ရှမ်းမြောက်ကိုးကန့်ကုန်းကြမ်းဒေသ အခြေစိုက် ခလရ(၁၂၅) တပ်ရင်းမှူးသည် တိုက်ပွဲဖြစ်ပွားနေစဉ် အလံဖြူထောင်ကာ ကိုးကန့်တပ်မတော်(MNDAA) ထံ လာရောက်ဆွေးနွေးပြီး လက်နက်ချ အလင်းဝင်ခဲ့တယ်လို့သိရတယ်။ထိုတပ်ရင်းမှတပ်ရင်းမှူးဟာ ရဲဘော်တစ်ယောက်နှင့် အတူ MNDAAထံသို့ရောက်လာပြီး လက်နက်ချအလင်းဝင်ရန် ဆွေးနွေးတောင်းဆိုခဲ့ကြောင်း၊ ဒဏ်ရာရလူနာများကိုကုသကယ်ဆယ်ပေးရန်နှင့် မိသားစုဝင်များ၏နေထိုင်ရေး စီစဉ်ပေးရန် အကူအညီတောင်းခံခဲ့ကြောင်း၊ ၎င်းတို့တောင်းဆိုချက်များကို သဘောတူညီပြီးနောက် ညနေပိုင်းတွင် ၎င်းတပ်ရင်းမှူးသည်လက်အောက်ငယ်သားများအားလုံးခေါ်ဆောင်ပြီးMNDAAထံသို့လက်နက်ချအလင်းဝင်လာခဲ့တာဖြစ်တယ်။အဆိုပါ ခလရ(၁၂၅) တပ်ရင်းမှူး၏ပြောဆိုချက်အရ စစ်ကောင်စီ အမှတ်(၁၆) စစ်ဆင်ရေးကွပ်ကဲမှုဌာနချုပ်(စကခ – ၁၆)၏ စကခမှူးမှာ နိုဝင်ဘာ ၂၇ ရက်တွင် အဖွဲ့ဝင်(၁၀၀)ကျော်ကို ခေါ်ဆောင်ပြီး ထွက်ပြေးသွားခဲ့တယ်တဲ့။
ယခု ခလရ(၁၂၅) တပ် အလင်းဝင်လာခြင်းသည် ၁၀၂၇ စစ်ဆင်ရေး ကာလအတွင်း တပ်ရင်း တစ်ရင်းလုံး အလင်းဝင်ရောက်မှု တတိယအကြိမ်ဖြစ်ပြီး နိုဝင်ဘာ ၁၂ရက်ကလည်း ခမရ(၁၂၉)တပ်ရင်းက လူဦးရေ ၂၆၀ အလင်းဝင်ခဲ့သေးတယ်။ပြီးခဲ့တဲ့ရက်ကလဲချင်းပြည်နယ်ကရေဇွာမြို့သိမ်းတိုက်ပွဲမှာစစ်ကောင်စီတပ်ဗိုလ်တစ်ဦးအပါအဝင်အင်အား၃၀ကျော်လက်နက်ချသေးတယ်။ဒါ့ကြောင့်တနိုင်ငံလုံးကတိုက်ပွဲတွေမှာစစ်သူပုန်တွေလက်နက်ချတာ၊အလင်းဝင်းတာတွေဟာခပ်စိတ်စိတ်ဖြစ်လာနေပါပြီ။
