ဩဂုတ် ၂၂၊ ၂၀၂၃။ (အင်္ဂါ)

မြဝတီမြို့အနီးလက်ခက်တောင်ကိုKNUကတိုက်ခိုက်သိမ်းပိုက်ထားတာတစ်လပြည့်သွားပါပြီ။ဒီတလအတွင်းမှာထိုနေရာကိုပြန်ရဖို့စစ်ကောင်စီတပ်တွေ၁၀ကြိမ်ထက်မနည်းထိုးစစ်ဆင်တိုက်ခိုက်နေပေမယ့်တောင်ခြေနားတောင်မကပ်နိုင်သေးပါဘူး။စစ်ကောင်စီတပ်တွေရဲ့ဗုံးကြဲတိုက်ခိုက်မှုကြောင့်တောင်ပေါ်ကသာသနိကအဆောက်အအုံအတော်များများလဲပျက်စီးသွားပြီ။စစ်တပ်လော်ဘီရပ်ကွက်မှာတော့လက်ခက်တောင်ကိုဒီနေ့ရမယ်၊မနက်ဖြန်ရမယ်ဆိုပြီးပြောဆိုနေကြပေမယ့်လက်တွေ့မြေပြင်မှာတော့စစ်တပ်ဖက်သာအကျအဆုံးများလျက်ရှိတယ်။
စစ်တပ်ထဲကလာတဲ့သတင်းအရင်းအမြစ်တစ်ခုအရကရင်နီနဲ့ကရင်ပြည်နယ်ကစစ်ဆင်ရေးတွေကိုနေပြည်တော်ကမင်းအောင်လှိုင်လူယုံဗိုလ်ချုပ်ကြီးတစ်ဦးကတိုက်ရိုက်ကိုင်တွယ်နေတယ်လို့သိရတယ်။ဒါကြောင့်အခုနောက်ပိုင်းမှာလက်နက်အင်အားနဲ့လေကြောင်းပစ်ကူကိုအဆမတန်သုံးလာတာတွေ့ရတယ်။ဒီလိုအခြေအနေမျိုးမှာလက်ခက်တောင်ကိုတလကျော်ထိန်းထားနိုင်တာဂုဏ်ယူစရာတစ်ခုပဲ။