တာဖြစ်ပြီး၁၀ရက်ကျော်အပြင်းအထန်တိုက်ခိုက်ခဲ့ရတယ်။ကနဦးရက်တွေမှာအေအေဘက်ကအလံဖြူထောင်ခိုင်းပေမယ့်ဆက်လက်ခုခံနေလို့အင်အားအပြည့်နဲ့ချေမှုန်းတိုက်ခိုက်ခဲ့ရပြီးအခုမှလက်နက်ချကြတာပါ။ထိုဗျုဟာကုန်းဟာစစ်ရေးအရအရေးပါပြီးအနီးရှိစစ်ကောင်စီတပ်စခန်းတွေကိုလက်နက်ခဲယမ်းပို့ပေးရာနေရာလဲဖြစ်တယ်။ထိုနေရာမှာစစ်ကောင်စီတပ်တွေဟာ၂၀၂၀လောက်ကတည်းကလာရောက်တပ်စွဲနေထိုင်ခြင်းဖြစ်ကာစစ်သူပုန်တွေအခိုင်အမာတပ်စွဲနေထိုင်ပြီးဒေသခံတွေကိုဒုက္ခမျိုးစုံပေးခဲ့တာကြောင့်အနီးရှိတင်းမရွာကြီးတရွာလုံးကပြည်သူတွေဒီနေ့ထိထွက်ပြေးတိမ်းရှောင်နေရတယ်။အိမ်ခြေရာကျော်ရှိတဲ့တင်းမရွာကြီးတစ်ခုလုံးလဲအခုဆိုရင်တောကြီးမျက်မည်းဖြစ်နေပြီ။
အေအေတပ်တော်ဟာရခိုင်ချင်းနယ်စပ်ပလက်ဝမြို့နဲ့ရခိုင်မြောက်ပိုင်းကစစ်တပ်ရဲ့အမာခံစခန်းကုန်းကြီးများကိုဆက်လက်ထိုးစစ်ဆင်တိုက်ခိုက်နေတယ်။စစ်ကောင်စီဘက်ကလဲထိုစခန်းတွေမကျစေရေးအတွက်အတွဲလိုက်ဒုံးတွေ၊လက်နက်ကြီးတွေလေကြောင်းပစ်ကူတွေသုံးပြီးအပြင်းအထန်ခုခံလျက်ရှိတယ်။
အောက်တိုဘာ ၀၆၊ ၂၀၂၄။ (တနင်္ဂနွေ)
ဒီရက်ပိုင်းမှာတော့စစ်ကောင်စီဟာအသက်ရှူချောင်နေပါတယ်။စစ်ရေးပိုင်းမှာတရုတ်ဖိအားကြောင့်မြောက်ပိုင်းထိုးစစ်တွေကြီးကြီးမားမားမလုပ်တော့ပဲရပ်တန့်ထားရတယ်။ဒါ့အပြင်ရေဘေးကြောင့်နိုင်ငံရဲ့နေရာဒေသအနှံအပြားမှာလဲတော်လှန်ရေးထက်ကယ်ဆယ်ရေးကိုဦးစားပေးလုပ်နေရတယ်။ နိုင်ငံရေးပိုင်းမှာတော့စစ်ကောင်စီဟာလောလောဆယ်မှာသန်းခေါင်စာရင်းကိုတွန်းကောက်နေတယ်။ပြီးရင်လာမယ့်နှစ်ဒီအချိန်မှာအတုအယောင်ရွေးကောက်ပွဲတစ်ခုပြန်လုပ်ပေးမယ်လို့လေသံပစ်ထားတယ်။ စီးပွားရေးဘက်မှာလဲတရုတ်ကပေးထားတဲ့ယွမ်ငွေတစ်ဘီလီယံကြောင့်လတ်တလောကြုံတွေ့နေရတဲ့ငွေကြေးအကြပ်အတည်းကစစ်ကောင်စီဟာလွတ်မြောက်သွားတယ်။ဒေါ်လာစျေးတွေသိသိသာသာကျလာတယ်။စက်သုံးဆီပြတ်လတ်မှုတွေမရှိသလောက်ဖြစ်သွားတယ်။ဒါပေမယ့်စစ်ကောင်စီပဲအသက်ရှူချောင်တာပါ။သာမာန်ပြည်သူတွေကတော့အရင်အတိုင်းကုန်စျေးနှုန်းကြီးမြင့်မှုတွေနဲ့စီးပွားရေးအကြပ်အတည်းတွေကိုရင်ဆိုင်နေရဆဲပါပဲ။