ကရင်အမျိုးသားလွတ်မြောက်ရေးတပ်မတော်(KNU/ KNLA) နဲ့မဟာမိတ်တွေရဲ့ စစ်ရေးထိုးစစ်ကြောင့် အာဏာသိမ်းချိန်ကစတင်ပြီး ၂၀၂၃ နှစ်လယ်ပိုင်းအထိ အာဏာသိမ်းစစ်ကောင်စီဟာ တပ်စခန်း ၆၂ ခု ဆုံးရှုံးထားတယ်လို့ KNUကထုတ်ပြန်လိုက်တယ်။စစ်ကောင်စီလက်လွှတ်ခဲ့ရတဲ့ စခန်းတွေဟာ သထုံခရိုင်မှာ ၁၇ ခု ၊ တောင်ငူမှာ ၆ ခု ၊ ညောင်လေးပင်မှာ ၁၃ ခု ၊ တနင်္သာရီမှာ ၁ ခု ၊ဖာပွန်မှာ ၂၁ ခု ၊ ကြာအင်းဆိပ်ကြီးမှာ ၅ ခုတို့ဖြစ်တယ်။သံလွင်မြစ်ကမ်းတလျောက်ကအဓိကစစ်စခန်းတွေကိုစစ်ကောင်စီတပ်ဟာဆုံးရှုံးထားတယ်။ဒါဟာသံလွင်မြစ်ကမ်းတလျှောက်မှာKNUကအပြည့်အဝကိုထိန်းချုပ်ထားနိုင်တဲ့သဘောပဲ။ဒါ့အပြင်ထိုစခန်းတွေကိုသိမ်းပိုက်နိုင်တာကြောင့်KNUဟာထိုင်းနိုင်ငံနဲ့ထိစပ်နေတဲ့နယ်နိမိတ်တွေကိုထိန်းချုပ်မှုပိုရလာပါတယ်။ပြီးခဲ့တဲ့တပတ်ကတင်ထိုင်းနယ်စပ်ကရေတလျှောက်စခန်းကိုKNUနဲ့ပူးပေါင်းတပ်တွေကသိမ်းပိုက်ထားခဲ့ပါသေးတယ်။စစ်ကောင်စီဟာ ဆုံးရှုံးလိုက်ရတဲ့နယ်မြေတွေကို ပြန်မရပေမယ့်သူတို့ရဲ့လေကြောင်းတိုက်ခိုက်မှုကြောင့် KNU နယ်မြေမှာ စစ်ရှောင် အရေအတွက် ၆ သိန်းကျော် ရှိလာတယ်လို့ သိရတယ်။
ဇူလိုင် ၂၁၊ ၂၀၂၄။ (တနင်္ဂနွေ)
တရုတ်ရဲ့ဖိအားပေးမှုကြောင့်ကိုးကန့်တပ်တော်MNDAAကဒီလကုန်ထိအပစ်ရပ်ဦးမယ်လို့ကြေညာလိုက်ပါတယ်။ပြီးခဲ့တဲ့ရက်တွေကလဲတရုတ်မှာညီလာခံရှိလို့ဆိုပြီးလေးရက်ကြာတဖက်သတ်အပစ်ရပ်ပြီးပြီ။အခုလဲထပ်ပြီးအပစ်ရပ်ရဦးမယ်တဲ့။ တရုတ်ဟာ၁၀၂၇စစ်ဆင်ရေးအပိုင်း၂ဆင်နွဲနေတဲ့မြောက်ပိုင်းမဟာမိတ်တပ်တွေကိုနည်းလမ်းမျိုးစုံသုံးပြီး ဖိအားပေးနေပါတယ်။MNDAAအဖွဲ့လားရှိုးကိုစတိုက်တဲ့ဇူလိုင်၃ရက်နေ့ကစပြီးလောက်ကိုင်မြို့ကိုလျပ်စစ်မီးတွေဖြတ်တောက်ခဲ့တယ်။ဒါ့အပြင်MNDAAထိန်းချုပ်ထားတဲ့နယ်စပ်ကုန်သွယ်ရေးဂိတ်တွေကိုလဲတရုတ်ဘက်ကပိတ်ပစ်ခဲ့တယ်။အခုလဲမကြာခဏအပစ်ရပ်ခိုင်းနေပြန်ပြီ။ တရုတ်ဟာတော်လှန်ရေးအဖွဲ့တွေဘက်ရောစစ်ကောင်စီဘက်ကိုပါပြိုင်တူဖိအားပေးပြီးသူလိုချင်တဲ့လမ်းကြောင်းကို ရောက်အောင်ပုံသွင်းနေပါတယ်။စစ်ခေါင်းဆောင်မင်းအောင်လှိုင်ကိုလဲ...