ဒီဇင်ဘာ ၁၉၊ ၂၀၂၃။ (အင်္ဂါ)

ပဲခူးတိုင်းအရှေ့ခြမ်းမုန်းမြို့ကိုဒီလဆန်းပိုင်းက စစ်ကောင်စီ၏ ခမရ(၅၉၀) ၊ ခမရ(၅၉၉) ၊ မုန်းရဲစခန်းအပါအဝင်စစ်ကောင်စီတပ်များကိုKNUပူးပေါင်းတပ်များကတိုက်ခိုက်သိမ်းပိုက်နိုင်ခဲ့ပေမယ့်အခုတော့စစ်တပ်ကပြန်လည်ထိန်းချုပ်လိုက်ပါပြီ။စစ်ကောင်စီရဲ့တပ်ရင်းဌာနချုပ်များတိုက်ခိုက်သိမ်းပိုက်ခံရတာကြောင့်စစ်တပ်ကပြန်လည်ထိန်းချုပ်အပြီးမှာ မုန်းမြို့ရှိ စျေးဆိုင်တန်းများကို စစ်ကောင်စီက မီးရှို့ဖျက်ဆီးနေပါတယ်။ဒေသခံများကိုလည်း မောင်းထုတ်နေတယ်လို့သိရတယ်။အဆိုပါဈေးဆိုင်တန်း များအားမီးရှို့ဖျက်ဆီးခြင်းများမပြုလုပ်မီ(၅)ရက်ခန့်အလိုတွင်စစ်ကောင်စီတပ်သားများမှဈေးဆိုင်တန်းများရှိ ပစ္စည်းများကို ဖောက်ထွင်းခိုးယူပြီး ပစ္စည်းများကို စျေးပေါပေါဖြင့် ပြန်လည်ရောင်းချခဲ့တယ်။ထို့အပြင် တစ်ချို့ရေခဲသေတ္တာနှင့် အခြားပစ္စည်းများကိုလည်း ဖျက်ဆီးခဲ့သည်သာမက တံတားပေါ်တွင် ပစ္စည်းများကို ဖျက်ဆီးပြီးမုန်းချောင်းထဲပစ်ချခဲ့တယ်။အခုလောလောဆယ်တော့စစ်တပ်ရဲ့မီးရှို့ဖျက်စီးမှုကြောင့်မုန်းမြို့မစျေးမီးလောင်နေပါတယ်။
ကရင်ပြည်နယ်၊ပဲခူးတိုင်းအပါအဝင်နိုင်ငံတောင်ပိုင်းစစ်ဒေသရဲ့အခြေအနေဟာထင်သလောက်တိုးတက်လာခြင်းမရှိသေးပါဘူး။မြောက်ပိုင်းမှာတမြို့ပြီးတမြို့သိမ်းနေပေမယ့်တောင်ပိုင်းမှာတော့သိမ်းထားတဲ့တစ်ခုတည်းသောမုန်းမြို့ကိုရက်ပိုင်းအတွင်းပြန်လည်လက်လွတ်လိုက်ရတယ်။သတင်းတွေထုတ်ပြန်တော့ကိုယ့်ဘက်ကအင်အား၁၅၀၀နဲ့နယ်မြေရှင်းလင်းရေးလုပ်နေတယ်ဆိုပြီးတကယ်သာအင်အား၁၅၀၀လက်နက်ခဲယမ်းအပြည့်အစုံရှိနေပါကမုန်းမြို့ကိုပြန်လည်လက်လွတ်စရာဘာအကြောင်းမှမရှိဘူး။မုန်းမြို့ကိုမထိန်းနိုင်ရင်အစောကတည်းကသိမ်းဖို့မစီစဉ်သင့်ဘူး။အခုတော့မြို့နေဒေသခံတွေကိုစစ်တပ်ကကောင်းကောင်းဒုက္ခပေးတော့တာပေါ့။KNUဟာလဲကရင်ပြည်နယ်ထဲမှာအခုချိန်ထိကော့ကရိတ်မြို့မှာတင်လည်နေဆဲပဲ။အတွေ့အကြုံရင့်အင်အားကြီးEAOတစ်ခုဖြစ်တဲ့KNUရှိနေတဲ့တောင်ပိုင်းဟာမြောက်ပိုင်းနဲ့တန်းတူမလိုက်နိုင်ရင်တော့အခုလောက်ထိပြတ်ကျန်မနေသင့်ဘူးထင်တယ်။